تدهشني في بعض الاوقات كم الاشياء النظرية غير العملية في حياتنا

دراسة نظرية كل شي علي الورق مفيش شي بيبقي عملي

و خصوصا الي لفت نظري كلمة النظافة من الايمان الي موجودة في مدارسنا الي هي المكان الي بنتعلم فيه الفضائل

المفروض  الي بيدهشني ان الكلمة دي المفروض انها قيمة ولكنها اصبحت

مجرد كلام مكتوب علي يافتة و افتقدت لعمليتها ووجودها الحقيقي وسطنا

و اصبحت مجرد كلام علي ورقة علي الرغم من المعني القيم لها وطبعا ينطبق علي كده

حكم و قيم كتير اوي ... المشكلة دلوقتي ازاي نتخلص من قيود النظري ونعمل من اجل تحقيق شي مادي عملي

يكون له اثر جيد و انعكاس حقيقي في المجتمع يعني يبقي فيه نوع من التفاعل مع القيم

و ما تكونش القيم مجرد صم وحفظ بل تكون الحياة نفسها اتقان العمل النظافة الصدق العدل كده يعني

حاجة كمان ضحكتني اوي لما فتحت الاهرام الصبح ولقيت خبر الرئيس يامر بانشاء مراكز شباب متطورة في الصعيد

الفكرة ان مثلا كل ده كلام نظري لكن معرفناش الفلوس هتيجي منين و التخطيط يبقي ازاي  ولمدة كام سنة

احنا غارقنين بجد في بحر من الكلام و الحروف و مبنعملش حاجة عملية لافكارنا  

10 comments:

  1. الســـاحر said...
    This comment has been removed by a blog administrator.
  2. الســـاحر said...

    والله معاك حق فى حاجات كتير
    نظريه ذى النظافه من الايمان
    وعلى علب السجاير
    التدخين ضار جدا بالصحه
    بس موضوعك فكرته جميله
    الى الامام
    ربنا يوفقك  

  3. Anonymous said...

    منجي قصة الكلام النظري مش العملي دا هو الذي يميز العرب عن دونهم من الشعوب احنا ما حديش بياخذ منا غير الكلام..عن مشكلة النظافة في حاجتين الاولى انها لازم تنبع عن نفس الشخص فالنظيف نظيف في بيتو وفي شغلة وفي الشارع ..بس للاسف ان الناس فكرة ان الشارع دا او المدرسة مكان عام ارمي برحتك ..والحاجه التانية والي انا شايفاها مهمه اوي ان في العديد من الدول وضعوا قانون للنظافة يعني الي بيرمي حاجة في الشارع بيتخالف وانا شفت القانون دا نجح وبشكل كبير مع الناس ..بس معرفش في مصر اذا القانون دا موجود او لأ..على العموم في حاجات كتير حتفضل على ورق لان زي ما قولت مش مدروسة ومافيهاش تخطيط واصلا ما فيش النية انها تتنفذ

    واهو كلو كلام  

  4. القادم من الريف said...

    موضوع حلو يا عربى وزى رشا مقا لت هو الفرق بينه وبين الغرب
    وعشا ن كده الغر ب متقدم انما احنا بتوع كلام ابن عم حديت
    بس الدراسه ماءثر ه عليك يا ابو العربى
    وشكر ا على اللى انته قولته علينا انا ومنجى عند السا حر ومردوده يا برنس ولا اه يا منجى
    هههههههههه  

  5. 3rby said...

    مش انا اللي كاتب البوست ده يا كبير  

  6. Anonymous said...

    فيه نظريه علميه في علم البرمجه اللغويه العصبيه بتقول انك لو عايز تؤمن بفكره معينه تحطها حوالين منك في كل مكان قدام سريرك...قدام مراية الحمام... في العربيه..وهكذا لأنك مع الوقت هتلاقيها فكره راسخه جواك
    لكن للأسف احنا عقولنا نحست و مفيش فايده من الكلام
    والحل الوحيد الضرب
    ايوه الضرب
    ينزل قانون وغرامات على كل فعل مخالف للقواعد
    اي تطبيق مبدأ الكرباج  

  7. 3rby said...

    تعرف...انا باقول الكلام ده من زمان
    وابويا بيعتبرني متعصب ومجنون
    باقول البلد ديه محتاجه مرحله انتقالية بين مبارك والديموقراطية
    يجي واحد ديكتاتور بس بيحب البلد ومايسرقش
    محتاجة هتلر...يلم كل الناس الزبالة اللي مبهدلة البلد ويحرقهم...ويمسك مبارك ده يعدمه باسلوب مبتكر...يمشيه في الشوارع والناس تخدفه بجزم وشرابات وبامبرز ومناديل وحاجات من ديه...لحد مايموت من الذل
    واللي يمشي باعكس عسكري المرور يولعله في العربية بتاعته
    كنت لسه باتعلم السواقة..فاونا مروح لقيتهم موقفين عسكري وامين شرطة عند يو تيرن علشان يمنع العربيات تدخل اليو تيرن من الناحية التانية..جت عربية جراند شروكي...خلاها تعدي ومنع الباقي
    حاجة وسخة  

  8. Mongey said...

    الساحر :
    شكرا يا مان علي الكلام الحلو ده وربنايوفقك


    rasha :
    اصبتي كبد الحقيقة علي راي جرجس
    و فعلا ممكن يكون في قانون بس عارفة لازم الناس يبقي عندها نوع من الوعي لفعل الشي
    يعني مثلا مصر خلوا المخلفات عالية اوي بس برضة المخلفات مقلتش زي ما كان متوقع
    ممكن تكون قلت بس مش اوي
    لان لازم نجد الحل للشي مش مجرد قوانين
    لان القوانين اذا لم تحترم ضاعت فائدتها


    القادم من الريف :

    شكرا و انا مش عربي

    واحد من الناس :
    و الله كلامك فيه نوع من الحكمة
    هي فكرة كويسة قانون الكرباج لان الشعب اتعود علي الكرباج للاسف فبقي لازم يمشي بالكرباج

    عزت :

    همممم كويس الكلام ده نفس كلام الي قبلك
    يلا سلام  

  9. 3rby said...

    انت هاتطلعني باعيد الكلام ولا ايه...امال صاحبي ازاي وحافظني...مانا طول النهار بقول نفس الكلام  

  10. أنـــا حـــــــــرة said...

    أصل احنا شعب بق ع الفاضى