فيه حاجة غريبة بتحصل في البلد
مش عارف اذا كانت رضوي لما كتبت"استمرار ثورة الجياع"كانت تقصد تشبيه الجياع جنسيا بجياع فرنسا ساعة ثورتهم ولا لا
كل المؤشرات بتدل ان مصر هاتتغير نفس التغير اللي مرت بيه فرنسا من قرنين فاتوا(طبعا مع بعض الاختلافات)
بس اللي بيتابع الاخبار بتاعة الحوادث والاخبار السياسة هيلاحظ ده
في اقل من شهر:ثورة الجياع جنسيا-تاجيل الحكم علي ايمن نور- الحكم علي طلعت السادات بالسجن-الصدامات في الانتخابات العمالية-دعوة مبارك لتعديل المادة 76 من تاني
وفي اقل من سنة:حادثة العبارة-حادثة القطر والحوادث الاصغر اللي جت بعده-انتشار العمليات الارهابية من جديد
كل المؤشرات بتقول ان مؤسسات الدولة بدأت في الانهيار من حوالي اربع سنين
بس الست شهور اللي فاتوا دول كانوا الاسرع(طبعا كانت بتشرخ من ربع قرن)


كمان البلد مش هاتقدر تستمر تحت حكم واحد بيعاني من الزهايمر
تعرفوا انا مبارك عمل حوار مع التلفزيون الروسي دعي فيه بوتين الي التمسك بالسلطة لفترة تالتة..مكتبه راجعه وبرضوا ما اخدش باله ان الحكم في روسيا لفترتين فقط
وبعدين طلع سحب التصريحات...بس بعد خراب مالطة
تخيلوا واحد مايعرفش نظام الحكم في الدولة اللي رايحها ماشي ازاي
هايعمل معاهم مباحثات ازاي في برنامج خطير زي البرنامج النووي
بجد يا جماعة انا مش عارف انا متفائل بعد اسبوع من النكد

27 comments:

  1. Sampateek said...

    لا لا لا ده مش اي كلام ده كلام في الصميم
    و الله انا بس دلوقتي فهمت قصة التحرش المعرفش اية ده مين وراها

    الحكومة نفسها

    علشان تغطرش بيها علي بلاوي تانية و نجحت
    بدليل اسهال المدونات اللي بتتكلم عن الموضوع ده


    ضربونا شلوط يمين ناحية التحرش و هم راحوا يشوطوا في الجون في حته تانية


    لا براوة عليكي يا حكومة

    مفيش نادي اوربي يجي يشتري منا الحكومة بكام مليم و يريحنا من ام لقم المنايفة بقي


    يسلم كيبوردك
    يا فندم  

  2. Mongey said...

    بجد يا ابني انت قاريني
    انا كنت لسه بافكر في ده من كام يوم فعلا
    البلد بتمر بفترة غريبة محصلتش قبل كدة
    المشاكل بتاعت انتخابات الطلبة و انتخابات الطلبة
    في شي مش طبيعي في مصر فعلا
    حتي موضوع التحرش ده فيه حاجة غريبة فعلا
    بس موصلتش لغايت تنظيم ارهابي
    حلو يا احمد سر علي هذا النحو  

  3. Hafsa said...

    بص يا عربي و الله العظيم و انا مش بحلف غير كل تلات سنين مرة اني من كام يوم كنت بكلم ناس ليا في مصر حبيبتي و قلت لهم ان موضوع السعار ده غريب انه يحصل بالشكل ده بالذات و كمان يستمر لتاني يوم
    و في مدونة خالد الصاوي قلت نفس التفسير نوعا ما
    و تلخيصة ان ايوه هما ناس مكبوتة و كله تمام لكن ليه ميكونوش مزقوقين من الحكومة زي ما عملت وقت الانتخابات و كانت بترش بلطجيتها عشان يخوفوا الناس من التصويت
    هنا بقي الحكاية ليها هدف تاني بس مش بعيد للدرجة دي
    و هو انه الحكومة عاوزة تخوف الناس و اي ناس من غير وجود مبرر
    لانك لما تخوف الناس من حاجة هما مش عارفين اساسها ايه او سببها فهما مش حيعرفوا يحاربوا الخوف ده ازاي
    فاهمني؟

