عن الاضراب

بصوا اولا انا ماضربتش بالكامل
انا اضطريت اروح الجامعة الصبح عشان فاضلي حصة لو غبتها هاشيل انكليزي
بس رجعت علي 11 ولغيت الامتحانات حتي والمحاضرات
بس خليت امي توديني الصبح عشان ماركبش مواصلات ووانا راجع ركبت ميكروباصات
اولا 3\4 من الجامعة غايبيين، فاضية جدا واللي موجودين معظمهم لابس اسود في اسود
وكل الناس فاكرة انها لوحدها اللي حاسة بالناس لان السياسة ممنوع في الجامعة فمحدش يعرف مين ليه ومين مالوش، غير من صحابو يعني
المضحك ان ناس كتير مضربة عشان ساندوتش البانيه بقي ب10 جنيه وسلايس البيتزا بقي ب6 جنيه ونص
سالت واحد من الامن عن اذا كانت الجامعة مانعاهم من الغياب ولا لا
قالي لا في الول بعدين قعدت اتكلم معاه لحد ماوقع بلسانه وقالي ان اليوم النهاردة ب5 ايام غياب
المدرس لما عرف اني مضرب وكده وكنت ناوي اروح ميدان التحرير قالي روح وامتحن في يوم تاني وكان متعاطف جدا
المشكلة اني مارحتش لان الميدان فاضي جدا
لاحظت حاجة بقي ان كل اللي نزلوا ماشتروش حاجة النهاردة
والاوتيبسات ماشية فاضية في مدينة نصر الناس بتركب ميكروباصات بس


وفي الاخر احب اقول لكل اخواني ماضربش:
اشمخرت.....انت والجماعة

2 comments:

  1. abdelraof said...

    bos el 7aga el wa7eda el ana shayf en el adrab momken ykon m2asr feha hya en el net enaharda zay el zeft !  

  2. 3rby said...

    :)

    انت مانزلتش من البيت ولا ايه
    مافتحتش التلفزيون
    اول يوم في تاريخ مصر يبقي كوبري 6 اكتوبر العصرية فاضي تماما في خلفية كل البرامج

    يابني اليوم نجح نجح نجح
    المدرسة اللي امي بتشتغل فيها كان الغياب 70%
    كفاية ان الاسعار نزلت جنيه في الرز والزيت
    http://6april08.blogspot.com/
    ممكن تتابع من هنا الحالة لحظة بلحظة