فيه كام حاجة حصلت كده عاوز اتكلم عنهم:
1- كان فيه واحد بدقن ومراته المنقبة فاتحين صيدلية جنبينا فكنا بنجيب منهم، لما اقلهم صباح الخير يقولولي وعليكم السلام(وكأني قلت عم صباحك)، لو نزلت بشورت يبصولي بصة مش كويسة، وبينصحوا الغير محجبات بالحجاب وبيسألوا اذا كانوا مسلمات ولا لأ، المهم طلع ان الراجل ده مهندس والصيدلية باسم اخوه الصيدلي اللي عايش بره، وعربيته المازدا متأجرة، ومادفعش فلوس متأخرة عليه لشركات أدوية، والأدوية مش هاينفع ترجع عشان باظت من سوء التخزين، وابن الوسخة بيتكلم عن الدين وكأنه بتاع امه
2- واحد اسمه لؤي معايا في الجامعة، كان بيشبه مسيحيين مصر بالصليبيين، وبيقول علي نفسه اخوان(وهو اهبل ومش فاهم يعني ايه اخوان اصلا) وبيشتم واحد عشان كاتب في الفيسبوك ان سيدنا عيسي في قلبه، وعشان مشترك في جروب اسمه السيدة مريم خير نساء الأرض
3-قوانين الجامعة بتمنع الشعارات الدينية او السياسية، علمانية الجامعة معمولة عشان الجامعة مكان علم، وانا احترمت الموضوع ده عشان ماينفعش يبقي فيها سياسة(لان الطلبة منهم اللي اهاليهم حزب وطني ومنهم اللي اهاليهم معارضة ولو اتفتحت للسياسة الناس هاتولع في بعض بالذات لان ماحدش في الجامعة عنده وعي سياسي)، بس الشق التاني ده بقي مظلوم اوي، يعني لوكرات الجامعة مليانة شعارات اسلامية من نوع فداك ابي وأمي يا رسول الله"" و"لا اله الا الله"، و"الحجاب طهارة وعفاف"، ماشي الكلام ده انا مش مختلف معاه بصفتي مسلم، بس مش المفروض القوانين تتطبق؟ يعني الجامعة فيها نسبة مسيحية كبيرة، وفيها داكترة المان يهود، لو واحد حط صليب هايتقطع من ناس زي لؤي، ولو حد حط نجمة داوود الناس هاتفتكرها علم اسرائيل ويقطعوها، وتحصل فتنة زي اللي حصلت في هندسة عين شمس السنة اللي فاتت، رحت اتكلمت مع العميد واقنعته، وقلتله انا مش ضد الاسلام لا سمح الله، انا عامل فيلم بارد بيه علي فيلم فتنة وقضيت وقت كبير باناقش الاجانب عن الاسلام، ماحدش من اللي معلقين "فداك ابي وامي يا رسول الله" عمل حاجة زي كده، اقنعته وقاللي فعلا القوانين لازم تطبق عالكل، وماعملش حاجة، بعديها باسبوعين بدات اشيل بنفسي، ماعرفتش اشيلهم من زمايلي، واحد يقلي اضحك عليا وشيلهم بعد مانزل، والتاني يزقني ويقولي "مش انت علماني، خليهم ينفعوك لما تموت"، واظن انه افتكر قوله تعالي " سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَنْ يَغْفِرَ اللَّهُ لَهُمْ إِنَّ اللَّهَ لا يَهْدِي الْقَوْمَ الْفَاسِقِينَ" بعد ماقالي كده
لما حكيت لناس تانية، واحد قالي "وانت ايه اللي مدايقك، ماهو ده ديننا، يعني كده احنا مستفيدين" وكأن العالم مكسب وخسارة، مش ده بيتناقض مع الاسلام؟ لما نبقي كل همنا بنكسب ولا بنخسر بغض النظر عن هل ده بيتعارض مع القانون ولا لأ، عموما بعد الميدترمات انا هاعلق بانار كفاية علي اللوكر بتاعي، عشان الناس بتقلي كل واحد حر في لوكره، ولو مسيحي او يهودي او بهائي او اي حد علق شعار ديني علي اللوكر بتاعه وحد شالهوله هاسحل اللي شاله.
