مش عارف....انتظارنا للتغير في بلدنا زي اللي مستني يلاقي نهر في الصحراء
ليه باقول كده؟...لاني اكتشفت اننا مشاركين في الفساد والقمع والظلم والقهر اللي في البلد ديه;في كل ركن...في كل زاوية في كل شارع في كل اودة وفي كل مكان من بلدنا الكبير بيقهر الصغير والقوي بيقهرالضعيف والواصل بيقهر الغلبان
ده غير عدم تقبلنا للاخر...واي حد يقول انه بيسمع للاخر يبقي بيمثل-والكلمة ديه في حد ذاتها ديكتاتورية مني وعدم قدرة علي الاستماع-
كان عندي واحد صاحبي-او كان بيتهايئلي كده-كنا احنا الاتنين بنمثل علي بعض الصداقة وهو كان بيمثل حاجات كتير
كان عايش في دور المتدين وبيصلي في الجامع وهو عنده 60 جيجا افلام سيكس علي الكومبيوتر بتاعه
عاوز الناس تحترمه وهو بياخد اللي عاوز يقرب منهم ويفرجهم علي الافلام في بيته
كان بيمثل علي المسيحيين انه بيحبهم وانه مش بيكرههم من اعماقه زي ما كانوا بيعملوا -وصدقوني الفتنة الطائفية منتشرة في المدارس اكتر من اي مكان تاني لدرجة ان مدرستي بيتوزع فيها كتب طائفية وامن الدولة جت كذا مره-لحد ما في مره غلط واحنا بنسمع قصة في حصة الانكليزي عن واحد بيقول انا باعبد ربنا ليه وهو اللي عماني قام الواد قال"مسيحي وسخ" وده ماصدمش المسيحيين لانهم كانوا بينافقوه وكانوا عارفين انه بينافقهم....بالعكس قلبوها هزار
وانا رايح البلد في العيد الاخير لاحظت حاجة وانا ماشي علي الدائري قبل شبرا كده بشوية
منطقة مبني فيها كنيسة عملاقة بيتهايئلي مش مناسبة عدد المسيحيين في المنطقة
وحوليها اربع او خمس عمرات اتبانلهم مئاذن اطول من العمارات واضح انها اتبنت بعد مالكنايس اتبنت واتقلبت جوامع بعد ماكانت بيوت وعمارات(وشكلها مهين للاسلام)شكل العمرات حولين الكنيسة وجنب كل مئذنة صليب بيفكرني بفيلم فيس اوف لما بيقفوا كلهم جوا الكنيسة في الاخر وكل واحد منشن علي اتنين بمسدسه...حرب صامتة بين الاديان مستنية اول طلقة وتتقلب لحرب نووية يمكن تحرق البلد(ممكن توفر علينا فكرة الحريق اللي طرحتها البوست اللي فات)وبرضو بنضحك علي نفسنا ونقول التسامح الديني وجنب كل كنيسة جامع والحقيقي ان كل كنيسة بتتبني بيتبني جنبيها جامع من اجل الترخيم ومنغير مايبقا فيه ناس تصلي...وكل مسيحي عاوز يبني كنيسة انشالله يصلي لوحده بس المهم ان المنطقة ماتبقاش فاضية من الجوامع
حاجة تانية ممكن تقروها في البوست القديم ده
كل حد بيقهر اللي اقل-او بلاش اقل-اللي المجتمع شايفه اقل منه
يوم الاربع كنت واقف قدام اولاد رجب(الناحية التانية من مصطفي النحاس)وفيه محل عربيات والعربيات راكنه بالطول يعني صفين وبعديها صف بالعرض وكده متبقي حته تعدي عربيتين صغيرين بالعافية
وفاجئة واحد وقف بحيث انه ماسك حته تعدي عربية والاكسدام بتاعه موجود في الحارة التانية بحيث ان اللي يعدي لازم يخبط فيه
وابن التنحة مش عاوز يتحرك...ووراه صف عربيات واتوبسيات طوييل عريض
