اعمل كوبي للبوست وحطه في الوورد علشان تقراه
انا يومي مابدأش اليوم ده لاني مانمتش غير ساعة، وساعة اليوم اللي قبله لاني كان عندي امتحان، حد وصلني لحد نقابة الصحفيين الساعة 6 الصبح، لقيت العربية ديه وفيها المغلف ده، وبعدين قعدوا يزيدوا
حبايبنا الحلوين هددوا السواقين فالسوقين مشيوا من مسارات غير متفق عليها، المهم وصلنا لحد "معبر الاسماعيلية" وانا مصر علي تسميته كده، لقينا الامن موقف الطريق حوالي كيلو، الاول ماكناش متخيلين انهم موقفينه علشانا، فبعتنا 3 اشخاص يروحوا يشوفو ايه الموضوع، وبعدين واحد شاورلنا انه يا جماعة تعالي دول ضربوا حد(او هكذا قالوا في البص)
نزلنا وبدانا نتفاوض مع الامن انهم يعدونا، فمرضيوش طبعا، وقفنا الطريق علشان نعمل مظاهرة وعواد طلع علي نقل، وبعدين اكتشفنا اننا ممكن نضغط بتوقيف الطريق، وفعلا وقفناه شوية وكنا بنعدي اي دكتور رايح المستشفي او اي حد عنده مرض خطير ممكن يموته لو استني، وجيبنا عربية اسعاف من علي بعد كبير وعديناها، وبدانا نوزع منشور علي العربيات، ونطلع الاوتيبيسات نفهمهم احنا هنا ليه، ناس كتير كانت متعاطفة، وناس كانت بتتخانق مع ان الراس الكبيرة لما بتعدي الطريق بيتقفل لحد مايوصل المكان اللي رايحة من بيته، ولا حد بيقدر يفتح بقه.
ده انا
بس كان فيه اخطاء زي عدم تنظيمنا، ناس تصرخ تقول اقفلوا الطريق، وناس تقول نفتحه 10 دقايق ونقفله 10 دقايق، واللي يشتبك مع الناس، واللي يحبط علي عربية الجيش وعاوز يوقفها، طبعا موضوع قفل الطريق ده مانفعش لان الحكومة متعوده تقفله لو الراس الكبيرة او نانوس عين امه معدي، فبداوا الداكترة والناس الكبيرة اللي معانا يلمونا، وقلنا هانعمل لجنة من 5 اشخاص يقرروا، في الوقت ده فيه سواق خاف من الامن ورجع علي مصر، وبعد شوية رجع واحد تاني يقول احنا هانرجع اللي عاوز يرجع بس مش رايحيين رفح، اللجنةعملت خمس اقتراحات وعرضتهم للتصويت، يا اما نعتصم علي جنب يا اما نقفل الطريق نهائيا بعد ماندي مهلة نص ساعة للامن انه يدينا رخص السواقين او نكمل مشي لحد مانلاقي حاجة نركبها او نكمل لرفح مشي، مش عارف ازاي مقترح رفح ده هو اللي كسب، انا عن نفسي ماكنتش مقتنع بيه بس مشيت معاهم لان ده خيار الاغلبية ومش معقول احنا ياللي عاوزين ديمقراطية في مصر مش عارفين ننفذها مابين 300 واحد، وفعلا ماحدش نفذ القرار غير 20، مشينا حوالي خمسة كيلو قبل مايبعتولنا حد انه يا جماعة ارجعوا للباصات وهانقرر هانعمل ايه، فرجعنا لقينا الاساتذة اللي معانا قالوا هانستني القافلة التانية، 3-4 ساعات، فبدانا نتحرك خمسات لرفح في مواصلات، رحت مع مجموعة هي خمسة اصلا، وصلنا الاسماعيلية ومنها خدنا بيجو العريش، نقطة اول كوبري السلام فيها خمس عربيات امن مركزي، وسالونا عالبطايق، النقطة اللي في اخر الكوبري نفس الموضوع، وواحدة بعديها برضه، وبعدين وصلنا للبلوظة، لقينا ان اللجنة ديه اقوي بكتير وفيها رتب، كان معانا بنت في البيجو من العريش، سالناها علي مناطق في العريش واسامي عائلات، طبعا كلنا نطقنا الاسامي غلط، ولما سالني البيه اللي موقفينه عارف كل مناطق العريش بعائلاتها، انت رايح فين في المنطقة ديه، قلتله عيلة ابو اميرة، قالي مافيش عيلة اسمها كده، طيب رايح شارع ايه، قلتلو ماعرفش، نمرة تليفون اللي هاتقابلو؟، مش معايا، طيب اركنلي علي جنب، هو فيه ايه، مافيش حاجة بس اركنلي، نفس الموضوع معانا احنا الستة، وعدو البنت اللي كانت معانا، وقالولنا يا ترجعوا يا هاتركبو عربية الترحيلة، بدات ازعق مع الرتبة اللي بتزعق وانت ماتزعقش احان مش عساكر واحنا مش ارهابيين واي كلام، ورجعنا، السواق قالنا لو عاوزين تعدوا هاتمشوا في الصحرا بشكل عمودي عالطريق لحد ماحدش يشوفكو وبعدين توازوه وترجعولوا بعد النقطة، طيب فيه كام نقطة قبل العريش؟ فيه 3، فطبعا الحركة ديه ممكن مانعرفش نعملها وخاصة ان المكان كان كله مكشوف فاقل حاجة هانمشي كام كيلو بشكل عمودي.
