بنت وولد

انا هاحكيلكم حكاية كلكم عارفنها...وبنشوفها كل يوم...الحكاية عن ظاهرة المصاحبة
واحد مصاحب واحدة...واخوها عاوز يصاحب اخته...الولد رفض طبعا...وضربها وبهدلها..قالها ديه قلة ادب....والبنت صاحبته عرفت...وماعترضتش...مع ان كلامه لاخته معناه انه مابيحترمش اللي بتصاحب...يعني اساس علاقتهم غلط...مافيهاش احترام وبالتالي مافيهاش ثقة...ده معناه انه ممكن يغتصب صاحبته مثلا...وبرضه صاحبته ماعترضتش

بيعمل حاجة مش مقتنع بيها...او بيرفضها اصلا...حلال عليه وحرام علي غيره.
طيب بادام شايفها حاجة قلة ادب وبيخاف علي اخته...ليه بيعمل كده من اصله؟
بيخاف علي اخته ومابيخفش علي بنات الناس


المصاحبة ديه ظاهرة طلعت في مجتمع يمر بمرحلة انتقالية خطيرة..ولو المرحلة ديه مانتهتش او تسارعت ممكن يحصل كلرثة ضخمة اكبر بكتير من الكوارث اللي بنشوفها بسبب العرض...المجتمع طالع من مرحلة متدينة...او خلينا نقول عرفية مليئة بحدود التقاليد

ورايح لمرحلة السفالة وقلة الادب...هاتختفي مرحلة المصاحبة العادية...حب كانت او مصلحة...وهاتطلع ظاهرة البوي فريند...بكل ماتحمله الكلمة من معني....الاول ماكنش فيه مصاحبة...وبالتالي ماكنش فيه جرائم كتير زي اللي بنشوفها النهارده....وبكره هايبقي فيه بوي فريند...مش هايبقي عيب ان البنت تبقي مرتبطة من غير جواز....زي الغرب...المهم ماتبقاش مومس



طيب الحل ايه...اقولكواالحل ايه....الحل هو تغير النظام...من بعيد الموضوع بيبان اجتماعي بحت...مافيش دخل للنظام فيه..بس كل ده هو مراحل مرت بيها اوربا وامريكا قبل كده...واحنا دلوقتي بنعاني من تأثيرهم...بعد التطور...او خلينا نقول الانحدار في شكل الهدوم...هاتتطلع ظواهر كتير...وبعدين هاتختفي فكرة الدين...هانبقي ملحدين يا عرب...وماحدش يقولي مش هايحصل...بص لاوربا اللي كانت من قرن بس بترفض فكرة الممرضة نفسها...بقت عاملة ازاي...اوربا النهارده لو مشيت فيها وسالت عشرة بتعبد ايه...سته منهم هايقولولك"لا اعتقد"

علشان كده...لو حد خايف علي دينه مايقعدش يكفر اللي بيعمل كذا وكذا...لان ده برضه اللي كان بيحصل في اوربا...الفروض نقف كلنا ايد واحدة...ونشيل الاساس....نشيل جذر النجيلة
ملحوظة:انا مش مصاحب ولا بفكر اصاحب اصلا
ومعلش يا مونجي كتبت قبل ماستني يومين علي موضوعك
بمناسبة التطور

16 comments:

  1. Mongey said...

    بص يا عم انا من غير ما اقرا الموضوع كله فهمت انت عايز تقول ايه بيفكرني جدا بموضوع معتز انت عارفة انت عارف انا باقول ... انا كنت باتكلم في حاجة زي كدة مع مجدي و بضصراحة قالي كلمة كده معناه ان كل واحد ليه اشرافة علي اهل بيتة فاهم ازاي هي دي النظرة للموضوع يعني هو مالوش دعوي ولاد الناس بيعملوا اية لكن بيعمل نوع من الرقابة غلي اختة  

  2. Anonymous said...
    This comment has been removed by a blog administrator.
  3. 3rby said...

    انا كان ممكن ارد عليك رد وسخ...او اشتمك...لان اللي انت كتبته ده قلة ادب وسفالة....وانت ماتهمنيش ولا يهمني بتعقد ايه عن ابويا...بس انا لو ابويا كان زي مانتا بتقول ماكنتش حطيت اسمه عندي...انا باتشرف وهافضل اتشرف اني ابن عزت القمحاوي...لكن انت انونيوموس...يعني مابتحترمش ابوك...أو بتستعر منه  

