الصورة ليا(لابس اسود)وعلاء اللي هو المقحاوي
مش عارف نفسي
ده مش تهييس ولا اي كلام
او انا عارف نفسي في الاصل بس من كتر واختلاف شخصيتي قدام كل مجموعة اعرفها بقيت مش عارف نفسي
انا مين بجد مش عارف
قدام عيلتي انا شخصية بتقعد تقلش وتقول نكت سيريانية
بيتهايئلي اني من كتر مابهزر في البيت اختي فاكراني عبيط او حاجة واني باقعد اقلش وارخم عالبشر كده في الشارع او باعمل مع الناس الحركات الطفولية اللي برخم بيها عليها
اخويا علشان شباب زي بعض وكده عادي...وهو اصل اخنق من اني اخنق عليه...يهودي من الاخر
عيلتي الكبيرة برضو فاكراني شخصية هبلة بتضحك 24 ساعة وبتقول نفس النكتة علي مدار السنة
وفيه ناس منهم باسمعهم يقولوا عليا مجنون من ورايا...كلمة مجنون ديه ملازماني من وانا في الكيه جي
بعد مشاكل كتير عانيت منها وانا في اولي ثانوي مع مدرستي كلها ووصلت لاكتئاب رهيييييب وكذا مره فكرت انتحر
رحت مدرسة جديدة ماكلمتش فيها اي حد ومابقولش اكتر من 3 كلمات في اليوم
صحابي اللي كنت اعرفهم من زماان منهم جيران قدام ساكنين دلوقتي في نفس المنطقة بتاعتي لاني مانقلتش بعيد
واللي كانوا معايا في مدرستي بتاعة ابتدائي واعدادي
فاكرني شخصية تربة لسه مش فاهمة اي حاجة وخاام جدا ويدوب حافظلها كام كلمة صايعة فرحان بيهم وبيحاول يصيع ولما كتبت بوست عني قعدوا يتريقوا ويقولوا ايه الهبل ده
لانهم مش عارفني اصلا واول مره يسمعوا الكلام ده مع اننا صحاب من ايام ماكنا 7 سنين
وحسوا اني بألف واني اخترعت شخص في خيالي
العيال اللي في العمارات اللي حوليا شايفني واحد جامد وبيخافوا يتكلموا معايا لاني باقلب اي حاجة لمعني وسخ واضحكهم علي بعض
اللي معايا في الدروس يدوب مساء الخير وضحكة صفرا
وعلشان الناس مش فاهماني حسيت اني اتعودت علي الشكل اللي كل واحد فاهم ان ده احمد عزت
ولما ابقي قاعد مع اي مجموعة منهم مش عارف ليه باحاول احافظ علي نفس الشكل
ولما يجتمع حد من اي مجموعة مع حد تاني من مجموعة تانية باحس اني مرتبك ومش عارف اقول حاجة وغالبا باتخانق مع حد فيهم علشان افرق الاشكال
وسيبت صحاب كتير لما اتجمعوا صدفة كذا مره لاني حسيت اني ممكن اتكشف
مش فاهم اتكشف ليه هو انا عملت حاجة
يعني السنة ديه كان معايا ناس من مدرستي الجديدة وواحد من اولي ثانوي
اتخانقت معاه وخسرته بسبب انه كان بيعاملني بطريقة بينتني لبتوع مدرستي الجديدة اني مش احمد اللي يعرفوه
نفسي احس ان فيه حد فاهمني
بس بيتهايئلي مش هالاقي لاني انا نفسي مابقتش فاهمني
------------------------------------------------------------------------------------
-------------------------
----------------------
---------------------
-----------------------
--
--
--
-
-
-
-
--
-
-
-
-
-
-
-
-
-
-
-
-
-
-
-
-
-
-
--
-
-
-
-
-----
--
-
-
-
-
-
--
-
-
-
-
-
-
-
-
-
-
-
-
-
بنت مصرية كتبت قبل كده بوست عن البنات حسستني فيه ان البنات دول احلي حاجة في الدنيا
وعدتها اني هاكتب بوست عن البنات...حذرتني فيه من اي تريقة...بس احنا ولا مؤاخذة جامدين اوي
