ايه الفرق بين الموت والحياة وايه الفرق بين الشخص الميت واالشخص الحي . الموت طبعا قضاء الله وقدره ومحدش بيتحكم في وقت موته لكن ممكن ينتحر ببساطة كبيرة جدا بس حرام طبعا. لكن هل في علاقة بين الحياة و الموت ؟ اكيد طبعا و الي يبص للحياة والموت ممكن يلاقيهم ضد بعض او عكس بعض انما هما قريببين اوي من بعض و ممكن نعتبر ان الموت مرحلة انتقالية بتيجي بعد الحياة بيعبرها الانسان ولابد منها لكي تستمر الحياة علي وجه الارض يعني الموت هو عملية رجوع لجذور الانسان الروحية والارضية والموت ليس شيئا سيئا و ليس جيدا ولكنه طبيعي زيه زي الحياة. الموت بيثبت لي ان الانسان كل انسان فينا عنده استقلالية خاصه بيه هو فقط بمعني ان الاب هيموت و الابن هيموت والاخ هيموت كلنا هنموت يعني محدش فينا ماسك في التاني كل واحد فينا لوحده حتي لو اننا كنا مرتبطين بيلوجيا وعائليا بس احنا مستقلين برضه .و ال لاحظته والي اهم من كده ان الموت هو افضل حل لاي مشكلة اي حد قرفه اي شي لو فكر شويه هيلاقي ان الموت هيخلصة من المشكلة ديه بكل سهولة لانه مش هيحتاج اي حاجة من الدنيا. الموت برضه هو الحل لكل الغاز الموت والحياة والوجود ووجود الالة من عدمه يعني الي عايز يعرف اي شي و مش لاقي اجابته يستني لغايت لما يموت . الموت ده صعب اوي عامل زي الاختيار العشوائي كده مبيفرقش بين حد وحد و لا سن وسن و ولا لون وجنس والموت هو الشي الوحيد الي بيجمع اليشر وبيتساوي فيه البيض والاسود الغني والفقير اكله بيبقي زي بعض. الموت بيخليني مصر علي عدم وجود فروق بين البشر علي الرغم من الفروق العرضية (اللون-الجنس الخ) والدليل علي كده اننا عمرنا مهنفتكر ميت عشان قوته و لا طوله ولا شعره و لا لونه انما بنفتكر الحاجات الحلوة الي عملها وكتير بننسي الوحش في حياته . فعلا الموت هوالحقيقة الوحيدة في حياة الانسان و كمانهو الحاجة الوحيده الي انسان عارف انها هتحصل في الغيب بس مش عارف امته...!؟
skip to main |
skip to sidebar
Followers
Blog Archive
All labled
Blogs
- سينا
- ahmed_h
- epitaph
- Gido-جدو
- tota
- X-ist
- ابن ابي العبيط
- ابو اسماعيل
- اروي الطويل
- اسراء
- الحرملك
- الشاب العاطل
- الفاجومي
- القمحاوي
- الكنبة الحمرا
- المزاجنجي
- انا حرة
- اوسا فياجرا
- بلو روز
- بنت سعد
- بنت عادية جدا
- بنت مصرية
- بهائي مصري
- حواديت
- دماغ ماك
- راندا زنزانة
- سوسة المفروسة
- شرقاوي
- شمعة نوران
- شهروزة
- شيريهان والي حواليها
- طنطاوي ..مصرنا
- عاشوريات
- قمر النيل
- كريم عادل
- كهف للنشوة والالم في ان واحد
- لست -ادري
- مالك
- محمود عزت عالكوبري
- مراقب مصري
- من غزة
- واحدة مصرية
انت ايه الاكتئاب اللي انت فيه ده...كان ممكن تكتب اغنية ام تي ام"ملكش فيها"بدل الرغي ده كله...وبعدين اسمها امتي...والاصح متي......بس حكاية ان الموت عشوائي ديه انا مختلف معاك فيها...شوفت فيلمa beautiful mind?......اللي فيها راسل كرو بيمثل شخصية جون ناش...اللي خد جايزة نوبل في الاقتصاد...شفت بقه المشهد بتاع الحمام...ديه نظرية عملها اسمها العشوائية...من جهلنا بنقول عن الحاجة اللي مش عارفين الفانكشون بتاعتها عشوائية...زي مثلا شكل الورق بتاع الشجر وليه مكان الفرع بيختلف من شجرة لشجرة...كل حاجة خلقها الله سبحانه وتعالي ليها فانكشون...بيتهايئلي الموت هو صاحب اصعب فانكشون...بس مش حاجة عشوائية...مش بالكوسة يعني...معلش عقدلك الدنيا بس ثانوية عامة بقه
Am really impressed ..mawdo3 hayel 7abet el gomlah الموت هو عملية رجوع لجذور الانسان الروحية والارضية ana aret el mawdo3 aktar mn mara o el kalam eli olto bykhali el ensan yfakar shwaya fe 7ayato..ana ba7es 7ayat el ensan tagrobah momyazah o mostakelah ka2anaha mogamarah fe film keda o kol ma yzed el tashweq o el masa3eb 3ala el batal kol mabn7eb el film aktar o bnt7ames 7ata nshof el nhaya..ana makhragtesh 3an el mawdo3 :)bs el 7aya keda r7lah momyaza o el nhaya "el moot" mn rabena akeed e7na mabnkhtarosh bs e7na eli bnkhtar donyetna ezay n3esh o ezay nkawen shakhsetna o ezay nkon momyazen bli bn3melo 7ata lama nmot zay ma2olt keda ..yftekrona fe 7aga kwaysah ..o el moot mabyfara2esh ben ay 7ad o el mot mosh nhaya enma bdayet el nhayah.
