بنت مصرية كتبت قبل كده بوست عن البنات حسستني فيه ان البنات دول احلي حاجة في الدنيا
وعدتها اني هاكتب بوست عن البنات...حذرتني فيه من اي تريقة...بس احنا ولا مؤاخذة جامدين اوي

اتفرج علي اي بنت واقفة مع ولد...او مش شرط ولد...بتتكلم مع مجموعة في مدرستها بيتها مع اصحابها بس المهم مايكونوش كلهم بنات
يبقي فيهم حد ممكن تعمل فيها دمها خفيف قدامه
او ممكن بنت غيرانة منها
هاتلاقيها بتقول كلام عبيييط واهباااال ولا ليه اي لازمة وتقعد تحكي في حاجات مالهاش اي لازمة
والانكت ان كل اللي واقفين بيجاملوها ويضحكوا ضحكة عبيطة كده حتي اعبط من كلامها نفسه
طبعا مش كل البنات كده عالطول...بس فيه مواقف كده بتطلب معاهم عبط ولا ايه ماتعرفش(زي ماهي طالبة معايا دلوقتي)
كمان ممكن تلاقي المشية اتغيرت ولا الصوت اتغير علشان يلفتوا النظر
هاحكيلكوا مثلا علي موقفين حصلوا في مدرستي السنة اللي فاتت
انا اصلا رايح المدرسة باقول ماليش دعوه بيهم علشان المشكلة اللي حصلت معايا في اولي ثانوي
او مش بيهم لوحدهم...انا اصلا ماكنتش اعرف حد السنة اللي فاتت غير واحد بس كنت بابقي قاعد معاه تحت طول الحصص الفاضية وكام واحد معايا في دروس ولا اعرفهم من زمان
مره معدي من جنب واحدة وحشة جدا وصوتها غريب كده كانت واقفة مع صاحب صاحبتها
لقيت البنت بتقولوا:خااالد...هاتخرج اوت سايد تونايت؟
والنبي ايه الهطل ده
ومره كنت مع بنت في درس وبعدين المدرس ساب السنتر فامبقتش اعرفها
قعدت كل خمس دقايق تيجي تقولي انا كلمت المستر وقالي نروح سنتر مش عارف ايه وانا اصلا رحت سنتر تاني عاجبني
وبقت لازقالي عالطول في المدرسة
المهم مره قفشت فيها
مره بعديها بكام يوم كنت شايفها بتجري كده وهي مش شايفاني لاني قاعد علي السلم اول ما شافتني قامت مبطلة جري وبدات تعرج
اه والله قعدت تمشي زي المكسحين كده
(انا ماحكتش الموقف ده منظرة بس علشان انا اعرفه لانه حصلي...مش هانجم يعني)
طيب ليه مثلا بيعملوا كده
ليه دايما لازم الواد هو اللي يتنحنح ويروح يتكلم مع انها هاتموت عليه
وقاعدة تتمنظر
لا وممكن تقول لصحابها اضحكوا اضحكوا مع انها ماقلتش حاجة تضحك


كمان كتير باحس اني مش فاهمهم
يعني غلابة اوي اوي وضعفاء اوي اوي
بس خبثا اوي اوي اوي اوي
يقدروا يكسبوك بضعفهم
ممكن تشتم في بنت وهي تعيط لحد درجة انك نفسك هاتتعب نفسيا اكتر منها
مع ان لو نفس الموضوع حصل مع ولد مش هاتحس انك ارتكبت زنب لما ضربته ولا هزقته مثلا
مش عارف اشرار ولا طيبين

زمان رشا كتبت عن تحول البنات لسلعة
وتلاقي اعلان شركة من صفات الموظفة المطلوبة انها تكون حسنة المظهر
المشكلة انهم هم اللي بيعموا كده في نفسهم...وبنات كتير بيهتموا بالتعبير عن ذاتهم اكتر من ذاتهم نفسها...الموضوع ده منتشر جدا في سني بس اكتر بين البنات...وده في نظري اللي نشر موضوع المصاحبة...عايزة حد تقعد تبخ في دماغه وخلاص مش مهم بقه هاتقول ايه..اي بتنجان وخلاص


