الغرب الكافر كلمة باسمعها كتير و مافكرتش هما كدة و لا مش كدة و ده مش موضوعي . لية فية ناس كل الي بيختلف عنا يبقي كافر سواء كانوا اصحاب ديانات سماوية او غيرها بس مجرد اختلافهم عنا يبقوا كفرة .. يعني يجي الخطيب يوم الجمعة يدعي ان ربنا ينسف الكفرة الغربيين و يخسف بهم الارض و يجي شخص تاني يقولك لا تنخدع بمظاهر الحضارة الغربية يا اخي فانهم كفرة ... يا سلام لا انخدع بمظاهر الحضارة الغربية امال اعمل ايه احمد ربنا اننا دول عالم تالت ..المشكلة ان ده خلي ناس كتير عندها تؤاكل يعني قاعدين ندعي عليهم بس مفكرناش نبقي زيهم او نحاول حتي... و في مشهد مهم اوي واحد قاعد علي قهوة وبيشرب شاي و شيشة وشاف علي التلفزيون الناس بتتقتل في لبنان وفلسطين و الشيشان والعراق وافغانستان لكن كل الي عمله انه قال ربنا ينتقم من الكفرة ولاد الكلب دول بس ما فكرش ليه احنا بنقتل وهما بيقتلونا ... ليه احنا كدة وهما كدة بس هما كفرة....هما بيقدروا قيمة الانسان عندهم و احنا الانسان عندنا ملوش قيمة بس هما كفرة ... هما بيخططوا وينفذوا واحنا ماشية معانا كده بس هما كفرة .. مفكرش لية احنا بنصنععسلية في مصانعنا و هما بيصنعوا صواريخ و دبابات ... مفكرناش في حاجات كتير احنا فين من الكفرة دول احنا فين من الغرب الكافر و فين الهندوس الكفرة في الهند و اليهود في اسرائيل و البوذيين والشنتو في اليابان والصين يا ريت نبقي زي الكفرة دول في الاقتصاد و الصناعة مش هاقول في الدين عشان متكنش دي دعوة مني لاعتناق البوذية .......
Subscribe to:
Post Comments (Atom)
ما هو لو ابتدينا صح هانمشي صح...لما نبدأ من فرضية غلط بتقول إن الغرب كافر، يبقى بننصب نفسنا قضاة ع الناس نحكم مين مؤمن و مين كافر و ده أساسا مش من حقنا
طبيعي جدا بعدها "نؤمن" إننا على حق مطلق و ربنا هينصرنا- ما تفهمش إزاي و احنا على حالنا ده- لأننا امتلكنا ناصية الإيمان
الشيخ رفاعة الطهطاوي قال عن أوربا أنه رأى هناك إسلاما بغير مسلمين و هنا مسلمين بغير إسلام.
دا إذا كانت اليافطة بتاعة دين البني آدم تفرق بحاجة.
