Showing posts with label دين. Show all posts
Showing posts with label دين. Show all posts
في الاسماعلية من اكتر من اسبوع، رحت اجيب حاجة من سوبر ماركت صغير، او بقالة، لما دخلت لقيت ايقونة لأحد القديسيين، ابتسمت لصاحب المحل عشان مايخدش فكرة اني باتنّح في الايقونة، لأن الاسماعلية غزاها النقاب بشكل مش موجود في اي حتة تانية في مصر، والتشدد منتشر جداً جداً، خدت بالي بعدها من صورة مرشحة في مجلس الشعب، مظهرها واسمها اوحالي انها مسيحية، شكل البوستر كان زي بوسترات الحزب الوطني، سألت البائع اذا كان ده صحيح، ردّ بعصبية غريبة وتحدي، من شكله وشكل المحل ماعتقدش انه مبسوط من سياسة الحزب وكأنه عاوز يقولّي: مرشحة مسيحية مش مهم الحزب
صديق ليّ كان عاوز يشرب بيرة، انا مابشربش، بس رحت معاه عشان كان مسافر بعدها، شرب اول ازازة
ID 10%
وفتح التانية، دخل علينا اتاري، نزل امين، فتشنا، سألته عن سبب التفتيش، فرد بتحدي: عاوزنا ننفز القانون؟ بصيت لصاحبي اللي ارتكب مخالفة الشرب في الشارع، رديت بلأ عشانه، بعدها بعت صاحبي يجيبله فلوس من البيت عشان يسيبه وخد موبايله، منعني من الاتصال باي حد، فضلنا نتكلم سوا، حبيت استفزه بالكلام عن التعذيب بالذات في قسمهم اللي كان فيه جريمة قتل لمحجوز قبلها باسبوع، قطع كلامنا تليفون جاله، رنته كانت سورة من القرأن، بعدها قاللي: لازم تنصح صاحبك ان كده غلط، انتوا شباب زي الفل، حرام كده، صاحبي جه، اداله 50 جنيه، قاله ماينفعوش عشان هايتوزعوا عالاتنين الامناء اللي معايّ، وخد 100 جنيه ومشي، وقبل مايمشي أكد علي نقطة ان الخمرة حرام، وتجاهل كلامي عن التعذيب، كلمني عن الخمرة وركّز في الموضوع ونسي يحط الرشوة في جيبه، ففضل يشرح بايده عن حرمانية الخمرة وانا عينيّ مع الرشوة بتروح وتيجي
امبارح كنت باجيب حاجة من
technology mall
المكان ده اسلامي حتي النخاع، اشتريت حاجة من محل كله دقون، طالبت بالفاتورة، قالولي لا لو ماشتغلتش رجعها-تهرب من الضرائب، غالباً عشان مافيش بيت مال
المهم الحاجة ماشتغلتش، رجعتها وبدلتها، كان فيه 10 جنيه فرق بحسب البياع، وانا بادفع عند الدقن الجالسة علي المكتب، سألته تاني اذا كانت ب25 ولا 35، قاللي قول لا اله الا الله وصلّي عالنبي النهاردة الجمعة، فعملت كده، قاللي يبقي ب25، قلتله هو لو كنت طلعت مسيحي كانت هاتبقي ب35؟ قاللي لو كنت مسيحي كنت هاشوف ساعتها، قلتله حرام ده مش من الاسلام العنصرية ديه،لا اله الا الله باهرج معاك يا راجل
صديق ليّ كان عاوز يشرب بيرة، انا مابشربش، بس رحت معاه عشان كان مسافر بعدها، شرب اول ازازة
ID 10%
وفتح التانية، دخل علينا اتاري، نزل امين، فتشنا، سألته عن سبب التفتيش، فرد بتحدي: عاوزنا ننفز القانون؟ بصيت لصاحبي اللي ارتكب مخالفة الشرب في الشارع، رديت بلأ عشانه، بعدها بعت صاحبي يجيبله فلوس من البيت عشان يسيبه وخد موبايله، منعني من الاتصال باي حد، فضلنا نتكلم سوا، حبيت استفزه بالكلام عن التعذيب بالذات في قسمهم اللي كان فيه جريمة قتل لمحجوز قبلها باسبوع، قطع كلامنا تليفون جاله، رنته كانت سورة من القرأن، بعدها قاللي: لازم تنصح صاحبك ان كده غلط، انتوا شباب زي الفل، حرام كده، صاحبي جه، اداله 50 جنيه، قاله ماينفعوش عشان هايتوزعوا عالاتنين الامناء اللي معايّ، وخد 100 جنيه ومشي، وقبل مايمشي أكد علي نقطة ان الخمرة حرام، وتجاهل كلامي عن التعذيب، كلمني عن الخمرة وركّز في الموضوع ونسي يحط الرشوة في جيبه، ففضل يشرح بايده عن حرمانية الخمرة وانا عينيّ مع الرشوة بتروح وتيجي
امبارح كنت باجيب حاجة من
technology mall
المكان ده اسلامي حتي النخاع، اشتريت حاجة من محل كله دقون، طالبت بالفاتورة، قالولي لا لو ماشتغلتش رجعها-تهرب من الضرائب، غالباً عشان مافيش بيت مال
المهم الحاجة ماشتغلتش، رجعتها وبدلتها، كان فيه 10 جنيه فرق بحسب البياع، وانا بادفع عند الدقن الجالسة علي المكتب، سألته تاني اذا كانت ب25 ولا 35، قاللي قول لا اله الا الله وصلّي عالنبي النهاردة الجمعة، فعملت كده، قاللي يبقي ب25، قلتله هو لو كنت طلعت مسيحي كانت هاتبقي ب35؟ قاللي لو كنت مسيحي كنت هاشوف ساعتها، قلتله حرام ده مش من الاسلام العنصرية ديه،لا اله الا الله باهرج معاك يا راجل
افتكرت مرة كنت رايح الجامعة، فراكب اوتوبيس-مش عاوز اسوق عشان اعرف اقرا وفاكس اوي باص- بس، فجه راجل عامل ملتحي قعد جنبي، لما شاف كتاب الالماني قاللي انت في الجامعة الالمانية، قلتله اه، ابتسمت ابتسامة سخيفة وكملت اللي اقراه، فضل مركز معايا، وبعدين قاللي ربنا معاك، لازم تشد في المذاكرة وتستفاد من علمهم عشان تهزمهم بيه أعداء الاسلام دول، باين عليك طيب، انا باشطب في عمارة هنا، ابقي تعالي زورني بعد الجامعة كل كام يوم
كنت في وسط البلد الجمعة اللي فاتت، واضطريت أسفاً أصلي في زاوية، الفكرة اني متعود عالمساحة اللي شيخ مسجدنا بيفتي فيها، مش متعود اسمع كلام مالوش علاقة بالدين من شيخ تاني في الصلاة، المهم رحت الزاوية، وكأن مش كفاية ريحة المجاري، كمان الخطيب شاب محفلط ومظفلط وابيض ومليث كده، وكل شوية: يا رب أهلك اليهود يا رب العلمين، يا رب موّت اليهود-حاجة سيس اوي موّت ديه- يا رب العلمين، مش عارف ايه ديدان عند اليهود امييييين، بعد الصلاة نويت ادخل افهمه، من منطلق ان الاسلام مافيهوش كهنوت وان كبار الصحابة وقف قدامهم عوام وصححوا ليهم، واحد صاحبي قالّي فاكس ومش عارف ايه، المهم قلت لأ واجب عليّ وكده
بعد معاناة للوصول لأ الزاوية عبارة عن طرقة ومش مهم ديقة المهم هاتخلص صاحب العمارة من الضرايب
أنا:السلام عليكم
هو:وعليكم السلام
-انا بس عاوز انصحك ماتدعيش عاليهود، ادعي عالصهانية، حتي مش الاسرائليين، لأ! الصهاينة
-انت مسلم الأول ولا انت جاي منين؟
-ايوة انا مسلم، كنت باصلي وراك، مش من حقك تشكك في ديني
-لا يا أخي انا بس باتأكد
-حتي ربنا وصانا باهل الكتاب
-لا معلش، ربنا وصانا بالنصاري، جاري وزميلي وحبيب قلبي-ناقص يغني عم مينا بتاع زمان- هو ده اللي اوده واحبه واحترمه
-وجار الرسول اليهودي اللي كان بيرمي قدامه زبالة والرسول بيعامله كويس
-ده الرسول بقي
-ايوة بس انت شيخ وده المفروض قدوتك
-اولاً انا لسه طالب علم، ثانياً ديه اخلاق نبي، عاوزني ابقي نبي؟
-بلاش النبي، انا عاوز بس افهمك انهم مش كلهم موافقين عاللي بيحصل، فيه في اسرائيل نشطاء سلام انقذو اراضي كتير، فيه مؤرخين جدد فادوا القضية الفلسطينية اكتر من مئات المفكرين والمؤرخين العرب، عندك نوم تشومسكي اللي ممنوع يدخل اسرائيل او الضفة، حركات الحاخامات المعادية للصهيونية في العالم كله