  4. Anonymous said...

    انا بحاول اكتب بالعربي ودي اول مرة عشان خاطرك انت يا عربي:)انا بجد زعلانة من الي بحصل دا..يعني اول ما تعد مع ناس او تشوف اصحابك الي بقالك فترة مش شايفهم اول سؤال بيسألو انتي مش مصاحبة!! وكأن الي مش مصاحب بقى انسان متخلف و رجعي للأسف اننا فاهمين التقدم غلط .انا مابسدقش موضوع الصحبة دا كلو تضيع وقت ولعب عيال عشان للأسف الشب ماهما كان زي ما بيقول انو "اوبن مايند" مابيقبلش على اوختو الي بيعميلو مع صحبيتو و يريت البنات بتفهم والله مش عرفه اول ايه بس بجد حاجه تأريف..يا عربي موضوع ممتاز وكن لازم ينفتح واتمنى ان الشباب والبنات يفكروا بالي بيعملوا عشان لو فضيلنا كدا ماعرفش حنروح على فين


    انا اسفة لو فيه اغلاط بس اديني بتعلم

    سلام يا عربي

    رشا  

  5. المزاجنجي said...

    واد يا عربي بالعربي انت عظمة على عظمة على عظمة والله العظيم انا لسه كنت باكلم مراتي عنك وعن ابوك وبجد ربنا يخليك لابوك ويفرحه بيك انت نعم الابن لنعم الاب اكيد ابوك راجل محترم علشان يجيب عيل فلته زيك ورايه عاقل موضوعك ده ملوش حل بس انا عجزت على المصاحبة بس لو انت خلاص سيبت اروي انا ممكن اتفاهم معاها هي فين اروي صحيح والله البنوتة دي اتبهدلت بسببك انت وابو جل بشعره اللي مبلط فالديسكو اخوك منجي تحياتي لك واستمر والله انت قريب قوي هاتبقى صحفي لامع وبتبرق كده لوحدك  

  6. Nouran said...

    عارف ف الاول احييك انك مش بتفكر ف موضوع المصاحبة ده اساسا بجد ربنا يكملك بعقلك يا بني
    ثانيا انا كان لي واحدة صحبتي ف اعدادي ليها مشروع مصاحبة المهم سالت صاحبها لو شاف اخته ماشية مع واحد هتعمل ايه المهم انه جاوب بكل بساطه هشدها من شعرها ع البيت رحت قايلالوا طب اللي مترضهوش لاختك هترضاه ليه لبنات الناس المهم معرفش يتكلم معرفش ايه نظرية الصبيان ف كده اصلا
    وزي ما انت بتقول مممكن الموضوع يقلب ببوي فريند اللي ممكن يكون دلوقتي بس عملينه بورقه وحجات غريبة ف الاخر لو احنا اتمسكنا بمبادءنا وبقينا ع تربيتنا مش هيحصل كده
    سورري التعليق طويل بس بجد الموضوع ده مهم جدا ويضايق ع الاقل بيضايقني  

  7. أروى الطويل said...

    نعم نعم نعم تصاحب مين يابابا انا والله ما عمرى كلمت ولد هنخربط اهوا هنخربط لالاااااااااا
    انا مابحبش كده
    يعنى ايه ان شاء الله تتفاهم معاها
    ها يعنى ايه شايفنى واقفة على ناصيه الشارع اكلم اللى رايح واللى جاى
    بص بقى منك له انتوا شادين حيلكوا عليا ليه ها ليه انا عملت فيكوا حاجة اه كل واحد يحترم نفسه احسنله  

  8. أروى الطويل said...

    اه نسيت الموضوع حلو على فكرة  

  9. Aoossa said...

    هههههههههههههههههههههههه
    أروى الطويل هنا
    مش تسيبوا البنوته فى حالها بقا
    هى مش بتكلم ولاد
    تعالى يا حبيبتشى مين مزعلك
    اللى هايزعلك هابطحه  

  10. Aoossa said...

    عرررربى
    منجــــــــى
    كل رمضان وانتو بخير
    أنتوا أمل مصر
    وكمان السودان
    رمضان كريم  

  11. Mongey said...

    يااه اكتر حاجة باكرها الكلام من صيغة امل مصر و عماد مصر و حجر الاساس و الكلام ده مع انه المفروض كدة

    فكروتني بواحد اعرفة كل ما نتكلم في اي مشكلة بعد منخلص يقعد يقول هننهض هننهض
    هننهض يا منجي
    و انا اقولوا يا عم خلاص هننهض يا عم خلاص  