ارابيسك: صح جدا كلامك لاننا مش الهة هناحسب الناس ونقول ده صح ونقول ده غلط اهم شي اننا نبص لنفسنا في الاول وفي الاخر
ايسترن :شكرا ليك بس انا اسمي منجي وفعلا الكلام الي انت بتقوله رائع وانت كنت عمال اتكلم في مع ناس من قريب
تامر: حاجة تفرح جدا ان طريقة حياتنا بقت بتعمد علي اشياء قدرية
الف: فعلا الراجل كان عنده
العملية أبسط من كده ... إحنا لما لقينا الغرب أحسن مننا في العلم و التعليم و النظافة و السياسة و الفن و السينما و حقوق الإنسان و الحيوان كمان ... فطبعا إتغاظنا و قولنا ماشي بس من الأخر هما كفرة و بناتهم لابسين منغير هدوم ... ياااااي
الغرب ما فيش مانع نبقى زيهم فى النضافة والاحترام بس دا ما يمنعش انهم كفرة مش عشان مختلفين علشان ربنا قال (ان الدين عند الله الاسلام)
مش اليهوديه ولا المسيحية مش عشان هما متقدمين يبقى صح
مش لازم نقلدهم فى حاجة استاذ منجى انت مش بتحط جل علشان توقف شعرك وتبقى موضة وتبقى زيهم حاولت تقلدهم فى حاجة صح
انا ليه مش عارف احنا ليه كل مانقول حاجة بنتفهم علي اننا عالمانيين....يا سيدتي مونجي ماقلش اننا بنقلدهم في كل حاجة....احنا نفسنا نفوق بس والشيوخ يبطلوا يدعوا عليهم من غير مانعرف هم كده ليه...ليه هم متطورين واحنا متخلفين....احنا متخلفين علشان كل ما حد يجي يناقش موضوع متعلق بحالتنا بين البلاد نقوله حاجات هو ماقلهاش.......وبعدين انتي تعرفي مونجي منين علشان تقولي انه بيحط جل وانه مابيعملش حاجة ليها لازمة...اكتر حاجة مفيدة بنعملها اننا بنحاول نفهم الناس....يا عه والله العظيم احنا مسلميين وبنصلي وبنصوم كل الحكاية اننا عايزيين الناس تبطل اسلوب الوهابيين في تكفير الاخر طالما هو اقوي وعدم استطاعتهم علي مواجهته...مشكلة العرب والمسلمين مش ان الغرب كافر...طيب مالدول المسلمة بتضرب بعضها...مشكلة المسلمين ان الغرب قوي...ومشكلتنا الكبر اننا اضعف بكتيييير...انا مش قصدي اقلل من فاعلية الايمان في وجه الاسلحة......بس برضه زمن المعجزات انتهي...قال تعالي:"وما يغير الله ما بقوم حتي يغيروا ما بانفسهم"...ولا ايه يا استاذة؟
إلى الأخت أروى الطويل التكفيرية الرائعة!! لا فض فوك وحفظك الله ذخرا للإسلام ونصرة للمسلمين الل يطول ما عندهم أروى الطويل فلن يعوزهم شيء من الخير... أما حكاية التقدم العلمي والتكنولوجي والكلام الفارغ بتاعك دا يا عم عربي فدا ييجي إيه جنب تراثنا السلفي وحضارة الأربعة عشر قرنا اللي عندنا... أتريد أن تصبأ أنت الآخر؟ ثكلتك أمك أيها القزم!! لا تؤاخذيه يا أخت أروى الطويل فهو ربما كان زنديقا ممن تغرهم مظاهر الحضارة الغربية الكافرة كما غرت الدنيا الفانية الكثيرين من قبله ولكن كما قال العارف بالله سيدي محمد العزبي "دامت لمين"!! (ولا باين إنه كان سيدي محمد رشدي) مش مهم المهم أن اسمه على اسم سيد الخلق أجمعين سواء كان رشدي أو العزبي... من قال أن التكفير خطأ يا أخ عربي نعم هم كفرة كما قالت ستنا أروى الطويل ونعم حضارتهم كافرة ونحن على كل تخلفنا وزبالتنا العقلية أنضف منهم وأطهر منهم ... وسيأتي اليوم الذي نقضي فيه على حضارتهم الكافرة ونمحوها... وإن غدا لناظره قريب يا أخ عربي يا مرتزق يا عميل الصليببيين والصهاينة... ألم تسمع بغزوة مانهاتن المباركة؟ أم لم يخبرك أحد بغزوة لندن؟؟ ها هي حضارة الأوغاد الكفرة تضمحل تحت أرجل رجال اختاروا النصر أو الشهادة!! (لأ يا ظريف مش عشان احنا بلد شهادات يا كافر) لا تؤاخذيه يا أخت أروى فهو جاهل لا يعلم ولا يعرف (ما بيعرفش يعني على رأي الكافرة الفاسقة بتاعة الصراحة راحة ياعيني وانت ما بتعرفش)... وفي النهاية أقولها لك أيها الزنديق يا بن أي عربي: امسح هذه المدونة الكافرة التي تمجد فيها كفر الغرب الكافر وتندد بتخلف الشرق المؤمن وإلا لجاز عليك تطبيق الحد!! ولنا الله يا أخت أروى من أمثال هذا العتيد في الكفر والزندقة الأخ عربي...
