الاسبوع الماضي قرأت مقال ابي الاسبوعي في جريدة القدس العربي والذي يتحدث فيه عن المشروع النووي المصري وكيف ان دولة لا تستطيع منع حوادث القطرات تأمل في السيطرة علي أكثر من مفاعل نووي...لم يشدني المقال بقدر ما استفزني تعليق كتبه أحد القراء...يتسائل فيه عن سر كتابة ابي دائما ضد السلطة المصرية...ويقول لابد من ان هناك افراد من الصفوة يعملون لاجل رفعة مصر...يعتبر الصفوة المصرية هي السلطة ومن حولها من لصوص!
كما يتسائل عن سبب تركيز الجريدة علي عيوب النظام المصري وعدم اظهارها لمميزاته!
الا يجب اظهار العيوب حتي تصلح؟
من الواضح انه لا يعيش داخل مصر...ويتحدث عن الوضع المصري بناء علي مشاهدته للقنوات المصرية الرسمية;لذا فقد قررت ان ارد عليه في تعليق ولكنه لم ينشر وبالتالي فسأنشره هنا.

في كل بلاد العالم هناك مؤشرات تدل علي حالة الشارع...هذه المؤشرات تدل علي الحالة السياسية والاجتماعية والثقافية والذوقية...فمثلا منذ اكثر من عقد انتشرت الواجهات..او لنقل المباني الزجاجية في الغرب...بحيث يستطيع المرء رؤية جاره وهو ياكل ويشرب وينام;وهذا الشكل من المباني يدل علي ان هذا العصر هو عصر الشفافية والدمقراطية..وبالطبع هذا الطراز من المباني لم نشهده في مصر بالشكل الكافي ولكنها ظهرت مع بعض التظليل علي الزجاج.
اما شكل المباني في مصر فمنذ اكثر من عقدين وهي تتطور الي الأسوء..ففي البداية ظهرت الشرفات المستطيلة...ضيقة ولكنها طويلة...تماما كعنبر السجن...فمصر كلها كانت مسجونة في عنبر كبير.
ثم ظهرت الشرفات الصغيرة جدا..بنفس حجم الزنزانة الصغيرةالتي تكفي للقليل...وهذا يعبر عن الحبس الانفرادي لاقطاب الشريفة في مصر"كفاية"-"الاخوان المسلمون" وبعض المستقلين...ثم ظهرت الشرفات المتناهية الصغر بحيث تعتبر "منشر" ...وهذا يعبر عن الحبس الانفرادي ل"كفاية" بعد ان افرج عن الاخوان بضمان ضرب مصر بالجزمة!.
اما بالنسبة لمباني النقابات المدنية فحدث ولا حرج...مثل نقابة المحامين وسورها الذي يشبه قضبان السجن..ونقابة الصحفيين وعمودها المربع الذي يمثل العمارة الصلبة والتي لا تتلائم مع مؤسسة مدنية.. بل هي انسب لمؤسسة عسكرية.
لهذا خمنت بان هذا الذي علق قد كتب من خارج مصر..علي اساس مشاهدته للقنوات المصرية التي لا تظهر في مصر سوي"الكورنيش"وما حوله من ابراج زجاجية...والنيل وما داخله من بواخر...فلا تظهر"شبرا"او"الحرفيين"ولا تظهر المراكب الصغيرة ومن داخلها من مواطنين يتضورون جوعا.

ولكن بالطبع مازال هناك امل في الاصلاح!
فمنذ اقل من عام ظهرت المباني التي تشبه المباني القديمة المنتشرة في"وسط البلد"وهذا يدل علي البحث عن هوية.
هوية تستر ما انمسح من قومية ووطنية وعراقة اسلامية وقبطية....حتي ولو كانت هذه الهوية مستوحاه قديما من الغرب...فهي علي اية حال افضل من المسخ المستوحي من السجون...المستوحي من الشيطان.

31 comments:

  1. Anonymous said...

    بما اني خارج مصر وبعيده شويه الا اني مقدرش ما اعلقش على الموضوع ايه الاتزان دا والرؤية للموضوع ما شاء الله عليك يبني انت لازم تبقى رئيس..وكلامك لو موصلش للراجل دا بس تأكد مليون بالمية حيوصل لناس كتير وباسلوبك دا وبفهمك اكيد فيه امل مش بس ضعيف لأ امل كبير

    بجد احسنت جدا ونعم التربية
    وهوية مصر راجعة اكيد  

  2. 3rby said...

    اقتنعتي بقه بيا؟:)
    شكرا ليكا...علي فكرة انا هاغير كذا كلمة ماكنتش فاكرها بالفصحي
    بس ايه خارج مصر...انتي بره مصر من التمانينات ولا ايه...لأازم ترجعي...ماينفعش في بلدنا الواحدة تبات بره البلد...وبالذات الفيرست ليدي:)



    زودت حته في الباراجراف الاخضر ابقي اقريها  

  3. Mongey said...

    حلو بس زي ما قولتلك في التليفون
    نفس الكلام  

  4. 3rby said...

