لعبة السياسة

لعبة السياسة اقدم لعبة في التاريخ واصعبهم واطولهم من وجهة نظري . الغريب في السياسة ان كلها لعب من تحت الترابيزة مفيهاش لعب نظيف مينفعش و الغريب برضه  ان تخطيطها طويل يعني كل الي احنا شافينه ده تمهيد لشي يحصل  بعد عشرين او تلاتين سنة احنا بنبقي قاعدين زي الهبل بنفكر في حاجه وفي حاجه تانيه هي الي بتحصل واحنا مش عارفين . انا باشوف من وجهة نظري اننا كبلدوناس احسن ناس تتكلم في السياسة يااه تلاقي كام لراجل كبير قاعدين في بيت جدي والموضوع دخل في السياسة تلاقي 5 عمر موسي قاعدين و ساعات تسمع كلام يضحك واحد يقولك بن لادن عنده مستشفي جوا الجبل و هجص كده بس فعلا تحس ان عندنا الناس السياسة بتشغل جزء كبير جدا من حديثهم وتيجي بعد السياسة الكورة طبعا. الي بيزعجني لما يجوا يقولوا علي العالم الي زي مبارك والحكام العرب صناع قرار وهما مش كده هما منفذي قرار يعني نقدر نقول امريكا صانعة قرار و اسرائيل صانعة قرار والدول الي قادرة تحدد مصيرها بنفسها . في فكرة موجودة دايما وعبر العصور هي ان اي تغيير يجي بمساعدة خارجية بالنسبة لي مرفوض الغريب مثلا ان مفيش وجهة ثابتة او فكرة واحدة انما احنا عاملين زي دايرة وطالع منها خطوط كتيير  الخطوط ديه عمره مبتتقابل ابدا كل واحد شايف التغيير بشكل معين وبفكر مختلف اختلاف جزري وده كله في مصلحة العدو اي كان يعني انا معتقدتش ان موت مبارك او اغتياله هو الحل للمصريين ابدا انما اغتياله قد يحدث فوضي او يعملوا حركة حلوة ويقوموا يقبضوا علي كل واحد يتكلم ويعملوا مظاهرة مدفوعة الاجر مسبقا لجمال و هليلة والشهيد مبارك شهيد الامة وكلنا وراك يا جمال و جمال يطلع يقوله كلمتين ويعيط ويجبيلوه مناديل و يمسح دموعة و حبه عماد حمدي و كل تمام . حاجه كمان في السياسة الداخلية اي حاكم يجي من مصلحتة تشويه من قبله حتي ولو كان من قبله هو ابوه . اتمني اننا في يوم  من الايام ان انا ابقي واحد من الي بيلعبوا اللعبة ديه و ابقي من صناع قرار

9 comments:

  1. 3rby said...

    بالظبط يا مونجي....بس مش احنا بس كمصريين او عرب...لا...شعوب الدول النامية(او النايمة)بتعرف تتكلم في السياسة...وهي برضه اقل شعوب واخده حقوقها...يعني مثلا الناس كانت كارهه بوش في الفترة الاولي...بس اختاروه لفترة تانية علشان الحاجات الاجتماعية مش علشان السياسة...بمناسبة الاغتيال...انا بيتهايئلي ان ده احتمال كبير...يحصل زي ما حصل مع سعد الحريري...بقي رئيس اكبر كتلة نيابية بسبب اغتيال ابوه...فبالتالي اللي هايغتال مبارك الكبير يبقي ياما عبيط ياما مدسوس علينا..زاللي عاوز يغتال حد يغتيل عمو جيمي...يا جماعة ديه مش دعوه لعمل ارهابي...احسن انا باخاف اوي ليقبضوا عليا  

  2. 3eed said...