كمان صعب ونادر جدا انك تلاقي واحدة في موقع قيادي
ماتقولوش بقي ليلي واحنا مضتهدين لان اصلا مافيش حد بيسيب الكويس تحت ويخلي القليل قائد علشان راجل
لكن برضه بسبب الرغي والاهتمام بالمظهر زيادة عن اللزوم
كمان باحس ان نسبة ذكاء الرجالة اكتر من نسبة ذكاء الستات
شوف فيه كام عالم وكام عالمة(مثني عالم ياض منك له)
ابسط حاجة شوف لو قلت لواحدة نكتة ولا الشة عاوزة تفكير شوية هاتلاقيها قعدت تشرحها لنفسها بصوت عالي وتقول يعني ايه
اما لو قلتها لولد هاتلاقيه فهمه اسرع كتير
مش كل البنات اغبية...معاية بنت في درس الماث بتحبطني بعبقريتها
فيه بيفهموا
بس الاغلبية اقل ذكائا من الولاد

انا مش باكره البنات..انا سترات
بس حبيت اناقش الموضوع علشان اي بنت بتقري الموضوع تحاول تحسن من نفسها شوية

42 comments:

  1. Anonymous said...

    هههههههههههههههههههههههههه
    ايوة فعلا معظمهم مجانين  

  2. Anonymous said...

    ليه الغلط ده بس عيب عليك دا البنات دول ما فيش زيهم عسسسسسسسسسسسسسسسسسل
    سسسسسسسكر
    طب عمرك لقيت ولد طيب اشك فى الموضوع وبعدين يابنى ادخل زاكرلك كلمتين يمكن ينفعوك دا انت فى ثانويه عامه  

  3. Anonymous said...

    :)))))))))))))
    هاقرا التدوينة تاني يمكن افهم انت عايز ايه يا عربي

    يحسنوا من نفسهم في ايه بالظبط؟؟؟؟؟؟  

  4. بنت مصرية said...

    مممم ما تجرب كده تقول لبنت منهم تعمل مدونة وتتكلم عن وجهة نظرها فى المواضيع دى
    اما نشوف هتقول ايه  

  5. 3rby said...

    انونيموس:
    يا عم مجانين ايه
    عايز تضرب اضرب في مدونة تانية
    احسن كده احنا الاتنين هانضرب

    اروي:
    انا طيب وعسل وسكر
    هه:)

    blue rose
    ليكي وحشة والله
    يركزوا شوية في حياتهم ويهتموا بذاتهم اكتر من اهتمامهم بالتعبير عنها ومايتمنظروش ولا يستعبطوا
    ويحاولوا يركزوا شوية
    يمكن ربنا يكرمهم وارضي عنهم  

  6. 3rby said...

    زينب:
    كان نفسي تبقي اول واحدة
    انتي علقتي وانا بارد عالتعليقات

    والله حاولت مع بنات كتيير
    واديتهم بلوجي
    اللي بتنفض واللي بتقول في دماغها ايه المجنون ده
    تعرفي
    فيه واحدة ابوها ظابط في امن الدولة قعدت احكيلها عالمظاهرة
    بعد ماخلصت صاحبتها زهقت وافت لابدا تاني
    قالتلي معلش ممكن اخد نورهان منك
    لفوا لفة حوالين الملعب ورجعوا قعدوا بعد مامشيت
    ولاول مره في حياتي بنت تنفضلي
    اصل محسوبك مدوخهم
    :)  

  7. 3rby said...

    انتي عايزاني اقولهم كده علشان يشوفوا بوستي ويموتوني؟
    :)
    انا كنت حاطيت اغنية واشتغلت يومين وبعدين مش عارف بطلت ليه
    ممكن يبقي من السورس؟  

  8. بنت مصرية said...

    طيب يا دون جوان الثانوية العامة
    اما نشوف هتجيب مجموع كام وانت مقضيها ما بين البنات والتدوين
    :P

    بالنسبة للاغنية
    بطلت عند كل الناس وللا عندك انت بس؟
    يعنى ممكن تكون انت مش سامعها من على جهازك وبقية الناس بتسمعها كويس
    اتأكد الاول
    ولو فعلا مابقتش تشتغل خالص عند اى حد يبقى ممكن السورس او انت يا بطل لعبت فى الكود  

  9. Nouran said...

    ههههههههههههههههههههههه
    لا جامدة يا باشا بس فعلا البنات بقوا خنقة اوي اوي انا بقيت اتخنق منهم
    عارف نفسي اكتب بوست عن الموضوع ده بس ف نص السنة ان شاء الله واوعدك هيبقى بوست حيادي جدا
    بس برضه البنات الطف الكائنات  

  10. 3rby said...