ويبص في المرايا وهو متعصب ويزعق كان ده حقه انه يعطل الناس وفضل عالحال ده حوالي خمس دقايق...وفاجئة ظهر السبب الجامد-واللي كنت متوقعه-مزة جامدة جت وتقوله اسفة يقولها ولا يهمك..وبروح امه مش عاوز يركن علي جنب قدام شوية علشان المزة ماتمشيش خطوتين زيادة(مش اكتر من خطوتين والله)...كل ده علشان اللي وراه اوتبيس نقل عام سواقه يخاف يعدي من جنب عربية ملاكي اصلا....ومادمنا بنعمل كده في بعضنا ليه مش عاوزين نقف ساعتين علي مالكبير يروح كلية الشرطة
نفس الموقف ده حصل لما كنت انا ومنجي النهارده مستنين ميكروباص وفاجئة واحد وقف الشارع كله برضو بركنة غبية(وزي اللي قبله اللي وراه اوتبيس فامينفعش يعدي)علشان يبدل السواقه مع اللي جنبه ولما الناس قعد تكلكسله زعق كان ده حقه وهم بيتعدوا عليه
فيه حاجات في المدونين مش عاجباني وكلمتهم عليها كذا مره وقلت احنا بنطالب بالحرية مش كل ماحد يختلف في الراي تشتموه لان الشتيمة ولا بتقدم ولا بتاخر بالعكس ده ضعف وقلة حجة يعني مش عارف يرد عليه مافيهاش حاجة لما يفكر انه ممكن يكون غلط او انه مش مستعد للنقاش-وديه حقيقة بدليل انه شتم-(وديه ناس مشهورة والناس شايفاهم ابطال وناقص بعد ما نقول اسمهم نقول رضي الله عنه)وولا حد سمع مني-وده يمثل عدم القدرة علي الاستماع للاخر-مش باقول لازم ينفذوا رايي لانه مش الشرط الصح بس لو فكروا فيه مش غلط يعني
اكبر غلط عملته في التدوين اني اتحت التعليقات واتعرفت علي ناس
لو كنت مانعها زي بهية كان زماني باقول رايي من غير ماخاف علي زعل حد
يعني مثلا انا شايف حاجات كتير مدايقاني في مدونين حاطتهم في"بنتابعهم"بس ماقدرش اتكلم لاني متاكد من اني لو اتكلمت يبقي هاتكلم بصراحة 100%وده هايزعل ناس كتير مني...اما لو ماكنتش حاطت لنكات وماكنتش اعرف حد كان ممكن اكتب بوست علي اي حاجة مش عجباني في اي حد وابقي قلت رايي واللي يزعل يخبط راسه في المونيتور
ممكن حد يقولي ديه مش ديمقراطية...هاقول ديه مساحتي الخاصة ومادمت قفلت النقاش ومش عاوز حد ياثر علي ارائي يبقي خلاص لو مش عاجبك اكتب عندك وخلاص
معرفتي بمدونين مسيحيين منعتني من كتابة حاجات اتقالت في حصة دين من مدرس جاهل مش فاهم اي حاجة جرحتني انا نفسي خوفا علي مشاعرهم ده غير اني محرج من كتابتها بسبب اني اعرف بنات بتدخل هنا ومش عاوزهم يقروا اللي اتقال
وبعد كل ده عايز حرية؟يا شيخ اتلهي
لازم نبدا بنفسنا وكفاية شعرات عالفاضي من غير تنفيذ
قال تعالي:
"إن الله لا يغير ما بقوم حتي يغيروا ما بانفسهم"
نفسي المصريين يفهموا الاية ديه وينفذوها وكفاية دعاء عالظالم والمفتري وابن الحرام
اللي عاوز يتناقش في حاجة يتناقش بس اللي حس اني اتكلمت عليه في حاجة وهايعتبني عاوزه متاكد 100%اني لو قلت حاجة باصلحه بيها غير اللي كتبتها يبقا انا باجمله وده مش رايي-وده من الاثار السلبية للعلاقات بيننا-
سلام
