كلنا شوفنا الحكم من القاضي اللي رفض شطب خانة الديانة من البطاقة الشخصية او كتابة اخري او ترك الخانة فارغة للبهائيين او كتابة بهائي علشان الدستور لا يجييز اي ديانة غير الديانات السماوية ال3
مش فاهم الشاب الدستوري ده كان فين من كل الحاجات الغير دستورية اللي حصلت في ال26 سنة اللي فاتت
وبعدين لما يتكتب قدام الديانة مسلم
ده هايغير ايه في كونه بهائي؟
انا مسلم فاهم ديني...وديني بيقول"لا اكراه في الدين"وبيقول"لكم دينكم ولي دين"
قريت في مدونة ان اول مره القضاء المصري يعتبر البهائية مش فرقة متصوفة او مذهب في الاسلام كان سنة 1920 وبسبب الحكم ده طلقوا المسلمات من ازواجهم البهائيين
ده كان حكم كويس لينا وليهم...هم نالوا استقلالهم واحنا تبرئنا منهم...يعني لما بهائي يبقي مكتوب في بطاقته مسلم ويالف في الاسلام ويعمل فيها متصوف
مش هايبقي ضرنا؟ولو عمل حاجة غلط هايتحسب علي ديانة من الديانات ال3 اللي الدستور سامح بيهم
كمان قريت وسمعت عن الراجل اللي ماكنش يعرف ان جوز بنته بهائي وبنته كمان
ده زنا مسؤلة عنه الدولة.....زنا في الاسلام والمسيحية واليهودية وزنا في دينه هو كمان
ده يرضي مين؟
يعني لما نكتبهم مسلمين هانستفاد ايه؟ولا اي حاجة
واحد اسمه احمد واسميه مصطفي ده هايغير ايه في كونه احمد
شكلنا بيبقي ارهابيين ومتخلفين ويترسم كاركتير عن رسولنا ومانقدرش نعمل حاجة
يعني لما واحد يشتمك ممكن تضربه
بس لما يقولك انا مخنوق منك وتضربه ده مش هايغير ذرة من كرهه ليك
شفت الحكم في العاشرة مساء
وشوفت الاتنين الهبل اللي واقفين يهللوا ويقولوا الله اكبر ولله الحمد
مش فاهم واقفين في الحرب احنا
لو سالته انت استفدت ايه لما نسبته ليك
ولا هايعرف يرد....بس ذلناهم من غير مانستفاد اي حاجة...ولو دورت عليه ساعة حاجة تهم مصر مش هاتلاقيه واقف..اما لو حاجة تهم افغانستان ولا باكستان ولا السعودية(لا اقصد الاراضي المقدسة لانها في رايي غير تابعة لاي دولة) هاتلاقيه واقف فاتح بقه ولا السيد قشطة
عاوز حد يرد عليا
لما ياخدوا حقهم في مصر ولا لما يهاجروا وياخدوا حقهم في بلد تانية
ماحدش يقولي في ستين داهية ممكن يروحوا ياخدوا بلد عربية زي فلسطين ونبقي احنا اللي طردناهم
ممكن يعملوا زي اقباط المهجر
وبعدين يهودية ايه اللي دستورية...ده اتباعها في مصر مش مكملين 70
اما اتباع البهائية فالاف
يالا اشمعنا دول يعني اللي ياخدوا حقوقهم
بلد عاوزة الحرق
مش فاهم الشاب الدستوري ده كان فين من كل الحاجات الغير دستورية اللي حصلت في ال26 سنة اللي فاتت
وبعدين لما يتكتب قدام الديانة مسلم
ده هايغير ايه في كونه بهائي؟
انا مسلم فاهم ديني...وديني بيقول"لا اكراه في الدين"وبيقول"لكم دينكم ولي دين"
قريت في مدونة ان اول مره القضاء المصري يعتبر البهائية مش فرقة متصوفة او مذهب في الاسلام كان سنة 1920 وبسبب الحكم ده طلقوا المسلمات من ازواجهم البهائيين
ده كان حكم كويس لينا وليهم...هم نالوا استقلالهم واحنا تبرئنا منهم...يعني لما بهائي يبقي مكتوب في بطاقته مسلم ويالف في الاسلام ويعمل فيها متصوف