اللي بيحصل في مصر من قمع للاقليات وللمرأة طبيعي جدا، لان الاغلبية مطحونة زي بقية الشعب، فبتحاول تبهدل الاضعف علي قدر الامكان، فتركب مواصلات تسمع قرأن بيتقري بطريقة سعودية وصوت عالي يخرملك ودانك، والراجل يروح البيت العصر يضرب مراته، بس مثلا طلبة جامعتي كلهم "ميسورين"، بيعملوا كده ليه؟ هل هم لما علقوا"فداك ابي وامي يا رسول الله" فهموا الغرب ان الرسول مهم بالنسبة لينا؟ وهل قوانين الجامعة معمولة عشان تنتهك؟ او زي ماقالي صديق "ك# ام القانون"؟
4- دكتور الفيزيا، طالع عليه اشاعة انه يهودي عشان اخر اسمه فيه "مان"، وايه يعني لو يهودي؟ فيه يهود اشرف من عرب كتير اوي(نعوم تشومسكي، سميحا فلابان، وبني موريس)
5-المواصلات كلها متعلق فيها شعارات دينية مع ان السواقين بيعملوا مليون حاجة حرام في اليوم، مش بس اسلامية، اسلامية ومسيحية(بس المسيحية بتبقي في التكسيات بس)، يعني انا زنبي ايه لما اركب تاكسي اسمع قسيس بيتكلم عن حاجة في المسيحية، وليه لما اركب لو السواق عرف اني مسلم بيعلي وبيطلب مني فلوس زيادة عن المعقول بكتير ويكشرلي(نفس الحاكية بتحصل من السواقين المسلمين)
يمكن الناس شايفة ان العلمانية كفر، او زي ماقال صديق "ممكن في اخرها توصلنا للكفر، بس هي في حد ذاتها لو زي مانت بتقول مش كفر"، بجد الشعب ده رايح في داهية ان شاء الله
اول مرة شفتها كنت مع صحابي وهي فوق في دور تاني، قعدوا يقولو بصوا هي جامدة اد ايه، بس انا كنت مركز في عنيها، كان فيهم حاجة مميزة، بس الإعجاب ده راح مع الوقت، حاولت كتير تتعرف عليا، بس مش عارف انا كنت اهبل ليه وباوقف علاقاتي مع الناس عند حتة معينة باسميها "السلام، سلام"، ولما حاولت اصلح الموضوع ده هي كانت بتتعامل معايا بنفس طريقتي القديمة، يمكن كانت شايفاني أليط، بعدين انا رحت مكان وهي راحت مكان، ماشفتهاش لمدة سنتين لدرجة اني كنت باحلم بيها ، وفي يوم كنت ماشي وافتكرتها، فاجئة حسيت ان الزمن وقف، والصوت كله اختفي ماعدا صوت عربية بتطلع مطب، بصيت لقيتها بصالي، اللحظة ديه خدت زي ساعة، هي مابدرتش بالسلام، يمكن كانت خايفة لاحرجها وماسلمش او يمكن كانت خايفة من اللي راكبة معاه، وانا ماكنتش مصدق اني شفتها وبعدين لما قررت اسلم خفت عليها من اللي كانت راكبة معاه لانه ماكنش هايفهم، وبعدين العربية نزلت المطب ومشيت بسرعة، حسيت ان فيه حد طلع من جوايا وجري وراها، بس انا كنت هناك، واقف متسمر مش عارف ده كان من خيالي عشان كنت بافتكرها ولا هي بجد، وقررت اني لما اشوفها مش هاسيبها
كنت داخل انا ومنجي نعمل بدل فاقد لبطاقتي، فلقيت ظباط كتير جدا وزعيق، قربت اشوف فيه ايه فلقيت راجل بيزعق ويقول والله لاندمه عالقلم اللي اداهولي، قالوله اعمل محضر واسكت قلهم لا لما محمد بيه يجي، مين محمد بيه؟ محمد بيه ده مساعد الوزير(ماقدرتش اعرف الاسم بالكامل) وكلم محمد بيه عالموبايل قاله وهو بيعيط(ايوة يا محمد بيه انا في قسم اول مدينة نصرـ ظابط ضربني، والله لو ماجتلي لاوصلها للوزير)، بعد ماخلص فضل يقول(مواطن يتعمل فيه كده مواطن يتعمل فيه كده) بس خدوه علي جنب قالوله تعالي اعمل محضر، وانا استنيت برة لانهم قالولي مش هانعملك محضر بدل الفاقد النهاردة تعالي يوم السبت(الكلام ده امبارح الخميس 30-10)