اتفرج علي اي بنت واقفة مع ولد...او مش شرط ولد...بتتكلم مع مجموعة في مدرستها بيتها مع اصحابها بس المهم مايكونوش كلهم بنات
يبقي فيهم حد ممكن تعمل فيها دمها خفيف قدامه
او ممكن بنت غيرانة منها
هاتلاقيها بتقول كلام عبيييط واهباااال ولا ليه اي لازمة وتقعد تحكي في حاجات مالهاش اي لازمة
والانكت ان كل اللي واقفين بيجاملوها ويضحكوا ضحكة عبيطة كده حتي اعبط من كلامها نفسه
طبعا مش كل البنات كده عالطول...بس فيه مواقف كده بتطلب معاهم عبط ولا ايه ماتعرفش(زي ماهي طالبة معايا دلوقتي)
كمان ممكن تلاقي المشية اتغيرت ولا الصوت اتغير علشان يلفتوا النظر
هاحكيلكوا مثلا علي موقفين حصلوا في مدرستي السنة اللي فاتت
انا اصلا رايح المدرسة باقول ماليش دعوه بيهم علشان المشكلة اللي حصلت معايا في اولي ثانوي
او مش بيهم لوحدهم...انا اصلا ماكنتش اعرف حد السنة اللي فاتت غير واحد بس كنت بابقي قاعد معاه تحت طول الحصص الفاضية وكام واحد معايا في دروس ولا اعرفهم من زمان
مره معدي من جنب واحدة وحشة جدا وصوتها غريب كده كانت واقفة مع صاحب صاحبتها
لقيت البنت بتقولوا:خااالد...هاتخرج اوت سايد تونايت؟
والنبي ايه الهطل ده
ومره كنت مع بنت في درس وبعدين المدرس ساب السنتر فامبقتش اعرفها
قعدت كل خمس دقايق تيجي تقولي انا كلمت المستر وقالي نروح سنتر مش عارف ايه وانا اصلا رحت سنتر تاني عاجبني
وبقت لازقالي عالطول في المدرسة
المهم مره قفشت فيها
مره بعديها بكام يوم كنت شايفها بتجري كده وهي مش شايفاني لاني قاعد علي السلم اول ما شافتني قامت مبطلة جري وبدات تعرج
اه والله قعدت تمشي زي المكسحين كده
(انا ماحكتش الموقف ده منظرة بس علشان انا اعرفه لانه حصلي...مش هانجم يعني)
طيب ليه مثلا بيعملوا كده
ليه دايما لازم الواد هو اللي يتنحنح ويروح يتكلم مع انها هاتموت عليه
وقاعدة تتمنظر
لا وممكن تقول لصحابها اضحكوا اضحكوا مع انها ماقلتش حاجة تضحك
كمان كتير باحس اني مش فاهمهم
يعني غلابة اوي اوي وضعفاء اوي اوي
بس خبثا اوي اوي اوي اوي
يقدروا يكسبوك بضعفهم
ممكن تشتم في بنت وهي تعيط لحد درجة انك نفسك هاتتعب نفسيا اكتر منها
مع ان لو نفس الموضوع حصل مع ولد مش هاتحس انك ارتكبت زنب لما ضربته ولا هزقته مثلا
مش عارف اشرار ولا طيبين
زمان رشا كتبت عن تحول البنات لسلعة
وتلاقي اعلان شركة من صفات الموظفة المطلوبة انها تكون حسنة المظهر
المشكلة انهم هم اللي بيعموا كده في نفسهم...وبنات كتير بيهتموا بالتعبير عن ذاتهم اكتر من ذاتهم نفسها...الموضوع ده منتشر جدا في سني بس اكتر بين البنات...وده في نظري اللي نشر موضوع المصاحبة...عايزة حد تقعد تبخ في دماغه وخلاص مش مهم بقه هاتقول ايه..اي بتنجان وخلاص
كمان صعب ونادر جدا انك تلاقي واحدة في موقع قيادي
ماتقولوش بقي ليلي واحنا مضتهدين لان اصلا مافيش حد بيسيب الكويس تحت ويخلي القليل قائد علشان راجل
لكن برضه بسبب الرغي والاهتمام بالمظهر زيادة عن اللزوم
كمان باحس ان نسبة ذكاء الرجالة اكتر من نسبة ذكاء الستات