    زينب:
    لا طلعت المشكلة في السورس فعلا من عند بهية بس شكرا اوي علي البلوج اللي عاملاه لشرح التيمبليت وكده...كنت متفرعن ومش باقراه واقول انا كويس بس بجد استفدت منه
    انا عاوز اقولك حاجة نفسي اقولها من شهر 8 بس خايف
    اوك؟
    بس عاوزك الاول تطلعلي حوار دنجوان ده من دماغك
    بصراحة كده ومن غير مقدمات
    اسم زينب وبنت مصرية تقال اوي علي صباعي
    فعاوز اناديكي بالاسم اللي صحبك بينادوكي بيه



    نوران:
    بقوا خنقة
    يعني انتي مش بنت
    انتي اللي الطف الكائنات
    وبرضه مش دونجوان  

  11. دعاء عادل said...

    حلو اوى يا احمد وعندك حق فى بنات كتير كده
    بس عارف هما ليه كده زى ما انت شايفهم .. لاء مش عشان جينات وراثيه ولا حاجه انما عشان طريقه التربيه هى اللى بتفرض عليها تكون كده طول الوقت يقولولها انتى اضعف والمفروض تكونى رقيقه وما فيش بنت المفروض تتكلم بصوت عالى وانتى غبيه الولد اذكى وغيرها وغيرها من الاستنباط اللى بتتزرع فى مخ البنت من صغرها فعيزها ازاى تبقى مبدعه وعبقريه
    وبالمنسبه انا عيزه اقول حاجه بمناسبه الموضوع ده المفروض يشيلوا خانه النوع من البطاقه لاننا المفروض نكون بنى ادمين وبس
    يعنى يتكتب فى البطاقه انسان وبس
    لانى عن نفسى مش شايف فيه فرق بينى وبين اى ولد
    سمعاك بتقول ايه لاء مش كده ..انا زى القمر وانت عارف  

  12. 3rby said...

    دعاء

    ايه اللي مصحيكي لحد دلوقتي؟
    :)
    خانة الجنس في البطاقة لو اتشالت ولا اتحطت مالهاش اي لازمة
    لان كده كده اللي قدامك عارف انك بنت
    اما خانة الدين فلا
    انتي زي القمر
    شوفتي العدائة الافريقية اللي اتسحبت منها ميدالية علشان فشلت في اختبار الانوثة
    كان نفسي اكتب عنها بوست  

  13. smraa alnil said...

    الللي عايزة اقولهولك بقي ان الدراست العلمية والحديثة اثبتت ان المرأة تقوف ذكاء الرجل
    وانها اذكي منه
    بس مش موعنا
    الفئة اللي انت بتتكلم عليها دي فئة البنات المراهقة اللي عايزة تلفت الظر ليها وخلاص ودي اعراض عادية زي ما في ولاد برضه بيتمنظروا ادام البنات بطرق مختلفة
    اكيد مش كل الولاد كدة زي ما مش كل البنات كدة
    البنات اللي ات بتتكلم عليهم مصيرهم ينضجوا في تفكيرهم وحياتهم واسلوبهم
    استني عليهم شوية لما يبقوا في الكلية كدة
    تلاقي البنت اللي كانت بتجري وراك دي حاجة تانية خالص
    ولو عينك جت في عنيها هتلاقي واحدة جامدة جدا ولا كانها تعرفك
    ومش عايزة تكلم اي ولد
    هي اي نعم بتبقي هتموت علي كدة بس هي اتغيرت جزئيا
    يعني اللي انت بتتكلم عليهم دول سلوكهم مش ابدي
    فاهم وبعدين خش ذاكر بقي  