    بس هو ده الهدف
    نشر الذعر و الاخلال بالامن
    و بعدين يجي يقلك مافيش و لا حاجة حصلت
    المهم الكلام كتييير في الموضوع ده
    تحياتي  

  4. Abdou Basha said...

    فعلا الإحساس ده موجود عندي أنا كمان..
    وعندي من مدة، وعندي إحساس إننا بنتجه لحالة من الفوضى
    ودي فكرة لما بقولها لحد بيستغربها ويكره حتى يفكر فيها  

  5. bluestone said...

    صحيح .. منحنى الانهيار آخذ في الصعود ..
    والهفوات والسقطات السياسية للقيادة الحكيمة بدأت تزيد وتكبر وتعمل مشاكل دبلوماسية كمان .

    من اسبوع بعد ما إسرائيل اصدرت قرار بضرب الحدود المصرية الاسرائيلية للقضاء على انفاق تهريب السلاح من مصر لغزة اصدرت مصر تحذير شديد اللهجة لاسرائيل ثم اعلن الرئيس انه سيرسل 5000 جندي للحدود (وهو بالطبع ما يخالف اتفاقيات السلام الدولية بين مصر واسرائيل)
    وبعدها بيومين تراجع الرئيس مبارك عن تصريحاته ونفى أنه يكون قال اي حاجة ..

    حالة الانهيار دلوقتي طايلة الكل المجتمع والشارع والحكومة  

  6. 3rby said...

    كلبوزة هانم:
    اولا اهلا بيكي
    فعلا فيه حاجة جامدة جدا هاتحصل قريب
    النوادي الاوربية مابتخدش ناس مابتعرفش تلعب(بيشوطوا بس)

    مونجي:البوست ده احسن من الاهبل اللي فات
    انا لو كنت كملت الحاجات الغريبة البوست ماكنش هايخلص


    حفصة(كده كويس؟):
    بالظبط...بيتهايئلي انهم عاوزين يقولوا للبنات اللي بتروح المظاهرات(بالذات كفاية)شوفوا اللي بيحصل للبنات اللي ماشية في حالها تخيلوا هايحصلكوا ايه في المظاهرة

    عبدو باشا:منور...انا بقه لما باتكلم في حاجة زي ديه الناس بتكرهني
    النهارده كنت باحكي لمدرس العيال قعدت تضحك عليا

    بلو ستون:
    موافقك
    بس علي فكرة الجنود اتنشروا فعلا..مش عارف سحبهم بعد كده ولا لا  

  7. مصرى said...

    عندك حق يا عربي قبل إنهيار أي نظام بتنتشر الجرايم بصورة غريبة زي اللي حصل في رومانيا قبل نهاية حكم شاوشيسكو مثلا لأن تركيز السلطة دايما بيكون على الحفاظ على وجودها بدون أي إعتبارات أخرى

    هانت  

  8. المواطن المصري العبيط said...

    سبحان الله، لسه كاتب نفس التعليق بتاعك ده عند مختار العزيزي عن موضوع الزهايمر بتاع مبارك .. غريبة قوي دي .. سامحني لو قلتلك اني افتكرتك مقتبسه مني، بس كده هيبقى الواضح ان أنا اللي مقتبسه منك

    :)  

  9. farida said...

    تحليل غريب

    مش عارفه الأمور ماشيه لإيه
    بس في إعتقادي احنا لسه في مرحلة تخبط جامده جدا

    حسني مبارك رابع رئيس يعد ثوره أثبتت فشلها
    هل تقوم ثوره أخرى قريبا؟؟
    في لغة التاريخ 54 عام قليله جدا لتغيير النظام
    و لا ممكن؟

    تردي الأوضاع غير معقول
    و نحن في عصر السرعه
    ربما  

  10. الجحيم هو الحقيقه said...