شوف فيه كام عالم وكام عالمة(مثني عالم ياض منك له)
ابسط حاجة شوف لو قلت لواحدة نكتة ولا الشة عاوزة تفكير شوية هاتلاقيها قعدت تشرحها لنفسها بصوت عالي وتقول يعني ايه
اما لو قلتها لولد هاتلاقيه فهمه اسرع كتير
مش كل البنات اغبية...معاية بنت في درس الماث بتحبطني بعبقريتها
فيه بيفهموا
بس الاغلبية اقل ذكائا من الولاد
انا مش باكره البنات..انا سترات
بس حبيت اناقش الموضوع علشان اي بنت بتقري الموضوع تحاول تحسن من نفسها شوية
وعدتها اني هاكتب بوست عن البنات...حذرتني فيه من اي تريقة...بس احنا ولا مؤاخذة جامدين اوي
اتفرج علي اي بنت واقفة مع ولد...او مش شرط ولد...بتتكلم مع مجموعة في مدرستها بيتها مع اصحابها بس المهم مايكونوش كلهم بنات
يبقي فيهم حد ممكن تعمل فيها دمها خفيف قدامه
او ممكن بنت غيرانة منها
هاتلاقيها بتقول كلام عبيييط واهباااال ولا ليه اي لازمة وتقعد تحكي في حاجات مالهاش اي لازمة
والانكت ان كل اللي واقفين بيجاملوها ويضحكوا ضحكة عبيطة كده حتي اعبط من كلامها نفسه
طبعا مش كل البنات كده عالطول...بس فيه مواقف كده بتطلب معاهم عبط ولا ايه ماتعرفش(زي ماهي طالبة معايا دلوقتي)
كمان ممكن تلاقي المشية اتغيرت ولا الصوت اتغير علشان يلفتوا النظر
هاحكيلكوا مثلا علي موقفين حصلوا في مدرستي السنة اللي فاتت
انا اصلا رايح المدرسة باقول ماليش دعوه بيهم علشان المشكلة اللي حصلت معايا في اولي ثانوي
او مش بيهم لوحدهم...انا اصلا ماكنتش اعرف حد السنة اللي فاتت غير واحد بس كنت بابقي قاعد معاه تحت طول الحصص الفاضية وكام واحد معايا في دروس ولا اعرفهم من زمان
مره معدي من جنب واحدة وحشة جدا وصوتها غريب كده كانت واقفة مع صاحب صاحبتها
لقيت البنت بتقولوا:خااالد...هاتخرج اوت سايد تونايت؟
والنبي ايه الهطل ده
ومره كنت مع بنت في درس وبعدين المدرس ساب السنتر فامبقتش اعرفها
قعدت كل خمس دقايق تيجي تقولي انا كلمت المستر وقالي نروح سنتر مش عارف ايه وانا اصلا رحت سنتر تاني عاجبني
وبقت لازقالي عالطول في المدرسة
المهم مره قفشت فيها
مره بعديها بكام يوم كنت شايفها بتجري كده وهي مش شايفاني لاني قاعد علي السلم اول ما شافتني قامت مبطلة جري وبدات تعرج
اه والله قعدت تمشي زي المكسحين كده
(انا ماحكتش الموقف ده منظرة بس علشان انا اعرفه لانه حصلي...مش هانجم يعني)
طيب ليه مثلا بيعملوا كده
ليه دايما لازم الواد هو اللي يتنحنح ويروح يتكلم مع انها هاتموت عليه
وقاعدة تتمنظر
لا وممكن تقول لصحابها اضحكوا اضحكوا مع انها ماقلتش حاجة تضحك
كمان كتير باحس اني مش فاهمهم
يعني غلابة اوي اوي وضعفاء اوي اوي
بس خبثا اوي اوي اوي اوي
يقدروا يكسبوك بضعفهم
ممكن تشتم في بنت وهي تعيط لحد درجة انك نفسك هاتتعب نفسيا اكتر منها
مع ان لو نفس الموضوع حصل مع ولد مش هاتحس انك ارتكبت زنب لما ضربته ولا هزقته مثلا
مش عارف اشرار ولا طيبين
زمان رشا كتبت عن تحول البنات لسلعة
وتلاقي اعلان شركة من صفات الموظفة المطلوبة انها تكون حسنة المظهر