  14. Anonymous said...

    والله يا مان انا معاك في الكلام ده بس انا ليا كام تعليق صغير كدا ... بخصوص المووضوع ده انا اولا عندي مبدا اي مشكله في الدنيا بتبدا من بنت دي يعني لو مشكله كان فيها بنات .. وده بسبب حاجات كتيره بص يا مان الاول عايز اقولك علي حاجه احنا بيهجمونا ليه و اهلينا نزله فينا ليل و نهار بهدله هقولك ليه الغرب يا مان نجحوا انهم يغيروا من الافكار والتقاليد بتاعت المراهقين لان اسهل وقت تلعب في دماغ اي شخص هو سن المراهقه لان الدماغه بتبقي مليانه حماس و كدا و بيبقي عندك اندفاع للتجربه و كلام ده فلما يدخل بالعولمه التفاهات في نفوخ الشباب المرهقين و يشيل فكرة الثقافه من الواحد هتلاقي نفسك زي حلنا كدا انت عارف بره في امريكا و كدا مش هقولك كلهم هقولك معظمهم بيقدسوا القرائه و الكلام ده مش بجيبه من افلام و كدا لا دي ناس حاكتلي و انا شفت بعيني مره كنت رايح اوتيل و قاعد مستني ناس و لاقيت شخص عادي جدا قاعد برضه مستنظر ناس و ماسك الكتاب و بيقرا فيه جالي حبة فضول اني اسائله انت كدا ولا هي نزوة و هتعدي ولا ايه حكيتك المهم سائلته قالي احنا عندناا في بلدنا القراءه زي المايه و الاكل افهم انت بقي .. و برضه هقولك علي حاجه الناس الي هناك دي برضه فاضيه يعني اما هناك يبقي مستوي الدخل بتاعهم في السنه 38 الف دولار في السنه بينما انت 1300 دولار و انت بتجري وره متطلبات الحياة هتلاقي نفسك انك مش فاضي لاي ثقافه و الكلام ده .. البنات والولاد ضحية حاجتين اقتصاد بلدك و عولمة دخيله عليك ... و معلش اني طولت لاني رغاي حبه و ابقي ارد عليك لما ترد عليا :D  

  15. Anonymous said...

    شوف يا عربي يا جميل انا حقولك وجهة نظري في الموضوع ده..انا ابدا مش متحيزه لطرف عن طرف اخر ..بس السن الي انت فية وخصوصا مرحلة المدرسة والجامعة حتلاقي الحكاية دي بشكل كبير كل وحده بتحاول تثبت نفسها لسه ملامح الشخصية مش بتكون مكتمله عند البعض وبعدين مش كل الناس واحد انت يمكن شايف البنت دي سخيفة لانها مش زي عقلك غيرك عقلو على عقلها وشايفها لذيذة
    عشان كده للانسان حرية اختيار صداقاته

    وزي ما في بنات سخفين وفي كتير انا معاك
    برضوه في ولاد اغبية اقوي وسخفتهم اكتر من البنات بكتير بس احنا مش نقدر نلوم حد او نقول حاجه لان زي ما في كده في كده
    والشخصيات بتتغير احيانا في ناس شخصياتهم غير مستقرة او غير ثابته يعني بتتغير حسب الاشخاص الي قاعد معاهم ودي الشخصية الي بتتأثر من المحيط وفي خوف عليها
    لانها غير مكتملة
    وفي شخصية الي بتأثر وبتلاقيها دائما في كل شلة بتكون المحرك
    قد يكون احيانا شخص له شخصية قوية بيعلق على الكل وماخد الكل مهزله عنده
    وفي شخصية الانسان الخفيف الدم الي الكل عاوز يكون جنبة

    كلها على فكرة شخصيات مثيرة للاهتمام
    وده احلى حاجه في طبيعة تكوينا والتغيرات الي حصلت واثرت على معالم كل شخصية

    والحمد الله ان مش كل الناس شبه بعض وان في ناس سخفيين:)

    عشان انا اختار مع مين عايزه اكون

    طولت كتييير
    سامحني
    بس موضوع فجر ما بداخلي من افكار

    سلام يا واحشني  

  16. بنت مصرية said...

    تدفع كام :P

    نادينى باللى تحبه يا سيدى، ما احنا اصحاب بردو
    مش كده
    :)  

  17. 3rby said...