كوبري السلام
فيه نائب اخواني فطر كل الناس مع اني كنت فاطر لاني كنت تعبان جدا( وان الله يحب ان تؤتي رخصه)، بس اتقالي ان الحكومة بتقول في التلفزيون انهم فطرونا، مع انهم فطروا العساكر بس، والقافلة كلها كانت بتقول الاسلام هو الحل علشان الفطار ده
مستنيين الفطار الاخواني
بعديها بشوية لقيت دكاترة من حزب العمل بيتكلموا مع ظابط امن دولة وعمال يقلهم الرسول كان بيعمل ايه مع اليهود واحنا عندنا معاهم كامب ديفد وهم يقولولوا بس الرسول عمل كذا برضو، فانا دخلت باقلهم احنا هنا علشان القومية مش الدين، فيه يهود محترمين زي بني موريس وناعوم تشومسكي وسميحا فلابان وغيرهم كتييير، فقام قايلي فيه كبار بيتكلموا، قلتلوا وايه المشكلة انا باقول رايي وبعدين الشباب هم اغلبية الشعب، ومشيت وسبته، بعد شوية جالي صحفي اتعرفت عليه قالي صورهولي، الشحن كان بيقطع فكنت مش عارف اعمل زووم من بعيد، فصورت من قريب، اول صورتين قلشوا والتالتة جت في عينه، قام قايلي تعالي، امسح الصور ديه وماسك ايدي، نزلتلوا ايده وقلتله انا باصور من الساعة بقالي 18 ساعة
فقعد يقول لدكتور من حزب العمل يا دكتور ديه كده في وشك انت، اقله مسحتها، عمال يعيد الكلام بنرفزة، يا عم مسحتها مش علشان داكترة انا مسحتها علشان وجع الدماغ، وسبتله في سري طبعا، وبعديها جه يصالحني
قعدنا نهتف بعديها بقي، بس اللي دايقني ان بتوع العمل والاخوان قلبوا الموضوع في الهتافات لاغاني بتبين ان القافلة اسلامية، مع اني ليبرالي وكان معانا يساريين ولا دينيين، كل الاطياف، بس وعملنا مؤتمر صحفي ورجعنا
فيه موضوع مسخرة حصل، انا واقف جنب بلطجية الداخلية، فالظابط اللي واقف بيقولهم:روحوا عالعربية، لا ماتمشوش صف، امشوا كانكم في الشارع، فمشيوا اتنينات، قالهم لا لا لا يا اغبيا، هرجوا مع بعض، كلهم قعدوا يضحكوا، اضربه علي قفاه، ايوا ده
فيه ناس وصلت لبوابة صلاح الدين بس رجعوا لانهم كانوا قليلين وناس وصلت للعريش واتقبض عليها، من الحاجات اللي واحد من الناس لفت نظري ليها ان القيادات في القافلة الاولانية ماكنوش قد مسؤلية القيادة، يعني الدكتور مجدي حسين هو اللي اقترح ان قافلتنا تطلع 6 الصبح مش زي التانية، ومع كده راح العريش لوحده، ماقدرش يقود القافلة لراي واحد، وده في رايي اللي ماخلناش نعدي، يعني الامن الصبح كان اضعف بكتير من بالليل، لدرجة انه عمل تشكيل وكان هايهجبمنا بس خاف، بالليل كان مستحيل نعدي لان العدد اتضرب في 10 وكان فيه بلطجية الداخلية، فيه حاجة كمان، منسق القافلة هو المستشار الخضيري، اللي انا باحترمه جدا، بس موضوع التنسيق ده عاوز واحد شاب يبقي حافظ سينا ويبقي عنده كذا حل لموضوع الرخص والكماين، بس ان شاء الله في قافلة تانية قريب( 6 اكتوبر) وهانقدر نعدي
خخخخخخخخخخخخخخخخخخخ
ياخي أحه
يعني الدولة اللي معاها 60 الف تعمل بروفة لاستقبال رئيس وزرا وزيهم لاستقباله
مش عارفة تعمل نظام اطفاء زي اللي في اي مول او اوتيل او جامعة خاصة
مش عارفة تحمي التاريخ
لا وايه
القناة الفضائية الاولي:
حسن حسني في مسلسل مشوق جدا
النيل للاخبار:
عاجل....الرئيس مبارك يتابع جهود اطفاء الحريق
زي ايام تسونامي
الخبر الاول الرئيس مبارك يقدم التعازي لاسر الضحايا
الخبر الثاني الرئيس مبارك يرسل بمساعدات للضحايا
وبعدين اخبار مجلس الوزرا
وبعدين اخر خبر خالص:
فيه حاجة اسمها تسونامي يا جدعان ضربت شرق اسيا
منتهي البزرميط
بس قريت نووت عبد الرحمن عياش عن الاخوة وغيرهم من اللي بيقولوا السينما حرام
فاستفزني وقلت لازم اكتب البوست، بالذات لانه قال علي لسان احد ال"ملتزمين"انها سر بلاء الشعوب!!!