مش هايبقي ضرنا؟ولو عمل حاجة غلط هايتحسب علي ديانة من الديانات ال3 اللي الدستور سامح بيهم
كمان قريت وسمعت عن الراجل اللي ماكنش يعرف ان جوز بنته بهائي وبنته كمان
ده زنا مسؤلة عنه الدولة.....زنا في الاسلام والمسيحية واليهودية وزنا في دينه هو كمان
ده يرضي مين؟
يعني لما نكتبهم مسلمين هانستفاد ايه؟ولا اي حاجة
واحد اسمه احمد واسميه مصطفي ده هايغير ايه في كونه احمد
شكلنا بيبقي ارهابيين ومتخلفين ويترسم كاركتير عن رسولنا ومانقدرش نعمل حاجة
يعني لما واحد يشتمك ممكن تضربه
بس لما يقولك انا مخنوق منك وتضربه ده مش هايغير ذرة من كرهه ليك
شفت الحكم في العاشرة مساء
وشوفت الاتنين الهبل اللي واقفين يهللوا ويقولوا الله اكبر ولله الحمد
مش فاهم واقفين في الحرب احنا
لو سالته انت استفدت ايه لما نسبته ليك
ولا هايعرف يرد....بس ذلناهم من غير مانستفاد اي حاجة...ولو دورت عليه ساعة حاجة تهم مصر مش هاتلاقيه واقف..اما لو حاجة تهم افغانستان ولا باكستان ولا السعودية(لا اقصد الاراضي المقدسة لانها في رايي غير تابعة لاي دولة) هاتلاقيه واقف فاتح بقه ولا السيد قشطة
عاوز حد يرد عليا
لما ياخدوا حقهم في مصر ولا لما يهاجروا وياخدوا حقهم في بلد تانية
ماحدش يقولي في ستين داهية ممكن يروحوا ياخدوا بلد عربية زي فلسطين ونبقي احنا اللي طردناهم
ممكن يعملوا زي اقباط المهجر
وبعدين يهودية ايه اللي دستورية...ده اتباعها في مصر مش مكملين 70
اما اتباع البهائية فالاف
يالا اشمعنا دول يعني اللي ياخدوا حقوقهم
بلد عاوزة الحرق
مش عارف بس أنا شايف إن المطالب البهائية عادلة جدا مافيهاش حاجة بس تقريبا البلد مابقتش عايزة تدي حد حقه و خلاص
يعني بقت مسألة مبدأ
و على فكرة أنا غير مصري التاني اللي طلع أخوك
بص يا سيدي
طبعا متفق معاك في أن ما يحدث تخلف ما بعده تخلف... بس تعال نرجع الأمور لأصولها يا أخ عربي
أساس بناء المجتمع هو إيه؟؟؟؟
المواطنة ولا الدين؟
اللي بيفهموا بيقولوا المواطنة
والأغلبية بتقول الدين
وفي نسبة لسة بتشاور عقلها متصورة إن المواطنة ضد الدين
مع إن بالعكس المواطنة أشمل
المواطنة تستوعب الكل
الدين إقصائي
الدين هيقول لك إحنا بس اللي صح والباقي كفرة... (ودا مظبوط من وجهة نظر الدين ولا خلاف عليه)... بس لو الأساس هو المواطنة المعلومة اللي فاتت مش هتفرق معاك في حاجة في حقوقك كبني آدم... لأن الأساس هو انتكائك لوطن بيديك حقوقك كبني آدم... مش الأساس هو انتماءك للدين اللي بيفضلك على الآخرين بحسب معايير قيمية معينة تختلف من دين لآخر
طب عايزها مواطنة... اتحت... كل صاحب دين وكل من لا دين له هو بني آدم مواطن متساوي في الحقوق والواجبات بغض النظر عن عقيدته وإيمانه أو عدم اعتقاده أو عدم إيمانه... ودا الطبيعي جدا واللي حتى الله نفسه أتاحه للبني آدم... أن يكون للإنسان حرية الإيمان أو الكفر
طب عاوز الأساس لبناء المجتمع هو الدين... طب أنهو دين؟