    نسيت اكتب حاجة

    اي مشكلة مرورية هاتلاقي واحدة ست هي السبب
    جاتكوا البلا مليتوا البلد

    قمر النيل:
    طيب مانتي عديتي المرحلة ديه من زمان
    بس تقدري تنفضيلي
    مانتي بتجر ورايا اهو
    ههه
    :)


    كوبا:
    انا بالبس حبة تريقة لما باقري
    واحد شافني باقري قصص قصيرة بتاعة"دينو بوتزاتي"قعد يقولي ايه ده يا احمد انت بقيت انترناشونال ولما اجي احكي عن مظاهرة العيال بتتخنق وفيه واحد مسميني الشب المناضل
    بس انت مين اللي اثر عليك
    ها يا مان؟
    :)

    the firs lady:
    طيب انتي قاعدة في قطر مالك ومال المحيط؟
    هه
    لا بس انتي بنفسك قولتيلي ان البنات بيبقوا هبل وان صحابك كانوا ولاد


    سلام يا عاجبني
    :)

    زيزي:
    ادفع عمري  

  18. Anonymous said...

    يا مان انا شاب ثانوي عام زيك دي حاجه :D الحاجه التانيه انا يا مان محدش اثر عليا بس انا من احتكاكي مع ناس كتيره غيرت شوية من فكري يا مان هشوفك تاني في كومينت من كومينتاتي  

  19. Anonymous said...

    لو سمحت يا احمد لما تحب تتكلم على حد او طريقه كلامه مش عجبته تبقى تروح تقله فى مدونته مش تروح تتكلم عليه فى مدونه بتكون انتهازا لفرصة انه مابيدخلش المدونه دى سبحان الله اول مره ادخل عليها الاقيك متكلم عليا فيها مع انى قعدت ادور على تعليقاتى مع جرجس على حاجه غلط مالقيتش خالص فياريت تدينى لينك للبوست اللى ان اتكلمت فيه ففكرت بالبيت يا مثقف وياريت بعد كده يبقى عندك شجاعه ادبيه فى انتقاد الناس وانا غلطانه انى بحترمك اصلا  

  20. Anonymous said...

    ولانى انا غلطانه لانى اصلا قبلت اعتذارك قبل كده كذا مره لانك غلطت فيا كذا مره وانا كنت بحترمك ومش برضى اتكلم وارد فياريت انت تحترمنى على الاقل زى ما بحترمك ولا انا غلطانه  

  21. Anonymous said...

    اروى
    متزعلش من احمد ده بجد طيب واكيد مكنش يقصد

    اما انتا يا عم احمد فاحب اقولك

    المرأة لغز ، مفتاحه كلمة واحدة هي الحب

    ولكن
    إذا كنت تحب امرأة فلا تقل لها (( أنا أحبك )) ، إن هذه العبارة أوّل ما تجعل
    المرأة تفكر في السيطرة عليك

    وايضاً
    إن الحب يهبط على المرأة في لحظة سكون ، مملوءة بالشك والإعجاب

    واخيراً
    الحب عند المرأة نار مقدّسة ، لا تشتعل أمام الأصنام

    فهمت يا عم الصنم  

  22. Anonymous said...

    ههههههههه

    بص يا عربى اولا ربنا يوفقك فى الثانوية وبعدين يا عم انتا هتقابل من الانواع دى كتير فى الجامعة كمان بعد لما تخلص مدرسة وكده.

    مش ده المهم المهم اللى عايز اوصلهولك انك فيك كذا حاجة لحظتهم عليك::
    ===============
    1 انك بتهتم بجمال البنت قبل شخصيتها!!
    ====================
    2 انك متحمل على البنات اكتر من اللازم وساعات ده بيكون نقص فى الشباب اللى مش عارفين يعملوا حاجة مع اى بنت يقلبوا ضدهم بعد عدة محاولات يائسة

    ==================

    3 وبعدين انتا مراقب البنت كويس من بعيد وعمال تبص عليها وبعد كده فضلت متنح ليها لحد مقربت منك وزى منتا بتقول فضلت تعرج طب منتا كمان باصص ليها وهيا جاية من بعيد لو بصينا للموقف هنلاقى انك انت اللى كنت مراقبها مش هيا

    =======================
    4 البنات كلها مش زى بعض ولو انك فى الاخر بتقول انك مش بتكرهم بعد لما سلخت جلدهم وبتقول بنصحهم النصيحة ليست بالنقد المسيطر على البوست كله فين بقى ناصيحكم ليهم بعد لما اكلت فى فروتهم كلهم

    ==================

    ياريت تقبل كلامى وترد عليا بدون عصبية  

  23. 3rby said...