ليه باقول كده؟...لاني اكتشفت اننا مشاركين في الفساد والقمع والظلم والقهر اللي في البلد ديه;في كل ركن...في كل زاوية في كل شارع في كل اودة وفي كل مكان من بلدنا الكبير بيقهر الصغير والقوي بيقهرالضعيف والواصل بيقهر الغلبان
ده غير عدم تقبلنا للاخر...واي حد يقول انه بيسمع للاخر يبقي بيمثل-والكلمة ديه في حد ذاتها ديكتاتورية مني وعدم قدرة علي الاستماع-
كان عندي واحد صاحبي-او كان بيتهايئلي كده-كنا احنا الاتنين بنمثل علي بعض الصداقة وهو كان بيمثل حاجات كتير
كان عايش في دور المتدين وبيصلي في الجامع وهو عنده 60 جيجا افلام سيكس علي الكومبيوتر بتاعه
عاوز الناس تحترمه وهو بياخد اللي عاوز يقرب منهم ويفرجهم علي الافلام في بيته
كان بيمثل علي المسيحيين انه بيحبهم وانه مش بيكرههم من اعماقه زي ما كانوا بيعملوا -وصدقوني الفتنة الطائفية منتشرة في المدارس اكتر من اي مكان تاني لدرجة ان مدرستي بيتوزع فيها كتب طائفية وامن الدولة جت كذا مره-لحد ما في مره غلط واحنا بنسمع قصة في حصة الانكليزي عن واحد بيقول انا باعبد ربنا ليه وهو اللي عماني قام الواد قال"مسيحي وسخ" وده ماصدمش المسيحيين لانهم كانوا بينافقوه وكانوا عارفين انه بينافقهم....بالعكس قلبوها هزار
وانا رايح البلد في العيد الاخير لاحظت حاجة وانا ماشي علي الدائري قبل شبرا كده بشوية
منطقة مبني فيها كنيسة عملاقة بيتهايئلي مش مناسبة عدد المسيحيين في المنطقة
وحوليها اربع او خمس عمرات اتبانلهم مئاذن اطول من العمارات واضح انها اتبنت بعد مالكنايس اتبنت واتقلبت جوامع بعد ماكانت بيوت وعمارات(وشكلها مهين للاسلام)شكل العمرات حولين الكنيسة وجنب كل مئذنة صليب بيفكرني بفيلم فيس اوف لما بيقفوا كلهم جوا الكنيسة في الاخر وكل واحد منشن علي اتنين بمسدسه...حرب صامتة بين الاديان مستنية اول طلقة وتتقلب لحرب نووية يمكن تحرق البلد(ممكن توفر علينا فكرة الحريق اللي طرحتها البوست اللي فات)وبرضو بنضحك علي نفسنا ونقول التسامح الديني وجنب كل كنيسة جامع والحقيقي ان كل كنيسة بتتبني بيتبني جنبيها جامع من اجل الترخيم ومنغير مايبقا فيه ناس تصلي...وكل مسيحي عاوز يبني كنيسة انشالله يصلي لوحده بس المهم ان المنطقة ماتبقاش فاضية من الجوامع
حاجة تانية ممكن تقروها في البوست القديم ده
كل حد بيقهر اللي اقل-او بلاش اقل-اللي المجتمع شايفه اقل منه
يوم الاربع كنت واقف قدام اولاد رجب(الناحية التانية من مصطفي النحاس)وفيه محل عربيات والعربيات راكنه بالطول يعني صفين وبعديها صف بالعرض وكده متبقي حته تعدي عربيتين صغيرين بالعافية
وفاجئة واحد وقف بحيث انه ماسك حته تعدي عربية والاكسدام بتاعه موجود في الحارة التانية بحيث ان اللي يعدي لازم يخبط فيه
وابن التنحة مش عاوز يتحرك...ووراه صف عربيات واتوبسيات طوييل عريض
