بي اس:فيه الفاظ خارجة في البوست ده
يا مبارك يا مفلسنا قول بتعمل ايه بفلوسنا
اديها حرية كمان اديها
عادلي بيه عادلي بيه كلابك هنا بيعملوا ايه
كفاية كفاية كفاية كل ظالم له نهاية
ومش فاكر تاني
اتفقت مع ابن عمي اننا نروح المظاهرة مع بعض...وكلمته الساعة واحدة طلع لسه نايم
نزلت من البيت وركبت اصغر ميكروباص في العالم...تعرفوا عربية السوبر ماركت ديه...واحد عامله ميكروباص...وصلت للكنبة اللي ورا مش موطي...لا زاحف
اه والله زحفت علي ايدي ورجلي ومش عارف تكيفت ازاي مع القعدة ولاول مره في حياتي اقتنع ان الانسان ممكن يتشكل علي اي شكل...انا بقه اتشكلت علي شكل الكورة
المهم وصلنا المظاهرة علي حوالي 2 وتلت...قعدت اهتف بتاع نص ساعة وبعدين الناس سخنت...قعدنا نزق في الحواجز الحديد وبعدين رفعناها والعساكر كانوا مشتتين لان البيه الظابط كان بعيد...وبعدين رفعناها وبدانا نقلبها..فيه واحد اتزنق بين الحديد وعمود نور صغير كده وبدا يصرخ...انا كنت جانه لزق..شلت عنه الحديد...وبعدين فيه حد اهبل بدا يضرب في ايد العساكر فالعساكر سخنوا وبدوا يضربوا...انا كنت شايل الحديد بايدي وسانده بركبتي...ولما بدا الضرب كله بعد وبقيت انا واللي جانبي(او انا مابقتش شايف حاجة)شايلين الحديد وفيه عسكري اهبل قال ازنقوهم وبقيت انا لوحدي لازق في العساكر والباقي شايل وفاجئة الحديد بقه عند صدري وزنقوني بيه بين شجرة وعمود وبعدين بقه فوق راسي وفيه صوت حد من المدونين بيقول..سيبوا الواد
وعسكري بيقول..ابعد يابن المتناكة يا خول(اسف عالشتيمة بس انا باحكي)راح حد من المدونين بدا يديله محاضره ويقوله انت اللي خول احنا بنتظاهر علشانكوا...ده كله والحديد لسه زانقني...وبعدين الناس بدات تزق والعساكر بتضربني...في اللحظة ديه بدات اشوف بعد ماكنت مش شايف غير الرجلين(راسي كانت مضغوطة ناحية الارض)واتجننت...احه احه احه احه وضربت عسكري وبعد شوية لقيت ايدي مجروحة وطلعت وروحت وقفت جنب ابن عمي...وبعدين شفت مالك سالته علي عمر سيزر...قلتله هو فين عمر قيصر...ضحك وقالي عمر سيزر هاتلاقيه لابس نضاره وحاجة تانية كده...قلتله وايه...قالي تاني ومسمعتوش وبعدين شاورلي عليه...رحت سلمت عليه ووقفت في موقع استراتيجي منه قدرت اشوف حتة مزة بتاعة قناة او برنامج اسمه(50 حقيقة)...ولا انا...عمري ماسمعت عنها....بس انا اول ماشوفتها تنحت تتنيحة انقح من تتنيحة العساكر
وشوفت محمد عبد القدوس اللي وقع لوحده علي الارض والناس اللي جت تمدله ايدهم قالولوا استني ونادوا علي القنوات تصور
اكتر حاجة دايقتني لما شدوا احمد فؤاد نجم من علي السلم...قعدنا نهتف شوية وكنت متحمس جدا مع ان كان فيه ناس بتهرج...وفيه واحد وقف يهتف وشرقاوي ضحك واقطعه قام الراجل زهق وقعد يقول بس ياله...المهم هدينا الحوار وبعد شوية كله تعب وكنا عاوزين نروح بس مارضيوش وجم بلطجية الداخلية بس وقفوا الناحية التانية وحبه منهم راحوا ناحية دار القضاء العالي(احنا كنا عند نقابة الصحفيين)وبعدين فيه راجل كده شكله تبعد جريدة الاسبوع(شبه مصطفي بكري) وقعدي يزعق لما محمد عبد القدوس وناس تانية قالت للظباط لو ماخرجتواناش هانقلبها اعتصام...وبدا يشتم ويعلي صوته زي الناس بتوع الاسبوع وكل واحد يجي يحوشه يقوم شاتمه...والناس قعدت تضحك عليه...وبعدين نزل يتخانق مع العساكر وضرب وكراسي بلاستك(ماكنتش شايف اوي من العساكر لاني كنت خرجت في الوقت ده)وبعدين الناس دخلوه النقابة وخرج يزعق انتوا مش عايزيين تخرجوني ليه انا عايز كلب ابن ستين كلب يجي يكلمني هنا والناس والظباط والعساكر بيضحكوا عليه
المظاهرة كانت حلوة اوي بس المشكلة ان المتظاهرين ماكنوش في حته واحدة يعني كان فيه بتاع مية قدام نقابة الصحفيين وشوية قدام نقابة المحامين والاكتر قدام دار القضاء العالي وبيقولي كان فيه حبه في ميدان التحرير