بس فضلت قاعد علي باب القسم حوالي ساعة الا ربع وبعدين مراته طلعت، قلتلها ايه اللي حصل قالتلي الظابط دخل فينا واحنا عالموتسيكل ومش عاجبه، بعدين الظباط شافوني وانا باكلمها فقالولها تعالي، سالتها بسرعة عالاسم قالتلي اسمه ياسر
المهم دخلوها جوا وانا كل شوية اقوم ابص مالقيش حد منهم، وطلعت هي بعد شوية كتار وروحت، هو طلع بعد كده بنص ساعة(يعني قعد جوا بتاع ساعة ونص) سالته ايه اللي حصل قالي انا هاعمل المحضر وبعدين هانتعرض عالنيابة، قلتله انت مش متهم عشان تتعرض، فقالي انه امين شرطة في مديرية امن القاهرة واسمه "أحمد عبد الحميد طلعت" وان ياسر ده اسم بيتنادي بيه، وان الظابط دخل فيهم بعربيته وهو عالموتيسكل، فهو اتنرفز وشتمه (شتمة جامدة ماقلش ايه هي) وان الظابط اتنرفز فنزل ضربه وقطعله هدومه(هو كان عنده زراير مقطوعة تقريبا)، وان الفترة ديه كلها ماكنش عمل المحضر وان ظباط القسم والمامور كانوا بيتحايلوا عليه عشان تتحل ودي، وبعدين هو اصر فنادوله وعمل المحضر، بالليل كلمته فقالي انهم اتعرضوا علي النيابة العسكري في لاظوغلي واتحدد معاد للجلسة.
مع اني سالته لما طلع ازاي هو متدايق وبيقول مواطن وهو امين شرطة يعني وش عذب او ضرب حد، فحلف وقال لا عمري "دانا لما حد بيغلط فيا في الشارع باقله حقك عليا"، بس الموضوع ده فكرني برجال الاعمال اللي بيوقعوا بعض كل شوية، نفس الحاكية بتحصل في الشرطة، ظباط وعساكر وامناء القسم بيظبطوا بعض بس اي حد برا الدايرة ديه يتعامل عادي، والعادي بتاع الشرطة مش عادي، عشان كده الامين ده اتضرب، عشان كده المؤسسات ديه هاتتفكك مع الوقت زي الحزب الوطني كده
بس فضلت قاعد علي باب القسم حوالي ساعة الا ربع وبعدين مراته طلعت، قلتلها ايه اللي حصل قالتلي الظابط دخل فينا واحنا عالموتسيكل ومش عاجبه، بعدين الظباط شافوني وانا باكلمها فقالولها تعالي، سالتها بسرعة عالاسم قالتلي اسمه ياسر
المهم دخلوها جوا وانا كل شوية اقوم ابص مالقيش حد منهم، وطلعت هي بعد شوية كتار وروحت، هو طلع بعد كده بنص ساعة(يعني قعد جوا بتاع ساعة ونص) سالته ايه اللي حصل قالي انا هاعمل المحضر وبعدين هانتعرض عالنيابة، قلتله انت مش متهم عشان تتعرض، فقالي انه امين شرطة في مديرية امن القاهرة واسمه "أحمد عبد الحميد طلعت" وان ياسر ده اسم بيتنادي بيه، وان الظابط دخل فيهم بعربيته وهو عالموتيسكل، فهو اتنرفز وشتمه (شتمة جامدة ماقلش ايه هي) وان الظابط اتنرفز فنزل ضربه وقطعله هدومه(هو كان عنده زراير مقطوعة تقريبا)، وان الفترة ديه كلها ماكنش عمل المحضر وان ظباط القسم والمامور كانوا بيتحايلوا عليه عشان تتحل ودي، وبعدين هو اصر فنادوله وعمل المحضر، بالليل كلمته فقالي انهم اتعرضوا علي النيابة العسكري في لاظوغلي واتحدد معاد للجلسة.