  12. Anonymous said...

    عندك حق وكمان الموضوع ده بيصاحبه الشائعات فلان صاحب فلانة وفلان ساب فلانة واحيانا بتطلع اشاعات على ناس مؤدبين وملهمش في الكلام ده اساسا وسمعتهم بتبوظ والمشكلة ان الشائعات بتنتشر زي النار وغالبا ال بيطلع الاشاعة من كتر ما بيقولها هو نفسه بيصدقها
    انا بقول الكلام ده لان انا في مدرسة مشتركة والكلام ده بيحصل كل يوم ولولا انها مدرسة خاصة ومشددين جامد كانت الدنيا باظت  

  13. 3rby said...

    يا عم منجي كان نفسي اكتبلك بالمفتشر"مش معتز"بس قلت خلاص احسن الناس ماتعلقش عالموضوع وتمسك في معتز


    المزاجانجي باشا:انت بترسم عليا بجد ولا ايه علشان العروستين اللي قولتلي عليهم...وبعدين انت تعرف ابويا...لو تعرفه وقول للعبيط اللي كان بيقول عليه فاسد وعميل...كان ناقص يقولي اسمك احمد عزام عزام...عالعموم الله يخليك يا سيدي...تعرف لما كنت صغير كنت باحب الكتابة...وكنت باخد جوايز من المدرسه لحد اعدادي...وبعدين ابويا بعدني عنها انا واخويا...خاف لنحب شغلته بمجرد اننا مش شايفيين غيرها وبعدين حد يفول مابيعرفوش يكتبوا ووصلوا بواسطة...واقولهالك بالمفتشر"لن اعيش في جلباب ابي.


    ايه يا اروي....انا كلمتك...ده هو اللي بيهزر...اوعي بس تكتبي موضوع عن ديه كمان



    نوران:الله يخليكي......انا ضد المصاحبة علشان فيها انانية...يقعد يقولها بحبك وبعدين يطلع عليها اوشاعات
    ...علشان كده مايرضاش ان اخته تصاحب...بيبقي عارف ان الولد اللي زيه هايطلع عليها اوشاعات...طبعا مش كل الولاد كده....بس اللي بيعمل حاجة بيفتكر الناس كلها بتعملها...نقدر نقول انها بقت ثقافة


    رشا:اسف والله فوتك...اصلك عرفة بقه السن بيأثر عالنظر يا بنتي.....فعلا حاجة تدايق حكاية اعتبار اللي مش مصاحب ده متخلف...مع انهم هم اللي متخلفين...يعني بيقلدوا من غير تفكير...المصاحبة كمان منتشة في سني جدا...يعني ممكن تبقي فترة قبل الخطوبة...فترة تعارف غير رسمية...بس مش في سن المراهقة...مش تسلية يعني...كمان قبل الخطوبة مايجيش يعمل علي البونية راجل ويقولها رايحة فين وجاية منين...يعني يبقوا اصدقاء بس...بس زي ما قلت تبقي تعامل عادي جدا...لكن اللي عنهم من (12-20)هايعمل بيها ايه...بيتسلي



    بت يا اوسه:انتي جاية تهدي النفوس ولا ايه؟...الواد منجي مش عارف كارهك ليه...روحي هاتيلوا بلطجية عشرينات وريحيلوا عند مدرسته


    هيرو:ازيك...كلامك صحيح...هو ده الي بقوله...وحكاية المصاحبة ديه منتشرة اكتر بين البنات...مع انهم اللي بيتضروا...والحكاية مش بتقف لحد السمعة اللي لو كبيرة ممكن تمنعها من الجواز...ممكن توصلها للاغتصاب  

  14. sydalany-وش مكرمش said...

    إكتب و فكك من الكومنتات
    و اللي يقول حاجة يقول
    و كأنه ما قالش حاجة  

  15. nael said...

    طيب يا احمد فيه سؤال. ايه المانع يبقى فيه نظام البوي و الجيرل فريند اذا كان الطرفين راضيين بيه؟ وطالما ما بيأذوش غيرهم؟  

  16. 3rby said...

    لا بيؤزوا غيرهم....لما يبقي الجنس مش محدد...يعني عمال علي بطال...يصاحب ديه يوم ويرميها تاني يوم...من غير قيود...هاتنتشر الامراض....علشان كده مجتمعنا من اقل المجتمعات اللي فيها ايدز في العالم