دلوقتي السيدة سوزان مبارك هاتزور جامعتي (الجامعة الألمانية) بكرة(20 نوفمبر) اللي انا من اسباب دخولي ليها اني ماتلطعش كل يوم والتاني عشان حد معدي. اللي مدايقني ان الطريق هايتقفل والناس مش هاتروح مصالحها وان سيكيورتي الجامعة هايمشوا وهايجيبوا بدالهم الحرس الجمهوري ويفتشونا وان مبني من المباني الطلبة هايتطردوا منه زي الحرامية.مش بس كده انا اللي مش فاهمه ليه يوم في الجامعة الالمانية ويوم في الامريكية يعني ليه مش بتدعم (كشخص وليس كممثل للدولة لانها مش ممثلة للدولة) الجامعات الحكومية يعني ليه مارحتش هندسة عين شمس لما عملوا اول ريبوت مصري 100% ليه جاتلنا لما عملوا اول منظومة اعلام رقمي في العالم وليه الجامعات المصرية مش هي اللي تعمل اول منظومة اعلام رقمي في العالم وليه سايبين الجامعات المصرية كده. يعني اخويا في هندسة عين شمس بيقولي ان السيكشن فوق المتين فرد وده عدد الليكتشر عندنا.يعني السيكشن عندي حجمه واحد علي عشرة من سيكشن هندسة عين شمس(سكشني مابيزدش عن 25 فرد) بالذمة مش حرام.
وبعدين حاجة تانية، ليه عندها موكب وليه الحرس الجمهوري يتحرك عشانها.
كان نفسي مابقاش اجازة فاليوم ده او ابقي فاضي بعدها عشان اقلها الكلام ده بس المشكلة ان عندي ميد تيرم ومحتاج كل سانية

انا عرفت المعلومات ديه من الداكترة بس الجامعة عملاها زيارة سرية بصوا ديه رسالة جاتلي علي ايميل الجامعة


"Dear Students,

On the occasion of the inauguration of the Digital Media campus, the GUC tomorrow the 20th of November 2007 will be hosting some eminent guests at the C5 building. Accordingly we were obliged to reschedule the tutorials held during the 5th slot in another location so please review the attached rescheduled location for the tutorial .( this is only applied for the 20th of November ) .

We would kindly request you to follow the security instruction by the time you are abandoning the building."




1 comments:

  1. . said...

    انا اول حاجة فكرت فيها لما قالولي انها رايحة الجامعة عندكو بكرة
    هيا ليه بجد بتعمل كده مع الجامعات الخاصة انا مش فاهمة ما عايزين ايه
    هيا الظاهر عارفة لما هتيجي عين شمس ممكن يجيلها ساكتة قلبية فقالت وانا ايه الي يوديني المناطق دي مش من مستوايا
    بجد بجد بقت طريقتهم متخلفة اوي
    ومفقوسة اوي
    بس الناس الي اعرفهم مش رايحين هناك بكرة
    انتا فكلية ايه يا عربي؟