اولا انا سني الان16 سنة وسني ده هو محور الموضوع .وعشان احب اسال سؤال هل الكلام في السياسة عيب في السن دي؟ سؤال غريب بس ده الي انا لاحظته اكتر من مرة من نظرة الناس و انطباعتهم .فاكتر من مرة ابقي في الشارع و بنتكلم و بعدين لو قلنا معارضة حكومة او اي كلمة من الكلام دة تلاقي استجابات مختلفة لو في حد واقف قدامك و لما تكرر الموضوع ده كررت اني اصنف فمثلا من رايي في حوالي 3او4 انواع ال هما دول :

1-شخص يبتسم ابتسامة مستفزة فيها استهزاء اكتر نوع ينرفز لانه مش عجباه البلد بس هو مش عايز يحاول

يعمل حاجة عشان خايف ويفضل طول عمره كده

2-شخص رامي ودنه مش عارف هو راميها ليه مع ان الكلام الي بيتقال ده معروف بيسمعه كتير اكتر مانا بسمعه

3-شخص ينظر بذهول او نوع من مش عارف بصه كدة غريبة بس الناس دي بتبقي لزيزه و كمان مش مستفزين

و الغريب و ال لاحظته علي جانب تاني اني لو قلت بانجو او حشيش او فلم *** الكلام ده هيمر مرور الكرام و محدش هيعبرني ولا هيبتسموا ولا حاجة وممكن الاقي واحد بيحيني علي ثقافتي العالية و يجي ويشاركنا الحوار . الي انا حكيت فيه ده حقيقي مش هزار و ال مش قادر افهمه هل علشان انا شاب يبقي عادي او طبيعي اني اتكلم في البانجو و الحشيش ولكن لو اتكلمت في السياسة هيتبصلي علي اني عيل اهبل و انبي بقول كلام مش فاهمة احتمال اكون مش فاهمة بس حاسه علي الاقل

7 comments:

  1. Anonymous said...

    خليك فى حالك يا كابتن  

  2. CAESAr-DIABLo said...

    ما هو ده حاله يا حبيبي .. يا ريت تخليك انت في حالك ..
    بص بقي يا معلم .. موضوع سنك ده مش فيه اي ازمة ..لكن اللي انت بتتكلم عنه ده بيحصل مع اي حد مهما كان سنه .. المهم انك تكون عارف انت بتتكلم في ايه و فكك من الناس المجانين اللي مش ليهم لازمة ..  

  3. hero said...

    انا عندي نفس المشكلة بس مع اصحابي لما احب اتكلم في السياسة ما الاقيش اي استجابة لكن لما نتكلم عن فيلم ولاعن فلان ولاعلان طبعا الاقيهم فتحوا في الكلام  

  4. Mongey said...

    شكرا سيزر علي تعليقك و شكرا hero و برضه الاصحاب نفس النظام كل بيتريق  

  5. 3rby said...

    caesar_diablo:

    انا بقي بتب...جدا من الناس اللي
    بتتكلم كده وتتريق وهم تفهة اصلا ولما يبقي عنده خمسين سنه ويلاقي نفسه مش عارف هو عمل ايه في حياته هايندم...علشهان كده لما حد بيتريق باقعد ادحك

    hero:

    الناس ديه تافهة ماتحطش في دماغك انا عن نفسي ...انتيمي كان بيتريق عليا اول ماعملت البلوج ديه...وبعدين بطل يكلمني خالص ومع كده مش مدايق...انا عملت اللي عملته وحاولت اصحيه من التخدير اللي هو فيه...وهو مبسوط بالتخدير ده

    اللي بيقول خليك في حالك:خليك في هبلك  

  6. chavo said...

    واللة من رأيي ان دي مش مشكلة ولا حاجة انتوا قعدين مع ناس منفضة لكن في ناس كتير بتفكر في السياسة ا صح من اي حد بس انتوا الي مش واخدين بالكوا و بعدين انا بردو من رأيي ان اي و احد يحب يتكلم في السياسة بس في فكرة غريبة مسيطرة عليهم و هي الحطان ليها ودان  

  7. قرش كابيتشينو said...

    والله انا راي ان اللي عايز يشرب يشرب واللي مش عايزه براحته
    ولولا اختلاف الازواق لبارت السلع
    انا مع البانجو والحشيش سيبك من المعارضه والحكومه