شوفوا، اقوي دولة في العالم دلوقتي تعتبر امريكا، مين عمل امريكا؟
البروباجندا عملت امريكا
شركات السجاير اللي غزت العالم بصورة راعي البقر ابو سجارة في بؤه، والظابط اللي بيطلع دين ام عصابة من 100 وغد حقير لوحده، واصلا ظباطهم مابيخشوش مناطق معينة بالليل، والجندي اللي بيحاول يدمر الدبابة بالرصاص!، ماركات الهدوم، التكنولوجيا، وكتييييير
الاهم بقي، هولي وود،، هولي وود خلتني وخلت ناس كتير تفتكر ان امريكا كسبت الحرب العالمية التانية وكانت بتحارب لوحدها، ويحسسك ان اوماها بيتش كانت اقوي معركة عالاطلاق، مع ان روزفلت دخل امريكا الحرب في اخرها، رمت قنبلتين زريتين في اليابان، وعملت انزال في فرنسا، وبح، ماخسرتش ملايين المدنيين زي انكلترا وفرنسا، ولا 8 مليون عسكري زي الاتحاد السوفيتي و20 مليون مدني، دخلت في الاخر وخدت نص الكعكة، وكل الناس لحد سنر المراهقة كانت فاكرة انها حاربت لوحدها، حتي لما بتعرف الحقيقة برضو ترسبات الانبهار بالعسكري الامريكي اللي هو اصلا فرفور بتفضل عندك
تقريبا الفيلم الوحيد اللي حسسني ان امريكا اتسحلت في فيتنام كان "فورست جامب"
بقية الافلام بتجيب معركة ولا اتنين اللي كسبت فيهم امريكا
ماحدش بيجيب ان امريكا دخلت تلحق كرامة انجلترا وفرنسا اللي اتبعترت، واتبعترت كرامتها هي كمان
البروباجندا ديه تحسسك ان امريكا اقوي دولة في العالم، حتي قبل ماتبقي كده، البروباجندا خلتنا حتي نفقد ثقتنا في نفسنا ونصدق اننا شوية بدو همجيين زي ماصورتنا في افلام كتير(فيه جزء من جيمس بوند جايب مصر كانها عثمانية)
فيه شركات بتوصل نسبة راس المال الموجه للبروباجندا ل30%
وفيه شركات بتقع بسبب عدم اهتمامها بالبروباجندا، وده من الاسباب ان الشركات في مصر والعالم العربي عموما بتكبر بسرعة في اولها بسبب الاهتمام بالاعلام، واول ماتكبر بيفتكروا الناس هاتفضل تشتري للابد منغير مايفكروهم
امريكا عمل قناة الحرة عشان تغير عقول 200 مليون عربي، وقنوات زيها كتير في اماكن متفرقة، لما بيجي يتعمل فيلم عن الجيش الامريكي امريكا بتدي الفيلم دبابات وطيارات وهلمة، بس عشان تحسس العالم انها الاقوي، مع ان فيه توازن قوة عسكرية من اول ما اتعمل السلاح النووي، الدول التانية اضعف اقتصاديا وده مش بسبب التكنولوجيا، ده بسبب البروباجندا، البروباجندا امركت شعب كامل
انا باقري كتاب عاوز ابقي اعرضه اسمه "الخطيئة الاولي لاسرائيل" الكتاب بيعرض كتب مؤرخين اسرائيليين ضد الصهيونية
المهم فيه جزء منه بيقول ان اللي خلي بريطانيا تسيب سفن المهاجرين مع انها كانت بتمنعهم
فيلم سينما عن سفينة اسمها اكسودس رجعوها وخلوها تلف علي مية مينا ونزلوا منها المهاجرين اليهود الالمان بالقوة، يعني اسرائيل قامت بفيلم، وقالك سبب تخلف الامم
فلما يجي حد يقلي ديه سر تخلف الشعوب، يبقي لازم اعرف انه كان بيشوف حاجة عقيمة جابتله هو تخلف،
this is in response to Fitna
we didn't offend anybody or any religion
even the ones who offended our religion
ماغلطناش فيه في اي حد او اي دين
ولا حتي اللي غلطوا في ديننا
ده لينك الجروب عالفيسبوك
http://www.facebook.com/group.php?gid=11550159145
اول حاجة انا مش هاقعد اتكلم علي تيت راديولان المرحلة ديه عددت من زمان وعملوا ترتيب كبير علي المواقع في مصر في اقل من شهرين، مع انهم ردوا واحد واحد علي كل اللي اتقال ضدهم بس انا متنرفز اوي من حاجات قريتها في منتديات ومدونات انا هاتكلم عالكلام اللي اتقال ضدهم حتي من جرايد معارضة زي نهضة مصر
واضح جدا من كلام اللي كاتب المقال انو سمع من واحد من صحابو الصيع اللي تيت راديو نفخوهم في كذا ايتم انهم بيتكلموا علي حاجات محرمة في اذاعات تانية
واتحدي انو سمع ايتم واحد وفهم اللي بيتقال
بدليل انه قال " كما عرضوا رقم تليفون حانوتي يبيع الجثث في السوق السوداء لطلاب كلية الطب"
مع ان النمرة هي نمرة صاحب الايتم وانا كلمته بنفسي اول ماخلصت الايتم
نيجي بقي لنقطة تانية وهي العيال اللي بتقعد تسمع في خطبة الجمعة عن نصرة الاسلام ويقعدوا يعيطوا وبعدين يفتحوا النت ويبطلوا الماوقع البورن ويدخلوا منتديات هبلة
اصلا المنتديات ديه احقر حاجة حصلت للنت في العالم العربي