    عربى يا خويه
    الايا م اللى جا يه اسود مع ابن القائد الزعيم الاله ادعو ك لعدم التفا ئل
    تحيا تى  

  11. elkamhawi said...

    تعالى كده ..حط ودنك هنا!!!!!!!سامع حاجة ؟ (لا) مهــــــــــــــو ده اللى مجننى  

  12. 3rby said...

    مصري:
    عندك حق..بس ده حصل في كل الجومهريات المنفصلة عن الاتحاد السوفيتي..مش رومانيا بس
    سيبك انت...بنات رومانيا ينسوا الواحد بلده:)

    مواطن:يابني ده مش اكتشافي او اكتشافك..ده شيئ واضح زي الشمس..وبعدين انا ماعرفش البلوجر اللي بتتكلم عنه ده

    فريدة:شوفتي اللي بيحصل في قرغزيا(اللي هي دولة مالهاش تاريخ اصلا)؟البوليس ساب مواقعه حول القصر هو والحرس الجمهوري وانضموا للمعارضة في حصارها للقصر


    الجحيم:اسمك بيدي نفس معني الجملة اللي كاتبها تحت اي كلام..بس شكلي هاغيرها:)

    علاء:انت شارب حاجة يابني؟  

  13. adhm said...

    انت نسيت التصريح الخطير ايام العدوان على لبنان واللى حير المراقبين كلهم هو يقصد اية بالبتاع  

  14. أنـــا حـــــــــرة said...

    والله بغض النظر عن ان موضوع التحرش مقصود او مزقوق او لا
    فأنا كمان متفائلة و حاسة ان خلاص
    الانفجار الكبير قرب
    و هنقوم ان شاء الله
    ولان قبل اى نظام ديكتاتورى بتكتر كوارث مماثلة
    فيامسهل


    رغم السواد الأعظم بس قلبى بيقولى فى نور قريب
    و انا قلبى دليلى

    هههههه  

  15. Anonymous said...

    مبروك النيو لوك  

  16. مصطفيتش ابن حفصوتشا said...

    مش قلت قبل كدة وماحدش سمع
    عالم مجنون مجنون يابهيجة  

  17. شــهــروزة said...

    سبقتكم وقلتها عند جرجس من وقت حادثة ابوة
    ان فيه حاجة وسخة بتحصل
    بس فى نفسية المصريين
    والمصيبة
    ان الكل حاسس بالتغيير دة ومش عارف يتكلم
    ملهى فى لقمة العيش
    والتوهم بالجنس
    والمخدرات
    وتظبيط الدين على مقاس كل بلوة
    وتسييح الدين عن كل حاجة غلط

    شفت الكوكتيل؟؟
    كوكتيل يدمر لك اقوى شعب
    مش قلتلكم؟
    داخلين على سنين سودااااااا  

  18. Anonymous said...

    كل ما ادخل عندكم بيكون في حاجه جديدة يلا حلو التغيير وحشتوني جدا واد يا عربي انت فين؟!!مش سامعينلك حس يا رب تكون كويس

    الاحداث غريبة ومش بتبشر بخير الشعب ملهي بلقمة عيشه وبكرة حيعيش ازاي
    ربنا يستر من الايام الجايه  

  19. 3rby said...