المشكلة انهم هم اللي بيعموا كده في نفسهم...وبنات كتير بيهتموا بالتعبير عن ذاتهم اكتر من ذاتهم نفسها...الموضوع ده منتشر جدا في سني بس اكتر بين البنات...وده في نظري اللي نشر موضوع المصاحبة...عايزة حد تقعد تبخ في دماغه وخلاص مش مهم بقه هاتقول ايه..اي بتنجان وخلاص
كمان صعب ونادر جدا انك تلاقي واحدة في موقع قيادي
ماتقولوش بقي ليلي واحنا مضتهدين لان اصلا مافيش حد بيسيب الكويس تحت ويخلي القليل قائد علشان راجل
لكن برضه بسبب الرغي والاهتمام بالمظهر زيادة عن اللزوم
كمان باحس ان نسبة ذكاء الرجالة اكتر من نسبة ذكاء الستات
شوف فيه كام عالم وكام عالمة(مثني عالم ياض منك له)
ابسط حاجة شوف لو قلت لواحدة نكتة ولا الشة عاوزة تفكير شوية هاتلاقيها قعدت تشرحها لنفسها بصوت عالي وتقول يعني ايه
اما لو قلتها لولد هاتلاقيه فهمه اسرع كتير
مش كل البنات اغبية...معاية بنت في درس الماث بتحبطني بعبقريتها
فيه بيفهموا
بس الاغلبية اقل ذكائا من الولاد
انا مش باكره البنات..انا سترات
بس حبيت اناقش الموضوع علشان اي بنت بتقري الموضوع تحاول تحسن من نفسها شوية
كلنا شوفنا الحكم من القاضي اللي رفض شطب خانة الديانة من البطاقة الشخصية او كتابة اخري او ترك الخانة فارغة للبهائيين او كتابة بهائي علشان الدستور لا يجييز اي ديانة غير الديانات السماوية ال3
مش فاهم الشاب الدستوري ده كان فين من كل الحاجات الغير دستورية اللي حصلت في ال26 سنة اللي فاتت
وبعدين لما يتكتب قدام الديانة مسلم
ده هايغير ايه في كونه بهائي؟
انا مسلم فاهم ديني...وديني بيقول"لا اكراه في الدين"وبيقول"لكم دينكم ولي دين"
قريت في مدونة ان اول مره القضاء المصري يعتبر البهائية مش فرقة متصوفة او مذهب في الاسلام كان سنة 1920 وبسبب الحكم ده طلقوا المسلمات من ازواجهم البهائيين
ده كان حكم كويس لينا وليهم...هم نالوا استقلالهم واحنا تبرئنا منهم...يعني لما بهائي يبقي مكتوب في بطاقته مسلم ويالف في الاسلام ويعمل فيها متصوف
مش هايبقي ضرنا؟ولو عمل حاجة غلط هايتحسب علي ديانة من الديانات ال3 اللي الدستور سامح بيهم
كمان قريت وسمعت عن الراجل اللي ماكنش يعرف ان جوز بنته بهائي وبنته كمان
ده زنا مسؤلة عنه الدولة.....زنا في الاسلام والمسيحية واليهودية وزنا في دينه هو كمان
ده يرضي مين؟
يعني لما نكتبهم مسلمين هانستفاد ايه؟ولا اي حاجة
واحد اسمه احمد واسميه مصطفي ده هايغير ايه في كونه احمد
شكلنا بيبقي ارهابيين ومتخلفين ويترسم كاركتير عن رسولنا ومانقدرش نعمل حاجة
يعني لما واحد يشتمك ممكن تضربه
بس لما يقولك انا مخنوق منك وتضربه ده مش هايغير ذرة من كرهه ليك
شفت الحكم في العاشرة مساء
وشوفت الاتنين الهبل اللي واقفين يهللوا ويقولوا الله اكبر ولله الحمد
مش فاهم واقفين في الحرب احنا
لو سالته انت استفدت ايه لما نسبته ليك
ولا هايعرف يرد....بس ذلناهم من غير مانستفاد اي حاجة...ولو دورت عليه ساعة حاجة تهم مصر مش هاتلاقيه واقف..اما لو حاجة تهم افغانستان ولا باكستان ولا السعودية(لا اقصد الاراضي المقدسة لانها في رايي غير تابعة لاي دولة) هاتلاقيه واقف فاتح بقه ولا السيد قشطة