-كل ده خطة عشان تقول فيه منهم الكويس ومنهم الوحش، والله يا اخي.. والله.. كلهم بيكرهونا، وهايجي اليوم اللي هانبيدهم فيه
-طيب وراشيل كوري اللي ضحت بحياتها علشان بيت عيلة فلسطينية؟
-برضو خطة
-هاتضحي بحياتها عشان الخطة؟
-يا اما بقي أسلمت في السر خوفاً علي نفسها منهم، عارف، برضو تبع الخطة كل الممثلين في العالم الاسلامي، دايماً بيطلعوا البطل قليل الادب وبيشرب سجاير
-هو اللي بيشرب سجاير قليل الادب؟
-طبعاً
-انا باشرب سجاير
-ايييه، همممم
-المؤمن ليس بسبّاب ولا لعّان
-لا ماقصدش.. قليل الادب مع نفسك، هذا ليس بعضوك، والله هو ليس بعضوك
(في الوقت ده حسيت انه بيكلمني عن عضوي الذكري)
-عاوز رقمك طيب عشان شكلك متأخر وانا كمان
-ليه؟
-عشان اتناقش معاك
-مالوش لزوم، انت بس دوّر عالكتّاب اللي قلتلك عليهم
-ليه بس يا اخي، انت شكلك طيب-الكلمة ديه بتضايقني جداً- وانا عاوز اتناقش معاك
-بس انا عندي امتحانات في الصيف
-وانا كمان، مش مشكلة هاجيلك
وهنا فضل لازق لحد ماتقريباً طلعت اجري
سواق تاكسي مسخرة في اسكندرية برضو الكلام جه عن اليهود، فقالك ايه بقي:
-يا بيه والله عالم وسخة، عارف انت زمان كان عابر السبيل لازم تبيته وتأكله وتوجّب معاه، فكان فيه عابر سبيل يهودي عدّي علي سدنا ابراهيم
-التوراة نزلت علي موسي بعد ابراهيم عليهما السلام بقرون
-بلاش ديه، كان فيه راجل يهودي قابل سيدنا عمر رضي الله عنه، مثلاً زينا كده، قابله عند المحطة الجديدة وقاله انت رايح نادي سموحة يا عمر؟ قاله اه.. ولله المثل الاعلي-امريكا بتستهبل يا فوزية، قال سيدنا عمر قابل اليهودي وراحوا نادي سموحة- المهم بعد ماوصلوا سيدنا عمر قاله بس انت مش يهودي، قال له ليه؟ قال علشان عندكوا في التوراة فيه اية بتقول" ما اجتمع مسلم ويهودي الا وقتله" وانت ماقتلتنيش، قاله انا ماقدرش اقتلك ولا 10 من قبيلتي يقدروا، بس انا كنت ماشي وراك بخطوة بخرم في خيالك بالسيف بتاعي
ده بقي التاريخ عنده جامد، يعني شوف فرق كام الف سنة بين التوراة والقرأن علشان يبقي فيها الكلام ده، ويهودي قابل سيدنا ابراهيم في العراق، يعني قبل حتي مايخلّف اسحق-عليهما السلام- ابو اليهود
وهكذا افتكس الشيخ الفزازي "الاستبداد الشعبي" بعد اكثر من قرن علي صدور كتاب "طبائع الإستبداد" للمفكر الإسلامي" عبد الرحمن الكوكبي"، مش عارف الناس ديه فين، وازاي الفيديو لسه عاليوتيوب ماتشلش، بس حبيت اشلكوا زي مانا اتشليت
التدريب في الشركة اللي اتدربت فيها ديه بينلي حاجات كتير اوي، يعني عمري ماكنت اتخيل ان الموضوع واصل لكده، واحد في الشركة لما اتكلمنا عن طالبان واللي عملوه في تماثيل بوذا قاللي ان لو الأثار الفرعونية عملت "فتنة" يبقي تتهد، وواحد تاني محاسب كده كان بيوصلنا مكان ما، المهم اهله عندهم محلات تحف فرعونية في خان الخليلي، فهو شايف ان رمسيس مايستهلش الملايين اللي اتصرفت علي نقله، "وهو يعني رمسيس عملنا ايه، مانبيعه عالاقل يجيب قرشين"، "السياحة مصدر الدخل الاول لمصر، وبعدين امال لو ماكنتش بتشتغل في التحف والدهب"، "يا باش مهندس انت تعرف ان رمسيس ده هو فرعون؟"، "مش مثبت وحتي لو فرعون احنا مالنا ربنا انتقم منه وخلاص"، "فرعوون"
بس كده
بس كده
1-لو رحت شارع الصحافة، بالتحديد مبني الاخبار الجديد اللي هو فيه كتاب الاخبار واخبار الادب، هاتلاقي قدامه مسجد في الشارع ووراه جامع اكبر تبعة ميناء القاهرة البري، وبرضو الموظفين في المبني بالذات الاقل درجة بيفرشوا مصليات في الادوار ويقيموا الاذان، المفروض يصلوا في اي جامع من الاتنين، بس الفكرة انهم كده بيقولوا للصحفيين "مش انت صحفي وبيه؟ انا بقي في حماية اللي اكبر من اي بيه"
القيادات في الاخبار بيسكتوا عن فوضي الاذان والصلاة داخل المبني قدام ان اللي بيصلوا يسكتوا عن الفساد
2-مرة كنت باصلي في زاوية من الزواية اللي في جامعتي "الجامعة الالمانية في القاهرة"، اللي هي اصلا مش المفروض تبقي جوا المباني لان قوانين الجامعة بتمنع السياسة والدين جواها، فلقيتهم بيأذنوا، قلت مش مشكلة اتكلم فيها يعني مع اني اتدايقت، وبعدين في وصت الصلاة لقيت ان فيه "مُبلغ" واللي مش عارف المبلغ ده كان بيبقي في الجاومع الكبيرة قبل اختراع المايكروفون عشان الناس تسمع الامام وهو بيقول الله اكبر وسمع الله لمن حمد ووهو بيسلم، فبعد الصلاة رحت سالت هم ليه بيبلغوا ع انننا 3 صفوف بس، فلقيت الاجابة المفاجئة ديه:"اصل الزاوية اللي فوق بتاعة النساء، ومش المفروض صوتهم يطلع علشان زي مانت عارف صوت المرأة عورة" عورة في الجامعة الالمانية.....شخرة بقي
3-النهاردة كنت راجع من الجامعة فراكب ميكروباص ساوقه "اخ من الاخوة عليهم السلام"، اول ما ركب لقيته قام مشغل شريط ديني من اللي هم بتوع الرصيف دول، عارفين اعلان اكاديمية سموحة ده؟ اللي هو بيقولو الكلمة وبعديها بيضربوا رشاش ويرموا قنابل يدوية دول
المهم باقولو لو سمح يا ريس الصوت بس عشان انا باقري، لقيت راجل جنبي كده غلبان برضو زي سعاة الاخبار، عاوز بقي يبقي ليه سلطة، قالي "ماتقري انت في سرك، الراجل حر في عربيته" قلتلو بكل احترام "ايوة حضرتك بس انا عاوز اقري، وبعدين انا فعلا باقري في سري بس مش عارف اقري منه" قالي :هو حر في عربيته"، قلتلوا"ديه مواصلات مش عربية ملاكي، وانا مش عاوز اسمع، وبعدين بعد اذن حضرتك انا باكلمه هو"، السواق فتحهالي خالص لحد مامشي نص الطريق علي اعتبار انه بيلم الاجرة، وبعدين بصلي
-ايوة يا فندم
-لو سمحت ياسطة الصوت بس
-اوطيه يعني؟
-لا لو سمحت اقفله
-ليه؟
-علشان انا باقري
-ليه هو حضرتك بتقري ايه؟
-هاتفرق معاك يعني، باقري اي كتاب
-معلش يعني قلي
-اليهود لجمال حمدان، سياسة يعني
-اه يعني انت بتفضله عن كلام ربنا
-لا مش بافضله علي كلام ربنا، بس اللي انت بتقوله معناه اسمع كلام ربنا 24 ساعة في اليوم، وماندرسش غير دين(نبقي زي افغانستان يعني)
-لا يا سيدي، اول اية في القران بتقول اقرأ(عاوز اقله كده اقري عادي بس لو اي واحد شغل قران ولا وعظ اروح اقعد جنبه واسيب اللي في ايدي)
ماهو انا لازم لما ادخل في نقاش مع اي حد بدقن ادافع عن نفسي، تسمع عن فيلم فتنة؟
-لا انا مابشوفش افلام، حرام
-لا ده الفيلم الهولندي اللي شتم الاسلام، اهو انا بقي رديت عليه، والحمد لله مابفوتش فرض
-انت عاوز يعني تدافع عن الاسلام
-لا انا دلوقتي بدافع عن نفسي
(وبنتين لابسين محزق قاعدين ورايا قعدوا يدافعوا عن الراجل ويقولولي هو حر ديه عربيته وانا اقلهم ديه مواصلات مش ملاكي، بعدين قعدوا يفسوا ففكستلهم)