مع اني سالته لما طلع ازاي هو متدايق وبيقول مواطن وهو امين شرطة يعني وش عذب او ضرب حد، فحلف وقال لا عمري "دانا لما حد بيغلط فيا في الشارع باقله حقك عليا"، بس الموضوع ده فكرني برجال الاعمال اللي بيوقعوا بعض كل شوية، نفس الحاكية بتحصل في الشرطة، ظباط وعساكر وامناء القسم بيظبطوا بعض بس اي حد برا الدايرة ديه يتعامل عادي، والعادي بتاع الشرطة مش عادي، عشان كده الامين ده اتضرب، عشان كده المؤسسات ديه هاتتفكك مع الوقت زي الحزب الوطني كده
لو فيروز كانت ايام الاغريق كانوا عملوها الهة الغناء.
شوفتو فضيحة ساركوزي؟ رئيس المخابرات السابق قال ان ساركوزي كان علي علاقة مع حرم وزير حالي، ساركوزي رد وقال:الكلام ده انا كنت محتفظ بيه لنفسي، مش عارف اتسرب ازاي، اللي يهمنا في الموضوع ان الفرق بين الرؤساء الاجانب والرؤساء العرب ان الرؤساء الاجانب بيمارسوا الجنس مع الستات اما الرؤساء العرب بيمارسوا الجنس مع الشعوب.
اكتر حاجة بتدايقني لما حد يعمل حاجة غلط ويقول هي جت عليا انا، ما مصر ماشية بالغلط.
واحد اتنين تلاتة، قبرة الخياطة، خيطيلي كمي، اوعي تقولي لامي، امي تقول لابويا، ابويا يدبحني، والخروف ينطحني، والبطة تحوش عني(أو كما قال)
كل ماعدي جنب حاجة للجيش الاقي صورة الريس في وسط ترسانة اسلحة وبيعمل باي باي، نفسي اعرف بيعمل باي باي لمين، هي مراجيح ولا ايه؟
لما حد بيقول "هاللو" باحس ان مصريتي ورجولتي انتٌهكت بمجرد اني سمعتها
انا ماعنديش اي مشكلة ان بنت ماتبقاش محجبة، بس باكره بقي لما واحدة تتحجب وفي نفس الوقت تلبس بنطلون او بنتكور او جيب قصير وتمشي تتدلع، لان ده هايحرف في شكل الحجاب مع الوقت، بجد فيه بنات باحس اني عاوز اقلعها الحجاب واقلها "بلاش تعملي زي مالمواطن المصري العبيط كتب"غطي شعرك وامشي عريانة""اللي بيدايقني اكتر بقي ان فيه عبايات نازلة جلد محزقة، بقيت الاقي بنات منقبة لابساها علي نقاب، تحت شعار:خبي الوش وفرجيهم عالعش
انا عمري ما عاكست، باحس ان اللي بيعاكس ده انسان حقير، بس فيه الفاظ بتقرفني من البنات لما باسمعها، زي مثلا: يا صفايح السمنة البلدي، وزة، اموت في اللحم الابيض(ده بالذات باحس ان البنت لحمة متعلقة عند ابناء عباس)
عمي شف في الدنمارك، المهم بيقولي ان لو حد داق بمعلقة واحدة مرتين بيتطرد، التلفزيونات العربية بتجيب حد بيعمل اكل يقوم هارش في دقنه ويكمل، وبيقدموه علي انه كان شف مش عارف في فندق ايه، ده برضه بيتطرد في الدنمارك، اللي انا شفته بقي وانا داخل الحمام، لقيت شف من بتوع البيتزا واقف "بيتبوأ" وبعد ما انهي قام فارك ايده وراح يكمل عمل البيتزا اللذيذة