ويبص في المرايا وهو متعصب ويزعق كان ده حقه انه يعطل الناس وفضل عالحال ده حوالي خمس دقايق...وفاجئة ظهر السبب الجامد-واللي كنت متوقعه-مزة جامدة جت وتقوله اسفة يقولها ولا يهمك..وبروح امه مش عاوز يركن علي جنب قدام شوية علشان المزة ماتمشيش خطوتين زيادة(مش اكتر من خطوتين والله)...كل ده علشان اللي وراه اوتبيس نقل عام سواقه يخاف يعدي من جنب عربية ملاكي اصلا....ومادمنا بنعمل كده في بعضنا ليه مش عاوزين نقف ساعتين علي مالكبير يروح كلية الشرطة
نفس الموقف ده حصل لما كنت انا ومنجي النهارده مستنين ميكروباص وفاجئة واحد وقف الشارع كله برضو بركنة غبية(وزي اللي قبله اللي وراه اوتبيس فامينفعش يعدي)علشان يبدل السواقه مع اللي جنبه ولما الناس قعد تكلكسله زعق كان ده حقه وهم بيتعدوا عليه
فيه حاجات في المدونين مش عاجباني وكلمتهم عليها كذا مره وقلت احنا بنطالب بالحرية مش كل ماحد يختلف في الراي تشتموه لان الشتيمة ولا بتقدم ولا بتاخر بالعكس ده ضعف وقلة حجة يعني مش عارف يرد عليه مافيهاش حاجة لما يفكر انه ممكن يكون غلط او انه مش مستعد للنقاش-وديه حقيقة بدليل انه شتم-(وديه ناس مشهورة والناس شايفاهم ابطال وناقص بعد ما نقول اسمهم نقول رضي الله عنه)وولا حد سمع مني-وده يمثل عدم القدرة علي الاستماع للاخر-مش باقول لازم ينفذوا رايي لانه مش الشرط الصح بس لو فكروا فيه مش غلط يعني
اكبر غلط عملته في التدوين اني اتحت التعليقات واتعرفت علي ناس
لو كنت مانعها زي بهية كان زماني باقول رايي من غير ماخاف علي زعل حد
يعني مثلا انا شايف حاجات كتير مدايقاني في مدونين حاطتهم في"بنتابعهم"بس ماقدرش اتكلم لاني متاكد من اني لو اتكلمت يبقي هاتكلم بصراحة 100%وده هايزعل ناس كتير مني...اما لو ماكنتش حاطت لنكات وماكنتش اعرف حد كان ممكن اكتب بوست علي اي حاجة مش عجباني في اي حد وابقي قلت رايي واللي يزعل يخبط راسه في المونيتور
ممكن حد يقولي ديه مش ديمقراطية...هاقول ديه مساحتي الخاصة ومادمت قفلت النقاش ومش عاوز حد ياثر علي ارائي يبقي خلاص لو مش عاجبك اكتب عندك وخلاص
معرفتي بمدونين مسيحيين منعتني من كتابة حاجات اتقالت في حصة دين من مدرس جاهل مش فاهم اي حاجة جرحتني انا نفسي خوفا علي مشاعرهم ده غير اني محرج من كتابتها بسبب اني اعرف بنات بتدخل هنا ومش عاوزهم يقروا اللي اتقال
وبعد كل ده عايز حرية؟يا شيخ اتلهي
لازم نبدا بنفسنا وكفاية شعرات عالفاضي من غير تنفيذ
قال تعالي:
"إن الله لا يغير ما بقوم حتي يغيروا ما بانفسهم"
نفسي المصريين يفهموا الاية ديه وينفذوها وكفاية دعاء عالظالم والمفتري وابن الحرام
اللي عاوز يتناقش في حاجة يتناقش بس اللي حس اني اتكلمت عليه في حاجة وهايعتبني عاوزه متاكد 100%اني لو قلت حاجة باصلحه بيها غير اللي كتبتها يبقا انا باجمله وده مش رايي-وده من الاثار السلبية للعلاقات بيننا-
سلام
عربي
طيب ما هو النفاق موجود من زمان وكلنا عارفين انو موجود وفي ناس كتير لابسه مية قناع وقناع الكل بينافق وعلى فكرة الي بيتكلمو كتير في حاجات
وبيفضلوا يعيدو ويزيدو فيها بيكونوا تقريبا بيغطو على حاجات تانيه هي عكسها
