قال ليلي قال

اول حاجة احب اقول ان عالم التدوين لسه صغير وصعب يأثر في الشعب كله من غير تفاعل مباشر مع الشارع...يعني ماحدش يقنعني ان مافيش حد في الشعب مش ماعندوش نت...ماعندوش تيليفون اصلا.....بس هاتكلم في الموضوع:

انا مختلف شوية مع العالم اللي بتهتف ديه في الحملة بتاعة كلنا ليلي....صحيح البنت بتتبهدل شغل في البيت....من اول مابتتولد لحد ماتموت وبالذات في المناطق الريفية مثلا(لان ابويا شاكمني انا واخويا عن اختي)...يعني البت من دول تقعد تخدم في اخواتها...ويضربوها علي قفاها...لحد ماتتنقل لحد بيت الزوجية...تبدأ تخدم في طحش اد العجل...ويعمل عليها راجل وهو لا مؤاخذة بره البيت(زي اغنية عنتر بتاعة فور كاتس)....بس برضه احنا بنعاني من تمييز عنصري....المجتمع مش سامحلكوا بمسؤليات وشغل كتير مش علشان بيكرهكوا...بيخاف عليكوا وبتصعبوا عليه......يعني من وانا صغير قاعد اضرب لما اتكلم في الفصل ...والمدرس يشيلني شنط المدرسة وافضل رافعها طول الحصة.... ولو نزلت ايدي يديني علي قفايا(لا يا روج خالتك مش انا بس...كلنا كده)...شوفي بقه البنت لو ضربت المدرس نفسه علي قفاه هايعمل ايه.....هايوقفها نص دقيقة ويقعدها...وناقص يقولها قماااان.....وبعدين فعلا انتوا بتدلعوا...يعني شغل البنت عمره ماكان زي شغل الولد...داحنا حتي بنشتغل مهنة غير مهنتنا...يعني شوفي المدرس في المدارس...بيعملوه سيكيورتي للمدرسه...يفض ويحوش في الخناقات....وينظم دخول الزيارات وخروج العيال اللي جايلها اذن....ده انا كده باتكلم عن المهن المشتركة...بس مثلا عمرك شوفتي بنت شايلة قصعة اسمنت وبتبني عمارة في بلدك؟.


ده مش معناه ان انا متحيز وحنفي...لا والله دا انا اليف....ومش شايف انه عيب ان الراجل يساعد مراته في البيت...يعني مايمنعش انه يعمل سلطه مثلا ...... يعمل مكرونة...بس فيه شغل هوه عمره ما هايعرف يعمله...وياريت ماتقوليليش ان الاب(حنفي برضه)هو اللي ماعلموش...الام(ليلي)هي اللي ماهنش عليها ابنها...وبعدين انتوا باصين للحكاية علي انها اخلاق وبس....حكاية تعامل الراجل مع الست قاسية وماقولتش حاجة بس ده خلاص بقه في الجينات...


وبعدين خميس ايه وبتاع ايه بس...الواحد مننا بيتخرب بيت اهله في هدايا في فترة الخطوبة...وبعدين يجيب شبكة باد كده....وده كله علشان شهر واحد بيبقي شكلها حلو وعاملة زي الموديل...بعد كده بتقلب علي موديل عربية...ماهو الراجل اكيد بعد كده لازم ياخد حبوب ومنشطات...ماتفقش علي الحجم ده كله...ولا هو تعجيز وخلاص.



ده كله كنت مختلف فيه شوية معاكي...بس ده مش معناه اني موافق علي الحاجات اللي مذكرتهاش(والله مانا فاكر هي ايه..اصلي كتبت كتير جدا)بس علي سبيل المثال...المسخرة اللي في الشوارع والجهل بتاع بادام مش محجبة يبقي هي عايزة كده...والتحرشات اللي من المدير في الشغل مثلا...بس مشكلة المجتمع المصري دلوقتي انه لسه في مرحلة انتقالية...يعني طالعين من مجتمع متشدد اوي...ورايحين للبواظان...يعني كمان خمس ست سنين هاتلاقي البوي فرند ده حاجة عاديه جدا(بوي فرند...ايوة قصدي علي اللي في دماغك)دايما بتبقي المرحة الانتقالية زبالة...يعني ايام التشدد كنتي تلاقي الواحد يتجوز في سن ال18....وفي المجتمع البايظ هاتلاقي الولد مصاحب(مش زي
المفهوم الموجود دلوقتي)من قبل كده...لكن دلوقتي البنات والولاد ماشيين في الشوارع لابسين من غير هدوم ومافيش ولا تشدد ولا بوظان...يا رب ول نروح لاي من النموزجين ونبقي معتدلين




