فريق الدفاع عن الشواذ نفسيا في قضية عماد الكبير بيقول ان الصور متفبركة
طيب هو مافيش فيديو ولا ايه في ملف الادعاء؟
ولا المعارضة وصلت لحاجة لسه التكنولجيا ماوصلتلهاش وهي تحويل صور ثابتة لمتحركة في شكل ديناميكي يشبه حركة الانسان وكمان
3d
ده احدث الالعاب اللي بيبقي فيها جرافيكس مش بتبقي زي الطبيعي 100%
وهولي وود اللي هي هولي وود لما بتعمل فيلم وعاوزة تعمل انفجار او حاجة وجواها بشر بتخلي البشر يتحرك في استوديو ويركبوا عليه شكل انفجار صغير جدا مع تكبير حجمه
يعني لازم يبقي فيه جزء غير بشري
طيب اغتصاب عماد الكبير عملناه ازاي يعني
وازاي ظبتنا العصاية في المكان الطبيعي للمقشات بالنسبة لكل مصري للمصريين(اكيد مش في المطبخ)
والسرعة
والصوت وكل ده
ده مصر اتقدمت وسبقت امريكا بقرون يا جدعان

طيب وكليب القفا
ازاي ظبطنا سرعة الضرب وحركة وش اللي بيتضرب بتاثير الضربة
ده فيلم شيرك 2 اتعمله فرح علشان ثلاثي الابعاد مع انه ماوصلش للتقنية اللي ركبنا بيها فيلم اغتصاب عماد الكبير

كده مالناش حق نكره مبارك حتي لو ضربنا علي قفانا او اغتصبنا او غرقنا او حتي حرقنا مادامت مصر اتطورت وسبقت العالم بقرون
اتاريه بيقول مصر اتقدمت في عهدي اكتر من التقدم اللي حصل من ايام محمد علي لحد اخر عهد انور السادات

لا لا كلنا لازم ننحني ونرفع القبعات ليه
بس لازم نمسك البنطلون واحنا بنوطي احسن نتكنس
قصدي نغتصب
او بالنسبة لفريق الدفاع...نركب الصور
نتركب ونركب الصور

طيب لو احنا فعلا عظماء اوي كده في الجرافيكس ودهنا الهوا دوكو
طيب الوعي عند سواق ميكروباص وكمان احتمال مايبقاش متعلم ولو متعلم اكيد متعلم في مدرسة فيها تكدس عالي وبيشموا فيها كلة عظيم اوي لدرجة انه يكره مبارك

الاجابة اه
وده يرجعنا لعظمة التعليم في مصر مبارك وطبعا ماما سوزان هي اللي دخلت التعليم(سوزان مبارك مش علي مبارك)
وعلشان كده ننحني برضو واحنا ماسكين البنطلون وياريت لو نستخدم تقنية حديثة اقترحتها كلبوزة لكن سمباتيك بسبب الانفتاح اللي حصل في مصر مبارك واكيد التقنية ديه اتصنعت برضوا في مصر مبارك
ماحنا اللي دهنا الهوا دوكوا

ولو افترضنا ان مصر متطورة وسواقين الميكروباصات عندهم وعي رهيب
طيب والرجولة؟
يعني مين يوافق انه يتقال عليه مغتصب؟؟؟
وبالذات في مجتمع زي مجتمعنا وشريحة زي شريحة عماد الكبير
صحيح مافيش فقر في مصر مبارك
بس الانفتاح عمره ما بيجي من بره ولازم يبقي بالتدريج(واحده واحده)


ممكن كمان يبقي الفيديو مش متركب
ممكن يبقي شاذ واغري الظباط علي تظبيطه(علشان كده اسمهم ظباط)
وهم علشان مايغضبوش ربنا وفي نفس الوقت يقوموا بعملهم اللي بيقبضوا عليه فلوس اخر الشهر
قاموا بالعملية بعصايا
طيب يعني ازاي رضيها علي رجولته
وكمان المعارضة ساعدته(اسمها معارضة وهي منقلبة عن اصل معارصة)
يعني في الحالتين لو كان متفبرك او حقيقي بس بمزاجه عماد الكبير هو اللي غلطان ولاول مره هايبقي عماد الصغير
والمعارضة كمان رجعت لاصلها اللي قلتها من شوية


8 comments:

  1. tota said...

    يا عم عربى
    الموضوع مجرد تخلف من المحامى علشان مش عارف يضرب القضية ولانه محامى المتهم لازم يحاول يعمل اى منظر والمنظر الوحيد اللى كان ينفع هو التشكيك فى الفيديو
    طب بزمتك مش ده ارحم من انه يقف قدام القاضى وبكل بلاهة يقوله هى مصر فيها تعذيب بقى يُعقل يا سيادة القاضى انك تفتكر ان الشرطة حامى حمى الديار المصرية بتعذب الشعب برده ويشكك فى الفكرة بقى
    السيناريو الاولانى ارحم لان القاضى لو سمع السيناريو التانى ممكن يتنحى عن القضاء نهائيا لانه مش هيكون مصدق انه فى مصر
    بالطبع هراء ومحاولة للتطويل فى القضية بس الجميل ان حتى التطويل هيفضل اسلام محبوس يعنى من غير حكم برده محبوس
    سؤال هو اى فيديو من اللى تم عرضهم دول مش مهين للشخص اللى فيه ؟
    هو الفيديو بتاع عماد مش اتصور عن عمد لفضح عماد فى منطقته واذلاله وكل الناس فى بولاق شافته يعنى هو عماد عند ه هواية فضح نفسه فى بولاق ولا انا مش فاهمة مين كان عايز يعمل راجل على مين فى الليلة دى
    تحياتى  

  2. emz said...

