كل يوم بيفوت علينا في بلدنا الان كل شي ممكن يغلي الخضار الفاكهة الحديد الاسمنت الرمل الشقق و ايجارها لكن الانسان المصري مش موجود ضمن الحاجات الي بتغلي لانة بيرخص اوي جوا بلدة وكمان برة بلده وبيتهان و عمرة ماعرف حاجة اسمها مساواة عايش في بلد تؤمن بالطبقية و تقدسهاعايش في بلد ملهاش فكر ولا نظام بلد الجهل واكلها...مش هاطول واقول اني حزين علي الي حصل لناوعلشان الابرياء الي ماتوا مننا حزين علي المصري الغلبان الي طموحه لا جاه ولا مال لكن طموحة بسيط يعيش انسان يعيش عيشة يرضي بيها.... خلاص مبقاش لينا مكان فيها بلدنا بقت لناس غيرنا و بقينا نسال نفسنا تمن المصري كام؟ انا سمعت ان تمنة في الحادثة الاخيرة وصل 5000 يا بلاش ..........
Subscribe to:
Post Comments (Atom)
الحاجة بتغلى لما بتقل في السوق ..انما احنا فيه مننا كتير .. مش برضه سيادته قال كده (اعملكوا ايه ما انتوا بتخلفوا كتير) ..
وانت عارف الحاجة لما بترطرط في السوق .. فكام ألف كل سنة مش مشكلة حتى .. ده حتى يهوونا .. بلا وجع دماغ .. خلي البلد تفضى شوية .. فيه ناس اهم تعيش فيها
عندك حق و احنا 78مليون هيجيبلنا منين يعني
لو شفتوا الاربعين عربية اسعاف اللي دخلتت لليهود في حادثة سينا...وسرعة وصول عربيات الاسعاف المصرية لليهود دول مع انهم ماتوا واتصابوا في الصحرا(والمصريين ماتوا قريب من القاهرة)تقول المصريين اقلية في البلد ديه
بص يا سيدى
هاقولك انا الفكرة كلها هيه فكرة طبعا هايقولوا عليها زى بقية افكارى انها تخريف
بس صدقنى بعد سنيين هاتعرفوا ان التخريف دة هوه دستور حياتنا فى مصر
الطاغى لما بيتجبر بتهون عليه كل معانى الحياة سواء كان اسرائيلى امريكى مباركى مصرى كله زى بعضة
مبارك هانت عليه مصر و هان عليه شعبها من زمان لدرجة ان الكل فقدوا معنى الادمية دايما انا بحب اعامل كأدمى حبتين و باعتبر ان قضيتى هيه ادميتى و احترامى لذاتى و دة مثلا بيخلى واحد زى مواطن مصرى واحد على قفاه محمد طاهر المدون صديقى يقولى بالرغم من صغر سنه بالنسبالى يا جيمى يا ريت تنسى انك بنى ادم احنا مش بنى ادمين النظام خلى عندنا قناعة بعدم ادميتنا و عدم احترامنا لنفسنا دة نابع من عدم احترام الاخرين لينا
احنا بنتكلم لحد دلوقت عن حق الاحترام كادمى يعنى اقل حاجة فما بالك بارعاي الصحية و المواطنة و السكن و العمل و كل الحقوق المشروعة لكل مواطن
فعلا يا جيمي هما غرقوا البلد و غرقونا معاهم ...لدرجةان احنا بقينا نحس ان العيب فينا.. الفقر بالنسبة لي مش مشكلة بس الحرية واحترام الفرد وحاجات كتير اهم ... فعلا "لو لم اكن مصري لوددت ان اكون من جزر القمر "
و مين قالك ان جزر القمر كمان محتاجة لاجئين من العينة بتاعتنا
انا نفسى بس اجرب ان مصر تحصل كارثة و نتحول للاجئين
ابقى قابلنى لو حد عبرنا اصلا
دة لان احنا شعب نمرود
للاسف كنت براهن على الشعب دة لحد سنة فاتت بس
الشعب دة عبد لقمة العيش
و لا انتظر ثورة عبيد اخرى