-انت لو عاوز تدافع عن الاسلام لازم تطلق لحيتك وتحفظ كلام ربنا وتنقب مراتك وبنتك واختك( متجوز وعندي بنتعلي اساس ان الجواز في سن مبكرة ده كان متاخد من السلف الصالح عليهم الصلاتو والسلامو جميعا والله ولي التوفيق)
وهم لما رسموا كاركيتير في الدنمارك علي رسولنا رسموا ليه؟
-ليه؟
-علشان لقوا الرسول هاين علينا، شكلنا مش علي سنته ، اللي بدقن وجلباب في افلامنا واحد ارهابي، فلما لقوه هان علينا كده قاموا راسمين(قالوا ظيطةةةةة فسحة فسحة عم خليل الأوزعة)
ولما لقونا سايبين اخواتنا في العراق وغزة بيموت
-هاسال حضرتك سؤال، هو حضرتك عملت ايه علشان غزة؟
-حلو اوي، اقلك انا عملت ايه(الاجابة الجاية هي الاجابة النمذجية لا حد يسال اي واحد من "الاخوة" عملت ايه بغض النظر عن "في ايه")
انا الطقت لحيتي، باحفظ كتاب الله، منقب مراتي ومحجب بنتي وبادعيلهم في صلاتي(الدعاء هنا من اسلوبه عايد علي مراته وبنته)
-وده هايفيد المتين وشوية اللي ماتوا عشان مافيش ادوية في غزة في ايه؟ انا بقي رحت قافلة عشان غزة وباحاول اعرف الناس عن المشكلة
(وهنا قاطعني لانه هنج مني، والدعوة عند الاخوة-علي اساس اني ضال- فيها نوع من التعالي، فالذي يدعوا مثل الرجل العربي في السرير مع زوجته، لا يكترث الي ما تريد، فهو "يبُخ" وهي ما عليها الا التلقي)
- ربنا مش هايحاسبني علي انا عملت ايه لغزة ا العراق، لان انا مش في مقدوري حاجة، اما ربنا هايحاسب وزير المالية عشان مادهمش فلوس، وهايحاسب وزير الدفاع عشان ماحربش
-طيب ليه بتاخد مبادرة فردية للدعوة ومش بتاخد مبادرة فردية للدفاع عن حقوقك(وكنت عاوز اقله افضل الجهاد عند الله كلمة حق عند حاكم جائر بس هو قاطعني، واصلا ماكنش هايعرف الحديث لان الحديث ده حرام عند الشيوخ في مصر، لانه يعارض الاية الكريمة اللي بتقول "وأطيعوا الله وأطيعوا الرسول وأولي الأمر منكم"، او لان الحاكم الجائر ده هو اللي طالقهم علينا، يعني المام، واللي محتاجه البيت يحرم عالجامع، والشعب في قول اخر)
-اصل الدعوة ديه حق، انا بادعوك بالحسني، باسمعك غصب عنك اه، علشان ده كلام ربنا، بس انت تاخد بيه او لا ديه بقي الحرية، امال الرسول كان بيحارب الكفار ليه؟ علشان مش عاوزين يسمعو، تفتكر احنا اتولدنا شيوخ يعني؟ ممكن واحد يبقي طيب زيك كده او واحدة لابسة عريان وبعد كده ربنا يهديها، وهو اختنا شمس البارودي كانت ايه؟ احنا جاتلنا افكار ماجتلكش، وعملنا اللي ماعملتوش، بس جالنا واحد طيب قالي شغل ده ياسطة، ومن ساعتها وانا سمعته اربعين الف مرة، ممكن ابقي تعبان، بس استحمل علشان اهديكم وادخل اخواتي المسلمين الجنة، طيب انت بتقلي ديه حريتك، انا امبارح غيرت اودة نومي علشان واحد كان مشغل اغنية بتقول تعبانة اه يانا، لو قلتلوا اقفل هايقولي حريتي،
- انت كان المفروض تتكلم، وانا لو لقيت سواق مشغل كده هاقله اقفل برضو
-وبعين انت ممكن تلاقي واحدة مش محجبة معانا هنا في العربية، هي لو بتتقي ربنا كانت اتحجبت(هنا اتبسط لانه خبط في حليفاته من العاهرات الغير محجبات استغفر الله واتوب اليه واعوز بالله من الشيطان الرجيم واقموا الصلاة)
-ردت واحدة محجبة قالتلو كل ديه قشور نوصلها في الاخر، مش بالحجاب ولا بالجلبية ولا باللحية
انا بقي كنت نازل
-فنزلت وبصتلوا من الشباك بتاعه وقلتلوا في ستات مش محترمة محجبات ومنقبات
-التيوتا ديه بتعمل حادثة، بس العيب في السواق، دول لا نحاسب عليهم
انا اتدايقت اوي لاني ماعرفتش اتكلم لانه هو الداعية وبالتالي فانا ماعليش غير اني اسيبه ينتهك عرضي
بي اس:انا فاكر جمل بس مش بالترتيب اوي فرتبتهم بالتريب اللي فاكره وخلاص
هذا وعليكم اللعنة جميعا والي الجحيم ايها السفهاء الاوغاد الحمقي يا ولاد تيت الكلب يا كفرة
القيادات في الاخبار بيسكتوا عن فوضي الاذان والصلاة داخل المبني قدام ان اللي بيصلوا يسكتوا عن الفساد
2-مرة كنت باصلي في زاوية من الزواية اللي في جامعتي "الجامعة الالمانية في القاهرة"، اللي هي اصلا مش المفروض تبقي جوا المباني لان قوانين الجامعة بتمنع السياسة والدين جواها، فلقيتهم بيأذنوا، قلت مش مشكلة اتكلم فيها يعني مع اني اتدايقت، وبعدين في وصت الصلاة لقيت ان فيه "مُبلغ" واللي مش عارف المبلغ ده كان بيبقي في الجاومع الكبيرة قبل اختراع المايكروفون عشان الناس تسمع الامام وهو بيقول الله اكبر وسمع الله لمن حمد ووهو بيسلم، فبعد الصلاة رحت سالت هم ليه بيبلغوا ع انننا 3 صفوف بس، فلقيت الاجابة المفاجئة ديه:"اصل الزاوية اللي فوق بتاعة النساء، ومش المفروض صوتهم يطلع علشان زي مانت عارف صوت المرأة عورة" عورة في الجامعة الالمانية.....شخرة بقي
3-النهاردة كنت راجع من الجامعة فراكب ميكروباص ساوقه "اخ من الاخوة عليهم السلام"، اول ما ركب لقيته قام مشغل شريط ديني من اللي هم بتوع الرصيف دول، عارفين اعلان اكاديمية سموحة ده؟ اللي هو بيقولو الكلمة وبعديها بيضربوا رشاش ويرموا قنابل يدوية دول
المهم باقولو لو سمح يا ريس الصوت بس عشان انا باقري، لقيت راجل جنبي كده غلبان برضو زي سعاة الاخبار، عاوز بقي يبقي ليه سلطة، قالي "ماتقري انت في سرك، الراجل حر في عربيته" قلتلو بكل احترام "ايوة حضرتك بس انا عاوز اقري، وبعدين انا فعلا باقري في سري بس مش عارف اقري منه" قالي :هو حر في عربيته"، قلتلوا"ديه مواصلات مش عربية ملاكي، وانا مش عاوز اسمع، وبعدين بعد اذن حضرتك انا باكلمه هو"، السواق فتحهالي خالص لحد مامشي نص الطريق علي اعتبار انه بيلم الاجرة، وبعدين بصلي
-ايوة يا فندم
-لو سمحت ياسطة الصوت بس
-اوطيه يعني؟
-لا لو سمحت اقفله
-ليه؟
-علشان انا باقري
-ليه هو حضرتك بتقري ايه؟
-هاتفرق معاك يعني، باقري اي كتاب
-معلش يعني قلي
-اليهود لجمال حمدان، سياسة يعني
-اه يعني انت بتفضله عن كلام ربنا
-لا مش بافضله علي كلام ربنا، بس اللي انت بتقوله معناه اسمع كلام ربنا 24 ساعة في اليوم، وماندرسش غير دين(نبقي زي افغانستان يعني)
-لا يا سيدي، اول اية في القران بتقول اقرأ(عاوز اقله كده اقري عادي بس لو اي واحد شغل قران ولا وعظ اروح اقعد جنبه واسيب اللي في ايدي)
ماهو انا لازم لما ادخل في نقاش مع اي حد بدقن ادافع عن نفسي، تسمع عن فيلم فتنة؟
-لا انا مابشوفش افلام، حرام
-لا ده الفيلم الهولندي اللي شتم الاسلام، اهو انا بقي رديت عليه، والحمد لله مابفوتش فرض
-انت عاوز يعني تدافع عن الاسلام
-لا انا دلوقتي بدافع عن نفسي
(وبنتين لابسين محزق قاعدين ورايا قعدوا يدافعوا عن الراجل ويقولولي هو حر ديه عربيته وانا اقلهم ديه مواصلات مش ملاكي، بعدين قعدوا يفسوا ففكستلهم)
-انت لو عاوز تدافع عن الاسلام لازم تطلق لحيتك وتحفظ كلام ربنا وتنقب مراتك وبنتك واختك( متجوز وعندي بنتعلي اساس ان الجواز في سن مبكرة ده كان متاخد من السلف الصالح عليهم الصلاتو والسلامو جميعا والله ولي التوفيق)