    mawdo3 el kalam fe el syasa dah mawgod fe 2ay bat ya mongy ya3ny masalan 2aboya kan masek katebet sa3ka fe el gesh el masry fe 7arb 73 wl 5aly lewa2 2arkan 7arb we kan ra2es kateba fe nafs el 7arb yasalam ba2a lama 5aly yegalna el yom dah bayab2a 3awez 3arabet 2amn dwla tege el bet we yo23odo sa3at we sa3at ya7ako 3an el 7arb we el seyasa we yakarno delwa2ty be2ayam zaman yahhhhhhhhhh bab2a mosh taye2 nafsy yabny ana 2aslan zeha2t men el balad deh mategy nasabha we nahag yala ya mongy we nab2a na5od el wad 3rby ma3ana ehh ra2yak ??!!?!!
    ana nafsy 7ad ya3mel 3amal 5ayre we yafagar el 3arabaya el marsedes el 3yon el soda we yakon gowaha momo we gogo we yaret sozy ma3ahom ehh ra2yak ya 3arby mosh anta 2arhaby bardo ??!!!
    eh ya mongy anta mosh 7atro7 la7mad 2orayeb 3ashan neshofak ba2a wala ehh wenta ya zendek yala esmak 3rby anta menafad leh el yomen dol 5alas ba3tana wala ehh

    el mawdo3 7alw 2awe ya monge bas ana 3awezak anta we 3rby ta3melo 7aga anta tekteb mawdo3 yom we 3rby yakteb mawdo3 yom 3ashan yab2a el blog bata3ko shayek keda we el wa7ed maymelesh meno 3ashan ana 2aslan law kont da5alt el naharda we mal2atsh 7aga gededa makontesh had5ol  

  3. Mongey said...

    ِولا انا عايز ابقي اجيب تصميم جديد ايه رايك  

  4. 3eed said...

    fakra 2aho bardo ta3'yer la7san basara7a ba2a men 3'er za3al anto mosh mohtamyen bel blog 5ales 2ad5ol 3and zenab wenta te3af annoko mosh mhtamyen bel blog 5ales  

  5. Reformer1976 said...

    لعبة السياسة اقدم لعبة في التاريخ>>>> سوري يا مونجي يا حبيبي بس العبارة دي مش عارف ليه فكرتني بجملة على نفس الوزن بس ببتكلم عن أقدم مهنة في التاريخ.... هأو أو أووووو... إيه هي أقدم مهنة في التاريخ؟ ما تعرفشي بجد؟؟؟ معروفة يا ابني... بسم الله الرحمن الرحيم
    الإجابة الدعارة

    ومن السياسة الداعرة إلى الدعارة السياسية يا قلبي لا تحزن
    (أو احزن ما فيش فرق ولا فيه فايدة)

    الصبح كنت بافكر اكتب بوست واسميه "الشعب المصري: سبعين مليون أخصائي تحاليل"... كل واحد فينا حاسس إنه محلل سياسي وكروي واقتصادي
    وكله بيحلل في كل حاجة وكأن كل واحد ماشي ومعاه الراك بتاع أنابيب الاختبار ومليانة عينات بول إشي سياسي وإشي كروي وإشي اقتصادي وهلم جرا وكله شغال تحاليل

    تحاليلي يا امة  

  6. Mongey said...

    إنه محلل سياسي وكروي واقتصادي يا سلام علي توارد الافكار كنت عايز اقول كده بس نسيت ز وبخصوص اقدم مهنة في التاريخ انا عارف هي ايه انما السياسة اقدم لعبة مش مهنة  

  7. 3rby said...

    يا ريت يا جرجس مش عاوزين الش  

  8. Reformer1976 said...

    طب ليه الغلط دا يا عم عربي؟
    مش عايزنس أكتب هنا خالص معنديش مسكلة
    بس بجد ليه الغلط
    (اشمعنى يعني أنا اللي مش هاقفش في المخروبة دي)
    ما كل واحد في عالم المدونات دي بيقفش ويفهم الهزار على انه جد ويكفروا بعضيهم واديها كمان حرية
    لما تهزر يا عربي يابني ضع ما يدل على الهزار
    أو حته في صيغة ساخرة مش تلطعها كدة
    واللي عايز يفهمها هزار يفهمها
    واللي عايزها جد ياخدها جد
    لازم تتعلم فن المسخرة والسخرية بس تتعلمه صح
    ارجع لكتابات بلال فضل
    وابراهيم عيسى
    دول مدرسة جامدة بجد في فن السخرية اللاذعة  

  9. 3rby said...

    يا عم ديه مش اختصار...ديه كلمة معناهة انك بتقول كلمه وتقصد بيها كلمة تانية...بس لازم يبقي بينهم سجع او جناس...هو انا لازم يعني اقولك الجيو بيلوفيسوقي علشان تفهمني يا جرجس...انت اللي نيتك وحشة