الموضوع ده كان تعليق عند اوسه...نقلته مع شوية تعديلات...انا كنت عاوز اكتب في الموضوع ده من زمااان...وبالذات حكاية المجتمع والمرحلة اللي فيها...بس ماكنش عندي الشجاعة الكافية....قريت مواضيع كتير في مدونات بنات بس اوسه اكتر واحده سخنتني بصراحه

30 comments:

  1. Mongey said...

    يااه حلو اوي الموضوع بجد اول مرة تكتب موضوع عدل
    هاااهاا
    الموضوع جميل و واقعي وعقلاني جدا يااه يا احمد انت كبرت وبقيت بتعرف تتكلم الحمد لله عديت مرحلة الطفولة ودخلت في سن المراهقة
    هييه
    الحمد لله نضجت يا احمد نضجت
    هاااهاا  

  2. Mongey said...

    احنا ممكن نعمل حملة كلنا حنفي تبقي حلو الحوار ده كلنا حنفي و نحط مواضيع عن الرجالة الي مهضوم حقهم في البلد والعالم المخلوعين هااا و كده كلنا حنفي هاا  

  3. 3rby said...

    ماشي يا عم اللذيذ...قاعد بترخم عليا من ساعة ماجبتلك عروسة وقالتلك روح العب بلاي ستيشن  

  4. Mongey said...

    خفة انامبهرجش في موضوع كلنا حنفي بتكلم جد  

  5. Bent Masreya said...

    احمد
    ايه الكلام الجامد ده

    انا معاك فى نقط كتير على فكرة
    وهوضحلك نقط تانية اكتر.. بس مش دلوقتى، دى عايزة تركيز، انا هجخل تانى واناقشك.. بس حبيت اقولك تدوينة جامده  

  6. high_staff said...

    يا عربى انا حاولت اقرا الموضوع بس لقيتة كلة مربعات مش عارفة العيب منى ولا من عندك؟؟؟؟؟؟؟؟ انا عاوزة اقرا البوست  

  7. Mongey said...

    هاي ستاف اعتقد المشكلة انك بتستخدمي انترنت اكسبلور والمشكلة التانية ان الي كاتب الموضوع كاتبه بالوين دينجز
    __________  

  8. Mongey said...

    maybe u should try changing the encoding  

  9. BaTresYa said...

    أنا بردوا كام كش ظاهر البوست بس تقدري تاخديه كوبي وبيست في الورد وعلى فكره عجبني اوي البوست وفعلاً الإتنين بيتعبوا جداً وشكل اللي معقد الموضوع هما الكباار يعملوها الكبار ويقعوا فيها الصغار نيس بوست  

  10. 3rby said...

    باتريشا:مش كتبت اسمك كده صح...شكرا ليكي


    بنت مصريه:يااه اخيرا علقتي يا زينب

    هاي ستاف:المشكلة من عندك...اي مدونة بتبان بايظة في انترنت اكسبلورر...افتحيه من موزيللا احسن...عرفت(ي( فضيحة ان كومبيوتر بيل جيتس مافيهوش انترنت اكسبلورر وانه بيستعمل موزيلا...لو مش مصدق(ة)استني ويندوز فيستا...هاينزل موزيلا بدل الاكسبلورر  

  11. nada said...

    اولا انا عجبني البوست بتاعك
    ثانيا عايزه اقولك ان المجتمع بيقول مش عايز البنات يتبهدلوا بس لو البهدله ضريبه الحياه بيقى احنا عايزين نبتهدل و نص يعني كده كأن المجتمع بيقول لواحد متكلش عشان الاكل ممكن يوجعلك بطنك فيسيبه يموت من الجوع
    ارجو اني اكون وضحت كلامي
    و شكرا و تحياتي  

  12. 3rby said...

    حلو اصرارك يا ندا...بس المشكلة ان مش كل البنات زيك...يعني عايزة تبقي دلوعة وفي نفس الوقت تاخد نفس حقوق اللي شايلين المجتمع  

  13. Anonymous said...

    انا اختلف معاكي ندا في التشبيه لان الاكل ضرورة للحياة يعني لو مكلتش مش هاعيش انما البهدلة مش ضرورة حياتية يعني انا لو متبهدلتش مش هاموت انما لو ماكلتش هاموت  

  14. Anonymous said...
    This comment has been removed by a blog administrator.
  15. Anonymous said...
    This comment has been removed by a blog administrator.
  16. Anonymous said...
    This comment has been removed by a blog administrator.
  17. 3rby said...

