تعتيم



باتغاظ اوي من الاعلانات الحكومية القطرية اللي بتطلع في الجزيرة
من امثال: كافكوا...حضارة وتقدم..و:تأمل دولة قطر في ان تصبح المصدر الاول للغاز المسال ويساعدها في ذلك موقعها الاستراتيجي :)
يانهار ابيض...بقي قطر بقي ليها حضارة وتاريخ...وموقعها استراتيجي...ده موقع الصومال اجمد منها...كمان ساعة حرب لبنان ضخموا اوي الدور القطري...قلت لابويا قالي عادي...اصل قطر ديه دولة صغيرة ممكن تعتبرها مش موجودة(نيجليكتد)
برضه فيه اعلان لبرنامج بمناسبة اليوبيل الفضي....فيه واحد بيقول انا الجزيرة علي الحياد مع انها جنب قاعدة امريكية...وده شيء كويس..بس اللي مش كويس ان فيه تعتيم غريب علي خبر اعلان الدولة الاسلامية في الرمادي..نفس التعتيم اللي حصل علي احداث وسط البلد...الخبر ده جه من حوالي اسبوعين في "منتصف اليوم"ومن ساعتها ماتزاعش...لحد امبارح في"حصاد اليوم"كان فيه تقرير بيتكلم عن الحوادث في العراق...كان فيه "مقتل جندي امريكي في الرمادي"وبدؤا يفكروا الناس بالولاية الاسلامية المعلنة في الرمادي...وبثوا صور ناس من مجلس شوري المجاهدين(جزء منها القاعدة)ماشيين في الشوارع والناس بتهلل ومافيش صرصار امريكي...وفاجئة البث انقطع والشاشة اسودت وقالوا بعد الفاصل وكتموا علي الخبر..
السؤال:ايه المشكلة اللي حصلت..هل النايل سات قطع البث(زي ما قطعوا قبل كده علي الحرة لما زاعت الاسماء بتاعة التغييرالوزاري)...ولا ادارة القناة(قطرية)هي اللي قطعت...وفي الحلتين ليه...لحد دلوقتي مش عارف






بي اس: انا كنت كاتب بوست اهبل...كنت باحكم علي الحاجات من ظاهرها...بس بعد ما قريت بوست بلو..قلت ماينفعش اتكلم في الموضوع بعد كده...لان بلو قالت كل الكلام اللي ينفع يتقال

12 comments:

  1. tota said...

    العزيز عربى
    فى اول زيارة لمدونتك ولكن لا انكر انى متابعة طبعا لكل تعليقاتك
    لا يفوتنى ان اذكر انك نموذج ومثال اعتبره اكثر من رائع لشاب فى مثل سنك يحمل وعى وجرأة وثقافة لا اراها محدودة

    قطر كدولة عربية صغيرة المساحة معدومة التاريخ غنية بالبترول ووجود قناه ذات شعبية ومصداقية لدى الكثيرين مثل قناه الجزيرة بالمقارنة لبلد مثل مصر واسعة المساحة وموقع جغرافى واستراتيجى هائل وتاريخ يمتد لالاف السنين وقنواة تليفزيونية هشة

    متصورة فى وقتنا هذا لمن تكون الكفة الاثقل
    المال والميديا ام الحضارة والفقر واللا ميديا ؟

    الرمادي عاصمة محافظة الانبارواعلان الدولة الاسلامة التى سوف تشمل على كل المناطق السنية فى العراق وسوف يطبقون الشريعة الاسلامية
    ووصل هذا البيان الى رويتر

    قطع الارسال فى هذه الحالة اظنه غير متعمد طيب ما تراجع تلفزيونك وتأكد ان كان منتمى لاى تنظيم الاول ؟

    مش متصورة انك هتكتب بوست اهبل لانك عندك تقييم جيد

    اعتبر كلام المجاملة ده بس واجب اول زيارة وما تتعودش على كده

    تحياتى  

  2. 3rby said...