    اكتب هنا...امال الكومنتس لازمتها ايه...لازم تقول رايك علشان يحصل نقاش


    علي فكرة يا جدعان انا فرحان اوي بالبوست ده...حاسس انه من المواضيع القليلة الحلوة  

  5. Anonymous said...

    اولا انت كل مواضيعك في الجون
    ثانيا اكيد القاريء ده من الصفوه او حبايب الصفوه او مغيب او عبيط او اي حاجه هبله
    ثلثا و ده الأهم ياريت تشرفني بزياره لمدونتي المتواضعه وتقولي رايك  

  6. 3rby said...

    الله يخليك ده بس من زوقك  

  7. مصطفيتش ابن حفصوتشا said...

    بجد كلام جميل
    كلام معقول
    مقدرش اقول حاجة عنه  

  8. 3rby said...

    شكرا يا مصطفي
    هو انت مصطفي اسماعيل بن ياس في الجيش؟:)  

  9. Anonymous said...

    اسمع يا عربي
    الناس حيقولو عليك ايه
    في نقطة حمرا يا جميل شغل المستعجلين دا ما يعجبنيش

    ههههههههههههههههه

    بخفف دم  

  10. مصطفيتش ابن حفصوتشا said...

    اضحك لا فيه اختيارات
    هههههههههههههه

    اضحك لا ابين سناني

    هههههههههههههه

    حاجة غريبة  

  11. أحمد المصري said...

    عندك حق 00مصر كلها في سجن كبير 00
    أحب أحييك على رؤيتك الواضحة والصريحة للأمور 00ربنا يوفقك0  

  12. 3rby said...

    اصلي كنت عاوز اذاكر علشان ولادنا يطلعوا ولاد مهندس...تعرفي انا عملت بوست للبوست ده كام مره؟
    حوالي سبع مرات والله
    بس كان عندي هوم ورك كبير طحن ورحت الدرس مش مكمله

    فعلا حاجة غريبة؟هو ايام اسماعيل ياس كان فيه كفاية؟يا جدع باضحك معاك

    شكرا يا احمد  

  13. مصطفيتش ابن حفصوتشا said...

    عالم مجنون مجنون يا بهيجة  

  14. Reformer1976 said...

    بص يا عم أحمد
    الموضوع قوي جدا
    ومميز جدا
    ويعبر عن رؤية شديدة الوضوح
    إلخ

    كل دا كوم وإنك تعمل فيها عبيط وتلاغي رشا وانت عارف إنها خطيبتي دا كوم تاني
    ودا اللي ما يتسكتش عليه أبدا يا حلو

    أنا جيت لك أهو بيتك بالأدب
    يابني أنا بحذرك
    ثم رشا دي قد امك
    وأنا قد أبوك
    يعني بتلعب مع مين؟

    روح شوف لك مزة صغنونة سانوية عامة - بالسين برضه - تلعب معاها عريس وعروسة... ثم إش عرفك إنت يا بتاع عباس العقاد بشبرا والحرفيين ووسط البلد... يا بتاع طيبة مول ومكرم عبيد وعاشر عاشر عاشر

    لأ وعايز العمارات تبقى قزاز إخص الله يكسفك يا زنديق

    وكل حاجة كدة تبقى على عينك يا تاجر؟

    حتى لو عملناها قزاز يا حلو هنفَيِّمها ونحط عليها أرقام خاصة ونلزق نسر وفي آي بي استيكرز
    واللي مش عاجبه يشد ف حواجبه

    وصلت الرسالة ياد يا قمحاوي؟
    خلاص روح ذاكر فيسيا بقى  

  15. elkamhawi said...

    الموضوع بجد لذيذ وتحفه  

  16. 3rby said...

    انت اللي بتعلقها مني
    ادخل الارشيف دلوقتي هاتلاقيها كانت بتعلق عندي من قبل ماتعمل بلوج
    وبعدين انت زعلان ليه
    سيبها تختار بين جرجس وعربي:)
    وبعدين هو انا علشان ساكن في مدينة نصر ابقي باحب بابي ومامي وباكل مربي يوماتي؟
    يا عم انا من الشرقية اصلا...وعمي كان في شوبرا زمان...انا اعجبك اوي...قصدي اعجبها هي  

  17. 3rby said...

    شكرا يا ابن عمي  

  18. Bent Masreya said...

    بقى مايشدكش مقال عزت القمحاوى ويشدك التعليقات؟ طب هقوله
    :P

    المقارنة دمها خفيف جدا، انت متأكد يا احمد انك فى ثانوية عامة مش مخلص كليتين تلاتة كده

    من يومين كنت بردو بفكر فى حاجة قريبة من كده وهى المصيبة اللى اسمها اعلانات الشارع والبوسترات والفلايرات والملصقات اللى شوهت حوائط شوارعنا.. معندكش تفسير لوذعى للظاهرة دى ؟؟ يعنى الحوائط المشوه دى يقالها ايه فى سمات المصرى الحديث؟  

  19. 3rby said...