عاوز حد يرد عليا
لما ياخدوا حقهم في مصر ولا لما يهاجروا وياخدوا حقهم في بلد تانية
ماحدش يقولي في ستين داهية ممكن يروحوا ياخدوا بلد عربية زي فلسطين ونبقي احنا اللي طردناهم
ممكن يعملوا زي اقباط المهجر
وبعدين يهودية ايه اللي دستورية...ده اتباعها في مصر مش مكملين 70
اما اتباع البهائية فالاف
يالا اشمعنا دول يعني اللي ياخدوا حقوقهم
بلد عاوزة الحرق
مش فاهم الشاب الدستوري ده كان فين من كل الحاجات الغير دستورية اللي حصلت في ال26 سنة اللي فاتت
وبعدين لما يتكتب قدام الديانة مسلم
ده هايغير ايه في كونه بهائي؟
انا مسلم فاهم ديني...وديني بيقول"لا اكراه في الدين"وبيقول"لكم دينكم ولي دين"
قريت في مدونة ان اول مره القضاء المصري يعتبر البهائية مش فرقة متصوفة او مذهب في الاسلام كان سنة 1920 وبسبب الحكم ده طلقوا المسلمات من ازواجهم البهائيين
ده كان حكم كويس لينا وليهم...هم نالوا استقلالهم واحنا تبرئنا منهم...يعني لما بهائي يبقي مكتوب في بطاقته مسلم ويالف في الاسلام ويعمل فيها متصوف
مش هايبقي ضرنا؟ولو عمل حاجة غلط هايتحسب علي ديانة من الديانات ال3 اللي الدستور سامح بيهم
كمان قريت وسمعت عن الراجل اللي ماكنش يعرف ان جوز بنته بهائي وبنته كمان
ده زنا مسؤلة عنه الدولة.....زنا في الاسلام والمسيحية واليهودية وزنا في دينه هو كمان
ده يرضي مين؟
يعني لما نكتبهم مسلمين هانستفاد ايه؟ولا اي حاجة
واحد اسمه احمد واسميه مصطفي ده هايغير ايه في كونه احمد
شكلنا بيبقي ارهابيين ومتخلفين ويترسم كاركتير عن رسولنا ومانقدرش نعمل حاجة
يعني لما واحد يشتمك ممكن تضربه
بس لما يقولك انا مخنوق منك وتضربه ده مش هايغير ذرة من كرهه ليك
شفت الحكم في العاشرة مساء
وشوفت الاتنين الهبل اللي واقفين يهللوا ويقولوا الله اكبر ولله الحمد
مش فاهم واقفين في الحرب احنا
لو سالته انت استفدت ايه لما نسبته ليك
ولا هايعرف يرد....بس ذلناهم من غير مانستفاد اي حاجة...ولو دورت عليه ساعة حاجة تهم مصر مش هاتلاقيه واقف..اما لو حاجة تهم افغانستان ولا باكستان ولا السعودية(لا اقصد الاراضي المقدسة لانها في رايي غير تابعة لاي دولة) هاتلاقيه واقف فاتح بقه ولا السيد قشطة
عاوز حد يرد عليا
لما ياخدوا حقهم في مصر ولا لما يهاجروا وياخدوا حقهم في بلد تانية
ماحدش يقولي في ستين داهية ممكن يروحوا ياخدوا بلد عربية زي فلسطين ونبقي احنا اللي طردناهم
ممكن يعملوا زي اقباط المهجر
وبعدين يهودية ايه اللي دستورية...ده اتباعها في مصر مش مكملين 70
اما اتباع البهائية فالاف
يالا اشمعنا دول يعني اللي ياخدوا حقوقهم
بلد عاوزة الحرق
بي اس:فيه الفاظ خارجة في البوست ده
يا مبارك يا مفلسنا قول بتعمل ايه بفلوسنا
اديها حرية كمان اديها
عادلي بيه عادلي بيه كلابك هنا بيعملوا ايه
كفاية كفاية كفاية كل ظالم له نهاية
ومش فاكر تاني
اتفقت مع ابن عمي اننا نروح المظاهرة مع بعض...وكلمته الساعة واحدة طلع لسه نايم
نزلت من البيت وركبت اصغر ميكروباص في العالم...تعرفوا عربية السوبر ماركت ديه...واحد عامله ميكروباص...وصلت للكنبة اللي ورا مش موطي...لا زاحف
