مهزلة

الخبر ده منرفزني جدا

النائب العام صحي من النوم اخيرا بس لسه بيخترف..قال ايه الاخوان بيغسلوا اموال


تحفظ علي اموالهم وعين عليها وصي من الحزب الوثني الاستقراطي


ماصحيش ليه وفاق ايا ممدوح اسماعيل ولا اكياس الدم ولا رجال الاعمال اللي نهبوا

البلد وباعوها



ازدواجية في المعايير اكتر من اللي بتتعمل مع الفلسطينيين


بتفكرني بحاجة تضك حصلت في مجلس الشعب


من المرات القليلة اللي ناقش فيها الاخوان حاجة غير هدوم الممثلات واسامي الافلام

والدين


ناقشوا اقامة حزب...فبتوع الحزب الوثني بناء علي توجيهات الرئيس قاموا قالوا لا

اقامة لاحزاب دينية


فواحد من الاخوان قام وزع مبادئ الحزب الوطني الرسمية واللي بتنص علي الحكم وفق

الشريعة الاسلامية


تخيلوا لما نائب في مجلس الشعب عن حزب وبياخد كام الف من المجلس وكام الف من

الحزب علشان يحضر جلسة ومايبقاش عارف هو بينوب عن حزبه في ايه


هم يضحك وهم يبكي


تبقي ضربة معلم لو رفعوا قضية في نفس المحكمة اللي هاتنظر في شرعية قرار النائب

العام علي الحرامية اللي بره


ونشوف الاذدواجية الصح


بس خلاص احنا اتعودنا علي كده


هايحصل ايه يعني


لو الوثنيين نزلوا الشوارع يموتوا في الناس بايديهم وفي عز الظهر


مش هايحصل اي حاجة


هانقعد نزعق شوية وخلاص نهدا

19 comments:

  1. صفصف لادي said...
    This comment has been removed by the author.
  2. 3rby said...

    ههههههههههه
    انتي من النرفزة علقتي في المكان الغلط
    وبعدين هو انتي يا تقولي كلام حلو يا تشتمي
    وبعدين انتي ليه خدتي كلامي اني لما قلتلك ليه بتجامليني يبقي اقصد مجاملة البوست
    بصي انا مش عاوز اوضح بس مش هو ده اللي قصدته  

  3. صفصف لادي said...
    This comment has been removed by the author.
  4. 3rby said...

    قريتي ردي عندك؟
    والله العظيم وانا باكتبلك حكاية المجاملة كنت باضحك وماكنش قصدي انك بتجامليني علشان حاجة
    يعني مش بتنافقيني
    بس ممكن اني باقولك كلامي مش حلو لدرجة انك تقوليلي كده  

  5. واحـــد مـــــن الـنـــاس said...

    والله اللي بيحصل ده مسخرة يا عربي

    بجد م قادر امسك لساني عن الناس دول

    بس اللي مجنني يا اخي ان الاخوان معملوش ولا مظاهرة واحدة بس عشان يطالبو بحقوقهم !!

    يعني فلوسك تتسرق
    وبيتك حرمته تنتهك
    واهلك واولادك يتروعو
    ومفيش اي رد فعل
    يا اخي والله حرام

    بخصوص الحزب الديني ومعرفش ايه
    فالنظام بيهرب من مواجهة الاخوان باللجوء الى العلمانية
    مع ان النظام نفسه مبني على اساس ديني

    ولو مش مصدق
    شوف المدة التانية من الدستور

    وشوف المبادئ بتاعة الحزب الوطني
    ممكن اجيبهالك

    هما بيستخدمو الدين وقت لما يكون في مصلحتهم

    يعني لما البابا شنودة يؤيد الرئيس
    يبقى استخدام الدين حلال
    ولما الشيخ طنطاوي يؤيد الرئيس
    يبقى استخدام الدين حلال
    ولما رئيس مجلس ادارة الطرق الصوفية يأيد الرئيس ويقول ان 3 مليون مصري صوفي من اتباع الطرق بيؤيدو الرئيس
    يبقى استخدام الدين حلال
    ولما مبادئ الحزب الوثني تقول انها مبنية على الدين
    يبقى استخدام الدين حلال

    لكن لما الاخوان يقولو الاسلام هو الحل
    عشان يطهرو البلد من فساد الحزب الوثني واتباعه
    يبقى كده استخدام الدين حرااااااا
    م
    ولا دين في السياسة ولا سياسة في الدين

    ناس نصابين
    %@% ولاد

    يالا يا ابو حميد
    شكلي جبتلك صداع  

  6. أحمد المصري said...

    عندك حق ازدواجية في المعايير كبيرة جدا ..واللي يحرق الدم إنهم لسة بيتعاملوا معنا على إننا هبل ..و متنساش إن غزدواجية الفكر دي في الإتنين الحزب الوثني و الإخوان و لا إيه ؟  

  7. أنـــا حـــــــــرة said...

    انت فين ياعم
    مش بتفوت عليا ليه
    و للا هى بقيت كده يعنى
    لو خاصمتك هتشوف وش تانى منى

    عووووووووووووووووو
    حبيت اسلم عليك
    ينفع  

  8. 3rby said...