دين الأغلبية طبعا... حلو... طب والأقليات التي لا تؤمن بدينك وتراه خطأ؟؟؟ يولعوا بجاز؟ ولا يعيشوا جنب الحيط وكفاية إنهم عايشين في خيرنا؟؟؟ طب الحقوق بحسب الدين هتنتقص من حقوق الآخر في المواطنة؟ مواطنة إيه يا عم... إحنا بنتكلم بشرع الله وشرع الله ما فيش بعده كلام تاني... أيوة يعني دا في المكان اللي بتعبد فيه مش في السياسة والحياة العامة... إنت هتكفر؟ يا عم انا متكلمتش في الدين... يا سيدي هو ديننا سياسة وسياستنا دين... طب واللي مش من دينك ولا يؤمن بيه؟ يبقى يغور في ستين داهية أو يعيش بأدبه... بس ده وطنه زي ما هو وطنك... بس ما تقولش الكلام العبيط ده يا راجل ضحكتني بجد... وطننا هو آخر بقعة في الأرض يقف عليها أحد أتباع ديننا... الولايات اللي عايشين فيها ليست هي الوطن بل الوطن هو الأمة التي تتبع ديننا وهي التي ستسود على العالم بإذن الله... طب واللي مش مؤمنين بده؟؟؟ يغوروا ف داهية بقى ما توجعش دماغي... إحنا ديننا كده ودنيانا دين وديننا دنيا وااي مش عاجبه يشرب م المحيط وكتابنا بيقول أنه لا دين عند إلهنا سوى ديننا والأغيار يروحوا في ستين داهية
(ملحوظة ينطبق هذا على الإسلام السياسي والمسيحية الصهيونية واليهودية الصهيونية وغيره وغيره وغيره من أمثلة تديين الدولة)
اختاروا انتوا بقى
عايزين مواطنة أساس ولا دين معين أساس؟؟؟
الحكم المتخلف من القاضي الاهب
معلش يا عربى خلينى اعترض حبة من نفسى
اولا ما بنفعش نشتم القاضى او نعترض على حكمه، هو فاهم شغله، على ما اظن
ثانيا: ايا كان الراى مش سيئ للغاية كدة الحقيقة
ماشى، فى قرارة نفسى كنت عايزة يقروا ان فى بهائيية فى مصر، بس بص لها من ناحية تانية
بكرة يقولوا فى دين معرفش ايه، وبوذيين بقى واديها زيطة
بابا لسا قايل لى عن ديانة داخلة مصر جديد وبدئت فى الانتشار فى الاسكندرية، والمرة دى لها علاقة بالمسيحية بقى مش الاسلام زى البهائية
زطة هى اياك؟ ح نقلبها هند الشرق الاوسط احنا؟
مع احترامى لكل الناس اللى بتطالب بالحريات، ماشى... انا كمان نفسى فى حريات.... بس لو حرية ح تجر وراها مشاكر تانية، بلاش منها
اصل كدة مش بعيد لو لقينا المثليين داخلين يطالبوا بحريتهم بالمرة
هيصة بقى وكدة
يلا اسيبك واروح اذاكر
وسلاماتى يا عربى باشا
فعلا يا عربي أنا نسيت أقول لك
عبد العزيز فهمي قبل كده قال أحكام القضاء لا تمدح و لا تزم
لست أدري: انت سألت "ح نقلبها هند الشرق الاوسط احنا؟" وأنا اجيبك. مستخسر على مصر ليه؟ بلد اسطوري زي الهند فيه التعدد والديمقراطية والحريات والاقتصاد ويتعمل له ألف حساب. منطمحش نبقى زيه ليه؟
المفروض مش نكتبلهم مسلمين ولا برده بهائين المفروض كان يسبها فاضية عشان فعلاً ده دين مش نازل من السما ومتغلطش فى القضاه عشان دول تبعى
بهائى مصر:
لوسمحت، انا مخلطش الامور عشان اقول اطمح اكون زى الهند
الهند بلد ديموقراطى، ومتقدم عن بلادنا، دا بس اللى ممكن اتمنى تشبهها بلدى
غير كدة.... اسمح لى فى حق التحفظ
أولا ياعربي احنا بنطالب بقضاء مستقل، وزي ماعيزين الدوله تحترم احكام القضاء المفروض احنا كمان نحترمه، بلاش شتايم على القضاه.
