رجعت من درس لقيت امي قاعدة في الصالون
بتقولي علي فكرة يا احمد صاحبتي اتفرجت علي حلقة العاشرة مساءا وبتحلفلي ان عماد الكبير و3 من سواقين الميكروباص خطفوا بنت واغتصبوها علشان كده الظباط خدوه وعزبوه
قبل ما اتنرفز سالتها هي عرفت منين
قالتلي عمها عارفهم
عارفهم منين
اصل هو اللي ماسك القضية
ليه بيشتغل ايه
مامور القسم
اصلا امي مالهاش في السياسة وماشفتش الفيديولانها لو كانت شافتوا كانت بهدلت الست
يعني ماكتفوش بتعذيبه وموت ابوه
وماكتفوش بانهم شككوا في الفيديو
وماكتفوش ان مساعد وزير الداخلية اعترف بصحة فيديوهات التعذيب
وعلشان فشلوا لانهم مدانين بكل الادلة
ده فيه بينة
فيديو واثار تعذيب
كمان بيعملوا زي الستات
اشاعات ونم
واللي ينرفز اكتر
ان المأمور بيقول علي نفسه المسؤل عن القضية
قاضي بروح امه
قال مسؤل عن القضية
يعني مش مسؤل عن التعذيب
ولا مسؤل عن التشهير بواحد اتعذب
مش بس التشهير بالفيديو ونشره
لا كمان يقولوا احنا كنا بناخد حق البنات
طيب فين البنات دول
ولنفترض جدلا ان ده صح
هو مش من حقه ينفذ حكم(مش موجود اصلا عقوبة الاغتصاب اغتصاب)غير لما قاضي يحكمله
هو ده تداخل السلطات الثلاث
يعني السلطة التنفيذية بتقرا افكار القضاة وبينفذوها
والمشرعين بينفذوا الاعدام علي الدستور منغير حكم قضائي
والقضاة مش لاقيين حد ياخدوا سلطته غير الحرامية
فبيسرقوا افكارنا كشعب
اصل الشرطة دول قلوبهم حونينة اوي وبيخافوا علي البنات
علشان كده سابوا الناس تغتصبهم في وسط البلد
(لاحظوا في الفيديو ان فيه ظابط برتبة عالية في عربية وواقف مابيعملش حاجة)
ده ايه الشلل ده
يعني انا بدأت ابعد عن التدوين والسياسة علشان المذاكرة والرعشة من النرفزة في المراجعة مش كويسة
فجيالي لحد عندي
الاشاعة ديه هاتتنشر قريب اوي وهاتغطي علي حق عماد زي ما غطوا علي حقوق ناس كتيير
لازم نعمل خطوة مضادة لان مش كل الناس شافت الفيديو ومش كل الناس تعرف عماد
لازم ناخد خطوة علشان حقه مايضعش
Subscribe to:
Post Comments (Atom)
يابني هكذا هي مصر الان متحولش
و ارحمني بقي انا بتحول وانا في المدونه حط الكلام في النص او علي اليمين عينيا باظت هههههههه
aywa yabnee shooft lama asln fel 2dya by2oolo l3mad 3leek 2dyat shroo3 fe 2tl we mo7'drat snat 80 2lhom ana mwlaeed 85 2lolo 7'las yb2a 90 !! y3ne we howa 5 sneen kan 2tal 2otla we howa 10 sneen b2a yb2a eh??
rabna ystor bgad ..
بص يسيدى احنا فى عصر المدعى عليها الديمقراطية وحق الفرد لازم ياخده-طبعا هياخده فى المشمش
واحنا دلوقتى اللى بقينا وحشين ومش عارفين الحق من الباطل
وظباط الشرطة -مش كلهم طبعا فيه وفيه-هما اللى حلوين وزى الفل
وتمام التمام
وربنا يستر على البلد واللى فيها
وحق عماد هو واللى زيه وحقنا يرجعلنا
تحياتى ياعم عربي
ركز في الثانوية العامة
و ابعد عن الاخبار اللي تضايق
و قول
حسبنا الله و نعم الوكيل
الله يخربيتك يا فخرييييي
يا دي المصيبة، هو الظلم يوصل للدرجة دى
طيب يا احمد انت وصلت لفكرة ممكن نعمل ايه؟
كوبا:
اول مره ابوظ الشكل منجي هو اللي بيبوظ دايما
بالنسبة لمصر
جاية فوق الصعب ماشية
فات عليها يوم ومية
واحتمالها هو هو
وابتسامتها هي هي
هم عاوزينا نقول كده
لازم نحاول نغير
جيل التسعينات والتمانينات تفهة علشان عمرهم ما حاولوا
شفت الكرم
رادد علي كلمتين ببراجراف
zsinfulangel:
انتي نرفزتيني اكتر
الحوار ده بجد والله؟
انا ضد الدعاء لمصر
لازم نغير
"ان الله لا يغير ما بقوم حتي يغيروا ما بأنفسهم"
عاشقة الوطن:
مدرس الماث بتاعي علي اي حاجة يقول احنا بلد ديمقراطي
عيب نتكلم في السياسة-احنا المدرسين-علشان مانعملكمش توجه سياسي
بس التعديلات ديه لو فكرت فيها هاتلاقيها مالهاش لازمة ومش هاتاثر علينا ومش وحشة ولا حاجة
طول ما في نماذج زي ديه مش باين ستر
دخلت في حوار مستفز اكتر من البوست
بالنسبة لظباط الشرطة 90% منهم ولاد جزمة
ايبي:
ازيك
اقري ردي علي zsinfulangel
زيزي:
والله بافرح لما بتيجي
اصلك قليل اوي لما تردي عليا
واقل انك تعدي
بالنسبة للحل انا عندي حلول بس في الصيف لانها اكيد هاتسبب ليا الاعتقال ولو اعتقلت دلوقتي مش هامتحن
لو عاوزة تعتقلي ممكن اقولهالك في الشات علشان مابقاش مسؤول
شفتي الرجولة
كده انا ميمي وانتي زيزي
:)
انا كنت قاعد معاك
انتا بتقول متنرفزتش
يا راجل ده انتا كنت ناقض تسب الدين
عيلاء:
اكيد مش هاقول اني كنت باتنرفز علي امي
انت جاي تسيحلي
يا عربي
سمعت كمان إن بيحاولوا يلفقوا لعماد تهمة مخدرات إتجار مش تعاطي
دى لا باظت و لا خربت
و لا جابت جاز
لا مؤاخذه
دى عيشه ظريفة جدا
مصري:
شوف اللي يحرق الدم اكتر تاني واحدة معلقة
just u:
كنت عامل بلوج انا واكتر واحد عمل بلوجات بس مسحوا
كان حاجة زي كده
بس انتي عاوزة تحرقي دمي مثلا؟