أخوكي في الجهاد
مقاتل تفجيري
جرجس مرقس
خلية رقم أربعة وتلاتين ألف ستمية خمسة وسبعين
بيشاور باكستان
اروي الطويل : باختصار وبدون تطويل انا مش كافر وانت او غيرك ليس لكم الحق في ذلك لان ببساطة احنا مش هنحاسب البشر علي الارض لان في ربنا هو الي بيحاسب البشر في السماء و بعدين مين قالك ان انا باقدس الحضاره الغربية لا الموضوع مش كده بس الموضوع ببساطه جدا اننا بدل ما نقول عليهم كفرة نحاول ننفاسهم ونبقي زيهم في كلامي مش معانا اننا نكون زيهم لكن اقصد اننا نبقي دول عندها صناعة عندها زراعة الانسان المصري لمل يموت يبقي ليه قيمه عندنا ... وبعدين جل ايه وكريم جيل ايه ال بتتكلمي فيهم وانت عرفتي منين انا باحط جيل ولا لا!!! .. و انا مش ضد الاسلام والاسلام هيستمر من غيري او بيا لكن انا ضد اننا ننشغل بتكفير من حولنا ونزرع الكره في قلوب الشباب والاطفال بدل مانزرع جواهم التنافس و انهم قادرين يبقوا احسن من غيرهم لو اشتغلوا و عملوا الي عليهم ليه المسلمين مش قوي ذات انياب حقيقة المسلمين قوة معطلة ... اروي اعتقد انك يجب ان تعيدي حسابتك فكري فيها فكري احنا فين وهما فين وليه احنا كده و انا مش بقول اني بالضروره صح
سورى بقى انت اللى فهمتنى غلط على العموم الله يسامح كل واحد فيكم غلط فيا يا بنى افهم انا والله ما بكفركش اى حد الاخ المسيحى انت شايفنا كفرة واحنا كمان غير كده فيها ايه لما قلت انك بتحط جل طب بالله عليك بالله عليك انت بتحط ولا لا وبصراحة غير كده بصراحة انا اتخنقت انا جبت سيرة العلمانين انك تفهمنى غلط ده مش ذنبى افهم كلامى صح
ايه يا مونجي ده...ايه يا اروي ده...الراجل بيتريق...مش شرط يبقي مسيحي....وبعدين انت دخلتنا ليه في موضوع اقباط المهجر يا مونجيي...انتوا مش حاطيين جل...انتوا واكلين جل
الغريب إن الناس و خصوصا غير المسلمين بتتعامل مع كلمة كافر كشتيمة
هي مش شتيمة
فغير المسلمين كفروا بدين الإسلام يعني مش مؤمنين بيه
و أنا كافر للنصرانية و اليهودية لإني في رأيي الإسلام هو دين الله
بس الحكاية بسيطة
مهش شتيمة يعني
معلش يا يوسما بس ديننا يعترف بالاديان السماوية الاخري كما يعترف بجميع الرسل.......وبعدين علي فكرة تعرف ليه ربنا مانزلش الاسلام عالطول؟لان لازم يبقي فيه تمهيد علشان الناس تؤمن...يعني لو جيت تقول لواحد بيعبد الاصنام وبيزني وبيسرق وماعندوش محرمات اللي هايسرق هاقطعله ايده واللي هايقطل هاقطعله راسه واللي هايزني هاقطعله....قصدي هاجلده....اكيد هايقلك طز ماعن اهلي ما امنت...صح ولا غلط؟.....وبعدين علي فكرة كل دين بيقول انه الوحيد اللي صح علشان الناس تؤمن....علشان كده لازم يبقي في حرية الاختلاف......والنقاش كمان...يا جماعة انا مش علماني بس انا برضه بافهم مش سلفي....واللي بيقنعني بحاجة باعترف بكده