مش عارفه معاك حق تدايق
في كل الي قولتو
وبعدين ايه 100% منافقين
:(
مية مية
هو ده الكلام
بس عندي ملاحظة مهمة جدا
الآية الكريمة بتقول
إن الله لا يغير ما بقوم حتى يغيروا ما بأنفسهم
معلش استحملني أصلي أزهري
ههههه
وما يغير الله ما بقوم حتي يغيروا ما بأنفسهم
بأمانه مش لاقي كلام اقوله انت قولت كل حاجه
مقاله في الصميم
ممتاز
1minelnas.blogspot.com
عربى
احنا لما بنهاجم ونعترض ونشجب فى الواقع زى ما قلت احنا بنشجب انفسنا لان بداية التغيير هو انفسنا
كان فى اعلان زمان بيجى فى التليفزيون ونهايته كلمة رائعة
عفوا ابدأ بنفسك
لو كل واحد فينا غير حاجة وحشة من جواه وعامل المواطن الاخر بالحسنى سواء فى شغل او علاقة انسانية واتقى الله فى عمله لا رشوة ولا تعذيب ولا خيانة
كان حال الدنيا اختلف
انما المشكلة يا عربى ان محدش بيشوف نفسه من جواها ولا عايز يشوفها هو لابس نظارة معظمة بيلتقط بيها عيوب الاخرين وينقضها وكأن الواحد منا ملاك باجنحة بلا عيوب
وده واجب كل واحد فينا انك لو ليك صديق او انسان عزيز لازم يكون فى جلسة مصارحة انت فيك ايه مش شايفه عن نفسك واحنا شايفينه وعايزينك تعرفه علشان تصلحه علشان نفسنا نشوفك انسان رائع
مش عيب النقد ابدا يا عربى واللى مش عنده روح التقبل يبقى مش عايز يتغير يبقى يخرج من الدايرة وينعزل مع نفسه
اهم حاجة النقد يكون صح وبطريقة غير مهينة او جارحة علشان يقدر الشخص يتقبله ويحاول يتغير
معاك طبعا لانى من اصحاب التدوين النظيف زى ما الحج جرجس مسمينى
وافضل الثراء اللغوى الكبير اللى يخليك تقول اللى انت عايزه من غير شتيمة
احترم فكرتك جدا يا عربى
تحياتى
رشا:
المشكلة زي ما قلت ان ماحدش بيتكلم
وبيننا كمدونين المشاعر الصادقة قلت
وبقينا بنجامل في بعض
وفي نفس الوقت فاهمين بعض
ومابنتكلمش
معلش
اعذرني
اصلي من ابناء المدارس
:)
(اقتباسا من الايام)
مادمت ضامن هاغيرها
علي:
مش طلعت غلط وانا لخبطت فيها
توتا:
بالظبط
لو اساس النظام(الشعب)نضف
الحكومة الوسخة-اسف علي التعبير-مش هاتقدر تبقي
المشكلة اني جربت النقد مع المدونين-انا قديم نسبيا اكتر منك-وماحدش تقبل ومانصحكيش تحاولي مره تجربي
كنت فاهم اننا نعتبر نخبة
بس طلعنا منظر
وعلي راي درس قرائة عندي
سقط القناع
عربي يا حبيبي في حاجات انصحك انك تقراها
يا ريت تقرا عن الولاء والبراء
ولو قريت تعالا قولي ايه رايك
تحياتي
سوري ماقرتش البوست علشان الخط كبير وداخل في بعضه
ياريت تعمليه كبير بس مش كبير اوي
ولكي التحيه
عبد الله مفتاح:
وده ليه علاقة بالبوست؟
وضح اكتر
وله نهاية:
انا ذكر
من عيني يا اخ
احمد
كلام كويس اوي كل الكلام
الي قولتة انا متفق معاك فيه و انا كمان مبسوط انك وافقتني
راي و اكتشفت اكيد بعد تفكير ان كلامي
اهم من الكلام الكتير الي ممكن يتقال حول
مواضيع تانية ونقعد نلف في حاجات كتير حوالين بعض