rasha
يا ابني مين قالك اصلا ان انا اتفرجت علي فلم beautiful mindانا متفرجتش عليه ومقصدش عشوائية بالشكل الي انت تقصده يعني كوسة مثلا اقصد انهامبتفرقش بين سن وسن واي اعتبارات اخري
نيرفانا: شكراعلي تعليقك الجميل
رشا:شكرا ليكي علي متباعتك لمواضعي
و بعدين يا عزت ده مش اكتئاب ده اسمه مرحلة تغيير فكري بالنسبة لي وغير كده مرحلة من السلام مع النفس والرجوع لحقيقة البشر
خلاص يا عم الهندوسي....علي فكرة انا جيبتلك عروسه....ادبحوا الوزيتين اللي عالروف.....ووزعوا شرباات في الشارع...ايه يا مونجي انت مكسوف ولا ايه
عاوزين نفرح بيك:)
هييه هيه و لا متنساش تتصل بكرة بعد الدرس لو هتنزل وهابقي اكلمك في الموضوع و هاحكيلك الحكاية عشان متهبلش كتير
كلنا عارفين ان الموت هو الحقيقه الوحيده ف حياتنا
بس برضه فى شعوب عايشه اموات ف ظل القهر
مفلس : طبعا كلنا عارفين وبعدين حتي اموات من القهر ده تعبير مجازي لان الموت بالنسبة للعام الي انت بتتكلم عنهم دول راحة لان حياتهم فيها ما ينسي الانسان نفسة
ليه اللون الحزايني ده يا كباتن
دانتوا لسه في مقتبل العمر
بس التفكير في الموت مش وحش ..حلو ..عظه
تحياتي ع التفكير العميق و الإسلوب السهل
سوسة : ده مش لون حزايني ومش اكتئاب بالعكس ده الامل نفسه او تقدره تقولي انه نظرة حقيقة للحياة عشان نقدر نقدر الامور بشكل صحيح علي العموم شكرا للتعليق
على رايك الموت كويس وحلو
بس اية اللى ضمنك يا حلو بقا انك فى الاخرة دى مش حتاخد على دماغك برضة من عمايلك السودااا؟
اية اللى ضمنك انك مش حتلاقى هناك اللى يجرجرك على بوزك كدة ويشويك ويسلخك من تحت راس عملة عملتها او كدة ومانتش فاكر؟؟
الموت مش حل لاى حاجة
الموت حق على رقاب العباد
وليس حل
دة ممكن المصيبة اللى تواجهها بعد الموت يكون ملها شحل فعلا لانه خلاص يا باشا اوان التوبة فات
لكن فى الدنيا الفرص كتير اوى اوى
كمان فرص تحصيح مسار اخرتك فى الدنيا موجود وبكثرة كمان
يعنى قبل ما الروح توصل للحلقوم كدة قوم زى الشاطر وراجع حساباتك وشوف يا ترى دنيتك والفرص اللى فيها احسن؟؟ ولا اخرتك بعد ضياع فرص التوبة اللى كانت متوفرة لك فى الدنيا احسن؟؟
وربنا يحسن ختامنا جميعنا ويرزقنا الفرصة اللى نقدر نتوب له فيها قبل الروح ما توصل للحلقوم
كويس وحلو
بس اية اللى ضمنك يا حلو بقا انك فى الاخرة دى مش حتاخد على دماغك برضة من عمايلك السودااا؟
مين ضامن اصلا محدش عارف حاجة
__________
الموت مش حل لاى حاجة
الموت حق على رقاب العباد
وليس حل
الموت حل مش بالشكل الي انت فاكرهاه يعني اقتل نفسي لو عندي مشكلة الفكرة الي انا عايز اوصلها هي بساطة الدنيا فقط
انما الموت هو اخر الحلول ..
شهروزة للاسف الانسان معرفتة عن كل شي متعلق بكل شي ضئيلة جدا جدا للاسف
آدي آخرة البلاي ستيشان
بس تصدق حلو
أحسن حاجه ان الواحد يعمل لآخرته