    كوبا:
    ابقي نور

    اروي:
    انتي شوية تقولي مش باحترمك وبعدين تقولي احترمني زي ما باحترمك

    وبعدين ايه اتكلمت عليكي في مدونة ايه
    وحتي لو كده هو المدونة ديه مخبيها مثلا

    يعني باتكلم انا وصاحب(ة) المدونة(اللي انا مش عارف بتتكلمي عن مين)بيني وبينه(ا)في التليفون مثلا
    ما كله منشور
    وانا عمري ماشتمت في حد
    ممكن اكون انتقدت حاجة انتي قولتيها
    سيبيلي اللينك
    وبعدين انتي اصلا حساسة لدرجة بتغظني
    انا ولا مره غلط فيكي واعتزرتلك
    لما باهزر معاكي باقولك انا باهزر
    بس لو في حاجة فيكي تخليني اوصل لدرجة اني اشتمك او اغلط فيكي مش هاعتزرلك غير وانا علي قناعة اني غلطت...وديه مش كتير
    ولو شتمتك او غلطت فيكي مره واعتزرتلك مش هاغلط فيكي تاني

    علاء:
    يا عم المثقف اصنام ايه احسن يقيموا عليك حد الارتداد هنا


    كازانوفا:
    الجمال مهم...بس لو حمارة طز فيها برضوا

    وبعدين مش باعرف اعمل حاجة ايه يا عم
    انا جامد جدا

    وبعدين والله عمر ما راقبت بنت
    يا عم دانت لو شوفتها ممكن تعيا اصلا
    بص هاشرحلك الخريطة
    فيه بابين حديد لمبني الثانوي والدور الارضي مقفلين المسافة بين السقف والارض حديد وانا قاعد عند باب مقفول
    هي راحت معدية جري من بره الباب وانا جوه وجت جري في الكوريدور وانا في الوقت ده مش شايفها لان السلم داخل لجوة بس سامع صوت الجري وبعدين وصلت بس برضه كانت سريعة فاجئة بطات وبدات تعرج


    انا كتبت البوست ده لاني باحتقر البنات اللي بتعمل كده وانت عارف اللفظ اللي يوصفه(احنا شباب زي بعض)وبعدين انا كذا مره قلت مش كلو كده
    ماشي يا عم قاسم امين
    :)
    ولا متنرفز ولا بتنجان  

  24. 3rby said...

    لا بجد ابعتي اللنك بتاع الشتيمة ديه
    انا قاعد ادور في المدونات اللي بادخلها مش لاقي

    شوفي عندي امتحان بكره وقاعد ادور علشان انتي بيستهايئلك ولا ايه مش عارف

    افتكري انك غلطتي فيا دلوقتي كمان  

  25. Anonymous said...

    ماشى يا جامد جدا

    بس اللى اعرفه مهما كان قبح البنت فى

    شكلها يبقى دى حلقة ربنا ومفيش اعتراض

    كده لأنى الجمال جمال الروح انا متخرج من جماعة خاصة يعنى فشلة يعنى كل حاجة فيها ستايل وحوارات فاشلة من اللى فى بالى بالك البت من دول تبقى جامدة وكل حاجة وتيجى تكلمها تلاقيها مش بتعرف تقول كلمتين على بعض ولو بتعرف تقول تلقيها رخمة او بتستخف دمها طبعا فى بنات جميلات فى الشكل والروح ودول فى النارد اوى تلاقيهم  

  26. واحـــد مـــــن الـنـــاس said...

    انتا دماغ والله يا عربي
    وش حيلك اليومين اللي جايين دول
    وخض الجامعة
    وهناك هتشوف اللي عمرك ما شفته
    :)  

  27. Anonymous said...

    اه يا واحد من الناس

    مش هيقدر يغمض عينيه هههههههههههه  

  28. elkamhawi said...

    اية يا كازانوفا اهم حاجة فى البنت الجمال والبنات اصلاً جمال بطبيعتهم
    انا بحب البناااااااااااااات  

  29. اروي الطويل said...