    ابو علي:
    ماهم مش فاضيين علشان بيناقاشوا فستان يسرا واسم فيلم مش عارف ايه
    الاخوان برضوا مش ملايكة
    بس اقل شرا علي مصر من الوثنيين
    والحزب الوطني مبادؤه اسلامية
    والمضحك زي ما قلت ان اعضاؤه وش عارفين هم بيؤمنوا بايه
    احسن حاجة الدين يبقي مستقل والدستور يبقي قايم علي مبادئ مطفقة عليها كل الاديان السماوية والغير
    وده سهل جدا
    يعني كل الديانات اللي في العالم بتتفق في الحاجات الحرام(نسبيا)بس مش لازم نقول الدستور هو قايم علي الاسلام
    لان ده معناه تطبيق الاسلام علي غير المسلمين
    وده صعب وهايدمر المجتمع بجد وهاتحصل فوضي رهيبة وامريكا هاتدخلنا من حاجتين...المسيحيين والنوبيين


    د؟أحمد المصري:
    فعلا الاتنين عندهم اذدواجية
    بس زي ما قلت للي فوقك
    الاخوان ارحم من الوثنيين
    لحد درجة محددة
    لو مصر بقت صلطتها العليا هي المرشد زي ايران كده..بس هانبقي اخطر لان ايران في تاييد مطلق للاسلاميين اما مصر فلا


    ياسمين:
    وانا اقدر يا قمر
    بس والله عندي مذاكرة ومنفوخ
    دخلت كذا مره بس مش باعلق

    حتي اخر حاجة شوفتها كانت التاج
    بس اكيد انتي نزلتي 99999999 الف موضوع في الاسبوع ده
    يومين وابقي عندك
    بس دلوقتي المدرسين بيخلونا نذاكر الجديد ونراجع القديم  

  9. Dr. Tantawy said...

    هوه انت لسه معرفتش

    مش كمان كام يوم هيحاكموا الاخوان بتهمه انهم جواسيس

    وبعد كام يوم هيقولو عليهم شواذ

    و احتمال كبير يسقطوا عنهم الجنسيه و يرحلوهم بره البلد

    عمااار يا مصر  

  10. 3rby said...

    ويقال ان الاخوان هم اللي فجروا برج التجارة وهم السبب في اللي بيحصل في المسلمين ويقال انهم قتلوا الامامين الحسن والحسين  

  11. مُزمُز said...

    والله يابني اللي هاقوله ده مش دفاع عن الإخوان لإني رافضهم تماما

    بس فعلا الحكومة بتتعولق عليهم جدا بس عادي هما متعودين على كده مع بعض ويا داخل بين البصلة وقشرتها

    أنا شخصيا مش مقتنع بموضوع التمويل الخارجي للإخوان ده
    ومش عارف خارجي منين يعني؟

    أنا عارف ومتأكد جدا إن اشتراكات أعضاء الجماعة هي اللي بتمشيهم وبتبقى كتيييييييييييييييييير جدا جدا جدا لأن عددهم ضخم زي مانتا عارف وأي ناشط صغير أو شاب بيدفعله كل شهر مبلغ كويس غير بقى الأغنياء بتوعهم ودول كتييييييير أوي

    وأنا شفت بعيني محدش قاللي أنا أصلا تربية إخوان حتى أخلاقي إسلامية أو زي مانتا شايف وعمري ما بقول ألفاظ وسخة
    هههههه  

  12. 3rby said...

    يا داخل بين البصلة وقشرتها
    الاخوان والحكومة بيلتقوا في العنصرية
    زي ايام البهائيين..في الاول
    لما قال الاخوان انهم هايموتوهم
    وبالنسبة لحكاية التربية الاسلامية فهي واضحة
    نار علي علم  

  13. مُزمُز said...

    إنت بتتريق على موضوع التربية الإسلامية؟

    ماشي ماشي أنا حتى بخر أدب وأديك شايف ميتين أم الأخلاق الرفيعة اللي أنا فيها

    على فكرة بجد بقى وأنا قدك كده كنت عايش دور المشايخ فعلا وحافظ القرآن كله وأزهري بقى ودارس فقه وعقيجة وحركات كده أنا أصلا أبويا إخوانجي جامد يعني
    كادر زي ما بيقولوا كده

    بس تعمل إيه
    سبحان مغير الأحوال
    من أصولي متطرف إلى علماني
    شفت المفارقات العجيبة؟  

  14. 3rby said...

    وابوك بقه ممكن يقيم عليك الحد وكده
    عندكوا صراع في البيت؟  

  15. esraa said...

    أها الراجل صحي من النوم , وماكنش في قدامه غير الاخوان, ولا انت عايزه يعاقب علي حاجه حصلت وهو نايم, وبعدين متنساش ان النايم مش عليه حرج.
    تفتكر انهم لو نزلو الشارع يموتو الناس هنفضل نزعق ولا هنقول أحسن ريحونا من الزحمه؟  

  16. مُزمُز said...