انا كتبت بسرعة اول مارجعت وكلت علشان مانساش علشان كده مشتت شوية
عربي أخبارك إيه يا عم يا عم ع النضال بقول لك إيه أنا ماكنتش هناك النهاردة عشان عندي إمتحان بكرة بس خد دي
حسني مبارك و و السنيورة
دول رجالة بأرادة مكسورة
بوش الصل و هما الصورة
العمالة مش شطارة
الخيانة مش شطارة
راح نقولها في كل مكان
مصر جيللك يالبنان
و دي
شعب مصر شعب شجاع
عمره مايجي بلوي دراع
عشان تعرف أنا كنت هناك بقلبي
و المرة الجاية السلام أمانة لعمك كمال خليل
معلش تاني يا عربي ( مش عارف ليه يا أخي مقتنع إن إسمك علي كل مل آجي أكتب عربي تطلع معايا علي )
أسلوبك حلو أوي في الحكايات خصوصا الحتة بتاعة
وبعدين فيه راجل كده شكله تبعد جريدة الاسبوع(شبه مصطفي بكري) وقعدي يزعق لما محمد عبد القدوس وناس تانية قالت للظباط لو ماخرجتواناش هانقلبها اعتصام...وبدا يشتم ويعلي صوته زي الناس بتوع الاسبوع وكل واحد يجي يحوشه يقوم شاتمه...والناس قعدت تضحك
بجد فعلا بتوع الأسبوع حنجوريين أوي
هي المظاهرة كانت علشان ايه ؟
ها و بعدين الاميرة اتجوزت الامير و عاشوا فى تبات و نبات و خلفوا صبيان و جمال صح ؟؟
اية يا احمد انا ابن عمك اللى اتصلت بيا ولقتنى لسه نايم بس جيت معاك واية حكاية رحت وقفت جمب ابن عمى هو انا كنت واقف على البحر مانا كنت معاك وانا على فكرة كنت من اشد المعارضين للاعتصام لانى لسه مفطرتش
انا مش فاهمه حاجه .. انت ايه اللى جابك عند الحديد وكنت شايله ليه ..انت اللى غلطان بقى ده وقته ده تشيل حديد مش قلنا الحديد تخليه للجم بس
وعموما الحمد لله انك رجعت بالسلامه
عربى
عود أحمد
للأسف مقدرتش أجى المظاهرة
بس شكلها كانت حلوة و قوية
انا عمرى ما حضرت مظاهرة حصل فيها احتكاك حقيقى مع العساكر و ضرب و كده
____________________
المهم المظاهرة كانت علشان ايه و للا عادى كده يعنى
و هل وصلتوا لحاجة بعدها يعنى كنتو طالبين حاجة حد سمعكم و للا ايه النظام
____________________
على فكرة نصيحة لما تروح مظاهرة تانى
ابقى ارجع و كل الاول و رتب افكارك علشان انا دوخت معاك
__________________
بس ميرسى ع الاهتمام انك تحكيلنا
_____________
ربنا يجعل النصر قريب
مصري:
ولما انت كده ماكنتش موجود يبقي مين اللي كان موجود
دول بالعين عشروميت زور
ههه
احمد شكير:
اسمك صح كده؟
كانت احتفالا بمرور عامين علي انطلاق كفاية
جيمي:
مش فاهم
بتشكك في روايتي
انا كلامي موثق
ههه
القمحاوي:
انت واقف جنب جورج اسحق وصورتك ملت القنوات يا عم
انا اللي كنت باتخانق مع العساكر وكان شعري باين من الشجرة والباقي متخبي
دعاء:
ماتغيري اسمك ماينفعش اقولك يا تهييس
انتي هاتسيحيلي بقه ولا ايه؟
يا بنتي كانوا حابسينا وكنا عاوزيين ننضم للي عند نادي القضاة
ياسميين:
كان نفسي اشوفك
اصلي راسملك صوره في دماغي
ياللا خيرها في غيرها
يا بنتي كانت ذكري كفاية
سؤالين مهمين جدا
الاول
مين الي مع مين
ثانيا
ايه اللي جاب القلعه جنب البحر
انا حاولت افهم بس كل اللي فهمته تقريبا ان كان في مظاهرة وضرب وحديد
وبعدين سببها ايه
عامة عود احمد وعبد الحميد
بس ابقي ركز المرة الجاية وابقي قول الافكار بالترتيب كدة
انا اول مره ادخل مدونتك يا عم عربي
بصراحه رأي جريء و جميل
اليومين دول في حركه غريبه في المدونات او يمكن انا ملاحظتهاش قبل كده .. انما في حركه صراحه جامده اوي .. وبصراحه عجبتني .. لان فيها شجاعه جديده
عموما دي شهاده منك محدش يقدر يشكك فيها لكن البوست ده والبوست اللي قبليه هيقلب عليك ناس كتير لكن عموما .. صراحتك و كونك بتقول الحق يدعمك و يخلي الناس تحترمك
ربنا معاك انشاء الله