    انت اصلا ما فهمتنيش انا مش زعلانه لانك قلت كده انا زعلانه لانك رحت قلت كده فى مكان انا ما بدخلوش خالص
    وبعدين انا قلت انا بحترمك وانت ما بتحترمنيش فيها حاجه دى وان كنت انت شايف ان دى حساسيه تغيظ انا كده وما بحبش حد يفكر انه يغلط فيا ادام انا محترمه معاه ومش عمرى غلطت فيه ولاحظ ان هزارك مع البنت غير هزارك مع الولدالمدونه دى بتاعت بنت مصريه اللى اسمها بتكون اللى اللينك بتاعها اهوه
    http://www.blogger.com/comment.g?blogID=14744340&postID=116019956601197219
    بص يا احمد انا بعاملك زى اخويا الصغير وانا مش زعلانه من الكلام اللى انت قلته انا زعلانه من المكان اللى اتحط فيه كلامك ممكن ما يكونش يزعل وهو فعلا ما يزعلش بس المكان اللى اتحط فيه هوه اللى يزعل على العموم بجد انا نفسى اعرف البوست اللى انا غلطت فيه فى جرجس هاموت واعرف
    سلام  

  30. 3rby said...

    كازانوفا:
    ما هي لو وحشة ماروحش احب فيها واقول كل اللي يجيبه ربنا كويس واهو اخد ثواب
    ما انا قدامي الحلو
    وبعدين فيه كتير حلوين وتفهه وبيلبسوا لبس زبالة
    وفيه الامورة وبتفهم ومش شرط تبقي محجبة بس احس من لبسها انها كوين كده مش عايزة تبقي جارية

    علي وكازانوفا:
    تصدقوا اني باكتب وانا باسمعها دلوقتي في الخلفية


    علاء:
    خلاص يا عم انت هاتتجوز علي نفسك في البلوج

    اروي:
    الكلام اصلا خارج عن سياقه
    والله انتي بتشتغلي نفسك وبتشتغليني

    والله العظيم مش فاكر قصة ايه اللي كاتبها ولا فاكر رد عليكي في ايه
    وبعدين مكان ايه
    دانا كاتب كده في مدونة مش في نايت كلوب يعني
    وبعدين اصلا زينب ماتعرفش جرجس
    ممكن تقولي كده لو لقيتيني كاتب حاجة عنك في مدونته مثلا وحتي لو عنده ماهو كله منشور

    واخوكي الصغير ايه بس محسساني ان عندك 60 سنة
    والله العظيم عندي واجب كبير جدا بتاع ماث وعندي امتحان وضيعت امبارح علشان ادور علي المكان اللي كتبت عنك فيه

    وبعدين هزار ايه اللي ينفع للولاد وماينفعش مع الولاد
    ده بالنسبة للهزار بالكلام الوسخ واللي مابقلهوش في البلوجينج خالص

    عموما لو مش عاوزاني اهزر معاكي مافيش مشكلة

    انتي قفاشة جدا جدا
    وبصراحة كده هاقولهالك بالانكليزي

    you are insecure  

  31. 3rby said...

    خدي بالك انك قولتيلي انا غلطانة اني باحترمك اصلا

    انالما باهزر معاكي هزار مع اي بنت في البلوجينج بتقفشي باقولك مش تزعلي
    لكن انتي اهنتيني
    وانا مستني اعتزار

    اوكيه  

  32. 3rby said...

    ايبي:
    حد يقدر يا كبير؟
    :)  

  33. Anonymous said...

    بالنسبة يا جماعة فى مدونة جديدة بتاعت بنت اسمها نيرمين بمناسبة كلامك عن غموض البنات البنت بتكلم كل مواضعيها فيديو بتسجل وتنزل مواضيعها مش كتابة يعنى قوليلى رأيكم ايه فيها؟؟


    www.shooof.blogspot.com  

  34. tota said...

    عربى
    خلينا اقولك خبرة السنين

    كل مرحلة سنية بيعدى فيها ولد او بنت ليها فكرها وليها حاجات بتكون محور اهتمام
    بعد المرحلة دى لما بتبص وراك بتقول ياااه معقولة كنت بفكر كده
    وبتعدى عليك سنين تانى وتدخل فى نضج فكرى اكتر وتبدأ الحياه ومشاكلها ومسئولياتها وتكبر معاها تانى افكارك
    وترجع تانى بنظرة خاطفة تبص لورى بابتسامة ولكن مش خجل من تصرفات المرحلة دى
    وتعدى سنين كمان وتتمنى ترجع للمرحلة دى وتعيشها تانى وتالت
    لا تتعجل النضج لها او لك فلكل مرحلة مذاقها الخاص حتى وان كانت مرحلة هيافات او مراهقات او او او فقط عيشها واستمتع بها قبل ان تتمناها يوما ما ولا تجد فيها اى ذكرى او فرق عن ما انت فيه