لست أدري:
لما حد يقول بكره انه بيؤمن بدين جديد، أو حتى لا يعتقد، هو حر احنا مالنا، لا هو أذى حد ولا أذى مصر، المفروض خانة الديانه تتشال خالص، لان الخانات في البطايق موجوده علشان تفرق بين الاشخاص في أشياء معينه، فلما يبقى في خانة دين في البطاقه ده معناه ان الدولة بتعامل المسيحي مثلا معاملة غير معاملة المسلم، بالايجاب بالسلب مش مهم، المهم ان مصر بتعامل المصري على اساس معتقداته...
برده لما تتشال خانة الدين من البطاقه، ده مايسمحش للمثليين انهم يظهروا، يعني المثليين موجودين في مصر زي فرنسا، وفي دول أوروبيه منفتحه جدا، ولسه مش معترفه بالمثليين، برده بسبب المحافظه والاخلاق ولانه بيهدد تكاثرهم، ده ملهوش دعوة بالدين.
ومش عشان احنا مسلمين نعمل قيود على كل الاديان التانيه، واحنا مالنا، الدين ده شئ بين الانسان وربه، لا المفروض نتدخل فيه، ولا المفروض نفرق بيننا على اساس الدين.
أنا بلو: الديمقراطية والتقدم لا يأتيان دون منظومة كاملة من الحريات الشخصية والدينية. ماينفعش نقول هناخد ديمقراطية سياسية بس وشوية تقدم بس نفضل عندنا قيود على الحريات الدينية والشخصية. اذا كان طموحنا نكون مثلا زي الهند ماينفعش اتحفظ على الحاجات اللي جعلت منها بلد متقدم
ما اعرفش ليه كان عندى امـل ان القضاء ممكن يحكم للناس دى وتكون ضربه قويه من ضربات الحريه..
لكن الظاهر ان الغباء السياسى وصل للقضاء كمان..
وزى انت ما قولت وكررت مرارا..انا عاوز اعرف فائده واحده لهذا الحكم.. ومش لهذا الحكم فقط..انا عاوز اعرف فائده واحده لخانه الديانه فى البطاقه..
الفائده الوحيده هى التفرقه وعدم المساواه فى جميع المجالات..
انا اعيش فى امريكا منذ ايام ثانوى ..ومعى رخصه وباسبور وبطاقه امريكيه.. لافيهم ديانه ولافيهم وظيفه..