بتحس مافيش تنوع، كلهم عندهم نفس الرؤية ويقعدوا بقي يرجعوا في بؤ بعض
عكس التدوين اللي مفتوح
يعني الايتم بتاعة انا مش كافر احمد فؤاد اتكلم فيها عن تكفير المجتمع وديه حاجة ملفتة فعلا دور كده علي كلمة كافر في جوجل وشوف العالم فيه كام كافر وانقصهم من عدد البشر وشوف هايتبقي كام
اقري كده التعليقات المتخلفة عالايتم
وشوف ده الايتم بتاع عيلاء اللي في رايي سبب مهاجمة جرايد معارضة للراديو
فيه ناس بقي بتبقي هبلة بتدخل تعلق وتبقي عاوز تسحلهم زي الاخت اللي شتمتني
تيت راديو باختصار هي صوت الجالية المصرية لمصر، مش المعارضة الفاسدة، ولا الحكومة البايظة، ولا اللي بينافقوا المتدينين عشان خايفن
تيت راديو هي صوت الجالية المصرية في مصر، الاقلية الباقية من الناس العادية، الشباب اللي ماشي في الشارع، باختصار......احنا
الفيديو وحشي جدا ويقشعر فاللي قلبه خفيف مايتفرجش
لسه هاحاول اعرف ده تم فين بس مبدئيا ممكن يبقي في السعودية او ايران او باكستان
او يمكن هي حادثة قتل ليزيدية عراقية حبت واحد مسلم واسلمت، اصلنا بنخاف من الاحتلال ومن الحكومات المستبدة ونبهدل في بعض، جبن مش بس تشدد غبي بس هو تفريغ طاقات مدفونة بسبب القهر وعدم الرجولة وانعدام الوعي
بجد حاجة تقرف
نزلت السلم وركبت المعدية، شفت نص المسافة بين الضفتين مردومة والمراكب غرقانة في الرملة
ومشيت في وسط بيوت بسيطة جدا لحد ماوصلت لبيت فخم بتاع الرسام محمد عبلة
اللي هو برضو مكان التضامن شفت ناس نضيفة جدا يقدروا يحتفلوا براس السنة في مكان غالي مش هناك، بس هم راحوا يتضامنوا مع الناس اللي مالهاش ضهر
طلعت من المكان وقعدت اتمشي في الجزيرة لقيت عيال صغيرة فسالت واحد منهم، حاسس بايه والحكومة عاوزة تطلعكوا من هن؟
-مش عارفين هانروح فين
-بيقولو هايسكنوكوا:
-ماشي بس يجيبولنا ارض زي الارض وبيوت زي البيوت ومية زي المية واحنا نمشي
رحت لراجل وسالته فقالي:
وبعدين بدات اسكندريلا وبعديهم الفنان وجيه عزيز وانا لسه باسال الناس فسالت "الحجة كوثر عبد الرحمن"50 سنة:
"احنا زي السمك لو طلعنا من هنا نموت، ارض ابونا وجدنا، 80 جنيه معاش مايعملوش حاجة برة، هنا الغني بيصرف عالفقير، عايزين حل، هنا امان وخير وكل حاجة حلوة".الست ديه وشها زي وش اللي عندها 70 سنة من الهم
وبعدين سالت "الحاجة حمدية مرسي" 90 سنة بس شكلها يجيب مية وشوية:
"مسقط راسنا وراس جدودنا، عندي اتنين ماتو واتنين مرضو فيها، استحملنا المرض والجوع والعطش والبرد عشان نعمرها، حنا هنا من اول ما ربنا خلق الجزيرة، ربنا قالهم يعملوا كده؟
جمال عبد الناصرجمال عبد الناصر كان بياخد من الاغنيا ويدينا، اما دلوقتي بياخدوا ارضنا ويدوها للاغنيا"
وبعدين سالت محمد عبد الفتاح 25 سنة اللي شكله يجيب 40:
"ناس جاية تاخد ارضك، جاية تاخد بيتك، هاتقولوا ايه؟ لازم تقفله ، احنا زي الفلسطنيين واسرائيل، اذا كانت الحكومة مش عارفة تطلع اسرائيل من فلسطين، واحد مصري جاي يطلعك من بيتك"
يا اما الهلال والنجمة توقف تصنيع المقشاط والمساحات
يا اما نلغي وزارة الداخلية
يا نلغي المصريين كلهم
cellular كان البطل الaaتاني موبايل 660 وقت ما نزل الفيلم ده كان البواب بتاعنا معاه الموبايل
بس خلاص مش مهم الناس بتحب تضيع فلوسها في الفاضي بس اهي فلوسها. الدور والباقي علي الدولة وانا هنا مش باتكلم علي عهد مبارك لا انا باتكلم علي من ايام محمد علي، عندنا كمية قصور مش موجودة في الدولة اللي احتلتنا علي مدي تاريخنا. يعني مثلا فرنسا فيها الايليزيه -مش فاكر اسمها- والباقي مفتوح للعامة. انجلترا فيها قصور كتير بس اقل من عندنا وكمان بتتفتح للناس
امريكا اللي هي اقوي دولة في العالم ماحلتهومش غير البيت الابيض اللي هو اقدم بيت فيكي يا امريكا وبيتفتح متحف والناس بتدخل مكتب الرئيس .يعني فعليا القرد اللي بيحكم العالم وبيلطش للرؤساء قاعد في عشة بالنسبة لقصورنا.اما عندنا لو عديت القصور هاتلاقيها لا نهائية. مش بس كده بيتبني جديد والاستراحات بتكبر وتبقي قصور.وراجل ادخل القصر الجمهوري بتاع روكسي ولا راس التين .
لا وحاجات ضخمة واسوار عالية. البيت الابيض بتشوف اللي جواه وده بيدي احساس ان الشوارع واسعة جدا.