وهم لما رسموا كاركيتير في الدنمارك علي رسولنا رسموا ليه؟
-ليه؟
-علشان لقوا الرسول هاين علينا، شكلنا مش علي سنته ، اللي بدقن وجلباب في افلامنا واحد ارهابي، فلما لقوه هان علينا كده قاموا راسمين(قالوا ظيطةةةةة فسحة فسحة عم خليل الأوزعة)
ولما لقونا سايبين اخواتنا في العراق وغزة بيموت
-هاسال حضرتك سؤال، هو حضرتك عملت ايه علشان غزة؟
-حلو اوي، اقلك انا عملت ايه(الاجابة الجاية هي الاجابة النمذجية لا حد يسال اي واحد من "الاخوة" عملت ايه بغض النظر عن "في ايه")
انا الطقت لحيتي، باحفظ كتاب الله، منقب مراتي ومحجب بنتي وبادعيلهم في صلاتي(الدعاء هنا من اسلوبه عايد علي مراته وبنته)
-وده هايفيد المتين وشوية اللي ماتوا عشان مافيش ادوية في غزة في ايه؟ انا بقي رحت قافلة عشان غزة وباحاول اعرف الناس عن المشكلة
(وهنا قاطعني لانه هنج مني، والدعوة عند الاخوة-علي اساس اني ضال- فيها نوع من التعالي، فالذي يدعوا مثل الرجل العربي في السرير مع زوجته، لا يكترث الي ما تريد، فهو "يبُخ" وهي ما عليها الا التلقي)
- ربنا مش هايحاسبني علي انا عملت ايه لغزة ا العراق، لان انا مش في مقدوري حاجة، اما ربنا هايحاسب وزير المالية عشان مادهمش فلوس، وهايحاسب وزير الدفاع عشان ماحربش
-طيب ليه بتاخد مبادرة فردية للدعوة ومش بتاخد مبادرة فردية للدفاع عن حقوقك(وكنت عاوز اقله افضل الجهاد عند الله كلمة حق عند حاكم جائر بس هو قاطعني، واصلا ماكنش هايعرف الحديث لان الحديث ده حرام عند الشيوخ في مصر، لانه يعارض الاية الكريمة اللي بتقول "وأطيعوا الله وأطيعوا الرسول وأولي الأمر منكم"، او لان الحاكم الجائر ده هو اللي طالقهم علينا، يعني المام، واللي محتاجه البيت يحرم عالجامع، والشعب في قول اخر)
-اصل الدعوة ديه حق، انا بادعوك بالحسني، باسمعك غصب عنك اه، علشان ده كلام ربنا، بس انت تاخد بيه او لا ديه بقي الحرية، امال الرسول كان بيحارب الكفار ليه؟ علشان مش عاوزين يسمعو، تفتكر احنا اتولدنا شيوخ يعني؟ ممكن واحد يبقي طيب زيك كده او واحدة لابسة عريان وبعد كده ربنا يهديها، وهو اختنا شمس البارودي كانت ايه؟ احنا جاتلنا افكار ماجتلكش، وعملنا اللي ماعملتوش، بس جالنا واحد طيب قالي شغل ده ياسطة، ومن ساعتها وانا سمعته اربعين الف مرة، ممكن ابقي تعبان، بس استحمل علشان اهديكم وادخل اخواتي المسلمين الجنة، طيب انت بتقلي ديه حريتك، انا امبارح غيرت اودة نومي علشان واحد كان مشغل اغنية بتقول تعبانة اه يانا، لو قلتلوا اقفل هايقولي حريتي،
- انت كان المفروض تتكلم، وانا لو لقيت سواق مشغل كده هاقله اقفل برضو
-وبعين انت ممكن تلاقي واحدة مش محجبة معانا هنا في العربية، هي لو بتتقي ربنا كانت اتحجبت(هنا اتبسط لانه خبط في حليفاته من العاهرات الغير محجبات استغفر الله واتوب اليه واعوز بالله من الشيطان الرجيم واقموا الصلاة)
-ردت واحدة محجبة قالتلو كل ديه قشور نوصلها في الاخر، مش بالحجاب ولا بالجلبية ولا باللحية
انا بقي كنت نازل
-فنزلت وبصتلوا من الشباك بتاعه وقلتلوا في ستات مش محترمة محجبات ومنقبات
-التيوتا ديه بتعمل حادثة، بس العيب في السواق، دول لا نحاسب عليهم
انا اتدايقت اوي لاني ماعرفتش اتكلم لانه هو الداعية وبالتالي فانا ماعليش غير اني اسيبه ينتهك عرضي
بي اس:انا فاكر جمل بس مش بالترتيب اوي فرتبتهم بالتريب اللي فاكره وخلاص
هذا وعليكم اللعنة جميعا والي الجحيم ايها السفهاء الاوغاد الحمقي يا ولاد تيت الكلب يا كفرة
فيه كام حاجة حصلت كده عاوز اتكلم عنهم:
1- كان فيه واحد بدقن ومراته المنقبة فاتحين صيدلية جنبينا فكنا بنجيب منهم، لما اقلهم صباح الخير يقولولي وعليكم السلام(وكأني قلت عم صباحك)، لو نزلت بشورت يبصولي بصة مش كويسة، وبينصحوا الغير محجبات بالحجاب وبيسألوا اذا كانوا مسلمات ولا لأ، المهم طلع ان الراجل ده مهندس والصيدلية باسم اخوه الصيدلي اللي عايش بره، وعربيته المازدا متأجرة، ومادفعش فلوس متأخرة عليه لشركات أدوية، والأدوية مش هاينفع ترجع عشان باظت من سوء التخزين، وابن الوسخة بيتكلم عن الدين وكأنه بتاع امه
2- واحد اسمه لؤي معايا في الجامعة، كان بيشبه مسيحيين مصر بالصليبيين، وبيقول علي نفسه اخوان(وهو اهبل ومش فاهم يعني ايه اخوان اصلا) وبيشتم واحد عشان كاتب في الفيسبوك ان سيدنا عيسي في قلبه، وعشان مشترك في جروب اسمه السيدة مريم خير نساء الأرض
3-قوانين الجامعة بتمنع الشعارات الدينية او السياسية، علمانية الجامعة معمولة عشان الجامعة مكان علم، وانا احترمت الموضوع ده عشان ماينفعش يبقي فيها سياسة(لان الطلبة منهم اللي اهاليهم حزب وطني ومنهم اللي اهاليهم معارضة ولو اتفتحت للسياسة الناس هاتولع في بعض بالذات لان ماحدش في الجامعة عنده وعي سياسي)، بس الشق التاني ده بقي مظلوم اوي، يعني لوكرات الجامعة مليانة شعارات اسلامية من نوع فداك ابي وأمي يا رسول الله"" و"لا اله الا الله"، و"الحجاب طهارة وعفاف"، ماشي الكلام ده انا مش مختلف معاه بصفتي مسلم، بس مش المفروض القوانين تتطبق؟ يعني الجامعة فيها نسبة مسيحية كبيرة، وفيها داكترة المان يهود، لو واحد حط صليب هايتقطع من ناس زي لؤي، ولو حد حط نجمة داوود الناس هاتفتكرها علم اسرائيل ويقطعوها، وتحصل فتنة زي اللي حصلت في هندسة عين شمس السنة اللي فاتت، رحت اتكلمت مع العميد واقنعته، وقلتله انا مش ضد الاسلام لا سمح الله، انا عامل فيلم بارد بيه علي فيلم فتنة وقضيت وقت كبير باناقش الاجانب عن الاسلام، ماحدش من اللي معلقين "فداك ابي وامي يا رسول الله" عمل حاجة زي كده، اقنعته وقاللي فعلا القوانين لازم تطبق عالكل، وماعملش حاجة، بعديها باسبوعين بدات اشيل بنفسي، ماعرفتش اشيلهم من زمايلي، واحد يقلي اضحك عليا وشيلهم بعد مانزل، والتاني يزقني ويقولي "مش انت علماني، خليهم ينفعوك لما تموت"، واظن انه افتكر قوله تعالي " سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَنْ يَغْفِرَ اللَّهُ لَهُمْ إِنَّ اللَّهَ لا يَهْدِي الْقَوْمَ الْفَاسِقِينَ" بعد ماقالي كده
لما حكيت لناس تانية، واحد قالي "وانت ايه اللي مدايقك، ماهو ده ديننا، يعني كده احنا مستفيدين" وكأن العالم مكسب وخسارة، مش ده بيتناقض مع الاسلام؟ لما نبقي كل همنا بنكسب ولا بنخسر بغض النظر عن هل ده بيتعارض مع القانون ولا لأ، عموما بعد الميدترمات انا هاعلق بانار كفاية علي اللوكر بتاعي، عشان الناس بتقلي كل واحد حر في لوكره، ولو مسيحي او يهودي او بهائي او اي حد علق شعار ديني علي اللوكر بتاعه وحد شالهوله هاسحل اللي شاله.
