أقنعة




-هم البشر ليه زي الصخور؟

-لأ،الصخر بيعيش من غير قناع،

اما البشر بتموت مُقنّعة

-مش صخور طيب كلاب؟

-لأ، ده الكلاب لصحابهم اوفيا،

اما البشر ايديهم لنفوسهم مؤذية

- طيب امال يبقوا ايه؟

- مجرد مخلوقات مقرفة

عايشة بنفوس مشوهة

8 comments:

  1. tota said...

    عربى
    صحيح المخلوق البشرى ما ينفعش انك تشبهه بأى حاجة جماد كانت او حيوان لان ده ظلم ليهم
    فهو انسب حاجة ليه انه انسان او بشر بس ارجع اقولك زى ما فى بشر سيئين جدا ومعندهمش هدف غير ايزاء البشر التانيين وتعكير صفو حياتهم
    فى بشر من نوع تانى بيخلقوا ابتسامة ويمسحوا هموم الناس

    من غير السيئين دول عمرك ما هتعرف قيمة الناس الكويسة هى دى ببساطة الفايدة الوحيدة للنوعية دى من البشر

    هون عليك يا عربى الدنيا فيها وفيها واحنا دورنا نختار هنتعامل مع مين ونسيب مين

    احلى صباح  

  2. 3rby said...

    والله وانا بالف شوفت كومنتاتك عند الناس فحسيت انك وحشاني اوي المشكلة انك بداتي تكتبي وانا بابطل عشان الثانوية فماقدرتش اتابعك اوي بس من الحكايات بجد انتي انسانة جميلة اوي

    ديه حاجة انا كتبتها من كذا شهر بس كنت مش فاضي عشان انشره والنهاردة حسيت بيه تاني فافتكرته ونشرته
    بس لما نشرته ارتحت  

  3. بنت مصرية said...

    والنبي دا بوست تحطه فى يوم مفترج زى دا

    مبروك يا عم

    على فكرة البشر وحشين اغلبهم،ودى حقيقة،بس فى ناس طيبيبن،دور عليهم
    :)  

  4. ibn nasser - ابن ناصر said...

    ملوق
    ليس له مثيل
    وصعب تشبيه
    تحياتي  

  5. حازم شلبى said...

    اولا مبروك يا باشا الثانوية العامة الست زيزى فضحتك على مدونتها ثانيا بصراحة اول مرة اشوف مدونتك شغل حلو وكلام كبير و جرئ اتمنى لك التوفيق واتمنى دوام التواصل وياريت تمر عليا فى مدونتى احلام صغيرة
    haneeni.blogspot.com  

  6. حزيــــــــــــــــــن said...

    مبروك النجاح
    وخلى بالك من نفسك فى مرحلة الجامعه
    بلاش حب
    اجتهد عشان ضميرك يكون مرتاح
    وربنا يحفظك
    انا اول مره ازورك  

  7. Nouran said...

    ايه يا باشا ليه كده ؟؟
    مش للدرجة دي اينعم الواحد زهقاان من حياته بس برضك


    زيزي كاتبالك بوست يا عم بس انا معرفتش
    انت عملت ايه ف النتيجة مكتبتش بوست ليه
    ومنجي عمل ايه ؟؟  

  8. 3rby said...

    زيزي:
    شكرا شكرا شكراااااا والله بسطيني وانا متدايق
    الله يبارك فيكي

    ابن ناصر:
    منور
    مخلوق عبارة عن لعنة

    حازم شلبي:
    ربنا يخليك
    زورتك


    حزين:
    منغير ماتقول بلاش حب خلاص يعني انا مقتنع

    منورني ياباشا


    نوران:
    انا متدايقجبت في تالتة 93.3 بس فبقيت جايب في السنتين 91.5 بس لسه هاراجع العربي عشان ناقص في 6 درجات
    منجي بقي بسم الله ماشاء الله جاب 96.5
    هاكتب بوست لما الاقي حتة عدلة تلمني