طيب بالنسبة للمتاحف. الاثار بتتنهب بقالها سنين من المخازن بمئات القطع. ومش عارفين يبنوا متاحف
فاجئة طلعوا بالمتحف المصري الجديد اللي عند الهرم ده.اللي نقلو رمسيس ليه مش عارف بكام مليون، ماسمعناش انهم نقبوا عن اثار في المنطقة ديه قبل مايبنوا بدل مايدفنوها ولا انهم درسوا البناء ده ممكن يضر الاثار المكتشفة في المنطقة فعلا ولا لأ.ولا حتي عملوا دراسة عن هايجيبوا الفلوس منين. النهارده باتفرج علي "او تي في" لقيت فاروق حسني طالع بيقول انهم عاوزين الناس تتبرع علشان يكملو وبالذات العيال الصغيرة علشان يبقوا ساهموا في بناء تاني اكبر مشروع ثقافي في العالم.
فكرني بمستشفي سرطان الاطفال القزاز ديه قعدوا سنين يشحتوا عليها برضو وبانينها بخامات غالية جدا وماعتقدش انهم هايرضو يدخلو فيها طفل شوارع ولا واحد هدومه مقطعة.يعني الحضور بالملابس الرسمية.
مش بس كده. شوفتو مؤتمر العراق اللي كان في شارم الشيخ السنة اللي فاتت،شفتوا القاعة اد ايه وشوفو قاعة مجلس الامن وشوفوا اتفاقية كامب ديفيد بتاعة مصر وبتاعة عرافات وشوفوا حجم المكان بالنسبة لقوة الدولة.شوفوا الترابيظة بتاعة اجتماعات الحكومة الاسرائلية وحجم ترابيظة حكومتنا مع العلم ان اسرائيل دولة نووية ومصنعة.
دفعتي فيها اكتر من 1000 طالب جايبين 100% في الثانوية العامية متخيلين ان العدد ده ممكن ماتلقهوش علي مستوي اوروبا كلها. احنا دولة متخلفة وعندنا اكبر عدد بيجيب 100% في الثانوية وموازيتها
علشان كده مصر هي بلد الجنون المطلق
قال ايه يا جدعان صدفة ان الجامعة اللي بيتقال انها بتاعة جيمي واللي اتصور فيها مرجان احمد مرجان(الفيوتشر) صدفة انها تنزل تنسيق هي وجامعة عمكوا صفوت الشريف(اعلام بس في مدينة الانتاج الاعلامي) في التنسيق
وايه في نفس السنة التنسيق يعلا بشكل جنوني
لا وايه كمان السقوط يعلي في الجامعات واللي معدي صافي من مواد حتي في كليات القمة ده شاب نادر جدا حتي في كليات القمة
مش بس كده
لا اللي جايب 91.5% مش مفتوحلي غير حقوق(عشرات الاماكن بس في الاماكن اللي فيها حقوق انجليزي)وتجارة(باقرف منها) واداب والمعهد العالي للتنكنولجيا او الجي يو سي
يعني حد يصدق اللي انا قلتوا ده
هي الناس ديه مالها بدين ام التعليم مش كفاية عيهم البنوك
يعني ازاي عمارة يبقي فيها خمسة واربعين مكان للمرحلة التانية وازاي كومبيوتر ساينس وهندسة ماتنزلش وازاي وازاي وازاي
يعني هل 91.5 % درجة وسخة ولا انتي اللي بلد بنت وسخة
الليلة ليلتي يا ريسنا روحلو يا ريس ياللي سمحت للناس انهم يترشحوا قدامك يا ابو الديمقراطية والحرية يا صاحب مصر مصر مبارك انظرلي كأم اراني كأم والنبي إراني كأم
طيب سيبيلي كلمشة اخيرة يا مدام مني انتي ليكي ضنا كل بيت في مصر ليه ضنشا ابني كان رايح السفارة خمس مرات عادشي يعني هو عمل ايه يعني هاتولي واحد في مصر زي ابني معاه ماجستير كومبيوتر وكمان هندسة نووية هاتيلي واحد زيه في مصر
كنت قاعد باسمع برنامج اسامة منير علي نجوم اف ام،جبت راديو صغير فبسمع وانا بذاكر،هو البرنامج الوحيد اللي باسمعه في الاذاعة ديه علشان مابسمعش احلي حاجة فيكي ايه وده يبقي ايه ده يبقي برد ياروح امك
المهم انا باقعد اضحك زي الاهبل علي الناس اللي بتتصل
واحدة مرة متصلة تقول انا حبيت واحد واتجوزتوا عرفي علشان افقر مني وبعدين سافرت شارم واهلي وافقوا علشان يخلصوا مني ومن فضيحتي وهناك اتعرفت علي واحد انكليزي استغفر الله العظيم اسلامه عالورق بس ونمت معاه علشان هو اجنبي ومش هاتفرق معاه بالعكس هايحبني اكتر(وانتي مابتفرقش معاكي بدام مابيفرقش معاه)
واتجوزنا وسافرت معه انكلترا بس خايفة ماكنتش حاسة بالامان وعاداتهم مختلفة عننا(وانتي خليتي فيها عادات غير تلوين البيض في شم النسيم)
وواحد تاني باعت اس ام اس اسامة منير قري منه كلمتين وبعدين قعد يستغفر ربنا الكلمتين:"السلام عليكم،انا شاب عندي عشرين سنة وخالتي متجوزة وجوزها مابيخلفش وللاسف."بعديها اسامة منير قعد يستغفر
بيزني وكمان زنا محارم وبيقول السلام عليكم طيب ممكن اقول كلمة مكونة من 3 حروف وهي اختصار ولا عيب؟!