مصري:
يا راجل؟
يعني انت مش اخويا
ههههههه
طب مانا عارف
جرجس:
حلو اوي كلامك
بس انت فتحت موضوع ماكنش ليه لزمة
عاوز تولعها
بس هارد
انا مش مع تسييس الدين رغم ايماني بعدل ديني لسبب واحد فقط
البشر بيغلطوا فما بالك باشباه البشر(احنا اشباه بشر طبقا لنظرية عمر سيزر)الاسلام محفوظ بس المشكلة في تفاسيره الكتيير
كمان المسيحية فيه تفسيرات كتيير
وكل دين وكل طايفة لا تعترف باللي بعدها وبتحاول تشد ناعم مع اللي قبلها فبتعترف بيها
يعني اليهود بهدلوا المسيحيين الاوائل والمسيحيين(مش مسيحيين اوي يعني اللي هم الروم)بهدلوا المسيححين وبعد كده الصليبيين...والصراع بين الاديان او المتدينيين ازلي...لازم نبقي تحت شعار المواطنة...لان مثلا اليهودية فيها نصوص لو احتكمنا ليها يبقي لليهود حق قتل كل من هو ليس هودي(وبلاش ندخل في الاسباب والتاريخ لاني هافحم اي حد يتكلم في الموضوع ده)وفيه اختلافات جزرية بين الاسلام والمسيحيية...وولا انا مؤمن بان دينك هو المسيحية(اقري من غير نرفزة انا مش قصدي اهينك)ولا انت مؤمن بان الاسلام دين سماوي والا كنت اتبعته بحكم انه الاخير...ومن غير تمثيل ماحدش يقدر ينفي اللي باقوله...بس فيه نقاط التقاء بين كل الديانات السماوية والغير سماوية نقدر من خلالها نهدي اللعب ونعمل دستور مشترك...او نعمل زي اللي عملوه الاوربيين علشان يخرجوا من عصور الظلام الوسطي ونفص الدين عن الدولة...والاتنين ممكن ينفعوا...اما اللي بيحصل دلوقتي من بلطجة اتباع الاديان علي اي طايفة مختلفة واجتماعهم علي بهدلة اصحاب الديانات الغير سماوية فهو عيب ولا يرضي بيه اي دين...والكلام ده موجود عندنا بين السنة والشيعة...وعندكوا مابين الكاثوليك والبروتستانت(افتكر المذابح اللي لسه دمها مانشفش من اوربا)وفي اليهودية فيه بس مش لدرجة القتل
بلو:
ازيك يا بلو
انا عاوز اقولك حاجة
اللي بيسيبوا الدين بيسبوه لسببين
اول حاجة عيب في الدعاة(او المبشرين) وعيب في الشيوخ اللي مابيقلوش حاجة غير شكليات الدين...لدرجة ان الاديان مفهومة غلط واللي بيحاول يصحح بيبقي كافر لانه بيعترض علي كلام الشيخ كذا
والسبب التاني هو ضعف في ايمانهم(وهو في اغلب الاحيان مترتب علي السبب الاول)
واللي مش مؤمن بدين يسيبه احسن لانه لو فضل فيه بالعافية هايضروا
يعني المسلمين اللي اتنصروا في الكيلوا الاربعة ونص لو كانوا فضلوا في الاسلام وعملوا حاجة غلط هايتحسبوا علينا
والمسيحيين اللي اسلموا كانوا هايضروا بشكل دينهم لو فضلوا فيه لانهم كانوا هايبقوا مسلمين ومسيحيين بالاسم
وبعدين الدولة بالدين
يعني الهند فيها كمية لغات اكتر من اللي موجودة في باقي اسيا وفيها كمية اعراق وقبائل وديانات لا نتخيل انها في دولة مش في قارة
بس متقدمة
واسرائيل...دين واحد وتعتبر عرق واحد ومتقدمة
(عرق واحد لان اليهودية هي الديانة الوحيدة اللي مالهاش حد يدعوا ليها وماينفعش حد يجي يقول انا مؤمن بيها..مش هايصدقوه...يعني دين بيقل اتباعه)
مصري:
القضاء اللي بينتقده بيتنفخ
وشكلي هاتنفخ قريبا جدا
القمحاوي:
طيب ليه مانشلش خانة الديانة اصلا يا علاء
ايه لزمتها؟
ولا اي حاجة
مصري اللي هو اخويا البض..قصدي الكبير:
انا ماروحتش عملت حاجة ضد الحكم
انا اعترضت عليه
وفيه فرق...الدولة بتخلي القضاة يقولوا اللي عاوزينه وهم يعملوا اللي عاوزينه
يعني مدينهم حرية النباح
بهائي مصري:
ردي عليك زي ردي علي بلو
الاختلاف مش شرط علشان التقدم
ولا الحرية
يعني عندك الصين دولة عظمي بس الانتخابات جوه الحزب مش في الشارع
وعندك اسرائيل دين واحد وعرق واحد ومتقدمة
لكن الحرية بتخلي فيه فرق بين الانسان والالة
المهاجر المصري:
اخد شهادتي واسيبها مخضرة انشاء الله
مش هارف ليه شامم فى موضوع البهائية ليلة مخابراتية ذى اقباط المهجر بالظبط
حتي لو كده المفروض نحتضنهم
افتكر تهجير اليهود من مصر
ساهم في بناء اسرائيل
أتفق مع ريفورمر في مفهومه عن المواطنة التي هي بلا شك أشمل من الدين
أنت قد تكون مسلما في أي مكان ولكنك مواطن في وطن واحد لا يستبدل
الدين اختياري ولك الحق في اعتناق ما شئت أما المواطنة لا اختيار فيها
لذلك فلن يصلح حالنا حتى نجعل المواطنة والتعامل على أساسها هي القيمة الأعلى في مجتمعنا
فنحن بالدرجة الأولى مصريون قبل أن نكون حملة دين معين فالوطن سابق وجوده على الدين في داخلك إن كنت سويا
وبالتالي عند التعامل مع بعضنا البعض كمصريين نتعامل على أساس انتمائنا الوطني لا انتمائنا الديني
هناك نقطة مهمة أحب توضيحها يا عزيزي
أنت تتكلم أن الدستور معطل فلماذا ينفذ الدستور في حالة البهائيين
الحقيقة أن الدستور لا يحدد الأديان التي يجب الاعتراف بها أو غير ذلك وإنما هو يتيح لكل إنسان اعتناق ما شاء وأن يلقى الكل من الدولة معاملة متماثلة لا تفريق فيها على أساس الدين أو اللون أو الأصل أو غير ذلك
لا انا قلت ان حجة القاضي كانت ان الدستور يسمح بالديانات الثلاثة فقط في خانة الديانة
أحمد أنا كنت معدي قلت أمسي و أقولك مبروك الأغنية
أنا بعشق الشيخ إمام و طبعا أغنية بهية و لو غيرت إبقى حط أغنية كلمتين لمصر
لو غيرت ايه بالظبط
انا بافكر احط اغنية اي كلام بتاعة ام تي ام لانها مصدر اسم البلوج
بس صعبانة عليا بهية
المفروض اصلا الديانه ما تتكتبش فى البطاقه
كل واحد حر فى نفسه واعتقاده
وده هايرجعنا تانى للاساس اننا اصلا ما عندناش حريه فطبيعى تظهر كل المشاكل دى
فمضيقش نفسك ومتستغربش اى شىء
لاننا عايشين فى شبه دوله
مسااااااااااااااء الفل يا جميل
موضوع قوي مش حتكلم كتير بس ده اسمه تخلف زي ما انت كاتب كده في اسم البوست
لامتى حنفضل نفرق بين الناس عشان لون ودين
كل انسان حر باختيار عقيدته
ياريت يفكروه في حاجات اكبر من ديه وتحذف خانة التمييز من الهويات
وزي ما قال جرجس الوطن لكل الناس
مش لفئة من دين معين
بس نعمل ايه في التخلف الي مفروض علينا
دعاء القمر:
زي ما محمد قال فوق
الخانات اللي في البطاقة بتبقي علشان التفريق
يعني ذكر وانثي
العناون
تاريخ الميلاد
عازب
اما الدين فمالوش اي لزمة...او ليه لزمة عنصرية في البطاقة
انونيموس:
انت اقل من اني ارد عليك
the first lady "rasha"
