و انا ماشي في الشارع .... كان الشارع عادي و هادي مفيش صوت غير صوت الشجر فجاءة سمعت صوت ورا ظهري : يا رب يا رب ربنا معانا بصراحة اتخضيت خد جنب من الطريق وببص جنبي عشان اشوف الصوت ده مصدره لقيت انسان بسيط لابس قميص بسيط وعرقان اوي زي ما يكون ماشي من اول اليوم وبصلي وقالي : معلش يا ابني انا اسف اصل الناس كلها زهقانه صعب عليا اوي وفرديت وانا بهز راسي : مانا عارف
فقالي: اصل اخوك اسطي سيراميك و بقالي 21 شهر مش لاقي شغل
وبعدين سكت تاني وقالي : ربنا يوفقك يابني ونظر لي بعنيه المهموتين
عنيه كان فيها كلام كتير اوي
..................................
الراجل ده اختصر حاجات كتير اوي بالنسبه لي اختصر حاله بلدنا والعالم الي عايشه لعالم الي تحت اوي في اعماق اعماق المجتمع المصري اداني فكرة عن بكره وعن امبارح ...... يارب ربنا معانا
Subscribe to:
Post Comments (Atom)
يا عم منجي الناس ديه ملت البلد..ادخل بلوج شادي وانت تعرف
fakaset menak ya mongy
حلاوتك يا عربي يا رأس مالي يا جامد أوي يا بتاع "الناس دي" و"ملت البلد"... فكرتني بالواد هنيدي وهو بيقول عبارته الخالدة "جتكو نيلة مليتوا البلد" إيه يا واد الرأسمالية الجامدة اللي طفحها باين على جلدك دي يا واد؟ بقى فعلا "الناس دي" "ملت البلد"؟ يااااااي إيه القرف دا... وكلهم عرقانين كدة؟ يععععععع!!! أنا بافكر إنه من خلال هذا المنبر (منبر إيه يا عم انت هتوعظ!) نعمل دعوة للرأسماليين الكبار اصحابنا وتبقى حملة كبيرة للتبرع بسبعين مليون كيس فيبكس من أبو خمسين قرش عشان ريحة العرق الجامد دي مش "إنسانية" خالص وخصوصا إن "الناس دي" "ملت البلد" وبالتالي بقى من الصعب التخلص منهم وبما أنهم بقوا شر لابد منه ومش نافع إبادتهم يبقى على الأقل يقعدوا بأدبهم وما يطلعوش ريحة عرق يقرفوا بيها الرأسماليين أمثالك (وأمثالي لا تفتكر إن الموضوع شخصي وما تفهمش روح الدعابة اللي في الموضوع واخدة بالك يا اروى يا طويل)... باي دلوقتي لحسن معادي مع المزة بتاعتي جه ولازم أروح أحط شوية فيبكس تحت باطي وبودرة إيفا في رجليا لحسن شكلي يبقى مش تمام وريحتي تبقى زي البروليتاريا العرقانة بتاعة منجي.... سلام يقى
جري ايه يا عم جرجس...انا مش قصدي كده خالص...انا عارف انك بتهزر بس لازم اقول كده علشان فيه ناس بطيئة الفهم...انتا فهمتني غلط...انا مش مدايق منهم...هم صاعبنيين عليا...الفقر ملا البلد من ساعت الحمار بتاعنا مامسك الحكم.....عالعموم فل كده اوي يا عم جرجس...انا عارف انك متغاظ من اول ماسميتك جرجس...اشتغلني بقه
يا عم عربي أنا عارف إنك ما كنتش تقصد كدة خالص وآسف بجد إني ضايقتك... دي كانت اشتغالة على خفيف كدة يا راجل.... امسح بقى التدوية بتاعة إنك مكتئب دي وفكها بقى... صدقني كنت باهزر!!! وما فهمتكش غلط... أنا بس كنت باتخابث عليك واشتغالة وكدة يعني ... آسف تاني يا عم وادي راسك أبوسها.... إففففففففف !!! إيه دا إنت حطيت من الجل بتاع مونجي؟؟ ثكلتك أمك انت وهو يا كفرة يا زناديق