اه والله زحفت علي ايدي ورجلي ومش عارف تكيفت ازاي مع القعدة ولاول مره في حياتي اقتنع ان الانسان ممكن يتشكل علي اي شكل...انا بقه اتشكلت علي شكل الكورة
المهم وصلنا المظاهرة علي حوالي 2 وتلت...قعدت اهتف بتاع نص ساعة وبعدين الناس سخنت...قعدنا نزق في الحواجز الحديد وبعدين رفعناها والعساكر كانوا مشتتين لان البيه الظابط كان بعيد...وبعدين رفعناها وبدانا نقلبها..فيه واحد اتزنق بين الحديد وعمود نور صغير كده وبدا يصرخ...انا كنت جانه لزق..شلت عنه الحديد...وبعدين فيه حد اهبل بدا يضرب في ايد العساكر فالعساكر سخنوا وبدوا يضربوا...انا كنت شايل الحديد بايدي وسانده بركبتي...ولما بدا الضرب كله بعد وبقيت انا واللي جانبي(او انا مابقتش شايف حاجة)شايلين الحديد وفيه عسكري اهبل قال ازنقوهم وبقيت انا لوحدي لازق في العساكر والباقي شايل وفاجئة الحديد بقه عند صدري وزنقوني بيه بين شجرة وعمود وبعدين بقه فوق راسي وفيه صوت حد من المدونين بيقول..سيبوا الواد
وعسكري بيقول..ابعد يابن المتناكة يا خول(اسف عالشتيمة بس انا باحكي)راح حد من المدونين بدا يديله محاضره ويقوله انت اللي خول احنا بنتظاهر علشانكوا...ده كله والحديد لسه زانقني...وبعدين الناس بدات تزق والعساكر بتضربني...في اللحظة ديه بدات اشوف بعد ماكنت مش شايف غير الرجلين(راسي كانت مضغوطة ناحية الارض)واتجننت...احه احه احه احه وضربت عسكري وبعد شوية لقيت ايدي مجروحة وطلعت وروحت وقفت جنب ابن عمي...وبعدين شفت مالك سالته علي عمر سيزر...قلتله هو فين عمر قيصر...ضحك وقالي عمر سيزر هاتلاقيه لابس نضاره وحاجة تانية كده...قلتله وايه...قالي تاني ومسمعتوش وبعدين شاورلي عليه...رحت سلمت عليه ووقفت في موقع استراتيجي منه قدرت اشوف حتة مزة بتاعة قناة او برنامج اسمه(50 حقيقة)...ولا انا...عمري ماسمعت عنها....بس انا اول ماشوفتها تنحت تتنيحة انقح من تتنيحة العساكر
وشوفت محمد عبد القدوس اللي وقع لوحده علي الارض والناس اللي جت تمدله ايدهم قالولوا استني ونادوا علي القنوات تصور
اكتر حاجة دايقتني لما شدوا احمد فؤاد نجم من علي السلم...قعدنا نهتف شوية وكنت متحمس جدا مع ان كان فيه ناس بتهرج...وفيه واحد وقف يهتف وشرقاوي ضحك واقطعه قام الراجل زهق وقعد يقول بس ياله...المهم هدينا الحوار وبعد شوية كله تعب وكنا عاوزين نروح بس مارضيوش وجم بلطجية الداخلية بس وقفوا الناحية التانية وحبه منهم راحوا ناحية دار القضاء العالي(احنا كنا عند نقابة الصحفيين)وبعدين فيه راجل كده شكله تبعد جريدة الاسبوع(شبه مصطفي بكري) وقعدي يزعق لما محمد عبد القدوس وناس تانية قالت للظباط لو ماخرجتواناش هانقلبها اعتصام...وبدا يشتم ويعلي صوته زي الناس بتوع الاسبوع وكل واحد يجي يحوشه يقوم شاتمه...والناس قعدت تضحك عليه...وبعدين نزل يتخانق مع العساكر وضرب وكراسي بلاستك(ماكنتش شايف اوي من العساكر لاني كنت خرجت في الوقت ده)وبعدين الناس دخلوه النقابة وخرج يزعق انتوا مش عايزيين تخرجوني ليه انا عايز كلب ابن ستين كلب يجي يكلمني هنا والناس والظباط والعساكر بيضحكوا عليه