    شكرا ليكي يا توتة واهلا وسهلا
    وشرفتي"اي كلام":)
    بصي حكاية التعتيم ديه بتحصل لما الحكاية هاتدايق الامير اللي بيمول القناة...وده مش كويس...يعني لما يحسسونا ان قطر ديه فنزويلا(في الديمقراطية)يبقي ايه؟
    كانوا لسه جايبين ندوة في قطر علي الجزيرة مباشر...بتهاجم الانظمة العربية...انا اتدايقت...اصل مهما كان حسني مبارك ده برقبة ميت خليجي...شفتي انتي ساعة لما البرلمان الكويتي عمل اول استجواب لرئيس الوزراء في التاريخ(ياما اخو الامير او ابن عمه)راح الامير حالل المجلس...ودول ماتكلموش ولا فتحوا بقهم
    لو بس يبقي فيه قناة(لحد دلوقتي مافيش)يبقي عندها اكتفاء زاتي وتبقي علي ارض لا تتبع للبلد اللي هي فيها(زي السفارات)كان الحال بقي غير الحال
    وجعت دماغك...سيبك انتي  

  3. Hafsa said...

    شوف يا سيدي انا بحب كل تدويناتك لكن ليا تعليق

    فيها ايه لما تكون بلد صغيرة
    و بتحاول تعمل حاجة مش احسن من لو فضلو يبرطعوا بالفلوس من غير ما تقوملهموم اي نوع من انواع القيامة؟
    حقلك انا بقول الكلام ده ليه عشان انا مش بحب اخبي اي دوافع
    انا نصي مصري و نصي فلسطيني
    مصر مرضيتش تديني الجنسية وقت لما كنت انا محتجاها و ده ليه بقي؟
    بحجة انه لو حصلت حرب انا و اخويا حنقف في صف مين!! شفت المصيبة يعني هما بيفكروا في احتمالية ان حرب تقوم بين مصر و فلسطين فخافوا مني و من اخويا
    طبعا ماكنش ينفع ناخد اي جنسية فلسطينية لاسباب و تعقيدات كثيرة
    المهم كانت النتيجة ان بلد زي قطر منحتني جنسيتة و مش بس لوحدي لا لعدد كبير من عيلتي
    فانا احب اعترف بالفضل عشان ربنا ميزيلش النعمة من ايدي
    ربنا ما يكتب علي حد انه يقعد من غير هوية او انه يكون متشحطط بين الدول السافلة العربية
    اما بقي حكاية الديموقراطية و قطع الخبر فحقلك ايه؟
    يعن هي محصلتش مع النظام المصري المصون مثلا؟ ده اذا كانوا اساسا بيجيبوا اخبار من اصلة؟
    و كمان معجبتنيش حكاية ان مبارك برقبة ميت خليجي دي لان اذا انت مقتنع انه ديكتاتور او ظالم يبقي تفضل ماسك فيه هذه النظرة لان الظالم لا يتغير حاله او يصبح افضل اذا اتقارن بغيره
    يعني مينفعش تقلي ان هتلر اه صحيح كان منيل بنيلة لكن مقارنة ببوش فهو كويس
    لا
    الاتنين ولاد كلب
    و كمان يعني من دولة عندها قاعدة امريكية لدولة عندها جيش بقي زي خيال ماته يا قلبي لا تحزن
    و زي ما المثل بيقول
    لا تعايرني و لا اعايرك الهم طايلني و طايلك

    ارجو انك متتاثرش بكلامي وانا عارفة انك لارج بس حبيت اوريلك وجهة نظر من زاوية مختلفة و بس
    متشكرة اوي  

  4. 3rby said...

    لا يا ستي علي ايه...ولا هازعل ولا حاجة
    اول حاجة انا اصلا مولود في قطر وعيشت فيها لحد اربع سنين...بس استسلام الشعب للحكم الملكي بيستفزني...وبيستفزني اكتر لما يمدحوه...بس عندك حق ان مافيش حد احسن من حد
    علي فكرة انا قلت ان الارسال اتقطع عن الحرة مرة لما جابت اخبار عن التغيير الوزاري اللي شالوا فيه يوسف والي وصفوت الشريف...عالعموم انا عارف اني عنصري في الحكاية ديه...انا باكره كل الخليجيين با اثتسناء...من اول لهجتهم لحد استسلامهم(انتي فلسطينية)
    ثانيا انا باتشرف بزيارتك ديه...علي فكرة انا مش لوحدي في البلوج...معايا صاحبي منجي...هاتلاقي الموضوع مكتوب في اخره(بوستد باي عربي او بوستد باي منجي)
    وشرفتي يا مناضلة وربنا معاكوا ان شاء الله  