ايبي:
ماقلتلك الاستفادة اني شفت المذيعة بتاعة القناة اللي عمري ماسمعت عنها
سمراء النيل:
ممكن اسالك سؤال
ليه كل شوية حد يقولي عود احمد
زانجولا:
منور يا باشا
البوست اللي فات كفيل باقامة الحد عليا
حد ايه ماعرفش
هو فيه حد لاهانة المرشد؟
ههه
بص يا احمد
قول لعموا ضرورى يقرأ المدونه بتاعتى ويقولى ايه رأيه وسلملى عليه كتير وعلى مى وماما ومحمد وبوسلى نفسك على ما اشوفك
ماشى يا قمر
دعاء بنت عمك لو كنت نسيتنى
عربي حبيب قلبي بقى يروح مظاهرات
اولا حمد الله على السلامة وحشتني جدا
انا مش بعلق عشان مش عندي نت في البيت وعشان بحبك قررت اخذ بريك من الشغل شوية واعلق
خد بالك من نفسك المرة الجاية انا معنديش غير عربي واحد بس
:)
يا رئيس المستقبل
دعاء:
لو فيها بوس مش هاقوله
مش عارفة ان اللي تحتك ديه خطيبتي
ههه
رشا:
هاخلي بالي من نفسي يا"فيرست ليدي"المستقبل
:)
صحيح يا عربي هي الألفاظ خارجة رايحة فين
:)
متآخذنيش أصل عندي ميكروويفز
ازيك يا عم احمد قصدى عربى
ممنووووع الالش
لو سمحت
ممنوع الالش
ربنا يقف معاكم ياشباب ولا يهمكم مهما حصل متيأسوش متخافوش زينا وتقعدوا زى الفران فى بيوتكوا تتفرجوا على التلفزيون وتمصمصوا شفايفكوا
أعملوا زى ما صلاح عبد الصبور قال "ثوروا أو موتوا"وللأسف فأحنا متنا وياريت متبقوش زيينا
الغريب
من كلامك ومن كلام من حضروا أتأكد من نظريتي التي كونتها في هذه الأيام التشاؤمية بنت الوسخة وهي أن ظاهرات كفاية التي كانت تهز مصر ولا بالغ إن قلت العالم لم تعد سوى تأدية واجب وتحصيل حاصل وفقدت رونقها أهميتها وصخبها والضجيج الذي كان يصحبها دوما
ذلك أنه لم يعد هناك دعم اخلي لها ولا خارجي وأطلق النظام يده عليهم بعد أن كان اعتقال فرد من كفاية يزلزل الأمن
الغريب:
ردي مكتوب في صورتي
ثورة حتي النصر
مزمز:
كفاية باظت بسبب التكتلات الحزبية
يعني افتكر اني السنة اللي فاتت كنت في المظاهرة بتاعة معرض الكتاب
وباظت بسبب ان بتوع الغد قعدوا يهتفوا لايمن نور والباقين مشيوا
اللي ممكن يرجعها تاني هو تغيير الوجوه القديمة وطرد اي حد يحاول يحول المظاهرة لانتمائه السياسي وتثبيت الشعارات اللي تتقال
وكمان الدعوة للانتقال بين المحافظات(بس ديه عاوزة شوية قلب)
عربى
اولا بعد قراءة البوست
مش ناوية اجى اجامل واقول حلو و جميل
هقول الايجاب والسلب
الايجاب انك تكون عندك المقدرة والشجاعة انك تنزل مظاهرة وانت عارف عواقبها لكن الرغبة فى الاعتراض قمت بتحقيقها
فور عودتك سجلت مباشرة الاحداث حتى لا تفقد اى جزء منها
التصوير التليفزيونى المتعمد لاظهار الحدث بصورة ما تخالف الواقع امر مقزز وذكر الحقيقة بدون تجميل شىء يستحق التقدير
الجزء السلبى
افترض اثناء كتابتك البوست ان الكثير من المدونين لا يعرفون شيئا عن المظاهرة لذا لزم توضيح المظاهرة والهدف منها
من وصف المظاهرة واضح عدم التنظيم لا فى المكان ولا الشكل
اللجوء الى الهجوم من بعض الافراد اعطى فرصة لرد فعل عنيف
فى الاجمال ما زلنا لا نعرف كيف نتظاهر رغم كل هذه السنين وهذا امر مؤسف
شكرا على البوست
تحياتى ايها المناضل الصغير سنا الكبير فكرا
توتا:
منورة يا قمر
انا بجد فرحان بنقدك اكتر من اي حد بيدخل يجاملني
انا كنت لسه عاوز اكتب بوست عن المجاملة في اي حاجة حتي لو كانت قرف
بس اصلا انا كنت باكتب وانا باتعرش من البرد لاني سخنت في المظاهرة جدا وبعدين طلعت في البرد
وهدومي اتقطعت واضربت
كمان ديه اول مره احكي فيها عن حاجة زي ديه فمشتت شوية
بس انشاء الله اتحسن شوية
اقولك بقي الناس بتقولك عود احمد ليه
فاكر من كام سنة فاتوا لما رحت للواد احمد وكسرتلوا العود بتاعو تقريبا الناس بتفكرك بيه عشان تدفع اللي عليك
ههههههههههههه
لا بجد ليه
عربى..
