امنيتي

طول عمري باحب الوحدة، نفسي ابقي الانسان الوحيد في العالم، زي كده ويل سميث في
i am legend
اصحي كده لوحدي مش الصبح وقت مابقي عاوز اصحي، اخرج كل يوم في حتة شكل وكل يوم اغير بيت شكل
زمان لما كنت في اعدادي كنت باحب بنت: البنت ديه حبيتها من شعرها، اسود عامل كده زي شعر الموديلز بتوع صنسيلك
حتي بعد ماتحجبت فضلت احبها، 3 سنين كل يوم بيجيلي نفس الحلم، اعيش انا وهي بس علي جزيرة استوائية مافيش غير البحر والسما، بس ماحلمت اننا رحنا مدينة سيبنا بعض وبطلت احبها، كل ده من الناس.
حتي في الحقيقة بطلت احبها بعد حلم المدينة، او حلم الناس، اوحش حاجة لما الناس تدخل مابينك وبين حد بتحبه، بعد مايفرقوا بنكم تبقي عاوز تحرقهم زي مانتا محروق من جوا عاللي انت بتحبه، مش عارف ليه افتكرت الحكاية ديه دلوقتي، بس حاسس اني محروق من جوايا علي حد برضو.
علشان كده اول حاجة هاعملها لما يبقي معايا فلوس اني هسافر واعيش في جزيرة لوحدي بقية عمري، منغير ماخد معايا حد عشان مازعلش عليه بعد كده

5 comments:

  1. weswes said...

    انا اكتر وحده معترضه على المثل اللى بيقول الجنه من غير ناس ما تنداس
    لان انا لو لقيت ارض خلا من غير ناس بتعتى انا لوحدى هتبقى هى دى الجنه وازرع بقى برحتى واعيش
    بالله عليك يا احمد لو تعرف السمسار اللى هيجبلك الجزيره بتاعتك كلمه على وحده ليها
    وبعد ما نخدها نقطع العلاقات
    ههههههههههه  

  2. 3rby said...

    ::)
    واضح انك بتعزيني اوي يا وسام
    هو والله ولا الناس بتوع الواحديتعاشروا لان لو علاقتك حلوة بيهم علاقتهم ببعض هاتبقي وحشة  

  3. Anonymous said...

    Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Celular, I hope you enjoy. The address is http://telefone-celular-brasil.blogspot.com. A hug.  

  4. ذو النون المصري said...

    انا حلمت بنفس الاحلام دي و لفتره طويله جدا من عمري
    و اكتر حاجه فعلا كرهتها ان الواحد يحب و ميقدرش يصارح او يفاتح اهله بشان من يحب  

  5. Anonymous said...

    يبقى حتسيب الجزيرة بعديها بكام يوم كده بالكتير قوى حتلاقى نفسك بتفقد تأثير الناس عليك و تأثيرك عليهم مفيش جديد حتى لو على المشاكل نفسهافهيا ليها روح جميلة كده بس برده لازم نجرد احساس انك لوحدك بس اهو تجديد برده بس ابقى خدنى معاك ..... شوف الرخامة اللى انا فيها يا عمى :)