هو فيه كلام تاني ادق من تخلف بس انا ملتزم بعدم ايراد الالفاظ الخارجة
احمد براحة متخدش المواضيع افش كدة
لازم تكون طريقتك اهدي من كدة و اكتر حيادية و اقل تعصب
سلام
معلهش اصلي كنت متنرفز لاني اتخانقت مع والدتي في البيت بسبب الموضوع ده
ماتبقي تغير صورتك ديه
هي حلوة بس فيه رجل ابطئ من رجل
عالعموم سالمتك
اخي العزيز؛ المدونون التونسيون يخططون لاضراب عن التدوين احتجاجا على حجب بعض المدونات و ذلك يوم الاثنين المقبل؛ مارأيكم او انضممتم الينا؛ و يكون بذلك يوما عربيا لاحتجاج على الحجب الذي يطال بعض المدونات؛ اذا كنت مهتما بالامر و بامكانك المساعدة في نشر ذلك في المدونات المصرية اتصل بي
ابو اسماعيل:
اللي بيحصل للبهائيين بيحصل للمسيحيين
انا مش متعاطف معاهم علشان بهائيين
علشان اللي بيحصلهم عنصرية
ولعلمك العنصرية ضد المسيحيين حاجة جديدة وبدات بعد الثورة وبالذات في عصر السادات لانه نشر الجماعات الاسلامية
اما البهائيين فمضتهدين من زمااان
لكن زي ماقلتلك انا مش متعاط مع الديانة انا متعاطف مع القضية
ادم:
من عيني
هاحاول
بس هاقولك علي مدونات ممكن تساعدك اكتر لانهم اشهر مني بمراحل وليهم كاريزما بين المدونين
هاتلاقيني حاطت لينكات ل"بنت مصرية"و"لست ادري"وممكن تشوف "منال وعلاء"انا مش باتهرب انا هاساهم بس صعب نعمل حاجة لو انا اللي دعيت
أنا من البداية ضد وضع خانة الديانة فى البطاقة الشخصية
ايام البطاقة اللى كانت معمولة من ورق اللحمة دى وقلنا وماله
بطاقة شكلها متخلف وبياناتها اكثر تخلفا
لكن تتعمل رقم أبصر اية قومى وكمبيوتر وليلة كبيرة وشغل نضيف وبرضة زناخة العقل لسة زى ما هى؟؟
اشمعنا خانة الديانة دى مش موجوةدة الا فى الدول العربية والاسلامية بس؟؟
ايييية الهطل المزمن اللى احنا لسة فيه دة؟
طيب الالفين بهائى دول يعتبروا سواقط قيد ولا لقطاء ولا ملقيين على باب جامع؟؟
يمارسوا مصريتهم ازاى بقاااا وهم رافضين انتماءهم الدينى؟؟
بغض النظر عن المعتقد
دى حرية شخصية
وكان لابد احترام حرية اختيار الافلين شخص دول فى تحديد هويتهم
والا
محدش ينتظر اى انجاز او امتنان من ناس مقموعة ومجبرة على عقيدة ومذهب هى لم تختاره
واياكش تولع
الحكومة مستفادة جدا من الخانة ديه علشان بلدك فيها نسبة المتخلفين في عدد السكان كبيرة
فبيحبوا يوروا الهطل اننا نكافح الكفر
ماتعرفيش ازاي اذا كانوا هم نفسهم كفرة
فاكرة اول لما القضية الطترحت
شوفتي انتي ازاي نواب الاخوان ونواب الحزب الوطني بقوا حبايب
زي ساعة ازمة الحجاب بالظبط
زي الهطل يشغلوهم عن اللي بيحصل بحاجات ولا هاتودي ولا تجيب
يالا
اياكش تخرب
يبقى رجعنا تاني يا عم عربي لأساس المواطنة
عم القاضي استخدم فقرة من دستور 23 عشان يثبت بيها إن الأديان بس هي الأديان السماوية
ده إيه النيلة دي
لأ والأباحة بقى إنه بيقول إن الحكم لا يناقض (خالص مالص) الإعلان الدولي لحقوق الإنسان بتاع حرية الدين والمعتقد فالباشا فسر كلمة الدين هنا أن المقصود بيها الأديان السماوية
إيه الهطل دا
من حق أي حد يبقى على أي دين