بس ديه ناس عادية
امال مفتي الديار المصرية اللي مرة يقولك البنت تروح تعمل تخييط
وبكرة نلاقي مستشفيات التجمييل عاملة اعلان:خيطي مرتين والتالتة هدية،ولو خيتطي 4 مرات ممكن توفري وتعملي سوستة.
لاء واخر افتكاسة.قال الصحابة كانوا بيشربوا بول الرسول وبيتبركوا بيه.يا حلاوة.والله فعلا البلد فيها امل
ممكن نرجع للوثنية قريب جدا.لما مفتي مصر يقولك الصحابة كانوا بيشربوا بول.امال الكفار كانوا بيشربوا ايه؟بي بي؟
ولما تكون فتوي زي ديه في موقع دار الافتاء
واللي يقولك المفروض الواحدة ماتبينش شعرها قدام زميلها غير لما ترضعه
هو الشعر عورة اكتر ولا اللي بالي بالك يا روح امك
وبعدين نيجي نقول ليه الدنمارك مش بتعاقب جريدة
jolands poston
وليه بيرسموا كاركتير اصلا وليه وليه
انا اللي عاوز اسأل ليه بنزيط علشان دولة في القطب الشمالي وبعيدة جدا وعلاقتنا بيها صغيرة ومش هاتفرق معاها لو اتجننا حتي وبنسكت لما القران يتداس عليه والقدس تتهود والاقصي يتدنس والفساد يوصل لاكبر مؤسسة اسلامية في مصر لدرجة انهم يمسكوا ناس مش فاهمة في الدين مناصب زي ديه
عالعموم انا مش بالوم امريكا عاللي بتعملوا فينا ولا بلوم اسرائيل عالي بتعملوا في الفلسطينيين لما نبقي نحترم ديننا نبقي نقول امريكا بتنزل مصحف في كلام غير القران ولما نبطل نقتل بعض نبقي نقول اسرائيل موتت واسرائيل اصابت
وخلاص مافيش كلام يتقال
لان اي كلام هايتقال هايبقي اي كلام
كام حاجة حصلت نرفزتي قوي
مش بالترتيب
اول حاجة كنت قاعد في حصة ماث والمستر بيقول جملة كده تقريبا مادة في الدستور بس واضح انها اشتراكية
قلتلوا ماشالوها يا مستر
قال اه...انا مش عاوز اتكلم في السياسة لان كده كده كل واحد فيكوا هايبقي عنده انتماء سياسي في الجامعة ومش عاوز اأثر عليكوا
لان الطالب لو بيحب مدرس وعرف انه شيوعي مثلا هايبقي شيوعي وده غلط اني اربي فيكوا اي انتماء سياسي-لحد هنا تمام-
وفاجئة اطلق الجملة اللي وقعت عليا زي الطوب
(بس لو فكرتوا فيها هاتلاقوا التعديلات ديه مش هاتأثر علي حاجة..يعني تفرق معاك ايه لو ظابط دخل بيتك او فتش عربيتك هو انت عندك مخدرات؟)
تقريبا كده مايعرفش اللي حصل لشربين
طيب شريين غريب اللي موتوا كان ابن اخو مدير امن الجيزة
وده منصب قليل اوي(قريب مدير الامن منصب)
ماحولش يتخيل لو كل الظباط عملوا زي شهاب الشاعر هاتبقي الدنيا ازاي
تاني حاجة:
عبد المنعم
مش هاتكلم علشان اكيد عارفين
دخلت عنده وقريت الموضوعات اللي في الصفحة
وقلت اشمخرت
ثالث حاجة:
قناة
o-tv
ساعات باجيبها كده مع اني مش متابعها
حظي الاسود خلاني افتح في وقت برنامج مسائك سكر زيادة اللي كل اللي فيه ابرد من التلج
مش موضوعنا،
موضوعنا انهم بدأوا يعملوا حركة انهم بينزلوا الشارع ويخلوا الناس تعمل نشرة ويقولوا رأيهم
فكان فيه راجل طالع علي المعاش قاعد علي القهوة ولما اتسأل عن اهم خبر قال
(نادي القضاة بيحقق في التزوير في الاستفتاء)
انا قلت الراجل تمام وبيفهم
قام معلق:انا انفسي افهم ايه هي سلطة نادي القضاة اللي تخليه يحط منخيره في كل حاجة
فكرني بواحد برضو في الشارع بيتكلم في الجزيرة بيقول :
طبعا الناس متدايقة من فكرة التوريث،بس انا نفسي افهم ليه،يعني اي حد فينا بيشغل ابنه في المكان اللي بيشتغل فيه او بيجيبله واسطه علشان يشتغل في مكان محترم
من حق الريس يشغل ابنه برضو،ولا يقعد علي قهوة؟
اول حاجة حكاية الواسطة ديه الحكومة ومبارك مسؤلين عنها
وحتي لو كلنا بنعمل كده
عمركوا شفتوا حد بيتعين في منصب رئيس شركة
ديه لو تكية مش هايبقي معلمها(هو يعني ايه تكية؟)
حكاية المدرس والاتنين دول نرفزتني اكتر لاني كنت معتقد ان الحرية قريبا
بس ابشروا
طول ما فيه نمازج زي دول وزي القاضي الحرامي والناس ديه مافيش خلاص
كمان جاتلي صور مستفزة جداااا هاتتنشر عند شهروزة قريب علشان مافيش حد بيجي هنا علشان بطلت ادخل عند حد علشان الثانوية(يا أندال)فقلت اديهالها علشان تعمل اثر قوي(دبستك كده يا شهروز في انك تنشريها )
