كلام عن الفقر

"لو كان الفقر رجلا لقتلته " قالها الامام علي بن ابي طالب كلمه كلها حكمه و تحليل جيد للامور ولما جيت افكر في الكلمه ديه حست ان لو كان الفقر رجلا لقتلته و بعد كده قطعت راسه و علقتها علي عامود نور. لما جيت افكر في الفقر وتاثيره علي الناس و تدميره لحاجات كتير يعني انا ممكن اتكلم عن الفقر بس عمري ماعشته اتكلم عن اظلم بس لسه ما حستش بيه اوي و ممكن اتكلم عن الحريه مع اني مش مقيد اوي او محبوس يعني الانسان بيتكلم عن الفقر بس عمره ما فكر في احساسه لو كان مكان الفقير ده يعني كتير بالاقي ناس نايمه في الشارع في عز البرد متغطيه بورق جرايد ونايمه علي ورق كرتون وانا ببص كده ممكن يصعب عليا بس عمري ما فكرت في صعوبه الشي ده في حد ذاته . و الفقر زي حاجات كتير عمره ما كان اختيار يعنيمفيش حد بيختار يبقي فقير او غني انما هو لظروف خارجة عن ارادته بيبقي كده و الي لفت نظري ان الفقر بياثر بشكل كبير في الانسان يعني الانسان الفقير مش ممكن يفكر في الحريه و التعليم و الظلم وهو مش لاقي ياكل و مش لاقي سكن و ده بياثر فيه فبيصبح غيرقادر علي اتخاذ موقف من حاجات كتيربتحصله وشوية شوية هيفقد احساسه وانسانيته و هيصبح زي الاله و هيفقد شعوره وانسانيته و هيحاول يتغيب غن الواقع الي هوعايشه بعد كده بيفقد ارادته و قدرته علي فعل اي شي و بيصبح بعدهازي الطور المربوط في ساقية زيه زي جاره زي الي بيقعدوا معاه علي القهوة و العلاقه بين الجهل و الفقر علاقه وثيقة كل ما يزيدالفقر يزيدالجهل مش ضروري يكون الجهل بالقراءة و الكتابة و الجهل بيغمي عين الناس ويخليهم ينخدعوا بسهوله و ينقادوا في نفس الساقيه .... انا لاحظت حاجة غريبة لاحظت ان حياتنا كلها سواقي و كل واحد بقي و ساقيته ..و لاحظت ان السواقي دي متظبطه كويس اوي علينا و ازاي ان الحكومه هي الي بتدخلنا الساقيه ديه لغايه لما بقي في سواقي كتير لكل واحد فينا واحده و د بيخلي الناس تلف تلف و ميبقاش عندها لحظه تبص في ظروفها وحياتها و تفكر........ تفكر بس

10 comments:

  1. 3eed said...

    mongy mawdo3ak to7fa ana 2o3gabt beh mot we tafkerak sa7 ya3ny kol kelma 2oltaha fe ma7alaha shoft ba2a ana mosh zay ma 3rby bay2ol anoko kol matektabo mawdo3 tetfahmo 3'alt wer salemly 3ala 3rby 2aslo beya5tafe mara wa7da 7ata 2day fe el sala mashoftosh we ba5tem el comment bata3e be2any ba2olak mawdo3ak gamed mot we sebak ba2a men mawdo3 anak bet7ot gel wala la2 yabny el sha3b kolo bay7it gel  

  2. Mongey said...

    thanks for ur comment 3eed  

  3. 3rby said...

    الموضوع حلو يا مونجيي..بس مش ده اللي اتفقنا عليه...احنا اتفقنا انك تكتب عالشحات الرخم بتاع امبارح...عالعموم مش الحكومة المسؤلة...اللي جايب الحكومة...الحمار بتاعنا.....لو كان الحمار بتاعنا رجل لقتلته  

  4. Mongey said...

    الشحات الرخم لما جيت اكتب عنه لقيته موضوع اهبل مالوش لازمه اوي وبعدين انا كاتب ده قبل ما اشوف الشحات ده  

  5. Anonymous said...

    الشحات الرخم لما جيت اكتب عنه لقيته موضوع اهبل مالوش لازمه اوي وبعدين انا كاتب ده قبل ما اشوف الشحات دهوضوع اهبل مالوش لازمه اوي وبعدين انا كاتب ده قبل ما اشوف الشحات ده  

  6. high_staff said...

    يعنى مالقيتش غير السيرة دى.........انا بقى الساقية بتاعتى كانت مختلفة اصلها ساقية من نوع جديد كانت سريعة قوى لدرجة انى ما استحملتهاش الحبل فكّ وانا طرت منها وانعزلت عن الحياة كلها.......اتفرج على الباقى من بعيد.......بس اللى احنا فية حاليا تعدى مرحلة الساقية احنا دخلنا على الجديد المفرمة بدأت خلاص اماااااااااااال؟مش فكر جديد وعبور للمستقبل الساقية موضة قديمة......شكرا على البوست وعلى تقليب المواجع  

  7. Mongey said...

    والله موضوع الساقيه والمفرمة انا كنت هاكتب علي المفرمة بس معرفش نسيت ... عموما شكرا علي تعليق وعاما مش انا لوحدي الي باقلب المواجع الناس كلها بتقلب علي بعض  

  8. wanna b a bride said...

    و ليه تقليب المواجع ده يا شوباب ..خللي اللي فينا مكفينا  

  9. shady said...

    الفقرا درجات
    فى اللى تحت الخط ودول متجبسين
    وفى اللى فوق الخط ودول اللى قارفين الدنيا دلوقت

    ومن مصادر موثوق منها إن الحكومة ناوية تجبس الكل
    والله اعلم  

  10. Mongey said...

    عادي بقي موضوع وكتبته هاعمل ايه بقي المشكلة اننا لسه شايف واحد امبارح بيكلم نفسه في الشارع وممكن اكتب عنه