اللي بيحصل في مصر من قمع للاقليات وللمرأة طبيعي جدا، لان الاغلبية مطحونة زي بقية الشعب، فبتحاول تبهدل الاضعف علي قدر الامكان، فتركب مواصلات تسمع قرأن بيتقري بطريقة سعودية وصوت عالي يخرملك ودانك، والراجل يروح البيت العصر يضرب مراته، بس مثلا طلبة جامعتي كلهم "ميسورين"، بيعملوا كده ليه؟ هل هم لما علقوا"فداك ابي وامي يا رسول الله" فهموا الغرب ان الرسول مهم بالنسبة لينا؟ وهل قوانين الجامعة معمولة عشان تنتهك؟ او زي ماقالي صديق "ك# ام القانون"؟
4- دكتور الفيزيا، طالع عليه اشاعة انه يهودي عشان اخر اسمه فيه "مان"، وايه يعني لو يهودي؟ فيه يهود اشرف من عرب كتير اوي(نعوم تشومسكي، سميحا فلابان، وبني موريس)
5-المواصلات كلها متعلق فيها شعارات دينية مع ان السواقين بيعملوا مليون حاجة حرام في اليوم، مش بس اسلامية، اسلامية ومسيحية(بس المسيحية بتبقي في التكسيات بس)، يعني انا زنبي ايه لما اركب تاكسي اسمع قسيس بيتكلم عن حاجة في المسيحية، وليه لما اركب لو السواق عرف اني مسلم بيعلي وبيطلب مني فلوس زيادة عن المعقول بكتير ويكشرلي(نفس الحاكية بتحصل من السواقين المسلمين)
يمكن الناس شايفة ان العلمانية كفر، او زي ماقال صديق "ممكن في اخرها توصلنا للكفر، بس هي في حد ذاتها لو زي مانت بتقول مش كفر"، بجد الشعب ده رايح في داهية ان شاء الله
عاوز اتكلم عن الفتنة الطائفية،
اولا من المنظور الديني(هاتكلم عن الاسلام لاني مسلم) مافيش نص قرأني يحث علي العنصرية باي شكل من الاشكال ضد اتباع الديانات الاخري، بالعكس القران يحث المسلمين علي التسامح، وعلي ان جزاء غير المؤمنين بيه عند الله وحده، يعني غير المسلم حر في عدم اسلامه
قال تعالي:"لا إكراه في الدين قد تبين الرشد من الغي"(البقرة 256)
"وقل الحق من ربكم فمن شاء فليؤمن ومن شاء فليكفر"(الكهف29)
"قل الله اعبد مخلصا له ديني فاعبدوا ما شئتم من دونه"(الزمر 14،15)
وسورة الكافرون بحالها بتكفل حرية العقيدة وعدم التدخل فيها
"لكم دينكم ولي دين"
وديننا وصانا باتباع الاديان الاخري وخصوصا المسيحيين
ومعظم الاديان كالاسلام تحث علي الحب والتسامح وعلي رأسها المسيحية(الله محبة)
بس مش عارف ليه كل الناس بتبقي عاوزة تبقي داعية وتركب الاوتوبيس لو لقيت واحد او واحدة مسيحية قاعدة تلاقي المصحف طلع وبدات القرائة بصوت عالي بنغمة تحذير وايات مختارة بدقة لتوعدهم، وكانه هو اللي هاينفذ التوعد مش ربنا مع ان ربنا قال:"ولو شاء ربك لأمن من في الأرض كلهم جميعا أفأنت تكره الناس حتي يكونوا مؤمنين"(يونس 99)
و"ولو شاء الله لجعلكم أمة واحدة ولكن ليبلوكم في ما ءاتكم فاستبقوا الخيرات إلي الله مرجعكم جميعا فينبئكم بما كنتم فيه تختلفون"(المائدة 48)
ده ربنا قال:"ربكم أعلم بكم إن يشأ يرحمكم أو إن يشأ يعذبكم وم أرسلناك عليهم وكيلا"(الإسراء54)
يعني اللي بيدعو للدين بالطريقة ديه ولا هو خايف علي اتباع الاديان الاخري ولا عشان خاطر ربنا ولا اصلا هايفيد الدين(المسلمين مليار ومتين مليون، وبعدين احنا ليه بنقعد ندعي ونبشر في بعض، ما نركز جهودنا علي الاديان الاخري، وزي ما قال عمنا زياد رحباني:
يا إسلام و يا مسيحية
إن ضليتوا بنفس التكتيك
رح بيصفي هالمواطن
وثني ، يهودي ، بولشيفيك)
هو نوع من الانانية وضيق الافق
ده بالنسبة للجانب الديني، بالنسبة بقي للجانب السياسي; في رأي الفتنة الطائفية ديه بتدسها الأنظمة الشمولية والانظمة اللي عاوزة تحتلنا، شوف كده من اول ما كان فيه مصر كان المحتل بيحاول يوقع بيننا، الانجليز لعبوا علي النقطة ديه قبل مالمصريين يفوقوا ويقولوا الهلال مع الصليب، امريكا لعبت عالسنة والشيعة في العراق ووسعتها في المنطقة كلها عشان تضعفنا اكتر ماحنا ضعفانين، ومصر برضو بيلعبوا عالنقطة ديه من خلال الدسائس عالجانبين والكلمات العنصرية زي الكفاتس مثلا(انا ماعرفش بيتقال علي المسلمين ايه من المسيحيين)المشكلة اننا مابنتعلمش من خطأنا، برضو الانظمة الفاسدة لما الناس بتبدا تقوم عليها بيبداوا فتن عن طريق مخابيل هوايتهم التوليع في الكنايس(اخرها الصاغة في القاهرة والاسكندرية قبل الاضراب ب 4 ايام بس).
ودايما المشكلة مابتتحلش حل جزري، بينزلوا الامن يطفي النار من فوق ويسيبوا الشرارة اللي كل مرة بتولع.
عالمستوي الاجتماعي، بقي ممكن كل يوم تشم ريحة الدخان اللي ممكن يحرقنا كلنا
تبقي برضو في الاوتوبيس وتسمع حكاوي تشل يتخللها رواية لنصف حديث شريف تخل بالمعني:"انصر اخاك ظالما او مظلوما"، مع ان ليها بقية"فقال رجل:يا رسول الله أنصره إذا كان مظلوما، أفرأيت إذا كان ظالما كيف أنصره؟!قال تحجزه أو تمنعه من الظلم،فإن ذلك نصره"
وازاي المسلم اللي شهد علي مسلمين كانوا هايموتوا واحد مسيحي غلطان والظابط لطشله وده طبعا حق سيدنا الظابط(عليه السلام)!
والمدرس اللي في عز حرب لبنان وقف يخطب فينا ان المسيحيين بيعمدوا الطفل عشان هو بيتولد مسلم، وخد عندك بقي قلة ادب وهبالة، ماحدش واعي، انا عشان اقنع واحد من الناس اللي همها في الحياة تاكيد كفر غير المسلمين واصحاب المذاهب الاخري في الاسلام قعدت ساعة ونص، والناس بتستجيب للفتنة لانها ببساطة بتعوض جزء من احساسهم بالقوة اللي خدتها منهم الانظمة الديكتاتورية زي النظام الحاكم في مصر
قبل ماكتب الموضوع ده باقول لواحد صاحبي انا هاكتب عن موضوع الفتنة الطائفية قالي يا راجل موضوع مهم عاوزك تفشخلي المسيحيين ولاد الوسخة
فاكر الواد مينا لما حكالي انه مرة قال لمدرس الدين بتاعه سلامٌ عليكم يا حج وازاي قام ضربه
نفسي مرة لما اسمع محمد منير وهو بيقول"واهي قامت مصر ام الاعاجيب وبتتعانق بهلال وصليب"اصدقه
في دلوقتي مبادرة من مجموعة من المدونين اسمها"مصارحة مصالحة" هدفها تطفية الشرارة اللي كل يوم بتولع ديه وهي باين من اسمها اننا بنصارح بعض باللي شايفينوا في بعض عشان المصالحة تتم. وبدل مانشتم علي بعض من ورا بعض نقول كل اللي شايفينو وحش في بعض ونتصالح لاننا عمرنا ماهنتقدم باللي احنا فيه ده، وبيتهايئلي لو عملنا كده هانشيل جزء كبير من الخرافات اللي بالمسها لما باسمع مسلم بيتكلم عن المسيحية او مسيحي بيتكلم عن الاسلام
اصلا احنا هانفضل هبل كده وهانضيع فرصة الاضراب زي ما ضيعناها قبل كده لما الريس ادانا 30 في المية وخد اضعافهم
زي ماقال عمنا زياد رحباني:
ليكو التاجر يا جماعة
بكل ميلة عندو شريك
شو ما دينك الله يعينك
بياخد منك ما بيعطيك
تعلم منو العلمانية
نقدي و لا بموجب شي
اولا من المنظور الديني(هاتكلم عن الاسلام لاني مسلم) مافيش نص قرأني يحث علي العنصرية باي شكل من الاشكال ضد اتباع الديانات الاخري، بالعكس القران يحث المسلمين علي التسامح، وعلي ان جزاء غير المؤمنين بيه عند الله وحده، يعني غير المسلم حر في عدم اسلامه
قال تعالي:"لا إكراه في الدين قد تبين الرشد من الغي"(البقرة 256)
"وقل الحق من ربكم فمن شاء فليؤمن ومن شاء فليكفر"(الكهف29)
"قل الله اعبد مخلصا له ديني فاعبدوا ما شئتم من دونه"(الزمر 14،15)
وسورة الكافرون بحالها بتكفل حرية العقيدة وعدم التدخل فيها
"لكم دينكم ولي دين"
وديننا وصانا باتباع الاديان الاخري وخصوصا المسيحيين
ومعظم الاديان كالاسلام تحث علي الحب والتسامح وعلي رأسها المسيحية(الله محبة)
بس مش عارف ليه كل الناس بتبقي عاوزة تبقي داعية وتركب الاوتوبيس لو لقيت واحد او واحدة مسيحية قاعدة تلاقي المصحف طلع وبدات القرائة بصوت عالي بنغمة تحذير وايات مختارة بدقة لتوعدهم، وكانه هو اللي هاينفذ التوعد مش ربنا مع ان ربنا قال:"ولو شاء ربك لأمن من في الأرض كلهم جميعا أفأنت تكره الناس حتي يكونوا مؤمنين"(يونس 99)
و"ولو شاء الله لجعلكم أمة واحدة ولكن ليبلوكم في ما ءاتكم فاستبقوا الخيرات إلي الله مرجعكم جميعا فينبئكم بما كنتم فيه تختلفون"(المائدة 48)
ده ربنا قال:"ربكم أعلم بكم إن يشأ يرحمكم أو إن يشأ يعذبكم وم أرسلناك عليهم وكيلا"(الإسراء54)
يعني اللي بيدعو للدين بالطريقة ديه ولا هو خايف علي اتباع الاديان الاخري ولا عشان خاطر ربنا ولا اصلا هايفيد الدين(المسلمين مليار ومتين مليون، وبعدين احنا ليه بنقعد ندعي ونبشر في بعض، ما نركز جهودنا علي الاديان الاخري، وزي ما قال عمنا زياد رحباني:
يا إسلام و يا مسيحية
إن ضليتوا بنفس التكتيك
رح بيصفي هالمواطن
وثني ، يهودي ، بولشيفيك)
هو نوع من الانانية وضيق الافق
ده بالنسبة للجانب الديني، بالنسبة بقي للجانب السياسي; في رأي الفتنة الطائفية ديه بتدسها الأنظمة الشمولية والانظمة اللي عاوزة تحتلنا، شوف كده من اول ما كان فيه مصر كان المحتل بيحاول يوقع بيننا، الانجليز لعبوا علي النقطة ديه قبل مالمصريين يفوقوا ويقولوا الهلال مع الصليب، امريكا لعبت عالسنة والشيعة في العراق ووسعتها في المنطقة كلها عشان تضعفنا اكتر ماحنا ضعفانين، ومصر برضو بيلعبوا عالنقطة ديه من خلال الدسائس عالجانبين والكلمات العنصرية زي الكفاتس مثلا(انا ماعرفش بيتقال علي المسلمين ايه من المسيحيين)المشكلة اننا مابنتعلمش من خطأنا، برضو الانظمة الفاسدة لما الناس بتبدا تقوم عليها بيبداوا فتن عن طريق مخابيل هوايتهم التوليع في الكنايس(اخرها الصاغة في القاهرة والاسكندرية قبل الاضراب ب 4 ايام بس).