ضحكت من قلبي -حتى استلقيت على قفايا - على تعليق الأخت أروى والأخ أبو جل في شعره اللي حب ينفي عن نفسه تهمة الكفر فخبط بالمرة في مسيحيي مصر واتهمهم بالتآمر مع الأمريكان ضد صالح مصر... الله يكرمك يا أخ عربي على انك فهمتهم أني بهزر (هوا ماكنش باين روح الدعابة في التدوينة؟) اهدوا كدة يا خوانا عيب ما يصحش... فيه حاجات أهم... البقية في حياتكم جميعا وفاة نجيب محفوظ!! أنا آسف يا أروى إني باعزيكي في واحد كافر ومات... بس أنا باعزي مصر كلها (اللي يشرفها إنه نجيب محفوظ كان من أولادها)... رحم الله هذا الرجل المسلم (شفتوا الحلاوة دي؟ راجل قبطي بيدعو بالرحمة لواحد مسلم بعد موته!) شفتوا الوحدة الوطنية اللي ما يغلبها غلاب... (حد يقول لي أنا فين قلت في التدوينة ان المسلمين كفرة؟؟؟) الله يسامحك يا أروى... روحي يا شيخة ربنا يوعدك بتلاتين ألف جنيه من بتوع تعويضات القطورات... ولا إنتي مش من قليوب؟
(توضيح لمن لم يفهم الدعابة السابقة قطار قليوب دا أخو عبارة الموت الصغير والدعابة في مجملها سخرية لاذعة من الإهمال الذي يعج في جنبات البلاد حتى أنت وكأن عندها مغص كلوي) تحياتي ليك يا أخ عربي
انا والله ماكنش قصدي علي اروي في اول تعليق...هي فهمتني غلط...بس برضه اروي اهانت مونجيي(احنا جايين نهدي النفوس)هو كان بيدعوا للتقليد في الحاجات المفيدة وهي خلت شكلوا انه مابيعملش ده....يعني انا ماليش فيه...البس يا مونجيي
اههههههههههههههههههههههههههههههههههههههههههههههههه
(بصرخ)
يا بنى انا كلمته
انا قولتله حاجه اتقى ربنا بقى
والله اعصابى باظت منكوا
لا روح الدعابة ما كنش باين كانت رخامة وغاظتنى ونرفزتنى بس خلاص انا مش زعلانة
وبعدين ان عدت تقول يا سيدتى تانى انا ...........................................................................حتنرفز
اروي......اروي........اروييييي.....اروي ماتت يا جدعان:)..........لتجنب ضحايا جدد لهذه التدوينة انا عايز اعمل تصويت للبلوغرز بس(علشان محدش يستعبط ويعشلي في دور الانونيومس)ولو التصويت قرر ايقاف التعليقات عليها هاقفله ولو ماتقررش يبقي مصر هاتفضل تخسر في ولاها...الاول العبارة وبعدين القطر وبعدين "الكفرة"ملحوظة:يا اروي الاختلاف في الرأي لا يفسد للود قضية
أنا ضد قفل باب "التصويت"... هو انت كمان يا عم عربي ها تبقى ضد "التصويت" .... إلى المرحومة أروى عوووووودي يا أروى إلى أنوبيس!!! (أنوبيس هو إله الموت عند قدماء المصريين) وطبعا لست بحاجة إلى القول بأن أجدادنا القدماء اللي عبدزا العجل والبعل (إيه البعل دا) وعبدوا النيل (والنيلة) كانوا بالقطع كفرة!!! عوووووووودي يا أروى
يا بنتي ما هو من غير استفزاز في المدونات عمر ما عضمك ما هينشف... ولازم تسمعي من هنا ومن هنا وتعودي نفسك ان الدنيا مش كلها لون واحد اللي هو اللون اللي انتي بتحبيه.... وبعدين خليكي فريش احنا كلنا في رحلة سواء في عبارة الوطن الوطن أو قطاره أو أوتوبيسه أو قصر ثقافته يعني لو من لم يمت بكل اللي فات دا مات بغيره وياما في جراب النظام يا حاوي (مع أطيب التحيات للأخ حاوي)
فعلا يا اروي انتي بتخدي كل حاجة علي اعصابك.....صحتك بالدنيا ماتعمليش في فسك كده:=)