    ايه يا عم انتا عاوز تكترلي تعليقات وخلاص ولا ايه؟  

  18. Reformer1976 said...

    الموضوع البعض شايفين إنه لطيف وكلام مهم...
    والحقيقة كان ممكن ناس أكتر من كدة تنخدع في موضوعك بإنه موضوع جامد ومش عارف إيه
    (والمصيبة إنه معظمهن ليلى)
    بس سوري يا عربي
    المرة دي أوت
    ما ينفعش نبوظ حملة عملينها البنات
    بإن احنا ننط عليها ونعمل حملة وكإنها حملة مضادة
    كلامك كان كفاية أوي كتعليق رائع في مدونة أوسة
    بس إنك تعمله بوست وباسم كلنا حنفي
    دا يفهم منه أنها حملة مضادة
    وده مش لطيف
    مش كفاية عليهن عبدالله مفتاح وأشباهه؟
    هيلاقوها من الرجعيين ولا من التقدميين؟
    من الجهلة ولا المثقفين؟

    إنت لسة صغير وما تعرفش يعني إيه الست بتتذل في البيت المصري سواء من الحيوان جوزها أو الحمار أبوها أو الجحش أخوها
    ما نعرفش إيه نتيجة ختان 95 % من نساء مصر وتأثيره عليهن جسديا ونفسيا واجتماعيا
    ما تعرفش يعني إيه إن أمهاتنا عاشوا طول عمرهم ما يشنكوش لأن الشكوى عيب ولأنه عادي يعني
    كله عادي
    ما فيش حاجة جديدة
    كله ضرب وكله شتيمة
    وكله قلة أدل
    وكله عادي

    أنا في ردي على البنات قلتلهم أن الإنسان في مصر مضطهد مش بس الست
    لكن الإنسان عموما
    وتحرير المرأة يحصل لما الإنسان عموما يتحرر
    ولذلك قلت لهن أن كلنا ليلى
    أما أن تقول كلنا زفت الطين حنفي دا
    فآسف
    دا غلط
    حنفي دا حيوان وابن كلب أساسا
    فإزاي احنا نقول كلنا حنفي
    يا ابني انت كدة بتثبت التهمة عليك وعلينا

    ومن هنا أقول أن المصيبة في البلد أن الرجل لم يعد رجلا
    (بدليل تحكم أشباه الرجال فينا)
    ومن ثم فقد قهر الرجل المرأة اسئسادا عليها في مواجهة استئساد أنصاف الرجال عليه
    فصار هناك حنفي
    (هو ابن كلب برضه بالرغم من إنه مقهور)
    وبيتنطط على دين أم ليلى وبيمارس عليها أحط أنواع القهر
    من أول الضرب
    والشتيمة
    والتسلط
    والقمع بأشكاله
    إلى أحط الممارسات البشرية على الإطلاق وهو التشويه الجنسي للإناث والمسمى خطأ ختان الإناث

    عيب نبوظ على البنات قضيتهم بالمزايدة عليهم وقطع الطريق

    وعموما من حقك تعبر عن رأيك مهما كان تقليدي ورجعي
    وسلم لي على عبدالله مفتاح لما تشوفه في الميتنج اللي جاي في الخلية الإرهابية بتاعتكو  

  19. 3rby said...

    علي فكرة كمان مونجيي قالي انه هايكتب تعليق ان هو اللي حط اللوجو......ماتتكلم يا عم المنقذ  

  20. 3eed said...

    hi 3rby ana da5el da5el 3ala el blog met2a5ar mot bas feh 7war ana mosh 3aref 2a2ra ek mawd3 el mawdo3 kolo 7agat 3'areba keda we 2ana mosh shayef 27rof momken te2ole 2a3mel ehh 3ashan 2a2ra el mawdo3  

  21. Mongey said...

    ايوه انا حاطه بس تهريح فقط  

  22. 3rby said...

    انا ظبط الخط وخلاص ممكن تقروه...انت كنت فاتحه من انترت اكسبلورر...صح....اصل فيه خط مابيعرفش يفتحه...وانا غيرته خلاص  

  23. 3rby said...