قريت عند ياسمين موضوع دلوقتي مدايقني اوي
فيه حاجات اكتر واكتر مش فاكرها من كترها
كان نفسي اخلف والله بس شكلي كده خلاص
اي واحدة بتقرا دلوقتي وكنت واعدها بحاجة خلاص
انسي
رجعت من درس لقيت امي قاعدة في الصالون
بتقولي علي فكرة يا احمد صاحبتي اتفرجت علي حلقة العاشرة مساءا وبتحلفلي ان عماد الكبير و3 من سواقين الميكروباص خطفوا بنت واغتصبوها علشان كده الظباط خدوه وعزبوه
قبل ما اتنرفز سالتها هي عرفت منين
قالتلي عمها عارفهم
عارفهم منين
اصل هو اللي ماسك القضية
ليه بيشتغل ايه
مامور القسم
اصلا امي مالهاش في السياسة وماشفتش الفيديولانها لو كانت شافتوا كانت بهدلت الست
يعني ماكتفوش بتعذيبه وموت ابوه
وماكتفوش بانهم شككوا في الفيديو
وماكتفوش ان مساعد وزير الداخلية اعترف بصحة فيديوهات التعذيب
وعلشان فشلوا لانهم مدانين بكل الادلة
ده فيه بينة
فيديو واثار تعذيب
كمان بيعملوا زي الستات
اشاعات ونم
واللي ينرفز اكتر
ان المأمور بيقول علي نفسه المسؤل عن القضية
قاضي بروح امه
قال مسؤل عن القضية
يعني مش مسؤل عن التعذيب
ولا مسؤل عن التشهير بواحد اتعذب
مش بس التشهير بالفيديو ونشره
لا كمان يقولوا احنا كنا بناخد حق البنات
طيب فين البنات دول
ولنفترض جدلا ان ده صح
هو مش من حقه ينفذ حكم(مش موجود اصلا عقوبة الاغتصاب اغتصاب)غير لما قاضي يحكمله
هو ده تداخل السلطات الثلاث
يعني السلطة التنفيذية بتقرا افكار القضاة وبينفذوها
والمشرعين بينفذوا الاعدام علي الدستور منغير حكم قضائي
والقضاة مش لاقيين حد ياخدوا سلطته غير الحرامية
فبيسرقوا افكارنا كشعب
اصل الشرطة دول قلوبهم حونينة اوي وبيخافوا علي البنات
علشان كده سابوا الناس تغتصبهم في وسط البلد
(لاحظوا في الفيديو ان فيه ظابط برتبة عالية في عربية وواقف مابيعملش حاجة)
ده ايه الشلل ده
يعني انا بدأت ابعد عن التدوين والسياسة علشان المذاكرة والرعشة من النرفزة في المراجعة مش كويسة
فجيالي لحد عندي
الاشاعة ديه هاتتنشر قريب اوي وهاتغطي علي حق عماد زي ما غطوا علي حقوق ناس كتيير
لازم نعمل خطوة مضادة لان مش كل الناس شافت الفيديو ومش كل الناس تعرف عماد
لازم ناخد خطوة علشان حقه مايضعش
بلطجة الحزب الوطني اللي اصلا مش وطني بتظهر في كل لحظة...كل كلمة..كل نفس
وكل حركة بيقوموا بيها
ظهرت البلطجة لما سرقونا ولما اتكلمنا قالوا يعاقبونا وده في كل مظاهرة
والكلام كان بصيغة الشعب
او كمدونين
او حتي في البرامج
في الجزيرة كانو جايبين واحد اسمه جهاد عودة
قعد يزعق في الجزيرة انتر ناشونال ويدخل عربي في وسط الانكليزي(مايعرفوش غير
لغة البلطجة والضرب) حتي مش في
وقت كلامه
قطعوا عنه الصوت
اما في العربي في برنامج ما وراء الخبر كانوا جايبينوا هو ودكتور كبارة في كلية
الحقوق جامعة القاهرة شكله معدي السبعين وكانت جمانة نمور(حبي)مستضيفاهم
قعد يقاطع في الدكتور
الدكتور قاله لا تقاطع يا دكتور جهاد
قاله انا اقاطع براحتي
كلمة بتتقال في الخناقات اللي بيقولها بيبقي بيحاول يبين انه صايع او جامد
نفس الموقف
علشان في لجنة السياسات يقول لواحد كان استاذه انا اتكلم واقاطع براحتي
بعدين الدكتور بيقولوا قانون الارهاب كان متوزع في قانون الجنايات وقوانين اخري
هو اصلا تخصصه الدستور
قام جهاد عوده قاله لازم تفهم يا دكتور الفرق بين قانون في دستور وبند في قانون في
الدستور
بيقول لواحد دكتور في القانون والدستور لازم تفهم
ده غير فارق السن اللي اكتر من 30 سنة
الدكتور قاله كبيرة انك تقولي كده
قعد يغلوش عليه
والصوت مش حلو في التزامن ما بينهم
كان في سؤال ومافهموش السؤال لمين
فدكتور الحقوق قعد يتكلم والتاني يقول لجمانة نمور يا فندم سكتيه بقي
قالها انا كنت فاكر السؤال ليا اتفضل يا دكتور جهاد
اتفضل اتفضل