وبعدين رأسماليين إيه اللي انت منهم يا حافي!! هوا انت لاقي تاكل أساسا ولا احنا لاقيين نلبس... ماحنا كلنا العرق نازل على جتتنا سيول في الحر اللزج دا... يعني يا رفيق عربي أنا خلاص اعترفت بيك إنك من الطبقة الكادحة ومن البروليتاريا العاملة وما تقفش بقى وإلا من هنا ورايح هاعمل فيك زي باعمل مع أروى الطويل
يا عم مانا قلتلك عارف انك بتهزر بس علشان الاذكياء الكتير اللي بيدخلوا البلوج استعبط فيها علشان مايقولوش كافر وبيقرف مننا كمان.....وبعدين انا صحيح بحط جل ريحته قرف بس مش بتاع منجي...منجي واروي خلصوه مالصوق وكلوه كله:))بس باقولك انا مش زعلان....كلمة اشتغالةديه بتوحي بالهزار
إيه لا مؤاخذة حكاية شكله مش جرجس دي يا غجر؟؟
الله يسامحك ياد يا عربي ثَبِّت عليا حكاية جرجس دي... معلهش ما هو دا ذنب البت أروى الطويل بيطلع عليا... انتوا ليه يا شباب فارق معاكوا حكاية الديانة دي؟ على فكرة البت سوسة المفروسة عاملة تدوينة على موضوع التعصب الديني بي إيه تدوينة بنت حرام... ماشي يا عم عربي !! مكتوبالك يا حاج!!! علاء بنفسه بيدون عندك!! صحيح هو تف كلمتين وجري بس تتحسب ليك برضه!! علاء يعتبر عامود كبير في عالم التدوين
الفقر اللي في مصر دا محصلشي !!! العالم بيقيس الفقر بخط الفقر العالمي وانت يا إما فوقه أو تحته... في بلدنا خط الفقر دا يعتبر ياما هنا ويا ما هناك بالنسبة لملايين من بني شعبي... على فكرة خط الفقر العالمي هو اتنين دولار في اليوم للفرد الواحد ... يعني الأسرة اللي من أب وأم وتلات أطفال خط الفقر بتاعها عشرة دولار في اليوم يعني تلتميت دولار في الشهر يعني حوالي ألف وسبعميت جنيه في الشهر يا حلاوة... أنا بس ياريت تمسكوني خط الفقر دا... ياااااه!!! كنت اعيش ملك!! اتفوه على دي بلد كلت مصارين ولادها!!!
شكرا يا عم غريب علي التعليق و بخصوص الجل فهو موجود في جميع الشوبؤ ماركت والصيدليات و محلات اللبن هتلاقي اسمه منجي جل
يا عم غريب ماقلتلك الجيل اروي ومنجي مخلصينه من السوق اول باول....بيسفوه....يع مش كده؟....يا عم جرجس والله مافيش عندي تعصب ديني ولا حاجة...دانا حتي ليه صحاب مسيحيين كتير....بس اصل اسم جرجس ده مضحك(عزرا للاخوة المسيحيين)بيتهايئلي ماحدش بقي بيسمييه...وعلي فكرة في مسيحيين كتير بقوا بيسموا نفسهم اسماء مشتركة علشان ماحدش يسقصدهم....تخيل كده لما واحد يسمي ابنه غصب عنه...رامي ولا هاني وهو كان عاوز يسميه ديفيد مثلا...علشان كده انا بأويد فكرة انهم يشيلوا خانة الديانة من البطاقة...تخيل كده لو انت مسلم يا بطرس(مثلا مثلا)وقاعد في امريكا وفيه خانة الديانة؟هاتتنفخ طبعا....الناس في كل العالم عنصريين...بس بلدك وبلاد عربية كتير واسرائيل(بس اسرائيل مش اوي)القوانيين نفسها عنصرية...وبمناسبة تعليق علاء...والله ده مدايق مني جدا جدا...اصلي دخلت بلوج اسمه قلم رصاص باستيكة...فيه واحد كان بيجييب في سيرته هو وواحد تاني ماعرفوش اسمه بيسو...بيقول ان علاء بيشتم وفاكر نفسه اخترع البلوجينج وان بيسو بيحكم علي الناس اكنه اله....انا والله انصفته...قلت صحيح انه بيشتم بس انت ..كده بتحكم علي الناس...المهم ان الواد ده بقه غير في حوار بينه وبين علاء.......فادايقت اوي...مش علشان علاء شاف تعليقي الاول...علشان الحركة ديه غير اخلاقية