    يا جدعان النترنت اكسبلورر ده برنامج ابن جزمة.....والله قاعد اعدل في الخط...واعمل بابلش يطلع زي ما كان....اقترح علي اللي مش عارف يقرا ياخده كوبي وبيست في الورد او يجيب موزيللا لانه سريع وبيفتح البلوجز احسن من الاكسبلورر بكتييييييييييييييييييييير  

  24. Reformer1976 said...

    موزيلا يا كافر يا زنديق؟؟؟
    موزيلا دي لحم خنزير يا شباب!!!
    إوعوا تجيبوا الموزيلا اللي بيقول عليها
    دي لحم خنزير

    أما إذا كان ولا بد يعني ومصرين على الموزيلا دي
    فتجيبوها من عند رمسيس الل في شارع أحمد بدوي أنضف من الموزيلا بتاعت مرقص اللي في شارع شبرا

    سلام بقى أخلص سندوتش المورتدلا اللي جايبه من إمبراطورية آمون اللي في شارع الترعة  

  25. 3rby said...

    استغفر الله....يا جماعة محدش يصدقه...الموزيلا ديه مش لحمة خنزير....ديه خمرا  

  26. Reformer1976 said...

    واخد بالك إنك لسة ما رديتش على التعليق بتاعي هنا؟
    وكأنك ولا عامل عملة منيلة بستين نيلة
    رد يا وله
    اعترف بغلطك
    وروح اطلب من الستات يسامحوك
    وامسح البوست دا
    ويا دار ما دخلك شر  

  27. Mongey said...

    لا معلش
    يا جرجس
    ارد عليك انا و ببساطة الولد مغلطش ولا حاجة لما قال راية طالما ان هو مقتنع بيه

    و بعدين انت حر ماشي
    و احمد حر
    وعبدالله مفتاح برضه حر
    و انا كمان معاكوا في الليلة ديه عشان كده عبد الله يقول ما دام ده رايه و احمد يقول مفهاشحاجة كل فكر ليه عيوبة و مميزاته  

  28. 3rby said...

    بص يا عم ابو جهل انت:)...انا قلت رايي...وشايف اني قلت حاجات حقيقية زي تخن الست بعد الجواز وحاجات تانية مش فاكرها بالنص لاني قاعد دلوقتي علي كومبيوتر مافيهوش غير انترنت اكسبلورر...بس فيه بنات كتير دخلوا قالوا ان البوست حلو...انت بس اللي كارهني مش عارف ليه:)
    يمكن مدايق من ساعة غزوة نيو يورك:D  

  29. Reformer1976 said...

    النقطة بس اللي بتكلم فيها يا عم أحمد هي إنه الموضوع اللي بيتكلموا فيه البنات موضوع محتاج بجد أخد وعطا
    ومحتاج تفكير مننا كرجالة
    مافيش واحد فنا كراجل بشكل أو بآخر إلا وطلع عقده على الستات
    الستات والنات يا عم الحاج دول الحيطة المايلة اللي كلنا بنتنطط عليها عشان نطلع عقدنا
    حتى لو مش كلنا حنفي الزفت ده
    لكن موقف الرجالة عموما في مجتمعنا الزفت ده من المرأة عموما زي الخرا
    ومحتاجين بجد نراجع مواقفنا
    أما فكرة إن مش كل الستات والبنات ملايكة بجناحات
    ما هو دا مفهوم
    حتى البنات اللي عاملين حملة كلنا ليلى أعتقد إن هن كمان مش بينكروا إن فيه ستات مقرفة جدا وبعضهن متسلطات وبعضهن مهملات لبيوتهن ولأزواجهن
    وغير ذلك الكثير
    والبنات نفسهم أكدوا أكتر من مرة إن مش كل الرجالة حنفي

    فالقضية هي إنه عشان أعمل حملة مضادة في الوقت بتاع حملتهن
    دا بس هو تحفظي الأساسي

    وزي ما قال نبي المسلمين
    "رفقا بالقوارير"  

  30. 3rby said...

    يا عم انا ماكنش قصدي تبقي حملة مضادة ولا حاجة....انا كنت عاوز ابقي محايد...ممكن اكون ميلت شوية او كتبت اكتر في العيوب عند الستات...بس هذا ينبع من منطلق فسيولوجيقي استراتيجي كميو بايولجي جامد جدا...قصدي يعني ديه خلفية نفسية صعب اوي تطلع كده في قعدتين...هاتطلع في اجيال


    وبعدين كمان احنا بنتناقش في ايه...معظمنا ناس مش قاعدة في ارياف....يعني ولا البنات ليلي ولا الولاد حنفي...هم بس اللي بيحبوا الافلام الابيض واسود...او تلفزيونهم بايظ:)
    سلام يا جرجس افندي