يا واد يا عربي إيه حكاية كل واحد معدي يقول لك برافو عليك يا شاطر ... ياااااه كل دا وعندك 16 سنة بس!! هي الناس دي مالها بايخة؟ الناس دي مش مدركة إن الجيل بتاعكو ده جيل محترم وذكي وأنضف من جيلنا والأجيال اللي سبقتنا ولا إيه؟
والله انا خايف ليكون حد عامل فيا اشتغالة...عموما ماتحسدناش...الوسخيين كتير برضه في جيلنا...حتي ادخل اي نت او روح سيتي ستارز هاتشوف ناس داخلة مول علشان تتمشي وتعاكس بنات...اكنها جونينة.....المهم لو ديه اشتغالة هاكل اللي عاملها والله
إنتي فييييييين يا أروى؟؟؟ وحشتني المناكفة معاكي
تصدقوا اللي انتوا عملتوه دا عيب أوي... البت أروى تسحبكوا وتاخد الخناقة على مدونتها على أساس إن ان مش هاخد بالي!!! وتروحوا مدلوقين على بوزكم وراها وتقعدوا كلكم تحايلوا فيها ودي تبوس على راسها ودا يقول لها حقك عليا وهات يا مصالحة وطبطبة لما كفرتوني!!! كدة عيب جدا ... عموما أنا خبطتها واحد كومنت جامد هناك قلت أهو ينشف عضمها شوية والبنت برضه بنتنا وما يصحش نسيبها كدة غضة بضة لا لها في التور ولا في الطحين وخليها تجمد كدة في السياسة والدين وعالم التدوين... وقلت في عقل بالي يا واد يا جرجس (الأخ عربي قال إن خلاص جرجس دي مسكت فيا ومن ثم سقت انا فيها) ممكن السيدة الفاضلة أروى الطويل ممكن تمسح تعليقي على أساس أنها مدونتها وهي حرة فيها... فانا هاطلع أنصح منها وانشر تعليقي هنا كمان لكي تقوم الشهادة على فم شاهدين أو ثلاثة يعني الموضوع بقى بحشب الشرع أهو يا "سيدتي"... أصل هي بتتغاظ أوي من موضوع يا سيدتي ده
المهم ها هو تعليقي على الأخت أروى
وبعد الليلة ما خلصت والناس باست بعضيها والنفوس هديت طلع الشيطان جرجس المتعوس من جوة قلب الفانوس وهو مش عاجبه الحال إنه المسلمين اصطلحوا مع بعضهم وأصبحوا إيد واحدة يا بهجت ودا بعون الله خطر جدا على إسرائيل والبلاد الصليبية (اللي مونجي فضح مؤامرة المسيحيين المصريين معاهم عشان يحتلوا مصر) وبالطبع جرجس لم تعجبه هذه الوحدة العروبية الإسلاموية التي باتت وأضحت وما انفكت تهد أمنه القومي هو وبني جنسه "الكفار" أو أهل الذمة على أفضل الأحوال وقرر يعمل فورتينة من تاني وينفخ في الرماد بحثا عن أي ولعة قد تكون باقية ويهيج "الإخوان" على بعضيهم بحسب المبدأ الأنجلوصهيوني (بتاع الناس اللي مشغلاه في السي آي إيه وبالمناسبة كان هو والشيخ أسامة في أفغانستان عملاء أمريكان في نفس التوقيت!) المبدأ اللي بيقول: فرق تسد... وهنا تأتي لحظة الضرب تحت الحزام... وتذكير المجاهد التنويري مونجي بأن السيدة الفاضلة أروى بنت أنكل طويل هي التي عيرته من البداية بالجل اللي بياكله أصدي بيحطه في شعره (وهو شيء حداثي ضد الأصالة يععععع!) وبعدين إيه حكاية إن جرجس "بغباؤه" دا نرفزك يا ست أروى؟ الكلام دا عيب يأتي من كاتبة إسلامية عروبية قد الدنيا مثلك ... لقد جرحني هذا الكلام في سؤدد الفؤاد "جرجس بغباؤه" إخص عليكي بجد!!! يا "سيدتي" الباء حرف جار ومن ثم يتحتم جر ما يأتي بعدها فتكون "جرجس بغبائه" ثم كلمة "نرفزني" هي كلمة أعجمية ليس من اللائق على الكاتب الإسلامي استخدامها على هذا النحو المبتذل مثل الغوغاء والعامة والدهماء... باي بقى يا أروى عشان عندي عملية استشهادية دلوقتي في جماعة مسيحيين كفرة منرفزيني من فترة ... سي يو بعد العملية
