غريبة



كنت قاعد جنب ناس وباتفرج علي باسكت
وبعدين الاتنين اللي جنبي قاموا
ماقربتش من الباقيين
شفت واحد مش صاحبي بس اعرفه كان قالي اعمله اد علي هاي فايف
(عارف يا خفيف اني ضد هاي فايف عندي اكونت مافيهوش صور علشان من خلال الموقع ده باتفرس من الاحتلال الاستقراطي لمصر....من زاوية تحليلية يعني)

رحت اساله علي ايميله...قربت وسمعت:
واتحنطر..درجن درجن...اتحنطر درجن درجن
اركب الحنطور..درجن درجن
سلمت عليه...جيت اسلم علي صاحبته اللي اوحش من الواد(الواد اشقر وهي كرتا وسودا)ومش عارف مصاحبها ليه...المهم مديتلها ايدي
ولاول مره اكتشف ان
newton's law of matter(matter is neither created nor destroyed...but changes from one form to another)
قانون غلط
ولا كاني واقف
space
اول مره بنت تسبلني في المدرسة ديه
قالي:معلش مش بتسلم عل ولاد
وسلم عليا تاني
طبعا كنت هاموت من الغيظ بس ماعرفوش فامرضتش اقفش فيها


الغريب في الموضوع
انها مصاحبة
ولازقة في واد وناقص يقوموا يبوسوا في بعض في وسط المدرسة
وفي الاخر مابتسلمش علي ولاد
وعايشة في دور الطاهرة الشريفة
ده المحجبة اللي مستحرمة السلام بالايد بتلبس جوانتي
وهي ولا محجبة ولا حاجة
العكس تماما
ماحدش يقول هي حرة
اسمه قلة ذوق...ديه حتة مش هي اللي قالت مش باسلم علي ولاد
ده صاحبها
الاغرب من ده وده
ان اللي مصاحبة في معظم الوقت بتبقي مش بتحب صاحبها
او علي الاقل الحب بيجي تعود او تمثيل بعد المصاحبة
بتبقي مصاحبة علشان تقول
i exist
وتهرب من سجن في بيتها
اهلها بيقولولها لو ولد سالك علي حاجة ماترديش
كده يعني
ديه بقي صاحبت علشان تهرب من سجن لسجن
اصل اكيد صاحبها هو اللي قالها ماتسلميش بالايد علي حد وعملت نفسها مش بتسلم علشان مازعلش منه
كل الفرق ان بعد ما اهلها هم اللي كانوا ساجنينها
صاحبها هو اللي بقي ساجنها
يعني علي راي ابراهيم ناجي
فلما قضي الحظ فك الاسير*****عاد الي اسره مطلقا

بي اس:كتبته ومسحته من اسبوع بعد ساعتين ولا حاجة
ناسف للبعتة يا رشا

بي اس تاني:
اسف يا جماعة بقالي فترة كل يوم درسين ووقتي بايظ فمش هادخل غير كل اسبوع واكيد لاحظتوا انخفاض تعليقاتي
بس مش عاوز حد يزعل مني

13 comments:

  1. الكلام نوعان :كلام فارغ وكلام مليان كلام فارغ said...

    عايزه افولك حاجه في الاول انا مفهمتش اى حاجه خالص بس لما قريت فهمت الرساله اللى جوه البوست
    اصلا مفيش حاجه اسمها مصاحبه بين الولد والبنت وانت اللى غلطان اساسا لما رحت واتكلمت معاهم او سلمت
    بس اما بقى باالنسبه للسلام بالايد هوه اصلا حرام وفيه نوغ من الرجاله بتاخده توع من الحمشنه على البنات....اى كلام يعنى
    شكرا على البوست ده بس ياريت ابقى وضحه شويه  

  2. soosa el-mafroosa said...

    إنت فين يا عربي

    فعلا واحشانا تعليقاتك
    ربنا معاك

    انت عارف طبعا ان هما الإتنين بيشتغلوا بعض

    لا هو بيحبها و لا هي بتحبه

    هي مجرد تمثيليه من مستلزماتها انها تقولوا ماتكلمش بنات غيري
    و هو يقولها ماتسلميش على حد

    و هي تقوله عينيا و هو يقولها طبعا ياروحي
    إشتغالاااااات و بس

    شد حيلك  

  3. ذو النون المصري said...

    ههههههههههههه
    مبتسلمش علي حد ولازقه في الواد
    شغلانه هيه طبعا
    كل شويه واحد يعمل نفسه دكر علي واحده يخليها متسلمش علي حد
    زيه زي اللي عمل علي الفرخه شربه
    ههههههههههه
    يعمل نفسه دكر علي حاجه تانيه
    طيب؟؟؟  

  4. عبدالله مفتاح said...

    بص يا سيدي
    المرة دي انا هستشهد بقواعد الاتيكيت

    الاتيكيت بيقول ان الراجل ميمدش ايده الا لو البنت مدت عشان تسلم

    يعني انت لما مديت ايدك عشان تسلم عليها ده تصرف مش شيك  

  5. أحمد المصري said...