عندنا دكتور الانتاج الماني بس مسخرة، مش جد خالص، وكل ماحد يشتغله في المحاضرة يقله انا شبراوي، وكان حد محفظه وقاله العيال هاتجيب ورا اول ماتقلهم انك من شبرا، الجامد بقي لو حفظناه ان لو حد رغي معاه يقله مثلا "اديني فطيري"
نفسي افهم لما واحدة بتبقي مليانة بتلبس ديق ليه، يعني ايه الهدف بجد؟
نفسي اعرف ليه تامر حسني طلع الصحرا عشان يخش الحمام في اغنية "انا مش عارف اتغير"، هو المية كانت قاطعة عندهم؟
بالنسبة للاغنية اللي قبليها بقي، اللي هي كانت في شقة ديه، تامر دخل بالجيتار عالاوضة، خرج هو وواحد بيبصله نظرات اعجاب، وبيضحك ضحكة ارتياح، قعدوا يعزفوا شوية وبعدين سابلهم الجيتار ومشي ولفيلهم وضحك. تفتكروا عملوا ايه قبل مايطلعوا من الاوضة، وتفتكروا سابلهم الجيتار ليه؟
بيقولو ان
Ladies first
ديه من قصة انجليزية لاتنين كانوا بيحبوا بعض، واهلهم رفضوا جوازهم فاتفقوا انهم ينتحروا، وبعد ما الولد رمي نفسه من الجبل البنت خافت، فالناس قالت
Ladies first even to hell
بس انا بيتهايئلي ان المقولة زي المقولات الكتيرة اللي الغرب سرقها مننا، المقولة ديه اكيد واحد مصري او عالاقل عربي هو اللي قالها، علشان يقنع البنات تعدي قدامه وبالتالي يقدر يبص.!
مصر هي البلد الوحيدة ف المنطقة العربية اللي فيها ختان اناث، وفيه ناس بتقول انه من الدين الاسلامي، مع ان فيه مسيحيين في الارياف بيعملوه، وماحدش عارف يقنعهم ان ده غلط نفسيا وفيزيائيا، فانا قررت اني لما ابقي رئيس جمهورية مش هاحاول اقنعهم، بالعكس انا هاعمل قانون يحث المواطن علي "تأوير" العضو بالكامل، وبالتالي الشعب المتخلف ده هينقرض بقي ونخلص منه
تقريبا السعوديين فاكرين ان الحجاب "فرض علي كل مسلم ومسلمة"، عشان كده بيلبسوا عبايات وطرح
مصر خلطة مش موجودة في اي حتة تانية، وفيها كل حاجة فعلا، الخلطة ديه اي حد بيشوفها بتجننه لدرجة انه بيتجاهل كل مشاكلها وقرفها وبيرجعلها تاني
شوفتو فضيحة ساركوزي؟ رئيس المخابرات السابق قال ان ساركوزي كان علي علاقة مع حرم وزير حالي، ساركوزي رد وقال:الكلام ده انا كنت محتفظ بيه لنفسي، مش عارف اتسرب ازاي، اللي يهمنا في الموضوع ان الفرق بين الرؤساء الاجانب والرؤساء العرب ان الرؤساء الاجانب بيمارسوا الجنس مع الستات اما الرؤساء العرب بيمارسوا الجنس مع الشعوب.
اكتر حاجة بتدايقني لما حد يعمل حاجة غلط ويقول هي جت عليا انا، ما مصر ماشية بالغلط.