يقولوا هاتفضل لما تسكت خالص
وفي الاخر اتسئل سؤال قعد يهز دماغه زي اللي فاهم وراح مجاوب علي حاجة تانية
قالتله يجب ان اسأل السؤال اولا
قالها يا فندم سيبيني اجاوب سيبيني اتكلم
(ولسان حاله يقول سيبيني اقول الكلمتين اللي محفظنهملي قبل مالبرنامج يخلص احسن يعاقبوني)
كمية من البلطجة ونظرات قرف في الشاشة ونفخ
ولو عملوا زي الجزيرة انكليزي وقطعوا عنه الصوت
وحتي لو اتشتم هايروح برضه علشان يبقي فيه حد بيدافع عن الحكومة
هو اصلا مش بمزاجه
المهم يعني اني شايف ان البلطجي ماينفعش تعامل معاه غير البلجة
يعني انا لو مكان دكتور الجامعة كنت قلتله
.. امك علي .. ام الحزب الوطني
ولو مكان بنت مصرية وبقية المدونين اللي دخلوهم المشكلة علشان يحجبوا مدوناتهم
كنت رفعت قضية ولا اروح اعمله فضيحة قدام الاماكن
اللي بيتباع فيها الكتاب
الغريبة انه قاضي
اللي مش غريبة بقي ان حسني مبارك بينجح في الانتخابات طول ما فيه نماذج زي
القاضي ده
طيب هو مافيش فيديو ولا ايه في ملف الادعاء؟
ولا المعارضة وصلت لحاجة لسه التكنولجيا ماوصلتلهاش وهي تحويل صور ثابتة لمتحركة في شكل ديناميكي يشبه حركة الانسان وكمان
3d
ده احدث الالعاب اللي بيبقي فيها جرافيكس مش بتبقي زي الطبيعي 100%
وهولي وود اللي هي هولي وود لما بتعمل فيلم وعاوزة تعمل انفجار او حاجة وجواها بشر بتخلي البشر يتحرك في استوديو ويركبوا عليه شكل انفجار صغير جدا مع تكبير حجمه
يعني لازم يبقي فيه جزء غير بشري
طيب اغتصاب عماد الكبير عملناه ازاي يعني
وازاي ظبتنا العصاية في المكان الطبيعي للمقشات بالنسبة لكل مصري للمصريين(اكيد مش في المطبخ)
والسرعة
والصوت وكل ده
ده مصر اتقدمت وسبقت امريكا بقرون يا جدعان
طيب وكليب القفا
ازاي ظبطنا سرعة الضرب وحركة وش اللي بيتضرب بتاثير الضربة
ده فيلم شيرك 2 اتعمله فرح علشان ثلاثي الابعاد مع انه ماوصلش للتقنية اللي ركبنا بيها فيلم اغتصاب عماد الكبير
كده مالناش حق نكره مبارك حتي لو ضربنا علي قفانا او اغتصبنا او غرقنا او حتي حرقنا مادامت مصر اتطورت وسبقت العالم بقرون
اتاريه بيقول مصر اتقدمت في عهدي اكتر من التقدم اللي حصل من ايام محمد علي لحد اخر عهد انور السادات
لا لا كلنا لازم ننحني ونرفع القبعات ليه
بس لازم نمسك البنطلون واحنا بنوطي احسن نتكنس
قصدي نغتصب
او بالنسبة لفريق الدفاع...نركب الصور
نتركب ونركب الصور
طيب لو احنا فعلا عظماء اوي كده في الجرافيكس ودهنا الهوا دوكو
طيب الوعي عند سواق ميكروباص وكمان احتمال مايبقاش متعلم ولو متعلم اكيد متعلم في مدرسة فيها تكدس عالي وبيشموا فيها كلة عظيم اوي لدرجة انه يكره مبارك
الاجابة اه
وده يرجعنا لعظمة التعليم في مصر مبارك وطبعا ماما سوزان هي اللي دخلت التعليم(سوزان مبارك مش علي مبارك)
وعلشان كده ننحني برضو واحنا ماسكين البنطلون وياريت لو نستخدم تقنية حديثة اقترحتها كلبوزة لكن سمباتيك بسبب الانفتاح اللي حصل في مصر مبارك واكيد التقنية ديه اتصنعت برضوا في مصر مبارك
ماحنا اللي دهنا الهوا دوكوا
ولو افترضنا ان مصر متطورة وسواقين الميكروباصات عندهم وعي رهيب
طيب والرجولة؟
يعني مين يوافق انه يتقال عليه مغتصب؟؟؟
وبالذات في مجتمع زي مجتمعنا وشريحة زي شريحة عماد الكبير
صحيح مافيش فقر في مصر مبارك
بس الانفتاح عمره ما بيجي من بره ولازم يبقي بالتدريج(واحده واحده)
ممكن كمان يبقي الفيديو مش متركب
ممكن يبقي شاذ واغري الظباط علي تظبيطه(علشان كده اسمهم ظباط)
وهم علشان مايغضبوش ربنا وفي نفس الوقت يقوموا بعملهم اللي بيقبضوا عليه فلوس اخر الشهر
قاموا بالعملية بعصايا
طيب يعني ازاي رضيها علي رجولته
وكمان المعارضة ساعدته(اسمها معارضة وهي منقلبة عن اصل معارصة)
يعني في الحالتين لو كان متفبرك او حقيقي بس بمزاجه عماد الكبير هو اللي غلطان ولاول مره هايبقي عماد الصغير
والمعارضة كمان رجعت لاصلها اللي قلتها من شوية