    تحياتى  

  35. Nouran said...

    يا عم اقعد ذاكر شوية
    بس ايه حكاية دنجوان شكلك كده بتأفلم علينا والنبي كلمتين اقولهم ع الماشي كده ازاي عارف كل انونيموس باسمه سبحان الله انا كنت خايقة وانتوا بتتكلملوا لتقلب بخناقة ولونها قلبت خليك هادي اكتر من كده
    لا انا بنت بس مش خنقة هبقى احكلكوا ف بوست عندي  

  36. 3rby said...

    كازانوفا:
    شفت فيديو قبل كده لتدوينة ساعة السعار الجنسي
    اثبتت ان البنات بيتمنظروا
    كانت محجبة ومشغولة اوي بيه
    في خلال 5 دقايق عدلته بتاع 20 مره
    وفيه حاجة كنت عاوز اكتبها كمان
    البنات معظمهم بيتدلعوا في نطق الانكليزي...فاكرينه فرنساوي ولا ايه مش فاهم
    البنت ديه كانت بتدلع لدرجة اني مافهمتش اللي هي بتقوله...كانت بتقول كام كلمة انكليزي في وسط بقية الكلام...زي بقية البنات...وتنطق غلط لدرجة تنرفز...زي بقية البنات



    توتا:
    من خبرة السنين
    دخلت البروفايل بتاعك وماكنتش مصدق انك 36
    والله كنت مديكي 22
    بس انتي برضه مش كبيرة...خفة دمك بس هو اللي غريب علي سنك

    تعرفي...انا السنة ديه والسنة اللي فاتت بابص علي اولي ثانوي واقول ايه ده انا ازاي كنت كده
    بس صدقيني
    عمري ما هاتمني اني اعيشها تاني
    ولا في ارعب كابوس


    نوران:
    تلاقيكي مختلفة عن اللي شايفاه انونيموس
    يعني يا اما انتي الفيرجن الاقدم يا اما الاحدث
    لما دخلت في البوستات القديمة علشان اشوف انا قلت ايه عن اروي لقيت كله انونيموس
    بس هاتحلو...والله هاتحلو  

  37. Yasmine Adel Fouad said...

    عربى البنات اللى انت بتتكلم عليهم موجودين
    و انا بنت و بلاحظ الحاجات دى برضة
    بس طبعا دول يظهروا كأغلبية فى حين ان فى قلة منحرفة مش زيهم كده
    عموما البنات اللى بتتسهوك تستاهل اللى يجرالها
    و اعتقد ان الواحد يبقى نفسه و خلاص
    و ربما البنات اللى فاكرهم هايفين هم كده فعلا

    و لو ان البنات ليهم كلامهم مع بعش زى ما الولاد ليهم كلامهم مع بعض


    الحاجة الوحيدة اللى ضايقتنى فى البوست
    انك بتقول ان البنات اغبى من الاولاد
    مع ان علميا مستوى ذكاء البنت بيبقى اعلى قريتها فى مكان دى

    مش بقول كده علشان انا بنت على فكرة
    انا بس بقول كده علشان معلومه عارفاها
    و الله اعلم  

  38. 3rby said...

    انا مش قصدي انهم اغبياء يعني مابيفهموش
    انا اللي بقيت زي زمان مابعرفش اعبر عن افكاري
    انا قصدي انهم مش مركزين علشان يركزوا في المياعة او يركزوا في عينيا:)
    وبينت كده في اخر البوست  

  39. Radwa said...

    بص كلامك صح فعلا بس عايزه اقولك ان مش كل البنات كده بالعكس والله فى عقليات جميله جدا بس برده احلى حاجه في البنات هو هبلهم بس مهما كان ماتقدروش تعيشوا من غيرنا

    ههههههههههههههههههههههههههههههههههههه  

  40. 3rby said...

    قصدك انك مش كده
    لو حلوة زي سيندرلا انا سينجل
    :)  

  41. Mohamed Moshrif said...

    This is true in Egyptians, but in west I can't see this :)  

  42. 3rby said...

    محمود مشرف:
    ماهو احنا اوطي خلق الله