واحد اتنين تلاتة، قبرة الخياطة، خيطيلي كمي، اوعي تقولي لامي، امي تقول لابويا، ابويا يدبحني، والخروف ينطحني، والبطة تحوش عني(أو كما قال)
كل ماعدي جنب حاجة للجيش الاقي صورة الريس في وسط ترسانة اسلحة وبيعمل باي باي، نفسي اعرف بيعمل باي باي لمين، هي مراجيح ولا ايه؟
لما حد بيقول "هاللو" باحس ان مصريتي ورجولتي انتٌهكت بمجرد اني سمعتها
انا ماعنديش اي مشكلة ان بنت ماتبقاش محجبة، بس باكره بقي لما واحدة تتحجب وفي نفس الوقت تلبس بنطلون او بنتكور او جيب قصير وتمشي تتدلع، لان ده هايحرف في شكل الحجاب مع الوقت، بجد فيه بنات باحس اني عاوز اقلعها الحجاب واقلها "بلاش تعملي زي مالمواطن المصري العبيط كتب"غطي شعرك وامشي عريانة""اللي بيدايقني اكتر بقي ان فيه عبايات نازلة جلد محزقة، بقيت الاقي بنات منقبة لابساها علي نقاب، تحت شعار:خبي الوش وفرجيهم عالعش
انا عمري ما عاكست، باحس ان اللي بيعاكس ده انسان حقير، بس فيه الفاظ بتقرفني من البنات لما باسمعها، زي مثلا: يا صفايح السمنة البلدي، وزة، اموت في اللحم الابيض(ده بالذات باحس ان البنت لحمة متعلقة عند ابناء عباس)
عمي شف في الدنمارك، المهم بيقولي ان لو حد داق بمعلقة واحدة مرتين بيتطرد، التلفزيونات العربية بتجيب حد بيعمل اكل يقوم هارش في دقنه ويكمل، وبيقدموه علي انه كان شف مش عارف في فندق ايه، ده برضه بيتطرد في الدنمارك، اللي انا شفته بقي وانا داخل الحمام، لقيت شف من بتوع البيتزا واقف "بيتبوأ" وبعد ما انهي قام فارك ايده وراح يكمل عمل البيتزا اللذيذة
عندنا دكتور الانتاج الماني بس مسخرة، مش جد خالص، وكل ماحد يشتغله في المحاضرة يقله انا شبراوي، وكان حد محفظه وقاله العيال هاتجيب ورا اول ماتقلهم انك من شبرا، الجامد بقي لو حفظناه ان لو حد رغي معاه يقله مثلا "اديني فطيري"
نفسي افهم لما واحدة بتبقي مليانة بتلبس ديق ليه، يعني ايه الهدف بجد؟
نفسي اعرف ليه تامر حسني طلع الصحرا عشان يخش الحمام في اغنية "انا مش عارف اتغير"، هو المية كانت قاطعة عندهم؟
بالنسبة للاغنية اللي قبليها بقي، اللي هي كانت في شقة ديه، تامر دخل بالجيتار عالاوضة، خرج هو وواحد بيبصله نظرات اعجاب، وبيضحك ضحكة ارتياح، قعدوا يعزفوا شوية وبعدين سابلهم الجيتار ومشي ولفيلهم وضحك. تفتكروا عملوا ايه قبل مايطلعوا من الاوضة، وتفتكروا سابلهم الجيتار ليه؟
بيقولو ان
Ladies first
ديه من قصة انجليزية لاتنين كانوا بيحبوا بعض، واهلهم رفضوا جوازهم فاتفقوا انهم ينتحروا، وبعد ما الولد رمي نفسه من الجبل البنت خافت، فالناس قالت
Ladies first even to hell
بس انا بيتهايئلي ان المقولة زي المقولات الكتيرة اللي الغرب سرقها مننا، المقولة ديه اكيد واحد مصري او عالاقل عربي هو اللي قالها، علشان يقنع البنات تعدي قدامه وبالتالي يقدر يبص.!
مصر هي البلد الوحيدة ف المنطقة العربية اللي فيها ختان اناث، وفيه ناس بتقول انه من الدين الاسلامي، مع ان فيه مسيحيين في الارياف بيعملوه، وماحدش عارف يقنعهم ان ده غلط نفسيا وفيزيائيا، فانا قررت اني لما ابقي رئيس جمهورية مش هاحاول اقنعهم، بالعكس انا هاعمل قانون يحث المواطن علي "تأوير" العضو بالكامل، وبالتالي الشعب المتخلف ده هينقرض بقي ونخلص منه
تقريبا السعوديين فاكرين ان الحجاب "فرض علي كل مسلم ومسلمة"، عشان كده بيلبسوا عبايات وطرح
مصر خلطة مش موجودة في اي حتة تانية، وفيها كل حاجة فعلا، الخلطة ديه اي حد بيشوفها بتجننه لدرجة انه بيتجاهل كل مشاكلها وقرفها وبيرجعلها تاني