المظاهرة كانت حلوة اوي بس المشكلة ان المتظاهرين ماكنوش في حته واحدة يعني كان فيه بتاع مية قدام نقابة الصحفيين وشوية قدام نقابة المحامين والاكتر قدام دار القضاء العالي وبيقولي كان فيه حبه في ميدان التحرير
انا كتبت بسرعة اول مارجعت وكلت علشان مانساش علشان كده مشتت شوية
God take the king
God take the king
And take the lady king
Take the lady king
Forever
من تاليف الشاعر الكبير وتلحين المايسترو العظيم
AHMED HANDEL
God take the king
And take the lady king
Take the lady king
Forever
من تاليف الشاعر الكبير وتلحين المايسترو العظيم
AHMED HANDEL
قريت مقال ابويا في القدس العربي.... فكرت في حاجة ...وهي علاقة الحالة الاقتصادية والاجتماعية للشعب بالحالة السياسية للدولة.
كنت فاكر ان لما الدولة تبقي ديموقراطية الحالة الاقتصادية والاجتماعية بتتحسن..وده كان دايما بيفسرلي ليه بلدنا بلد فقرانة...بس بعد ماقريت المقالة واللي بتتكلم عن الاسعار وفرقها بين مصر وايطاليا وهو حكالي عن ناس كان يعرفهم من زماان قبل مايجي القاهرة وشافهم في اطاليا وبعد ماكنت(استغفر الله العظيم)تتخض لما تشوفهم بقوا عاديين او اجمل من الشخص العادي في القاهرة.
فكرت في شكل الناس...ليه في الزمالك والمعادي البنات بيبقوا حلويين(مش عينيهم خضرا وشعرهم اصفر...بس الوش بيبقا حلو)وليه تروح قرية تلاقي الوش مثير للشفقة.وليه واحد زي شعبان عبد الرحيم تخين وواحد زي عمر دياب جسمه حلو..وبعيدا عن الجينات والرياضة هاقولكم السبب...السبب ان الفول وعيش الجمعية مثلا بيعمل كرش بس من غير مايتخن بقية الجسم اما الاكلات الغنية مابتعملش كده.
علشان كده ممكن تشوف شخص وتقول هو ساكن في عمارة في مدينة نصر ولا ساكن في مسقط عمارة في مدينة نصر.
علشان كده برضه في بلدنا الناس اجسامها مش حلوة في حين ان في ايطاليا الناس موديلز
ابويا وصف ايطاليا بالجمال الموجع...هو فعلا موجع
الواحد لما يبقي متوسط دخله 700 جنيه في بلد زي مصر وبيجيب الفرخة بخمس اضعافها في اطاليا مع ان متوسط دخل الفرد فيها بيوصل ل2000 يورو(واحسبها انت)لما يبقي واحد زي سواريس بيبيع الخمس دقايق دولي في شركته في اطياليا بثمن دقيقة المحمول في بلدنا...يبقي اكيد الواحد هايفضل يلف في الساقية طول عمره...وعمره ماهيقدر يقلع غماه وعمره ماهيقدر يرفض يلف علشان يعيّش التيران الصغيرة(ولاده يعني)..ده برضه بيفسر ليه القضاة والصحفيين والمحامين هم اللي ناشطين سياسيا وليه لما قللوا مرتب القضاة القضاة سكتوا وليه الغلابة اللي بيموتوا في عبارات وقطرات ساكتين.مش ثقافة بقه لان اللي بيحصل ده مش محتاج فهم.اللي عاوز اقوله ان الحالة الاجتماعية زي ما بتغير في الوشوش كمان بتغير في الامخاخ
هم مستافدين من حالة الركود الاقتصادي مش بس بالفلوس اللي بتدخل كروشهم(صحيح اغنيا والمفروض مايبقوش مكرشين بس خايفين من اللي هايجرالهم بكره فابيخدوا اللي يقدروا ياخدوه)كمان بالصمت المطبق علي البلد.
