no title

منغير عنوان لان لو فيه عنوان معبر هايبقي ابيح

كام حاجة حصلت نرفزتي قوي
مش بالترتيب
اول حاجة كنت قاعد في حصة ماث والمستر بيقول جملة كده تقريبا مادة في الدستور بس واضح انها اشتراكية
قلتلوا ماشالوها يا مستر
قال اه...انا مش عاوز اتكلم في السياسة لان كده كده كل واحد فيكوا هايبقي عنده انتماء سياسي في الجامعة ومش عاوز اأثر عليكوا
لان الطالب لو بيحب مدرس وعرف انه شيوعي مثلا هايبقي شيوعي وده غلط اني اربي فيكوا اي انتماء سياسي-لحد هنا تمام-
وفاجئة اطلق الجملة اللي وقعت عليا زي الطوب
(بس لو فكرتوا فيها هاتلاقوا التعديلات ديه مش هاتأثر علي حاجة..يعني تفرق معاك ايه لو ظابط دخل بيتك او فتش عربيتك هو انت عندك مخدرات؟)
تقريبا كده مايعرفش اللي حصل لشربين
طيب شريين غريب اللي موتوا كان ابن اخو مدير امن الجيزة
وده منصب قليل اوي(قريب مدير الامن منصب)
ماحولش يتخيل لو كل الظباط عملوا زي شهاب الشاعر هاتبقي الدنيا ازاي



تاني حاجة:
عبد المنعم
مش هاتكلم علشان اكيد عارفين
دخلت عنده وقريت الموضوعات اللي في الصفحة
وقلت اشمخرت


ثالث حاجة:
قناة
o-tv
ساعات باجيبها كده مع اني مش متابعها
حظي الاسود خلاني افتح في وقت برنامج مسائك سكر زيادة اللي كل اللي فيه ابرد من التلج
مش موضوعنا،
موضوعنا انهم بدأوا يعملوا حركة انهم بينزلوا الشارع ويخلوا الناس تعمل نشرة ويقولوا رأيهم
فكان فيه راجل طالع علي المعاش قاعد علي القهوة ولما اتسأل عن اهم خبر قال
(نادي القضاة بيحقق في التزوير في الاستفتاء)
انا قلت الراجل تمام وبيفهم
قام معلق:انا انفسي افهم ايه هي سلطة نادي القضاة اللي تخليه يحط منخيره في كل حاجة


فكرني بواحد برضو في الشارع بيتكلم في الجزيرة بيقول :
طبعا الناس متدايقة من فكرة التوريث،بس انا نفسي افهم ليه،يعني اي حد فينا بيشغل ابنه في المكان اللي بيشتغل فيه او بيجيبله واسطه علشان يشتغل في مكان محترم
من حق الريس يشغل ابنه برضو،ولا يقعد علي قهوة؟

اول حاجة حكاية الواسطة ديه الحكومة ومبارك مسؤلين عنها
وحتي لو كلنا بنعمل كده
عمركوا شفتوا حد بيتعين في منصب رئيس شركة
ديه لو تكية مش هايبقي معلمها(هو يعني ايه تكية؟)
حكاية المدرس والاتنين دول نرفزتني اكتر لاني كنت معتقد ان الحرية قريبا
بس ابشروا
طول ما فيه نمازج زي دول وزي القاضي الحرامي والناس ديه مافيش خلاص

كمان جاتلي صور مستفزة جداااا هاتتنشر عند شهروزة قريب علشان مافيش حد بيجي هنا علشان بطلت ادخل عند حد علشان الثانوية(يا أندال)فقلت اديهالها علشان تعمل اثر قوي(دبستك كده يا شهروز في انك تنشريها )


قريت عند ياسمين موضوع دلوقتي مدايقني اوي


فيه حاجات اكتر واكتر مش فاكرها من كترها
كان نفسي اخلف والله بس شكلي كده خلاص
اي واحدة بتقرا دلوقتي وكنت واعدها بحاجة خلاص
انسي




12 comments:

  1. Mongey said...

    اولا عامل ايه واحشني اوي

    بمناسبة نقطة الراجل بتاع التوريث
    ده الكلام ده نوعا ما صحيح لكن السوال ايه السبب عموما هي الفكرة اكيد بتيجي من الجو العام الي بتعيشه البلد فالناس بقت بتشغل ولادها في شغلتها عشان تضمن
    مكان ليها بس ده اكيد مينفعش ينطبق علي منصب الرئيس

    كنت عايز اسالك علي حاجة انت بتاخد اقتصاد يوم الجمعة مع نصار في اكسبرت  

  2. 3rby said...