    والله عندك حق باعربي00ازدواجية فكر مستفزة فعلا 00وعلى رأي سوسة 00تشتغالااااااااااات00ربنا بهدي0
    مع تحبياتي00
    والسلام عليكم0  

  6. Rasha said...

    عربي خطيبي
    مش انا قولتلك مش تسلم على بنات هههههه
    شايف دوق بقى عشان مش بتسمع الكلااام

    والله يا عربي بجد والله لو احنا بنفهم شويه الي بنعمله كان مكنش بقى دا حالنا كل حاجه بيقلدو فيها من غير ما يفهمو يعني المصاحبة بقيت موضه
    ومنظرة بس ويجي حتى الولد لما يعرف عن البنت الي معاه مش يقول اسمها يقول صاحبتي
    يعني بمعنى اخر بقيت ملكه محديش يقرب

    ايه الهبل دا والله انا اعرف واحد وكنا انا واخويا واقفين
    وسلم علينا وماسك ايد بنت فسلمنا عليه وبيقولها اسماءنا وبعدين بيقول صاحبني حتى مقلش اسمها خايف نكولها مثلا هههه وفضلنا نضحك انا واخويا عليه
    وطبعا الولد دا كل اسبوع مع واحده وبرضوه ملهموش اسم :)

    وبعدين ابعد عن الشر وغنيلوه
    سيبك يا بني هما لسه مش فاهمين
    والبنت يعني هي الي راضيه ان ميكونش ليها كيان

    ولا تتأسف ولا حاجه انت واحشنا بس الدراسه اهم;)
    سلاااام  

  7. 3rby said...

    انا هاقول كل الاسم ده ولا ايه
    انواع الكلام:
    انا قصدي انها خرجت من سجن اهلها لسجن تاني
    بس خلاص
    وكمية الازدواجية في انها قاعدة في حضن واحد وبتقول مش باسلم بالايد

    سوسة المهروسة:
    وحشان موووووت
    بس معلش والله مابقتش انام علشان كل مدرس بيقول اهتموا بمادتي ويدينا حصص وواجبات وامتحانات زيادة عن العادي
    انا اتكلمت عن المصاحبة قبل ده في بوست"بنت وولد"هي مصلحة مش اكتر
    مره وانا في اولي ثانوي واحد قالي انا ومنجي انا مصاحب علشان لما بتبقي مصاحب تحس ان الناس بتحترمك
    ديه حاجة بتحصل فعلا
    الولاد بيسيبوا المصاحب في حاله ويقولو ده مصاحب كذا يبقي اكيد واد جامد وعند البنات نفس الحوار


    ذو النون:
    ولو شاف اخته بتسلم علي حد هايبنفخها
    مصر علي راي يوسف شاهين
    هي فوضي
    في كل حاجة هي فوضي
    يعني لو اللي راضيه علي بنات الناس راضيه علي اخته يبقي فيه توازن
    اما كده النظام الاجتماعي هايبقي فيه خلل وهو جواه هايبقي فيه خلل
    بيعمل حاجة حاسس وعارف ومقتنع انها غلط ومع ذلك بيعملها كل يوم

    عبد الله:
    مش ده الموضوع
    انا باتكلم في ازدواجية المعايير
    وبعدين الاتيكيت اللي انت بتقول عليه ده بيختلف من مكاان لمكان
    يعني في مدرستنا الاتيكيت ان البنت تلبس جيب محزق عليها وتوطي قدام الولاد وهم يقعد يعلقوا وهي تكمل
    وتقولي اتيكيت


    احمد المصري:
    ازيك؟
    شيلت د\ليه؟
    ربنا يهدي
    او ياخد الشعب ده  

  8. 3rby said...

    رشا علقت وانا باعلق
    نكولها ازاي يعني؟
    هي كده راضي ترجع لزمن الجواري
    وانا طبعا ضد ده
    علشان هابقي الملك الوحيد
    واحدة بريشة وواحدة بصاجات وواحدة بجوزة وقرش حشيش
    وامان يالللي
    قاعد باسمع صبري مدللي
    فسرحت
    بس ايه ده
    عندكوا مصاحبة في الاردن
    ده المصاحبة انتشرت في الوطن العربي اسرع من انتشار الاديان
    هي موضة فعلا
    هي فوضي  

  9. Anonymous said...

    ما تحرقش في دمك يا عربي يا خويا ما المعايير ال"أي كلام" منتشرة في كل حاجة قصدي متفشية في كل حاجة...اللي لابسة حجاب من فوق ومن تحت بنطلون محزق، واللي معلقة صليب قد كدة على الكت والحملات..مش باتكلم على الأديان خالص دلوقت..بس عن المظاهر التي لا تعكس أي شئ من الجوهر الحقيقي..ودي حالة متفشية عندنا في مصر.وطبعا في حتت تانية كتير...المهم جوهر موضوعك حلو..وخلينا احنا الكبار...ويرحمنا ربنا على رأي والدي  

  10. boldozer said...

    المشكلة اننا شعب بيحب المظاهر , زي البلونه .. من بره شكل ضخم لكن الداخل مجرد هواء  

  11. Epitaph said...

    اشتغالات
    وكله وهم بالنسبة لهم

    الله يهدي

    و حشانا تعلياتك انت و منجي يا عربي

    ربنا معاكم

    :) شدوا حيلكم يا ابطال  

  12. واحـــد مـــــن الـنـــاس said...

    من برة هالله هالله
    ومن جوه يعلم الله
    هوا الشعب المصري كده :)  

  13. Nouran said...

    يا عم ما انت قلتها قبل كده كلها اشتغالات ولعب اصلا ومحدش فيهم بيحترم التاني
    المهم يا عم ركز خلاص دخلنا ف شهر تلاتة ربنا معاك يا عربي انت ومنجي :)