يا عم جرجس كان لازم نعمل كده...ما هي عاملة بوست علينا...نعمل ايه يعني...بس انا هاشوف ايه رده علي تعليقي الاخير...وشكلي كده مش داخل البلوج ده تاني لاني بجد عندي اكتئاب ومش طالبة معايا ناس تشتمني زي اللي بيعلقوا عندها
انا شايف ان هما كفره ولكن بيعملو الكثير من ما وصانا به الدين و نحن لا نفعل ولاكن الجزء الذى لا ينفذوهمن الدين هو الذى يتعبهم فى حياتهم فهم يحتجون فقط الى دين كى يكونوا اكثر تتطور و انى ارى ان المجتمع الذى يتبع دين لا بد ان يتقدم فى النهايه
عشان اوضح كلامى اكثر انى ارى ان ما تقوم به الدول الغربيه من ما وصانا به الدين مثل (الاتقان فى العمل واجادة العمل و هذا ما لا نفعله (و اعملوا فسيرا الله عملكم)و ايضا التعاون من اجل التقدم و هذا ايضا ما لا نفعله(و تمسكوا بحبل الله جميعا ) ,و ايضا هم اول من يديروا حقوق الانسان و يهتمون بها و نحن لا نفعل نحن فهم كانوا اكثر حفظا للكثير من امور ينانا ,و المور التى لم يهتموا بها مثل طاعت الوالدين فهذا ليس عندهم لذالك يعانوا من التفكوك الاسرى ثم عدم الايمان بالله و هذا ما يسبب لهم الاكتأب الذى يؤدى الى الانتحار شرب المخدرات و الخمر و لعب الميسر يودى الى تدهور صحتهم ..........
فى النهايه انا اجد ان المجتمع الذى لا يتبع وصايا الاله كامله قد يتقدم ولكن يكون عنده بعض المشاكل
الكفر هو ان لا اؤمن ب الله و ما وصا به هذا هو الكفر الحقيقى
الغرب كافر , من صاحب تلك العبارات السخيفه هذه من نحن حتى نقرر اذا كان كافر ام لا ,فى الواقع ان بعد الاطلاع على تصرفات جميع الامم وجدت ان الغرب اكثر الشعوب ايمان بما جاء به الله مع وجود الكثير من الخلل , فقد حكمنا مسبقا على الغرب دون سبق علم باحوال الشعوب الاخرى فقد حكمنا عليه من جهه واحده ولم نضعه فى مقارنه بباقى شعوب العالم ,فى الواقع ان الغرب ربما لا يؤمن بوجود الاله و لكن شعوب الغرب كانوا منفيذين لبعض ما امر به الله ,فاذا نظرنا فى الديانات السماويه و تطلعنا فيها سنجد ان الغرب قد قاموا بتنفيذ الكثير من ما جاء بتلك الكتب السماويه ف على سبيل المثال نجد ان اغرب قدوضعوا لنفسهم هدف و استمروا عليه حتى صاروا على حالهم هذا هم الذين اخذوا القرار بانفسهم دون انتظار احد حتى ياخذ بايديهم حتى يرتقوا فقد عملوا و ادقنوا فى عمالهم دون تكاسل ولا تراخى , فقد ادوا عملهم فى ادقانا رهيب و قد نظموا اوقاتهم حتى يساهموا فى تلك التقدم فكان ترتيب الزمن هو اساس التقدم و النظام عندهم فقد كانوا يفكرون فى ماذا يفعلون فى كل فوتوثانيه , الغرب هم من امنوا باعلم وقدسوه حتى سار لا يقل قيمه عن