    هه...انتي تعرفي ابويا ولا ايه...والله اول مره اقراله...هو دمه خفيف في المقالات...بس وانا صغير اقريتله رواية مافهمتش منها حاجة فقلت مش اقريله تاني

    وبعدين هم اللي في ثانوية عامة دمهم تقيل ولا ايه؟

    علي فكرة
    حكاية البوسترات ديه كتب عنها المزاجنحي قبل كده...مش هاعيد كلامه يعني:)


    بس انا مبسوط جدا اني خليتك تعلقي عندي:)

    دانا مقيم عندك...وانتي مابتعديش غير بالزق:)  

  20. Bent Masreya said...

    هو انا لازم اعلق عشان تعرف انى بعدى

    اسكت ما تفكرنيش
    انا فى كام بلوج عايزة احطهم لينكاتهم عندى، ومكسلة اوى
    ومش منهم حضرتك :P :P :P  

  21. 3rby said...

    ايوه طبعا...هو انا باشم علي ظهر ايدي ولا ايه؟:)
    بس تعرفي...القلوب عند بعضها...انا برضه هاحط كذا لينك...وانتي مش منهم
    عارفة ليه؟

    علشان انا حاطك اصلا
    :)  

  22. كــــــازنــوفــا said...

    أنت عندك ستاشر سنه
    طيب أسكت بقا
    أسكت
    بصراحه مواضيعك حلوه ودمغك كويسه
    حاجه واحده مش عجبانى فيك
    أنك لسانك بيطول أو بتهذر بأسلوب مش كويس
    على العموم أنت حر بس أنت زى أبنى جورج والنصيحه واجبه
    أروح أتسحر بقا
    سلامو عليكم  

  23. المزاجنجي said...

    ولا يا نيلة انت عارف لو شفتك كاتب كده تاني هاولع فيك بايدي ويلعن ابو البت لابو ابوها ومش هلازقهالك




    قوم يا واد اقرا المعوذتين واتبخر منك لله هاتاخد لك كام عين على كام غين


    بجد انا باحسد ابوك عليك يارب وقول امين ياد اشوف الواد احمد ابني زيك كده واحسن كمان


    بالنسبة بقى للموضوع معنديش تعليق انت جبار ما شاء الله عليك


    وبعدين مين الحاجة ام جورج اللي قارشة ملحتك دي ؟
    واديني ياعم جيت لك اهوه يا بتاع الرقاصة ههههههههههه  

  24. 3rby said...

    الحاجة ام جورج:
    ربنا يخليكي وينولك العمرة (وتفكك مني):)
    بي اس:زي مزاجنجي...الكلام اللي بين اقواس ده في سري..والنفس اماره بالسوء:)


    مزاجنجي بيك:
    ده بس من زوقك...مش بالنسبة للحسد طبعا:)
    بس انت فكيت ايدك من ايدي..بعد ما بيعتني اللي ورايا واللي قدامي لحد ما بقيت قاعد علي كرسي من غير ظهر وقاعد باكتب من غير مونتور
    باقولك انا عاوز لينك البلوج بتاع مكسوفة ده  

  25. أروى الطويل said...

    ايه يا بنى انت مخا صمنى ولا ايه
    بس على فكرة الموضوع حلو موووووووووووت موووووت خالص خالص لاجدع طب ما انا كنت فى ثانويه عامة
    بس الصراحة ما كنتش بكتب اصلا
    اه مش انا حطيتك عندى  

  26. 3rby said...

    لا والله مش مخاصمك...وانا اقدر؟
    بس مافهمتش حاجة عن النظرية اللي بتسالي عنها ديه فنفضت...بس ايه العيال العسل ديه...من عيني يا اروي هاحطك  

  27. Lasto-adri *Blue* said...

    ايه يا عم عربى دا بس

    جبتها ازاى دى بجد؟

    جامدة ولو انى ماحبتش الفقرة الختامية بتاعت استورد م الغرب آه  

  28. Lasto-adri *Blue* said...

    لاء فكرة جامدة
    برضو  

  29. 3rby said...

    يااه...دانا هاعمل فرح زينب وبلو معلقين عندي مره واحدة
    اصلكوا حاطني عندكوا ومابتخشوش غير بالزق
    وانا اصلا كنت محرج اوي لاني مابحبش احس ان اللي جاي عندي جاي محرج

    شكرا
    كمان راي من رايك
    هي مش حلوة...اصل مش معقول حاجة هاتبقي كلها تمام...لازم يبقي فيها نقص..الكمال لله
    بس بزمتك...هي العمارات اللي في الفقرة ديه مش شكلها احسن من الزبالة بتاعة البلكونات اللي اد علبة الكبريت؟  

  30. Anonymous said...

    first of all u r not 16...second you're taking too much credit far more than you deserve third ..enta ghalabawy w 3aiez 2at3 lsanak  

  31. rotanacinema21@yahoo.com said...

    انا لسه عامل المدونة بتاعتى من ساعات وبينى وبينكوا تايه اتمنى التواصل معاكوا كلكوا وان شاء الله انا لا هاتكلم فيها عن مبارك ولا جمال مبارك - انا هتكلم عن اولاد جمال مبارك هههههه باعتبارهم انهم م
    ستقبل مصر الحقيقى
    wwwmeshmubarak.blogspot.com