عنها

Posted by 3rby at 10:18 AM

اول مرة شفتها كنت مع صحابي وهي فوق في دور تاني، قعدوا يقولو بصوا هي جامدة اد ايه، بس انا كنت مركز في عنيها، كان فيهم حاجة مميزة، بس الإعجاب ده راح مع الوقت، حاولت كتير تتعرف عليا، بس مش عارف انا كنت اهبل ليه وباوقف علاقاتي مع الناس عند حتة معينة باسميها "السلام، سلام"، ولما حاولت اصلح الموضوع ده هي كانت بتتعامل معايا بنفس طريقتي القديمة، يمكن كانت شايفاني أليط، بعدين انا رحت مكان وهي راحت مكان، ماشفتهاش لمدة سنتين لدرجة اني كنت باحلم بيها ، وفي يوم كنت ماشي وافتكرتها، فاجئة حسيت ان الزمن وقف، والصوت كله اختفي ماعدا صوت عربية بتطلع مطب، بصيت لقيتها بصالي، اللحظة ديه خدت زي ساعة، هي مابدرتش بالسلام، يمكن كانت خايفة لاحرجها وماسلمش او يمكن كانت خايفة من اللي راكبة معاه، وانا ماكنتش مصدق اني شفتها وبعدين لما قررت اسلم خفت عليها من اللي كانت راكبة معاه لانه ماكنش هايفهم، وبعدين العربية نزلت المطب ومشيت بسرعة، حسيت ان فيه حد طلع من جوايا وجري وراها، بس انا كنت هناك، واقف متسمر مش عارف ده كان من خيالي عشان كنت بافتكرها ولا هي بجد، وقررت اني لما اشوفها مش هاسيبها

 

Labels:

6 comments:

  1. Hypatia said... November 5, 2008 at 10:46 AM

    حمار
    :))  

  2. Hypatia said... November 5, 2008 at 10:47 AM

    طبعا التعليق اللى فوق ده يعتبر
    offense
    و حيحصله
    deleting
    حاقتلك لو مسحته اصله مش يوم مسح تعليقاتى العالمى  

  3. zahra said... November 6, 2008 at 9:24 AM

    الظاهر انك اصبحت مدمن تضييع فرص
    و للأسف الحياة مش بتدى للإنسان فرص كتير  

  4. 3rby said... November 6, 2008 at 10:07 AM

    زهرة الياسمين:
    عشان انا حمار زي ماقالت نسرين  

  5. Anonymous said... November 7, 2008 at 1:07 AM

    كويس انى شوفت الكلمتين دول قبل ما البس فى الحيط انا كمان :)))  

  6. ذو النون المصري said... November 8, 2008 at 12:04 PM

    حسيت ان فيه حد طلع من جواك و جري وراها!!!
    من اجمل التعبيرات التي قراتها عن هذه المشاعر
    و انا ايضا اؤكد لك اني حست بهذه الاحاسيس كثير جدا و لمرات كيره جدا  

Post a Comment

Subscribe to: Post Comments (Atom)