المياه و الهواء فى حياة الانسان لا يستطيع ان يحيا دونهم , الغرب هم مؤسيسون و رواد الحفاظ على حقوق الانسان و اهتموا بها و انشأوا المنظمات و الهيأت من اجل ذلك فهم من اخذوا من الغنى و اعطوا الفقير هم موسيسون منظمات الصحه للمحافظه على صحة الانسان . اذا نظرنا فيما قلت سنجد ان الغرب فعلوا العديد من اومر الله دون علمهم انهم يفعلون ذلك سنجد انهم نفذو قول الله فى ادقان العمل و الهتمام بما يفعلون , سنجد انهم حافظوا على الزمن دون علمهم انهم سيحاسبون عليه و ان الدين امر باستغلال الزمن , الغرب الذى ندعوهم باكفره هم الذين تعاونوا و تكاتفوا من اجل التقدم فقد نفذوا امر الله بالاتحاد ,الغرب الذين ندعوهم باكفره هم من يبالون لصحة الانسان و حقوقه هم الذين نفذوا امر الله فى الذكاه دون ان يدرون فقد اعطوا الفقير وسعوا الى ان يكون البشر متساوى عن طريق المنظمات و الهيأت الدوليه دون ان يعلموا كلام الله . ورغم ما وصلوا له الغرب الا انه لا ينعموا بالسعاده حيث انهم قد نفذوا بعض ما قال الله دون ان يعلموا ولكنهم قد كفروا بالله و هذا هو سر عدم وصولهم الى قمت التقدم حيث انهم مازالوا يعانون الكثير من المشاكل التى بها قد ينهار ما بنوه من حضاره تلك المشاكل نتجت لعدم اتخاذهم الدين اساس يبنوا عليه فعل سبيل المثل من المشاكل الاساسيه التى يعانى منها الغرب و هى شرب المخدرات و الخمر ان كان هناك دين قد بنوا عليه حضارتهم ما كانوا اتجهوا الى تناول تلك الشياء و هنا نعرف فيدة الدين الاولى فى بناء المجتمعات المتقدمه ثانى المشاكل هى التفكك الاسرى التى تؤدى الى المشكله الاولى و ذالك ناتج عن عدم اتباعهم لدين يامر بطاعت الوالدين و الترابط الاسرى ثالث المشكلات هر عدم ايمانهم بوجود الله و هذه هى المشكله القسوه ف الكثير منهم يمل من الحياه فيؤدى ذلك الى اشد حالة الاكتأب و بالتالى الانتحار و مشكلة عدم اليمان بوجود الله هى اساس المشاكل التى يعانى منها الغرب ,و اجد فى النهايه ان حل مشكلات الغرب فى ايديهم وارى ان سبب تقدم اى امه هو وجود دين تسير على قواعده و نهجه و تنفيذ اوامره لل وصول الى القمه
مرحبا شباب انا لاحظت حدة النقاش بينكم والأزمة الي حاصلة وترددت في التعليق لأن الصفة المصيطرة على الحوار هي كلام ابناء البلد الوحدة بس مقدرتش اقاوم
انا من اصل اوربي واحمل الجنسية التركية وجنسيتان عربية احداها عراقية وبقولكم انا اعتز بالعروربة كلما اقرا بيت شعر للمتنبي ولامرؤ القيس ولا لما اسمع انو في اكتشاف اثري قديم لايتعدى حدود بلادنا بس بوطي راسي كل ما اشوف شرطي مرور يرتشي او مواطن بيتبهدل من عسكري امن بسبب او بدون سبب ولما بشوف راجل عمره ستين سنة بيشحد في الشارع وبدل ما الحكومة تساعده بتحبسو
ولكن اقول لكم اني لا احاول العودة إلى بلدي الام ولكن احاول جعل بلدي افضل
ولكي تعرفو اهميةالدين بشكل عام حاولو تقرو جمهورية افلاطون بس علاشن تعرفو اديش التفكير من منطوق العلمانية او الوثنية شي سخيف