7 comments:

1. Lasto-adri *Blue* said... August 23, 2006 at 11:28 AM

   لا والله يا عربى مش قوى كدة
   يعنى حقيقى انا بحس براحة لما اقول الله يسامحك.. معرفش.. ممكن تقول عليها كمان نوع من تكبير الدماغ
   
   اصلى اقعد اهرى وانكت فى نفسى.. طب قول لى على ايه
   يمكن هى دى الشئ المستفز فى الشعب المصرى -اعترف- بجد
   مش التسامح.. انما السلبية
   
   بس بينى وبينك.. ساعات انك تمسك انفعالك وقت الغضب اكرم. بس مرة.. اتنين.. تلاتة.. فى رابعة بشيط وبروى اللى قدامى شخصية ماحدش عرفها... الحمد لله ماشفونيش كدة كتير
   
   
   عموما بس عشان الندالة اللى اتهمت بيها البلوج عندى
   :@
   (لن أنساها لك(
   
   على حد علمى تقدر تروح لحد يوم 8 سبتمبر
   
   بس فى حاجة جديدة ياريت لو تتصل قبلها عشان دلوقتى الأعداد بقت كتيرة، فامش كل الناس بتستمر
   
   او حل افضل.. تروح من بدرى عشان تلحق شغلانة  

2. hero said... August 23, 2006 at 12:36 PM

   بص مفيش تناقض بين مبدأ التسامح ومبدأ انك تاخد حقك بس المفروض الواحد لما يسامح من موضع قوة مش ضعف يغني مش يجي حد يعتدي عليا واقوله ربنا يسامحك
   لأ طبعا اخد حقي لكن لو حد غلط في حقي وجه يعتذر وانا في ايدي اني ارفض اعتذاره او اقبله اكيد اقبله لاني في موضع قوة وفي الاخ المسامح كريم برضه  

3. 3rby said... August 23, 2006 at 1:51 PM

   lasto-adri:
   انا مش قصدي التسامح اللي فهمتوه....انا قصدي التسامح الي درجة الهبل...يعني لو ركبتي ميكروباص وفتحتي موضوع الحمار بتاعنا وابنه جمال حبيب الملاييين...هاتلاقي كله بيسب ويلعن وفي الخر هيختم قوله:وانا اعمل ايه يعني ربنا ينتقم منه...مع ان دول اكتر ناس متبهدلة...بس متسامحيين...والصحافيين والقضاة اللي مرتاحين نسبيا...واحنا اولاد الطبقة الوسطي.......احنا اللي بنتظاهر...عمرك شفتي واحد فقير في مظاهرة؟
   
   وبعدين ولا هري ولا نكت...الواحد مننا زي بطرية الموبايل...بنتشحن باخبار الفساد في مصر...وانعدام الكرامة في الدول العربية...لو سكتنا هاندخن...ويمكن نتحرق او ننفجر ونبقي ارهابيين....لكن المظاهرات والبلوغز(عكس التسامح تماما)بتفضي الشحن ده بس مش للاخر...والا اصبحنا عبيد للتفاهه اللي في الشارع المصري...لكن برضه الواحد مايبقاش مجنون...يعني لو حد غلط فيا ماموتوش يعني(مع اني كنت كده وانا في ابتدائي لدرجة ان المدرسين كانوا بينعتوني بالجنون)للثار حدود برضه
   
   وعموما انا اسف علي علي كلمة ندالة مع اني ماحددتش بس اصلي كل ماعمل كومنت تنفضيلي.....ليه عندك سؤال مين تبقي بلوو...انتي ولا بلو روز...ولا انتي صاحبة المدونتين؟
   
   
   
   
   
   
   hero:
   عندك حق....بس انا ماقصدش التسامح بين الناس وبعضها...انا اقصد التسامح بين الشعب والنظام...التسامح ده بنتربي عليه من واحنا صغيريين حتي في المناهج التعليمية تلاقي قصص عن التسامح...ومايجبوش غير ايات القران اللي فيه تسامح  

4. 3rby said... August 23, 2006 at 1:53 PM

   لست ادري:
   انا سعيد انك دخلتي البلوج حتي لو كان بدافع الغيظ مني:) ولا ايه؟
   
   هيرو:شكرا لمتابعتك للبلوج من اول مابدأناه  

5. hero said... August 23, 2006 at 3:36 PM

   لا شكر على واجب
   ما انا لسه جديد برضه  

6. Lasto-adri *Blue* said... August 25, 2006 at 4:07 AM

   ياسيدى الفاضل.. لا ىسف ولا حاجة... أنا كنت بهرج معاك... وهو غالبا ماحدش بيفهم انى بهرج طول الوقت
   دا بخصوص كلمة ندالة
   
   اما موضوع أنا بلو مين.. فدا اللى مش عارفة...
   انا مش بلوروز.. انا لست أدرى
   وبلوجوية مية فى المية من شهر مارس 2005.. دا بالعربى.. اما الانجليزى فا من ديسمبر 2004
   
   معرفش انت تقصد مين بقى بصاحبة المدونين ديه
   
   عموما انا أسعد الحقيقة انى أعرف مدونتك وأعرف انك اخوا اللى اقترح موضوع الويكيبيديا.... حاجة تشرف بجد
   
   
   سلامى ليك  

7. 3rby said... August 25, 2006 at 8:15 AM

   انا كنت باقول صاحبة المدونتيين مش المدونيين  

Post a Comment