    ماهو لازم يعملولهم منظر
    لو ما شككوش فى الفيديو
    هيشككوا فى ايه

    و بعدين كله تمام و مفيش تعذيب و الدنيا زى الفل

    و سلملى على امن الدولة  

  3. مُزمُز said...

    وقع للتضامن مع كريم عامر وللدفاع عن حريتنا

    http://blogger-in-jail.blogspot.com/  

  4. واحـــد مـــــن الـنـــاس said...

    اهيييييييييي؟؟
    ديهدي يا ولااااااااا ؟؟
    ايه اللي انتا بتجوله ديه ؟؟؟


    بجا مصر اتجدمت ؟؟

    يادي النيلة المسبوغة بسبغة تيلة
    الا جولي يا احمد

    انتا مبتجيش حدانا ليه يا ولا ؟؟

    اتدلى حدانا بجا  

  5. adhm said...

    هى ممكن تكون مصر زى ما سعادتك بتقول
    اتجدمت جوى يا بوى

    بس المختلف علية
    اتجدمت فى اى اتجاة
    ور ا ولا جدام
    وممكن ناخد من كلامك ونعدل فية لزوم استشراف افاق جديدة بصراحة العنوان بتاعك ثرى جدا بالمعانى
    يعنى مثلا ممكن نقول
    مصر اتجمدت جوى يا بوى
    وبرضة اللفظ يستقيم مع المعنى الباطن
    وبكدة مش ممكن يثور الخلاف على اى اتجاة اتجمدت فية
    اتجمدت وخلاص
    بس ممكن الخلاف يكون على مدى الجمود وحدودة
    وبرضة الايحاء فى كلمة
    جوى
    انت اكيد قصدك قوى
    بس لو واحد من فصيلة المنافقين زى ممتاز القط ممكن يستخرج منها انك تقصد جوى يعنى قوات جوية
    وهنا حتبقى مشكلة فعلا
    تخيل مصر متجمدة فى الجو وكمان يا بوى
    انتوا بتجيبوا الحاجات دى منين
    طبعا الكلام عن كلمة
    يا بوى ما يخلصشى
    هل هى يا بوى بمعنى يا ابا
    ولا دة نداء من بوش لمبارك باعتبار مبارك هو صبى بوش  

  6. elkamhawi said...

    هة وبعدين

    عنى يا بوحميد هاى انا سالب من القاهرة واخد بالك انتا معايا  

  7. Rasha said...

    3rby ebniiii

    ana mama ya md7at etla3 o ban 3alek el aman :)))  

  8. 3rby said...

    توتا:
    بعد ما كتبت البوست طلع في الجزيرة وقال:
    انا ماقلتش ان الفيديو متفبرك
    انا قلت طالته ايادي عابثة او حاجة زي كده
    مش عاوز الناس تنسخه وتاخد صور من حتت منه بروح امه

    وبعدين اللي بتقوليه ده ممكن يحصل
    علي راي يوسف شاهين هي فوضي

    علي فكرة في النشرة كمان كان اسلام لابس لبس عادي ومش داخل مع عساكر مش عارف ازاي مع ان المفروض انه مسجون



    امز:
    سلام لامن الدولة
    تن تراررم تنتن


    مزمز:
    وقعت يا ابو المزز



    ابو علي:
    مابتدلاش عند حد واصل
    اصلي زي ماتجول كده في التوجيهية
    سلام بجه عشان الحج احش برسيم للجاموسة

    ادهم:
    مصر اجدمت للوراء وده بيظهر جليا في فيديو عماد


    ممتاز القط ده قريت اول مقالة ليه؟
    كان بيتكلم عن ان حسني مبارك ممكن ياكل ملوخية في اي وقت منغير مايسمع الطشة
    الكلام ده اخويا كان بيقوله وهو عنده 5 سنين
    بيقول حسني مبارك عنده راجل واقف بتاع شاورمة لما يحب ياكل ينزله لسبت
    ولا حازم عبد الرحمن بتاع الاهرام اللي كتب عن اهمية الفراخ في حياتنا ونها بتتاكل مسلوقة او متحمرة او مشوية في الغداء والعشا والعزومات
    ماسكين اكبر جرايد في مصر وبيكتبوا انشا



    ابو العلوء:
    طيب كده ابو الشواز مش ابو العلوء
    مش كفاية سيحتلك قدام العيلة جاي تسيح لنفسك هنا؟

    رشا:
    مين مدحت ده؟
    بتخونيني يا رشا؟