    ادهم:باقول عنده زهايمر باين...وانا كمان نسيت حاجات كتير:)
    بس من كتر الحاجات الغريب اللي حصلت في وقت قصير...بس ده مش ضعف زاكرتي...ده ضعف الزاكرة البشرية اللي ماتقدرش تستحمل كل ده
    انت واخد صورة شهروزة ليه ياض؟

    يا حرة:طيب ماتتنبألنا بقه امتي الانفجار...والا انتي قلبك مابينفعش غير في الاغاني:)
    لا بس انتي لحد دلوقتي المفروض تغيري اسمك..صحيح احرية قربت...بس مش لدرجة انك تجرؤي وتقولي انك حرة


    اروي الطويل:
    ماهو احنا مابنشفش وشك غير في النحس...التيمبليت باااظ

    مصطفي اسماعيل:
    العالم برضه هو اللي مجنون

    شهروزة:مشغولة انتي في الكوكتيل وصورتك ببتقلب:)
    همك علي بطنك

    رشا:يا شيخة؟
    انا برضه اللي فين
    ماورتيناش وشك ليه وانتي في مصر
    ولا جرجس نفضلي وماقلكيش  

  20. Anonymous said...

    زوروني عندي حاجة مهمة
    http://www.demaghmak.blogspot.com  

  21. Anonymous said...

    عربي

    ممكن سؤال هو انا لا يمكن اصدق انك حتتوقف عن الكتابة

    وبصراحة عندي احساس كبير انك دماغ ماك لاني عارفة ان اسلوبك في الكتابة وطريقتك في عرض البوستات والمواضيع

    قوية ومشابهة ليه جدا واول ما شوفتها قولت دا لا يمكن يكون الا احمد القمحاوي

    ممكن اكون غلط بس قلبي دليلي ولو هو انت حتى لو مقولتليش او مش عايز تقول فانا عايزة اقولك اني فرحانة فيك قوي قوي

    وربنا يوفقك وتقدر تعمل دليت للكومنت ده

    سلام يا صديقي المفضل  

  22. 3rby said...

    مش انا والله  

  23. 3rby said...

    وبرضه مارضتيش علي سؤالي
    ماورتنيش وشك ليه مادمت صديقك المفضل
    انا مش عيل صغير علشان تشتغليني
    دانا بهدلت دروس اسبوع كامل علشان اشوفك
    كل يوم اقول جرجس ممكن يرد عليا النهارده
    واقعد في البيت
    عالعموم شكرا
    انا كده عرفتك من غير ما اشوفك  

  24. Anonymous said...

    احمد يا عربي انت بجد مخاصمني يا واد لو دخلت مدونتي حتعرف اد ايه انا دورت على نمرت تلفونك وسالت عليك ومحديش اداني اياها والله العظيم كان نفسي اشوفك اوي

    وكل ما كنت اشوف حد اسال عنك
    معقول تصدق اني ما سائلتيش عليك بس انت ما ادتنيش نمرتك ولا ايميلك ولا حاجه:( لا احد ينفع احد في هذا الزمان يا احمد الكل عايز يفرقنا

    بجد والله زعلت اوي اني ما اعرفتش اشوفك
    الحق على جرجس حتى اسالو بعتلو وكلمتو وقولتلو عايز نمرت عربي
    وقلي مش عندي
    :(

    وانت صديقي المفضل وبحبك كتير قوي واسال الكل اد ايه انا بحبك وفخورة فيك
    وبتكلم عنك  

  25. Anonymous said...

    يا واد يا عربي وحشني جدا والله
    ودا ايميلي الشخصي

    rashakhoury@msn.com

    ومش عايزاك تزعل مني
    وجبتلك شوكلاتة معايا ومعرفتيش اشوفك

    وعد المرة الجاية لما تخلص ثانوية هنزل واشوفك

    :)  

  26. 3rby said...

    ادخلي عند جرجس في التعليقات اللي علي عمر قناوي وشوفي شغل اليهود
    والله المفروض يبقي كوهين
    سالته عليكي قالي هانشوفها النهارده في مكتبة عمر من غير عنوان او معاد!
    كتبتله نمرتي وسيبتها يوم وبعدين كتبتله ايميلي
    كتب بوست ومردش علي التعليقات  

  27. 3rby said...

    وبعدين مافيش حاجة في مدونتك عندي
    يادي الاشتغالات