هاحكي حاجة حارقة دمي ماشي اهو الفضفضة حلوة عشان ماتجننش
قال ايه يا جدعان صدفة ان الجامعة اللي بيتقال انها بتاعة جيمي واللي اتصور فيها مرجان احمد مرجان(الفيوتشر) صدفة انها تنزل تنسيق هي وجامعة عمكوا صفوت الشريف(اعلام بس في مدينة الانتاج الاعلامي) في التنسيق
وايه في نفس السنة التنسيق يعلا بشكل جنوني
لا وايه كمان السقوط يعلي في الجامعات واللي معدي صافي من مواد حتي في كليات القمة ده شاب نادر جدا حتي في كليات القمة
مش بس كده
لا اللي جايب 91.5% مش مفتوحلي غير حقوق(عشرات الاماكن بس في الاماكن اللي فيها حقوق انجليزي)وتجارة(باقرف منها) واداب والمعهد العالي للتنكنولجيا او الجي يو سي

يعني حد يصدق اللي انا قلتوا ده

هي الناس ديه مالها بدين ام التعليم مش كفاية عيهم البنوك
يعني ازاي عمارة يبقي فيها خمسة واربعين مكان للمرحلة التانية وازاي كومبيوتر ساينس وهندسة ماتنزلش وازاي وازاي وازاي

يعني هل 91.5 % درجة وسخة ولا انتي اللي بلد بنت وسخة

8 comments:

  1. Mongey said...

    هدي اعصابك يا عم احمد الي حصل ده حصل لناس كتير غيرك تخيل ما انت مش لوحدك الي جايب 91.5 و انا مقصدش اقلل منك
    بي في ناس كتير زيك و يمكن انت احسن من الناس دي في ظروفهم انما الناس التانية
    هيعملوا ايه ؟
    هي الحياة كدة بكرة الدنيا مخبيالي انا كمان صدمة و اقعد اشتم في مصر وفي الدنيا زيك

    كده و انت تقعد تواسيني
    يا عم كله بيعدي الي انت فيه هيعدي وهيبقي زكري انت لسه قدامك
    50 ولا 60 سنة نعيشها لو ربنا اراد
    فلسه بدري اضحك كدة و فرفش

    و اشطة و مفيش اي مشاكل
    انا عارف انك متضايق بس هتعمل ايه
    بالزعل مش هتغير حاجة  

  2. smraa alnil said...

    لا يا حبيبي
    انت كويس
    هي البلد اللي زي مانت قلت

    ومش توزعل الزعل مش هفيدك  

  3. أحمد المصري said...

    اللي حصل حصل هدي أعصابك..لا انت فاشل ولا البلد وسخة..المشكلة إن فيه أوساخ كتير00زي ما قالولك الزعل مش حيفيد اتكل على الله في اللي موجود وربنا يوفق0  

  4. محمد المصري said...

    لا مجموعك ولا البلد زي مانت قلت يا عمنا^^..
    البلد بلدك برضه ولازم تحبها مهما عملت فيك..واصبر لأن ده ابتلاء من عند ربنا..كفاية ظلم الدكاترة في الكليات خاصة الطب..وأخوك مجرب وعارف والله بعيد عنك وعن كل طالب طب^^..
    ربنا معاك ويوفقك..
    بالمناسبة يا ريت تشرفني بزيارتك في مدونتي الجديدة:
    http://safa7aty.blogspot.com
    منتظر زيارتك الكريمة وربنا معاك..
    شكراً..
    محمد المصري  

  5. بنت مصرية said...

    والله الواحد مش عارف يقولك ايه، اديك بتمر باللى مر بيه اغلب المصريين اللى اخدوا ثانوية عامة.. بتتصدم في بداية حياتك وانت لسه بتقول يا هادي

    انا اتصدمت قبلك، حاجة بسيطة كده بتاعة 95% انما تعمل ايه، المهم شوف مستقبلك وقرر انت عايز تعمل ايه وايه اللى بتحبه
    ماتعملش زيي وتدخل اول كلية قريبة من مجموعك وبعدين قضي فيها اربع سنين مالهومش لازمة عشان تشتغل فى حاجة تانية خالص  

  6. 3rby said...

    يا جماعة شكرا اوي عالتهدية غالبا لو ماجليش فنون هادخل الجي يو سي


    زيزي:
    مافهمتش انتي كنتي جايبة 95% ومادخلتيش حاجة؟  

  7. Epitaph said...

    كان ليا واحدة صاحبتي الانتيم
    جابت 94,5% و ملقتش غير علوم
    وواحدة كانت علمي متأدب 94%
    مالقتش غير تجارة انجليزي
    وواحدة ثالثة بقي جابت 96 و دخلت سياسة و اقتصاد مع انها كانت علمي بس راحت عليها طب سنتها
    وفي زيها بس دخلت ال guc

    عربي من الاخر
    مش انت اللي فاشل
    انت ماشاء الله ناجح
    و الكل فخور بك بجد مش تهدية و لا مواساة
    ادرس حاجة نفسك فيها او قريبة لميولك
    و اشتغل في حاجة تحبها و تنجز فيها
    محدش عارف الخير فين


    والف مبروووووووووووك ليك تاني الثانوية يا عم كفارة بجد
    و بعدين يلا بقي عايزة اسمع حكاوي اول يوم جامعة و كدة منك انت و منجي

    تحياتي ليكم
    و الف مبرووووك
    والعيب مش فيكم
    العيب في النظام  

  8. Anonymous said...

    ya basha wennaby matz3al nafsak w heyaa fe3lan balad zay manta 2olt bas yabne m3dsh lena fe kos om el zman da ella flosna w t3lemna ... ya t5osh 5assa ya t5osh m3had w elle m3hosh 3nno ma et3allem ... 3alam wes5a wllahy ya basha bas ant matz3lsh nafsak .. hyb2a zolm w za3al ?
    :'(