    ههههههههههه
    حد إيه يا عم الحاج هو فيه حد قاللك إن أنا بسرق وللا بزني كل يوم عشان يطبق عليا الحد؟
    هههههههه
    لأ الحياة مش كده في بيوت الإخوان خالص

    بالنسبة للصراع بقى
    تعرف هو كان فيه اختلاف طبعا بس عمره ما أثر على علاقتنا بتاتا بالعكس يعني هو علاقتنا قوية جدا زي الاصحاب عموما هو برضه كان بيحاول بشتى الطرق يجذبني عن طريقه هوا شخصيا أو عن طريق إنه يسلط عليا كل فترة كده أخ وللا اتنين أكبر مني بكام سنة يصاحبوني ويحاولوا ياخدوني المسجد للجلسات بتاعتهم وكده بس طبعا كنت بخش معاهم في مناظرات فكرية ودينية بخليهم واقفين زي البوكسرات وفي الآخر أقاطعهم واستمرت المحاولات دي كتير من وأنا في تانية ثانوي بس طبعا هو زهق وفقد الأمل وكمان السنة دي انشغل في مجلس الشعب فتقريبا مبقيناش نتقابل عشان نختلف ولكن كلام سمحت الفرصة للنقاش بنتناقش وهو بيتفهم ليبراليتي خلاص وشايف إني اتجننت واللي حصل حصل  

  17. 3rby said...

    اسراء:
    والله لو نزلو يقتلوا في الناس انا هافرح علشان الناس اللي ساكتة طول عمرها ومنرفزاني ماتت والاجيال اللي جاية هاتفوق لما تعرف اباهتهم ماتوا ازاي


    مزمز:
    انت ابوك نائب وبتاع
    يا ريت تخليه يقول للنواب زمايله كفاية استجوابات عن فساتين الممثلات واسامي الافلام  

  18. The Egyptian Falcon said...

    ياخوانا، أنا صحيح مسلم بس ضد حكم الشيوخ في زمانا ده تماماً، والسبب أكيد واضح للكل، كل المسلمين ويمكن شوية من غير المسلمين كمان ممكن يقبلوا الحياة في دولة حكمها إسلامي، بس المشكلة الرئيسيةهي فين الدولة الإسلامية دي؟ يعني أكيد لامهدي عاكف هو عمر بن الخطاب ولا أحمدي نجاد هو عمر بن عبد العزيز. للأسف في العصر الحديث مافيش نموذج جيد للدولة الإسلامية الصحيحة وعشان كده ماحدش مسلم أو غير مسلم ممكن يقبل انه يعيش في ظل دولة بتقول على نفسها إسلامية وهي الزرادشت أرحم منها بأهلها.

    الحاجة المهمة في الموضوع، هو اللي انت ذكرته، الحزب الوطني بيستخدم الدين مرة للحصول على التأييد ليه زي في الإنتخابات والمادة التانية من الدستور وموضوع البهائيين وغيره وغيره. وبرضه بيستعمل الدين بس بطريقة عكسية ضد المعارضبن ليه، ويقولك بقى مش عايزين أحزاب على أساس ديني. مع إن حتى في أوروبا فيه أحزاب دينية زي الحزب المسيحي الألماني وخلافه.

    الحكاية لاحكاية دين ولا غيره، النظام واضح انه منهار تماماً بعد ماضيع الـ 25 سنة اللي فاتوا وهو مش فاضي غير للتكويش والتحويش وخلافه، وصحي لقى جماعة من الناس اتغلغلوا في المجتمع وبيهددوا وجوده -وجود الحزب - فبدأ يهاجمهم بكل الوسائل الممكنة وغير الممكنة، مرة بحجة الإرهاب اللي مافيش أي دليل عليه ولا حتى كذبة منهم عنه، ومرة عن طريق قوانين غسل الأموال اللي مش عارف حايغسلوها من إيه؟ هما كانوا جابوها من المخدرات ولا الرشاوي؟ ومرة عن طريق انهم ورا جرائم سفاح المعادي - شوف المهزلة - ومرة ان عندهم ميليشيات عسكرية بين الطلاب وغير الطلاب. بالذمة فيه حزب أو جماعة عندها ميليشيات مسلحة حاتسكت بالشكل ده على كل الإعتقالات والسجون - رغم أحكام البراءة - ومصادرة الأموال والبهدلة اللي بتوصل لحد الوفاة؟

    النظام فاكر ان الشعب كله دق عصافير وعمال يهبل وواخد راحته، مش عارف ان يوم ورا يوم بيزيد الإحتقان والغضب بيملا الصدور.

    جاتهم داهية لماتاخدهم كلهم واحد ورا التاني  

  19. 3rby said...

    بالنسبة للدولة الاسلامية
    هي خير للمسلمين وغير المسلمين
    دلوقتي الدولة العظمي لازم تبقي كبيرة
    ومصر مش كبيرة كفاية
    بس المشكلة ان لو الاخوان جم هانبقي زي ايران
    المرشد يامر الرئيس المنتخب
    بس في اي حالة هايبقي ارحم من مبارك