ودايما المشكلة مابتتحلش حل جزري، بينزلوا الامن يطفي النار من فوق ويسيبوا الشرارة اللي كل مرة بتولع.
عالمستوي الاجتماعي، بقي ممكن كل يوم تشم ريحة الدخان اللي ممكن يحرقنا كلنا
تبقي برضو في الاوتوبيس وتسمع حكاوي تشل يتخللها رواية لنصف حديث شريف تخل بالمعني:"انصر اخاك ظالما او مظلوما"، مع ان ليها بقية"فقال رجل:يا رسول الله أنصره إذا كان مظلوما، أفرأيت إذا كان ظالما كيف أنصره؟!قال تحجزه أو تمنعه من الظلم،فإن ذلك نصره"
وازاي المسلم اللي شهد علي مسلمين كانوا هايموتوا واحد مسيحي غلطان والظابط لطشله وده طبعا حق سيدنا الظابط(عليه السلام)!
والمدرس اللي في عز حرب لبنان وقف يخطب فينا ان المسيحيين بيعمدوا الطفل عشان هو بيتولد مسلم، وخد عندك بقي قلة ادب وهبالة، ماحدش واعي، انا عشان اقنع واحد من الناس اللي همها في الحياة تاكيد كفر غير المسلمين واصحاب المذاهب الاخري في الاسلام قعدت ساعة ونص، والناس بتستجيب للفتنة لانها ببساطة بتعوض جزء من احساسهم بالقوة اللي خدتها منهم الانظمة الديكتاتورية زي النظام الحاكم في مصر
قبل ماكتب الموضوع ده باقول لواحد صاحبي انا هاكتب عن موضوع الفتنة الطائفية قالي يا راجل موضوع مهم عاوزك تفشخلي المسيحيين ولاد الوسخة
فاكر الواد مينا لما حكالي انه مرة قال لمدرس الدين بتاعه سلامٌ عليكم يا حج وازاي قام ضربه
نفسي مرة لما اسمع محمد منير وهو بيقول"واهي قامت مصر ام الاعاجيب وبتتعانق بهلال وصليب"اصدقه
في دلوقتي مبادرة من مجموعة من المدونين اسمها"مصارحة مصالحة" هدفها تطفية الشرارة اللي كل يوم بتولع ديه وهي باين من اسمها اننا بنصارح بعض باللي شايفينوا في بعض عشان المصالحة تتم. وبدل مانشتم علي بعض من ورا بعض نقول كل اللي شايفينو وحش في بعض ونتصالح لاننا عمرنا ماهنتقدم باللي احنا فيه ده، وبيتهايئلي لو عملنا كده هانشيل جزء كبير من الخرافات اللي بالمسها لما باسمع مسلم بيتكلم عن المسيحية او مسيحي بيتكلم عن الاسلام
اصلا احنا هانفضل هبل كده وهانضيع فرصة الاضراب زي ما ضيعناها قبل كده لما الريس ادانا 30 في المية وخد اضعافهم
زي ماقال عمنا زياد رحباني:
ليكو التاجر يا جماعة
بكل ميلة عندو شريك
شو ما دينك الله يعينك
بياخد منك ما بيعطيك
تعلم منو العلمانية
نقدي و لا بموجب شي
this is in response to Fitna
we didn't offend anybody or any religion
even the ones who offended our religion
الفيلم ده رد علي فيلم فتنة
ماغلطناش فيه في اي حد او اي دين
ولا حتي اللي غلطوا في ديننا
ده لينك الجروب عالفيسبوك
the group's link on Facebookماغلطناش فيه في اي حد او اي دين
ولا حتي اللي غلطوا في ديننا
ده لينك الجروب عالفيسبوك
http://www.facebook.com/group.php?gid=11550159145
وده الفيلم
and this is the movieقريت مقال الاستاذ جمال البنا في المصري اليوم
لاحظت بقي كذا حاجة في كلام المعلق علي مقاله في ايلاف"لزياني القرآني"
اولا:الشيخ القرأني شاب روش طحن وبيدخل البلتوك اللي هو حسب كلام ناس كتير شيء صهيوني يعني في حد بيدعي انه بيحب القرأن وبيقول انه بقالو سنين بيتعلمه يعمل شات وكمان في البلتوك؟!ده غير انه متابع تطور البروتستانت والليبرالية في امريكا اللاتنية
ثانيا:مش فاهم يقصد ايه بالحروب المقدسة يعني هل هي ضد اليهود مثلا ولا يقصد "الفتوحات" ولا ايه بالظبط يعني الكلام مطاط
ثالثا:علي اساس ايه بالظبط بيقول ان بقالهم 1400 سنة اللي اعرفه ان اللي سابوا الاسلام دول كان بسبب ان الرسول مات لانهم كانو فاكرينه الاسلام بس ماعرفش ان يبقي فيه حد بيهمش او بيلغي دور الرسول -التوضيحي-في رايي بالشكل ده يعني ازاي صدقوه وهم لاغينه من اسلامهم بالشكل ده
بعد الحتة ديه في الرد بطلت اتفق معاهم لانهم بطلوا يقولو كلام يتعقل وحسيت ان اللي كاتب التعليق لجمال البنا حاجة من الاتنين.يا اما امن علشان يخنقوهم اكتر ويكرهوا الناس فيهم-هاتشوفوا في كلامهم تنفير اد ايه- يا اما حد ليه مصلحة اننا نفضل في نقطة بول الرسول وارضاع الكبير بانه ينفرنا من التمسك بالقرأن وحده(انا عن نفسي بادور في القران الاول ولو مافهمتش بالجأ للحديث)ويخلينا ندخل في دوامة صحة الحديث ونسيب الدنيا ونتأخر وده حاجة من الاتنين يا اما طايفة مختلفة معاهم من السنة او بقي جهة خارجية من اللي بتحرف مصحف وبتحذف ايات وكده وده ظاهر في نقط كتير منها مثلا بيقول ان مصاحفهم زي بتاعتنا ومطبوعة في السعودية كمان مع ان كلمه متناقض مع القرأن تماما زي:
لاحظت بقي كذا حاجة في كلام المعلق علي مقاله في ايلاف"لزياني القرآني"
اولا:الشيخ القرأني شاب روش طحن وبيدخل البلتوك اللي هو حسب كلام ناس كتير شيء صهيوني يعني في حد بيدعي انه بيحب القرأن وبيقول انه بقالو سنين بيتعلمه يعمل شات وكمان في البلتوك؟!ده غير انه متابع تطور البروتستانت والليبرالية في امريكا اللاتنية
ثانيا:مش فاهم يقصد ايه بالحروب المقدسة يعني هل هي ضد اليهود مثلا ولا يقصد "الفتوحات" ولا ايه بالظبط يعني الكلام مطاط
ثالثا:علي اساس ايه بالظبط بيقول ان بقالهم 1400 سنة اللي اعرفه ان اللي سابوا الاسلام دول كان بسبب ان الرسول مات لانهم كانو فاكرينه الاسلام بس ماعرفش ان يبقي فيه حد بيهمش او بيلغي دور الرسول -التوضيحي-في رايي بالشكل ده يعني ازاي صدقوه وهم لاغينه من اسلامهم بالشكل ده
بعد الحتة ديه في الرد بطلت اتفق معاهم لانهم بطلوا يقولو كلام يتعقل وحسيت ان اللي كاتب التعليق لجمال البنا حاجة من الاتنين.يا اما امن علشان يخنقوهم اكتر ويكرهوا الناس فيهم-هاتشوفوا في كلامهم تنفير اد ايه- يا اما حد ليه مصلحة اننا نفضل في نقطة بول الرسول وارضاع الكبير بانه ينفرنا من التمسك بالقرأن وحده(انا عن نفسي بادور في القران الاول ولو مافهمتش بالجأ للحديث)ويخلينا ندخل في دوامة صحة الحديث ونسيب الدنيا ونتأخر وده حاجة من الاتنين يا اما طايفة مختلفة معاهم من السنة او بقي جهة خارجية من اللي بتحرف مصحف وبتحذف ايات وكده وده ظاهر في نقط كتير منها مثلا بيقول ان مصاحفهم زي بتاعتنا ومطبوعة في السعودية كمان مع ان كلمه متناقض مع القرأن تماما زي:
- رفض الطايفة اللي اتكلم عنها المعلق مع القرأن اللي بينسب طايفته ليها زي الحجاب مثلا وانهم(الطايفة الغير معروفة المكان اللي خمنت هي مين)بيكتفوا بتغطية العضو التناسلي للمرأة وده مش موجود غير في القري السياحية السبع نجوم في الغردقة وشارم واكيد هم مش هناك غير لو كانوا صهاينة
- رفضهم قطع يد السارق