و بالشكل ده الموضوع بيوسع و بعدين مفيش ثوابت نمشي علي اساسها لان
كل شي عموما اصبح مهشم ومختل من رويتنا
الي حولت كل الاشياء الي مسخ
طيب تعرف؟
أنا ولحد وقت قريب فكرت انى اقفل التعليقات تمامااا عندى
من اللى باشوفه من عدم تقبل الآخر
مش عاوزة أقولك انهم نسبة قليلة جدا
لكن بتترك أثر فى نفسك صعب تتغلب عليه
خصوصا لما تكون فاهم انك بتعبر عن نفسك بكل أمانة وبكل حرية
خصوصا لما لقيت ألفاظ قبيحة وبذيئة بتتكتب فى التعليقات موجهة ليا
ماهو يا اما يبقا التعبير عندى بحرية مطلقة
اما بديكتاتورية مطلقة
مينفعش معايا موديريشن ولا منع الانونيموس
اخترت انى اجازف وافتحها عالبحرى
واحذف الشتيمة علشان مأجرحش عيون اللى بيقروا عندى
حتى فى التدوين هنا
ظهر ناس بتعمل محظورات وتحجر على أفكار الآخرين لمجرد انها لا تتسق مع افكارها
النفاق يا عربى بقا عقيدة فى المجتمع المصرى
واللى تلاقيه شذ عن العقيدة دى
يبقا يا ويله
وفى النهاية باقول لنفسى
اللى عاجبه عاجبه
واللى مش عاجبه
يخبط راسه فى الهرم الكبير
بالمناسبة
الخط اللى بتكتب به كويس ومناسب
بس ابقا اعمل اتنين انتر وانت بتكتب علشان يعملك مسافة اوسع شوية والحروف متدخلش فى بعضها
منجي:
جبنا جبنة حطيناها في جبنا
مافهمتش اي حاجة
شهرووز:
بصي ده تاني مره ارد ولو ماتنشرش باحلف اني مش هادخل عندك تاني علشان ديه مش اول مره يحصل معايا كده
مش عارف ليه كل حته لازم يبقا فيها قمع
واللي مقموع بره بدل ما يعبر عن رايه بيجي يقهر
والمشكلة ان الناس لازم يبقا لها كبير
في التدوين الناس معتبرة الكبير هو القديم
طبقعا القدام ليهم فضل علينا كلنا بس ماينفعش يبقوا هم الكبرات ويمارسوا قهر بيتعرضوا ليه في يومهم العادي
لاننا جزء من المجتمع المصري
وبالنسبة للتعليقات الوسخة
ده بسبب اننا جزء من المجتمع المصري برضو
المجتمع بياثر فينا
والامل اننا ناثر فيه ولو مره واحدة بس
وبالنسبة للخط
من عيني يا كبير
:)
والله يا عربي عندك حق في كل اللي قلته
بجد بوست حقيقي و صادق
تحياتي
حفصة
من غير مدونة
البقاء لله يا حفصة
كانت مدونة حلوة والله
بس انا كاتب بوست عن المجاملة
تقومي تجامليني
تحلف على اية اصلا وترد عن اية؟
انت يا ابتى بتتكلم عن اية فى الحلفان دة؟؟؟
انا معنديش لا موديريشن ولا اى نوع من انواع المنع او الحظر
يمكن يا فالح العيب من الكونيكشن عندك هو اللى صحته تعبانه
مش متحمل تمبليت تقيل زى بتاع مدونتى
بس يخويا متحلفش عليا
انا اكبر منك برضة فى السن
مش لازم تسيحللى كدة ادام الناس ياد
نيااهاااهااااااا
انتا مش بتقول منجاملش بعض يا عربي
ومن غير زعل
طيب
انتا بتقول
-------------
فيه حاجات في المدونين مش عاجباني وكلمتهم عليها كذا مره وقلت احنا بنطالب بالحرية مش كل ماحد يختلف في الراي تشتموه لان الشتيمة ولا بتقدم ولا بتاخر بالعكس ده ضعف وقلة حجة
-------------
مع ان انتا شخصيا شتمت القاضي اللي حكم في قضية البهائيين
وقلت القاضي الاهبل المتخلف !!