    منور يا منجي

    اصلي استوليتعلي البلوج:)
    والله كنت هاكلمك بس حصل ظروف كده

    المهم اني باخد مع نصار الخميس في 911

    بس اشمعزة يعني  

  3. مصرى said...

    ياه يا عربي بجد حاجات تنرفز واحد قاللي على موضوع التوريث ده إتنرفزت جدا برضه

    إيه ده نصار صابر لسة عايش يا جدعان أنا ستب الثانوية العامة من زمان و هو الوحيد اللي كان بيدي إقتصاد ساعتها بس مارضيتش آخد معاه أبويا معلوماته في الإقتصاد كفايه جدا  

  4. Mongey said...

    لا مفيش اصلي شوفت اسمك مكتوب في كشف اسماء بالصدفة  

  5. مصرى said...

    صحيح كنت عايز أسألك يعني إيه إشمخرت يا أحمد  

  6. 3rby said...

    مصري:
    ازيك
    ماعلش مش باعلق عندك انت عارف الثانوية بقي

    اللي ينرفز اكتر حوار المانيا

    مش عاوزين يرجعوا راس نفرتيتي

    مبارك خادها سلمها ورجع وقالوا مش باعتنها

    وكل يوم يمسكوا جاسوس وبعدين يعملهم عفو

    فيه دلوقتي رانيا الحسيني كمان
    بس بيض

    منجي:
    يا عم كشف ازاي انا اصلا الخميس

    مصري تاني:
    اشمخرت ديه كلمة عربية فصحي منتشرة جدا في المعلقات القديمة(اصل عندي موسوعة شعرية)معناها ظهرت وتدي احساس احه فبدل مالواحد يشتم حد يقله اشمخرت منغير مايغلط فيه  

  7. شــهــروزة said...

    ورضخت للتدبيسة يا عربيلااا
    والصور اتنشرت

    مبروك يخوياا
    اطمن انت فى الأمان

    شد حيلك وربنا يوفقك
    تحياتشى  

  8. Nouran said...

    اولا ربنا معاك انت واللي زيك علشان بيقولوا الجدول وحش ربنا يكرمهم ويهديهم ويغيروه بالذات جدول علم رياضه
    وركز انت بس علشان تبقى مهندز ورئيس جمهورية قد الدنيا كده

    بس ايه المدرس الغريب اللي انت بتاخد عنده ده غريب اوي ليك حق تتشل

    ولية اصلا بتفتح اوه تي في ديه قناة خنيقة يا شيخ مش كنت تقعد تذاكر بدل ما يتحرق دمك وكمان انا قلتلك قبل كده هيجيلك الضغط متحرق ف نفسك يا بني وربنا معاك ومعانا ويديهم ع قد نيتهم  

  9. 3rby said...

    شهروز:
    انتي فاكراني خايف ولا ايه
    لا احنا مانخفش واصل

    انا بس كنت عاوزها تتشاف


    نوران:
    ربنا يطمنك انتي واللي زيك

    :))

    او تي في فيها مزيعة بتاعة شغال

    يخرب بيتها يخرب بيتها  

  10. Anonymous said...

    يامصاوة اناسعودي من قبيلة جهينةياولاد الساقطات قبل الفين وخمسيمة سنة هتكنا نسوانكم ياااحفاد الساقطات لانسب ولااصل انتم لستم من نسل اسماعيل ولا قحطان مقلنا ومثل الصحابة شوف صحابة من جهينة قبليتي الفين صحابي ياحيوان اولاد فيفي عبدو نسوانكم في جده وفي الاسكندية في دي الدنيا تفو عليكم اولا ديسكوات  

  11. Anonymous said...

    u r pure arabs antom awald 7rm na7no fe alsa3odi 70% awald qabila 3rbi mn ishmail 3dnan aw qahtan tfooo nayko nasynkom alsa7ba mn juhinya wa thaqif wa qabil als3odya  

  12. Anonymous 3 said...

    Anonymous 1,2
    اللي بيتكلموا في الاخر دول

    هو انتو شاربين حاجة؟
    ربنا يشفي