- لا يوجد زني في القرأن (ده عند امه يا ادهم)بس مش في المصحف اللي بتقول انه مشترك: "الزانية والزاني فاجلدوا كل واحد منهما مائة جلدة ولا تأخذكم بهما رأفة في دين الله إن كنتم تؤمنون بالله واليوم الآخر، وليشهد عذابهما طائفة من المؤمنين "
- بالنسبة للشذوذ بين الرجالة بيتهايئلي مالوش حكم غير في الحديث بس بالنسبة للشذوذ بين الستات فموجود في القران في قوله تعالي:(واللاتي يأتين الفاحشة من نسائكم فاستشهدوا عليهن أربعة منكم فإن شهدوا فأمسكوهن في البيوت حتى يتوفاهن الموت أو يجعل الله لهن سبيلاً) وده مختلف عن حكم الزنا طبعا واضح انه حكم الشذوذ اما الشاب اللي علق ده بيقول الشذوذ مش حرام في المصحف المطبوع في السعودية
- بيساووا بين الراجل والست في الميراث وبيتهايئلي سورة النساء استفاضت في الموضوع ده ولا المصحف بتاعه مافيهوش سورة النساء
- بيحل زواج المتعة والهبة
لا يحرم الخمر او لحم الخنزير-ومصر ان المصحف بتاعه هو مصحفنا-الخمر اتحرم بالتدريج في كذا اية مش فاهم فضل ايه من القران لو حذفت كل ده الاية واضحة جدا بتاعة الخنزير " إنما حرم عليكم الميتة والدم ولحم الخنزير" بس برضو مصحفنا هو مصحه
لما جمال البنا ساله في تعليق ماردش عليه انا رائيي من راي ناس كتير منهم القرأنيون اللي اتكلم عنهم في اخر المقال مش اللي باعلق عليه هو ان الحديث فعلا مش كلو ممكن نثق فيه لانه مش محمي من التحريف زي القران كما قال تعالي:"انا نحن نزلنا الذكر وانا له لحافظون" لازم نحكم العقل يعني اللي يخالف العقل واللي يخالف القرأن واللي يخالف ما عٌرف عن الرسول يبقي غلط متوافق معاهم ان القران وافي بدليل ان الحديث جمع بعد القرأن بسنيين طويلة بس في عصرنا ده لازم ناخد بالسنة كمان لان القران ليه فهم كتير جدا جدا جدا اكتر من اي فهم لاي دين تاني ده غير ان القرأن هو أبلغ ما كتب لدرجة تخليه يتفهم بكذا زاوية وماحدش يعرف ايه الصح لو ماخدناش بالسنة وحتي بالناس اللي كانت عايشة ايام الرسول والرسول ماعقبش علي فعلهم وبالتالي مش غلط زي جواز اكتر من واحدة فيه بعض المذاهب بترفضه بحجة ان الاية مش واضحه وفيها تنفير بعد ترغيب وده موجود اكتر عند الشيعة:"وانكحوا ما طاب لكم من النساء مثنى وثلاث ورباع فان خفتم الا تعدلوا فواحده" ماحدش يعرف ايه الصح لان الرسول ماحددش في حديثه ((افترقت اليهود على إحدى وسبعين فرقة، فواحدة في الجنة وسبعون في النار، وافترقت النصارى على اثنتين وسبعين فرقة، إحدى وسبعون في النار وواحدة في الجنة، والذي نفس محمد بيده لتفترقن أمتي على ثلاث وسبعين فرقة، فواحدة في الجنة، واثنتان وسبعون في النار))علشان كده لازم نحكم العقل في كل الكلام والفقه كمان يعني مثلا عن الزنا يتحدد ازاي فيه حاجة(تقريبا)اسمها التعزير لان الزنا لازم يحصل انتركورس حسب مانا قاري اقل من كده بيبقي قياس بقي لكن برضو مانقدمش الفقه عن القرأن ولا عن السنة زي الردة مثلا اللي انا مابحبش اللفظ ده لان فيه ناس سابت الاسلام ايام الرسول وماحصلهمش حاجة "من شاء فليؤمن ومن شاء فليكفر" -"لا اكراه في الدين"بس الفقه بيعتمد علي كلام سيدنا ابو بكر في حروب الردة مع انها ماكنتش عشان الدين اد ما كانت حروب عادية جدا وسيدنا ابو بكر ابعد ما يكون عن مخالفة حكم القرأن والرسول بس زي ما قلت اللي كاتب التعليق ده يا اما حد صهيوني وده واضح في كلمة الشرق الاوسط اللي كررها سبعين مرة او هو طايفة مختلفة مع القرأنيين فبيشوهها او امن وبرضو بيشوهها عشان نفضل بقي في ارضاع الكبير وبول الرسول والكلام ده اللي حله في القران وتصحيح الحديث طبقا للقران اللي يخالف القران يبقي غلط والباقي صح بس واضح ان اللي ليه مصلحه في الفتاوي اللي بتطلع كل شوية وانشاء صراعات حول اشياء محسومة زي الحجاب هو نفسه اللي مستفيد من المشكلة ديه
وبعدين بيقول انهم بقالهم 1400 صابرين وعايشين في الخفاء او "التقية" طيب ايه اللي اتغير اشمعنا يعني في التوقيت ده؟
واشمعنا في التوقيت ده بدأ اعتقالهم يمكن عشان بداوا يفكروا في الاصل وانهم يصححوا الحديث(حسب كلام جمال البنا)يمكن عشان بداوا يصححوا اللي خربه بتاع الرضاعة(لو حد يعرفه يا ريت يبلغ مراته اني كبير اوي)ومفتي الجمهورية بتاع البول وشيخ الاذهر اللي ضميره نقح عليه فبدل مايقول الجهاد قال الجهاد للفلسطنيين ولا ايه بالظبط يعني اللي يعرف ممكن نتناقش ونفكر مع بعض
لما جمال البنا ساله في تعليق ماردش عليه انا رائيي من راي ناس كتير منهم القرأنيون اللي اتكلم عنهم في اخر المقال مش اللي باعلق عليه هو ان الحديث فعلا مش كلو ممكن نثق فيه لانه مش محمي من التحريف زي القران كما قال تعالي:"انا نحن نزلنا الذكر وانا له لحافظون" لازم نحكم العقل يعني اللي يخالف العقل واللي يخالف القرأن واللي يخالف ما عٌرف عن الرسول يبقي غلط متوافق معاهم ان القران وافي بدليل ان الحديث جمع بعد القرأن بسنيين طويلة بس في عصرنا ده لازم ناخد بالسنة كمان لان القران ليه فهم كتير جدا جدا جدا اكتر من اي فهم لاي دين تاني ده غير ان القرأن هو أبلغ ما كتب لدرجة تخليه يتفهم بكذا زاوية وماحدش يعرف ايه الصح لو ماخدناش بالسنة وحتي بالناس اللي كانت عايشة ايام الرسول والرسول ماعقبش علي فعلهم وبالتالي مش غلط زي جواز اكتر من واحدة فيه بعض المذاهب بترفضه بحجة ان الاية مش واضحه وفيها تنفير بعد ترغيب وده موجود اكتر عند الشيعة:"وانكحوا ما طاب لكم من النساء مثنى وثلاث ورباع فان خفتم الا تعدلوا فواحده" ماحدش يعرف ايه الصح لان الرسول ماحددش في حديثه ((افترقت اليهود على إحدى وسبعين فرقة، فواحدة في الجنة وسبعون في النار، وافترقت النصارى على اثنتين وسبعين فرقة، إحدى وسبعون في النار وواحدة في الجنة، والذي نفس محمد بيده لتفترقن أمتي على ثلاث وسبعين فرقة، فواحدة في الجنة، واثنتان وسبعون في النار))علشان كده لازم نحكم العقل في كل الكلام والفقه كمان يعني مثلا عن الزنا يتحدد ازاي فيه حاجة(تقريبا)اسمها التعزير لان الزنا لازم يحصل انتركورس حسب مانا قاري اقل من كده بيبقي قياس بقي لكن برضو مانقدمش الفقه عن القرأن ولا عن السنة زي الردة مثلا اللي انا مابحبش اللفظ ده لان فيه ناس سابت الاسلام ايام الرسول وماحصلهمش حاجة "من شاء فليؤمن ومن شاء فليكفر" -"لا اكراه في الدين"بس الفقه بيعتمد علي كلام سيدنا ابو بكر في حروب الردة مع انها ماكنتش عشان الدين اد ما كانت حروب عادية جدا وسيدنا ابو بكر ابعد ما يكون عن مخالفة حكم القرأن والرسول بس زي ما قلت اللي كاتب التعليق ده يا اما حد صهيوني وده واضح في كلمة الشرق الاوسط اللي كررها سبعين مرة او هو طايفة مختلفة مع القرأنيين فبيشوهها او امن وبرضو بيشوهها عشان نفضل بقي في ارضاع الكبير وبول الرسول والكلام ده اللي حله في القران وتصحيح الحديث طبقا للقران اللي يخالف القران يبقي غلط والباقي صح بس واضح ان اللي ليه مصلحه في الفتاوي اللي بتطلع كل شوية وانشاء صراعات حول اشياء محسومة زي الحجاب هو نفسه اللي مستفيد من المشكلة ديه