يعني هي فعلا حلقة مفرغة...علشان كده وحتي لو اتوفرت الفلوس عمر ما مبارك هينفذ برنامجه الانتخابي لانه مستفيد من فقر الشعب.
اللي عاوز اقوله ان الفقر بيجيب سمسرة والسمسرة بتجيب فقر
والغني بيجيب ديمقراطية والديمقراطية بتجيب غني
كنت فاكر ان لما الدولة تبقي ديموقراطية الحالة الاقتصادية والاجتماعية بتتحسن..وده كان دايما بيفسرلي ليه بلدنا بلد فقرانة...بس بعد ماقريت المقالة واللي بتتكلم عن الاسعار وفرقها بين مصر وايطاليا وهو حكالي عن ناس كان يعرفهم من زماان قبل مايجي القاهرة وشافهم في اطاليا وبعد ماكنت(استغفر الله العظيم)تتخض لما تشوفهم بقوا عاديين او اجمل من الشخص العادي في القاهرة.
فكرت في شكل الناس...ليه في الزمالك والمعادي البنات بيبقوا حلويين(مش عينيهم خضرا وشعرهم اصفر...بس الوش بيبقا حلو)وليه تروح قرية تلاقي الوش مثير للشفقة.وليه واحد زي شعبان عبد الرحيم تخين وواحد زي عمر دياب جسمه حلو..وبعيدا عن الجينات والرياضة هاقولكم السبب...السبب ان الفول وعيش الجمعية مثلا بيعمل كرش بس من غير مايتخن بقية الجسم اما الاكلات الغنية مابتعملش كده.
علشان كده ممكن تشوف شخص وتقول هو ساكن في عمارة في مدينة نصر ولا ساكن في مسقط عمارة في مدينة نصر.
علشان كده برضه في بلدنا الناس اجسامها مش حلوة في حين ان في ايطاليا الناس موديلز
ابويا وصف ايطاليا بالجمال الموجع...هو فعلا موجع
الواحد لما يبقي متوسط دخله 700 جنيه في بلد زي مصر وبيجيب الفرخة بخمس اضعافها في اطاليا مع ان متوسط دخل الفرد فيها بيوصل ل2000 يورو(واحسبها انت)لما يبقي واحد زي سواريس بيبيع الخمس دقايق دولي في شركته في اطياليا بثمن دقيقة المحمول في بلدنا...يبقي اكيد الواحد هايفضل يلف في الساقية طول عمره...وعمره ماهيقدر يقلع غماه وعمره ماهيقدر يرفض يلف علشان يعيّش التيران الصغيرة(ولاده يعني)..ده برضه بيفسر ليه القضاة والصحفيين والمحامين هم اللي ناشطين سياسيا وليه لما قللوا مرتب القضاة القضاة سكتوا وليه الغلابة اللي بيموتوا في عبارات وقطرات ساكتين.مش ثقافة بقه لان اللي بيحصل ده مش محتاج فهم.اللي عاوز اقوله ان الحالة الاجتماعية زي ما بتغير في الوشوش كمان بتغير في الامخاخ
هم مستافدين من حالة الركود الاقتصادي مش بس بالفلوس اللي بتدخل كروشهم(صحيح اغنيا والمفروض مايبقوش مكرشين بس خايفين من اللي هايجرالهم بكره فابيخدوا اللي يقدروا ياخدوه)كمان بالصمت المطبق علي البلد.
يعني هي فعلا حلقة مفرغة...علشان كده وحتي لو اتوفرت الفلوس عمر ما مبارك هينفذ برنامجه الانتخابي لانه مستفيد من فقر الشعب.
اللي عاوز اقوله ان الفقر بيجيب سمسرة والسمسرة بتجيب فقر
والغني بيجيب ديمقراطية والديمقراطية بتجيب غني