سوا سماوي أو أرضي أو بحري
(لو فيه بحري)
ودا ميعطلش كونه مواطنا يتمتع بكافة
بكافة
بكافة
الحقوق التي يكفلها الدستور والقانون لكل مواطن
يبقى اركن بقى أساس الدين (الأحادي طبعا) لبناء المجتمع
وما فيش حل تاني غير المواطنة
وربنا يكرم
ده طلع اهبل فعلا
:)
مساااااااء الخير عليكم جميعا....ياجماعه انا شايفه انكم واخدين الامور بشكل معقد شويه مع احترامى لكل من ابدى رأي...مثلا حكايه الحكم فى عدم كتابه البهائيه كديانه فهو عادل تماما حتى بالنسبه لمعتنقيها لانهم معترفين على حد قولهم بالاسلام وهم طائفه كاى طائفه انبثقت من مسلمين فما المشكله ان يكتب مسلم ويعتنق افكاره التى يراها والا كل يوم هنلاقى فرقه او طائفه جديده عاوزه تنضاف لحد لما الموضوع يتحول لعنصريه وطوائف بجد
ثانيا:موضوع كتابه الديانه فى البطاقه انا شايفه انها مفيهاش حاجه لو ان كل انسان عامل الاخر على انه انسان زيه وعامله بعدل مهما كانت الديانه وكلنا فى مصر لينا اصدقاء وجيران بديانه مختلفه ونعرف ذلك تماما ونعمل بعضنا بكل ود واكيد كلنا قرينا عن عمر بن العاص وسماحته مع المسيحين الذين شهدوا له بالعداله ايضا وكيف تعاملو معه هم ايضا بسماحه معه ....لكن اكيد ان ديانه الانسان تكون محدده ليها لزمه
لان البطاقه الشخصيه بطاقه تحديدهويه وما هى هويه الانسان بغير ديانه
ياجماعه الاساااااس هو الخلق الحسن والتسامح مع الاخرين والتعامل مع الاخر باحترام لانسانيته كما فعل الرسول الكريم محمد عندما وقف لمرور جنازه يهودي وقال انها نفس لها حرمتها
هو انتي الانونيموس بتاعة جحا؟
يا ستي هم بيقولوا انهم ديانة سماوية وانهم معترفين بالديانات السابقة
انتي فاهمة الموضوع غلط
يعني انا مسلم ومعترف بالمسيحية يبقي الاسلام طايفة منبثقة من المسيحية؟
وبعدين هم لو ماتكتبوش بهائيين ولو ظهرت طوائف واديان كتير وماتكتبوش ده هايمنع وجودهم؟بالعكس ده هايمنع مشاكل كتير زي الراجل اللي اكتشف ان جوز بنته بهائي لما اتجوزوا علي انهم مسلمين تبقي البنت زنت ودينها غاضب عليها والراجل برضو زنا بالنسبة لدينه
ولو حد من البهائيين عمل مشاكل مش هايتقال مسلم؟
خليكي منصفة انتي لو في امريكا مثلا تحبي تتكتبي مسيحية او يهودية او اي دين تاني؟
ثاني فقرة عندك متناقضة مع اول فقرة لو شيلنا اخر سطر
انتي بتقولي ليها لزمة
طيب مش ديه حاجة نسبية وتختلف من راي لتاني؟
يعني مثلا لو البوذيين شايفين الاسلام مالوش لازمة يبقي يدونا بالجزمة مادمنا اقلية في الصين؟
تالت فقرة متناقضة جدا
هم بيقولوا احنا مش مسلمين يبقي نكتبهم بهائيين علشان نعرف بقوا اد ايه لما احنا شايفيين انهم مرتدين او كانوا مسلمين وبلاش مرتدين ديه لان الديانة ديه قديمة جدا
يبقي نسميهم مسلمين بالعافية ولا نعرف ايه اخطاء شيوخنا ودعاتنا ونفس الحكاية عند المسيحيين ونعرف ايه الاخطاء ونبطل نخوف الناس من الدين ونبطل خطب الجمعة اللي كلها تخويف ورعب وعذاب القبر وكده؟
الدين عند المسلمين فسد(مش الاسلام هو اللي فسد)بس فهمنا ليه فسد وده يهدد باندثار الاديان