وبعدين بيقول انهم بقالهم 1400 صابرين وعايشين في الخفاء او "التقية" طيب ايه اللي اتغير اشمعنا يعني في التوقيت ده؟
واشمعنا في التوقيت ده بدأ اعتقالهم يمكن عشان بداوا يفكروا في الاصل وانهم يصححوا الحديث(حسب كلام جمال البنا)يمكن عشان بداوا يصححوا اللي خربه بتاع الرضاعة(لو حد يعرفه يا ريت يبلغ مراته اني كبير اوي)ومفتي الجمهورية بتاع البول وشيخ الاذهر اللي ضميره نقح عليه فبدل مايقول الجهاد قال الجهاد للفلسطنيين ولا ايه بالظبط يعني اللي يعرف ممكن نتناقش ونفكر مع بعض
بصوا انا عاوز اتكلم في حاجة اخويا قالي ماتكتبش فيها بس معلش يا اخويا مش هاقدر اسكت احسن اتشل ولا اي حاجة
كنت قاعد باسمع برنامج اسامة منير علي نجوم اف ام،جبت راديو صغير فبسمع وانا بذاكر،هو البرنامج الوحيد اللي باسمعه في الاذاعة ديه علشان مابسمعش احلي حاجة فيكي ايه وده يبقي ايه ده يبقي برد ياروح امك
المهم انا باقعد اضحك زي الاهبل علي الناس اللي بتتصل
واحدة مرة متصلة تقول انا حبيت واحد واتجوزتوا عرفي علشان افقر مني وبعدين سافرت شارم واهلي وافقوا علشان يخلصوا مني ومن فضيحتي وهناك اتعرفت علي واحد انكليزي استغفر الله العظيم اسلامه عالورق بس ونمت معاه علشان هو اجنبي ومش هاتفرق معاه بالعكس هايحبني اكتر(وانتي مابتفرقش معاكي بدام مابيفرقش معاه)
واتجوزنا وسافرت معه انكلترا بس خايفة ماكنتش حاسة بالامان وعاداتهم مختلفة عننا(وانتي خليتي فيها عادات غير تلوين البيض في شم النسيم)
وواحد تاني باعت اس ام اس اسامة منير قري منه كلمتين وبعدين قعد يستغفر ربنا الكلمتين:"السلام عليكم،انا شاب عندي عشرين سنة وخالتي متجوزة وجوزها مابيخلفش وللاسف."بعديها اسامة منير قعد يستغفر
بيزني وكمان زنا محارم وبيقول السلام عليكم طيب ممكن اقول كلمة مكونة من 3 حروف وهي اختصار ولا عيب؟!
بس ديه ناس عادية
امال مفتي الديار المصرية اللي مرة يقولك البنت تروح تعمل تخييط
وبكرة نلاقي مستشفيات التجمييل عاملة اعلان:خيطي مرتين والتالتة هدية،ولو خيتطي 4 مرات ممكن توفري وتعملي سوستة.
لاء واخر افتكاسة.قال الصحابة كانوا بيشربوا بول الرسول وبيتبركوا بيه.يا حلاوة.والله فعلا البلد فيها امل
ممكن نرجع للوثنية قريب جدا.لما مفتي مصر يقولك الصحابة كانوا بيشربوا بول.امال الكفار كانوا بيشربوا ايه؟بي بي؟
ولما تكون فتوي زي ديه في موقع دار الافتاء
واللي يقولك المفروض الواحدة ماتبينش شعرها قدام زميلها غير لما ترضعه
هو الشعر عورة اكتر ولا اللي بالي بالك يا روح امك
وبعدين نيجي نقول ليه الدنمارك مش بتعاقب جريدة
jolands poston
وليه بيرسموا كاركتير اصلا وليه وليه
انا اللي عاوز اسأل ليه بنزيط علشان دولة في القطب الشمالي وبعيدة جدا وعلاقتنا بيها صغيرة ومش هاتفرق معاها لو اتجننا حتي وبنسكت لما القران يتداس عليه والقدس تتهود والاقصي يتدنس والفساد يوصل لاكبر مؤسسة اسلامية في مصر لدرجة انهم يمسكوا ناس مش فاهمة في الدين مناصب زي ديه
عالعموم انا مش بالوم امريكا عاللي بتعملوا فينا ولا بلوم اسرائيل عالي بتعملوا في الفلسطينيين لما نبقي نحترم ديننا نبقي نقول امريكا بتنزل مصحف في كلام غير القران ولما نبطل نقتل بعض نبقي نقول اسرائيل موتت واسرائيل اصابت
وخلاص مافيش كلام يتقال
لان اي كلام هايتقال هايبقي اي كلام
كنت قاعد باسمع برنامج اسامة منير علي نجوم اف ام،جبت راديو صغير فبسمع وانا بذاكر،هو البرنامج الوحيد اللي باسمعه في الاذاعة ديه علشان مابسمعش احلي حاجة فيكي ايه وده يبقي ايه ده يبقي برد ياروح امك
المهم انا باقعد اضحك زي الاهبل علي الناس اللي بتتصل
واحدة مرة متصلة تقول انا حبيت واحد واتجوزتوا عرفي علشان افقر مني وبعدين سافرت شارم واهلي وافقوا علشان يخلصوا مني ومن فضيحتي وهناك اتعرفت علي واحد انكليزي استغفر الله العظيم اسلامه عالورق بس ونمت معاه علشان هو اجنبي ومش هاتفرق معاه بالعكس هايحبني اكتر(وانتي مابتفرقش معاكي بدام مابيفرقش معاه)
واتجوزنا وسافرت معه انكلترا بس خايفة ماكنتش حاسة بالامان وعاداتهم مختلفة عننا(وانتي خليتي فيها عادات غير تلوين البيض في شم النسيم)
وواحد تاني باعت اس ام اس اسامة منير قري منه كلمتين وبعدين قعد يستغفر ربنا الكلمتين:"السلام عليكم،انا شاب عندي عشرين سنة وخالتي متجوزة وجوزها مابيخلفش وللاسف."بعديها اسامة منير قعد يستغفر
بيزني وكمان زنا محارم وبيقول السلام عليكم طيب ممكن اقول كلمة مكونة من 3 حروف وهي اختصار ولا عيب؟!
بس ديه ناس عادية
امال مفتي الديار المصرية اللي مرة يقولك البنت تروح تعمل تخييط
وبكرة نلاقي مستشفيات التجمييل عاملة اعلان:خيطي مرتين والتالتة هدية،ولو خيتطي 4 مرات ممكن توفري وتعملي سوستة.
لاء واخر افتكاسة.قال الصحابة كانوا بيشربوا بول الرسول وبيتبركوا بيه.يا حلاوة.والله فعلا البلد فيها امل
ممكن نرجع للوثنية قريب جدا.لما مفتي مصر يقولك الصحابة كانوا بيشربوا بول.امال الكفار كانوا بيشربوا ايه؟بي بي؟
ولما تكون فتوي زي ديه في موقع دار الافتاء
واللي يقولك المفروض الواحدة ماتبينش شعرها قدام زميلها غير لما ترضعه
هو الشعر عورة اكتر ولا اللي بالي بالك يا روح امك
وبعدين نيجي نقول ليه الدنمارك مش بتعاقب جريدة
jolands poston
وليه بيرسموا كاركتير اصلا وليه وليه
انا اللي عاوز اسأل ليه بنزيط علشان دولة في القطب الشمالي وبعيدة جدا وعلاقتنا بيها صغيرة ومش هاتفرق معاها لو اتجننا حتي وبنسكت لما القران يتداس عليه والقدس تتهود والاقصي يتدنس والفساد يوصل لاكبر مؤسسة اسلامية في مصر لدرجة انهم يمسكوا ناس مش فاهمة في الدين مناصب زي ديه
عالعموم انا مش بالوم امريكا عاللي بتعملوا فينا ولا بلوم اسرائيل عالي بتعملوا في الفلسطينيين لما نبقي نحترم ديننا نبقي نقول امريكا بتنزل مصحف في كلام غير القران ولما نبطل نقتل بعض نبقي نقول اسرائيل موتت واسرائيل اصابت
وخلاص مافيش كلام يتقال
لان اي كلام هايتقال هايبقي اي كلام