شرف ليا انك سلمت عليا بجد أيدى بترتجف من وقتها ، مش مصدق نفسى أنك سلمت عليا بس المفروض كنت تقولى " انا عربى بتاع المدونات " عموماً مبسوط انى شفتك وهشوفك اكيد تانى ..
أعلق على موضوع البذاءات دى اللى انت قلت عليها وسميتها الفاظ خارجه .. للأسف هى مخرجتش وقضت الليلة معايا انا .. انت عارف بقى انها متقدرش تقاوم سحر عيونى .. :P
عموماً انا عاوز اقولك بقى واعلق على موضوع الاستفاده من المظاهرة اللى انت استفادتها وهدف المظاهرة للمدعو احمد شقير والحاجات التانية .
اولاً: أستفادتك فى المظاهرة كانت لما شفت المذيعة " المزة " بوصفك بتاعة برنامج خمسين دقيقة وده برنامج فى قناة otv بتاعة ساويرس ربنا يكرمه ويكرمك لحد ما تبقى زية كده ..
كده انا عرفت ذوقك يا عربى ولو سمحت اوعى اشوفك بتعاكس على الويب خالص عشان ذوقك مش ولابد يعنى .
مظاهرة كفاية مش كانت بس عشان مرور سنتين هى اتعملت فى نفس اليوم بتاع المظاهرة الاولى لقوى التغيير فى مصر وكانت الحركة المصرية من اجل التغيير "كفايه" والحملة الشعبية من أجل التغيير " الحرية الان" وبعض النشطاء والحقوقيين ..
وكانت المظاهرة لاستعادة الشارع بعد سلسلة الهجمات الامنية على النشطاء ومحاصرتنا تانى فى نفس المكان وتفريق مظاهراتنا قبل بدايتها ..
وكانت لأعلام مبارك اننا لن ننسى ضحايا المصريين فى الانتخابات الاخيرة البرلمانية اقصد ،
ثانياً بقى وده الاهم .. انت عملت ده كله .. مش بشكك فى كلام الحديد واضح انك شلته كله ومسبتش حاجه للغاضبين الاخرين بس مش مهم يعنى ابقى افتكر تخلى حد يشيل الحديد معك .
اشوفك مرة كمان
كمان بقى فيه حاجه انا اتبضنت جداً من الهتافات بتاعة اليوم لانها كالعاده بتخرج عن هدف اليوم يعنى دين ام هتافات السنيورة .. واحنا مالنا .. انا مثلاً مبحبش حسن نصر الله يبقى امشى من المظاهرة ولا اهتف هتافات بتجمع الناس ..
انت بجد اسلوبك جميييييل فى الوصف انا مش بجاملك والله انا صادقه فى انى معجبه باسلوبك فى الوصف للاشياء وبتخلى اللى يقرا اللى انت كاتبه يحس انه كان فى الموقف معاك وكمان عندك خفه دم فظيعه فى انك تتنقل اللى بيقرامن حاله كرب تخلى الواحد يكتئب الى حاله من الابتسام فى لحظه
بجد نفس اعرف انت دراستك ايه؟
ولو فى المجال الخاص بالاعلام او الادب والكتابه بجد حاول توصل انت موهوب بس متغوطش فى طريقتك التي تكون احيانا حاده الالفاظ لانك ممكن تجرح بكلامك ناس بسيطه
امضاء : الحااااااااالمه
عربى طريقتك فى التعبير كويسة بس انتى شايف ان المظاهرات ديه هتعمل حاجة لو انتى متاكد ابقى قولى المظاهرة الجاية امتى وانا هاجى ومتخافش مش هخلى بتوع الشرطة يضربوا فيك