  5. Hafsa said...

    متشكرة لكلامك يا عربي
    و انا مش مناضلة و لا حاجة انا بس يدوبك بتكلم و مش عارفة اعم لحاجة لكن انا برضة فهمت انت بتتكلم من انهي وجهة نظر لكن الطريقة اللي قامت بيها الدول الخليجية مينفعش معاها غير انهم يكونوا حكم ملكي او اميري و ده لاسباب كتيرة
    المهم اشكرك لترحيبك بيا و ارجو انك تشرفني في بلوجي
    تحياتي  

  6. 3rby said...

    انا سيبت كومنت علي الشعر اللي مش عارفة مين اللي كاتبه  

  7. Hafsa said...

    سلام يا عربي
    ملقيتش حاجة عندي في اي بوست و اساسا حاسة ان عندي مشكلة في التعليقات
    اعتقد انها مش بتبان و الله اعلم
    يا تري تقدر تساعدني يا خويا
    متشكرة مقدما
    تحياتي  

  8. shady said...

    عارف المثل اللى بيقولك القوالب نامت والأنصاص قامت
    اهو ده يمشى على قطر الشكيكة المهم يعنى العيبة لما تطلع من دولة صغيرة ذى قطر ما يحصلش حاجة لكن الخيانة والعيبة لما بتيجى من الكبير دى الكارثة
    عرفت ياسيدى الكارثة فين؟  

  9. شــهــروزة said...

    يا ابنى قطر دى هى والكويت حتة كشك كدة مرمى وملقح فى اخر طرف الوطن العربى
    بس كل واحد يا ابنى وفلوسه
    دول اشتروا حضارة والقاب
    مصنعوش حاجة
    انا كمان كل ما باسمع كلمة حضارة وتقدم دى اقعد افر كدة فى الورق اللى فى دماغى انى الاقى مجرد ذكر عابر لقطر دى او الكويت فى اى عصر من العصور التاريخية
    مألاقيش
    فى الاخر افتكر و افوق زى اللى كان فى غيبوبة
    انه كله بيتشرى بالمال
    حضارة قال

    دول اخرهم شوية بترول يشربوهم على اللبن الصبح كل يوم
    مش حقد ولا حاجة ولا تسفيه
    لكن باستعجب من احوال الزمن
    وتقلباته
    بقا الناس اللى محدش يعرف لها اصل من فصل تبقا بتاعت حضارة وتقدم ومكتسحة الفضاء والستالايت حوالينا
    واحنا محلك سر
    ------
    والنبى تسكت يا عربى احسن الواحد مكتوم بالعافية  

  10. 3rby said...

    هفسا..اسمك صعب اوي:)
    انا دخلت الاكونت بتاعي مخصوص علشان اقلك
    بصي يا ستي
    اول ما تدخلي هاتلاقي داشبورد
    تدخلي منه علي سيتنجس
    وبعدين كومنتس
    تعملي نو علي"موديريت كومنتس"لو عاوزاها تنزل علي طول زي عندنا
    اما لو عاوزة تقريها قبل ما تنزل(وده اللي انتي عاملاه دلوقتي بتختاري"يس"
    وعلشان تقريها قبل ما تتنشر بتدخلي "بوستينج"
    وبعدين موديريت كومنتس


    شادي:والله انا اتشرف ان موزامبيق تبقي شكيكة اكتر من قطر


    شهروزة:اخيرا
    ليكي واحشة
    احنا عاملين دلوقتي زي الاسد اللي نايم
    فاتقوم الكلاب تحكم  

  11. Hafsa said...

    يا عربي اسمي حفصة مسمعتش عن الاسم ده ابدا؟؟؟؟
    علي العموم انا متشكرة علي مساعدتك
    تحياتي  

  12. 3rby said...

    i´m so sorry
    did it work?