طب ينفع كده ؟؟
والمصيبة كمان في بعض الناس اللي ردو على البوست ده
وتشوفهم وهما بيتكلمو تتبسط
وبعدين تشوف ردودهم على الناس تستعجب !!!
واحدة ولا واحد يقعد يتكلمل عن الحرية والرأي الاخر
وهيا ولا هوا اول واحدة ولا واحد بيشتم وبيدخل ب
anymouse
عشان يشتم الناس
سبحان الله
متزعلش مني يا عربي
اعتبرها نصيحة من اخوك علي
ولو زعلت ممكن تحذف الكومينت ده
والله مش هزعل
شهروز:
لا قصدي هنا
دوستي فوق ولا ايه
انا متوقع ان كله عمل ريستارت وماقليش ايه اللي حصل
اصل انا نفسي مادخلتش
:)
لا باهزر
دوسي انتي بس
ابو علي:
لا
اولا انا ماكنتش اقصد اللي حصل عند سوسة
بس كويس انك فكرتني
اولا انا عمري مادخلت بانونيموس غير مره واحدة كنت باشتغل جرجس
ثانيا:
القاضي ده مش المفروض يحط في دماغه انه مسلم لما يجي يحكم
ومش المفروض انه يفسر القانون الدولي اللي مصر موقعة عليه بمزاجه
وانا شرحت ليه الحكم غلط
وبعدين اصلا انا مش باشتم ب(متخلف)او اهبل
ده كان وصف
يعني انه يحط اسلامه فوق حكمه ده ظلم وعنصرية وتخلف
وانه يفهم القانون الدولي كده يبقي دماغه فيها حاجة غلط
وبعدين يا اخي لو انتا شايف اني شتمته
فانا باتسف خلاص
لان الكلام ماجبش نتيجة
والحوار اتقفل زي كل حاجة في البلد ديه
وانا مش زعلان ولا حاجة
لاني صح احتمل الخطأ
وانت خاطئ تحتمل الصواب
(او العكس علشان ماتزعلش)
أحمد باشا
كتبت رد كبير اوي اوي
النت هنج في اخر لحظة وانا بدوس بابلش
والرد كله ضاع
مش مشكل يا كبير
مسيري هكتبه تاني
بس اشطة عليك
مية مسا
معاك ألف في المية المرة دي، احنا كلنا بنرتكب أخطاء زي كل الناس، وتبقى مشكلة حقيقية لو الواحد مايبقاش عنده استعداد انه يستمع للنقد عشان يصلح من نفسه. لو احنا وافقنا اننا ماننتقدش بعضنا نقد بناء، يبقى كل فكرة التدوين وميزتها راحت، أهم ميزة للتدوين انك تكتب أفكارك ووجهات نظرك وكمان تسمع وتشوف وجهات نظر الآخرين في كلامك. إنما ان كل واحد فينا يفتكر نفسه أبو العريف في كل حاجة وغير قابل للنقد، يبقى كل الي عملناه ان احنا نقلنا مشاكل واخطاء الحياة العادية للنت، ويبقى كإنك يابو زيد ماغزيت
أنا بقى بانصح الناس كلها وانت أولهم ياعربي انهم ينتقدوا براحتهم، واللي مش عاجبه هو حر. بس نقد من غير ذكر العائلة الكريمة ومواصفاتها الجسدية والأخلاقية، أصل فيه ناس فاهمة الحرية والنقد والديموقراطية انها لازم تكون بشتيمة الأب والأم والعيلة من أولها لآخرها
وأي حد بيؤمن بالحرية بس من غير مايطبقها على نفسه ربنا يهديه أو ياخده عشان يرتاح ويريحنا بقى
the Egyptian falcon:
ادخل هنا
http://www.blogger.com/comment.g?blogID=29699744&postID=116402484582931612
علشان تعرف المدونين اللي المفروض بيحاولوا يغيروا مصر