بصوا اولا انا اختلطت في الفترة الاخيرة بناس كتير جدا من الاخوان من القطاع الطلابي الي الكوادر الي القادة نفسهم.
مبدئيا ناس محترمة وزي الفل بس ده مش موضوعنا انا هاتكلم عن ايدلوجيتهم.
مبدئيا انا لو عندي ذرة شك في ان الاسلام مش حل ماكنتش بقيت مسلم كنت بقيت اي حاجة تانية ودافعت عن حق اعتقادي بالجزمة، بس يعني ايه الاسلام هو الحل، الدين اولا شيئ شخصي شخصي شخصي (لكم دينكم ولي دين) بين العبد وربه، يعني هو حل للامور علي المستوي الشخصي، ومين قال ان اللي موجودين مش مسلمين، في كمية الحروب الاهلية علي مدار ال1400 سنة اسلام مين قال انا المسلم، انا مشكلتي كلها منحصرة في الالف واللام بتحسسني انهم معرفين كده وكانهم لوحدهم المسلمين، وبعدين زي ما قال سيدنا علي (القرأن حمال أوجه) هاتطبق انهو اسلام، يعني الاسلام دين خاطب المسلم والمؤمن والكافر والمسيحي واليهودي، كمان كل يهودي وكل مسيحي وكل كافر وكل مسلم ليه فهمه ورؤيته الخاصة للاسلام يعني لو المصريين 70 مليون يبقي فيه 70 مليون فهم للاسلام. هانحكم بانهي اسلام من السبعين مليون؟؟!بلاش سبعين مليون قول حاجة وخمسين مليون مسلم برضو فيه اختلافات كبيرة جدا
ولاني مسلم فمقتنع ان الاسلام منصف وزي الفل بس الخوف من اللي هايحكم بيه ورؤيته للاسلام، يعني مش عاوز الاخوان يبقوا زي حماس (ولا فتح يلعن ابو الجوز عالمسا)
فكرة ان ماينفعش رئيس او رئيس وزرا يبقي من دين غير الاسلام عشان حرام فيها عنصرية واجبار الاخر علي تنفيذ نفس الفكرة، يعني كده كده مصر اغلبيتها مسلمين ومش هايجي رئيس مسيحي بس ماحدش يقول انا مش هاختاره عشان مسيحي ماتختروش وانت ساكت وخلاص بدل المشاكل، بس افرض قدامك الظواهري وقدامك حد مسيحي محترم وكفء ونزيه هاتختار الظواهري عشان لا والله المسيحي ده كافر؟
حكاية بقي الغموض فخلاص انتهي لانهم نزلوا برنامج حزبهم.
حاجة كمان الاسلام دين كله حقوق انسان وحريات وزي الفل-ايه حكاية الفل معايا؟-(حسب رؤيتي انا لان زي ماقلنا القرأن حمال اوجه)
يعني لو اقصيت الاسلام تبقي بتقصي الحريات ديه، وطبعا ماحدش عاوز كده، ممكن يترجموا القرأن علي شكل قوانين مع القياس طبعا لان فيه حاجات صعب تتنفذ علي نفس الشكل اللي من1400 سنة، بس مايقوليش ده الاسلام لانه لو قال كده ماحدش هايتكلم ويقول لا انا مش موافق علي القانون ده هايقولوله يا مرتد لومش مسلم هايقولولهوانت مال امك هو ديننا ولا دينك. انا باعمل كده في حياتي بترجم اسلامي لقيم متفق عليها بين كل الناس ومايبقاش فيها نقاش بدل مالخبط نفسي بكمية التفسيرات المهولة للاسلام. شفت في حياتي كمية ناس بتعمل حاجات حرام كتير وبيحللوها لنفسهم بفهم خاطئ للاسلام بس لو كانت قيم او قوانيين كانوا هايبقوا زي الفل، ممكن لو اسلام منغير مايبقي علي شكل قوانيين كل يوم القانون هايتترجم بشكل مختلف سواء من الاخوان او من براهم وده غلط طبعا. مايبقاش قانون يبقي بظرميط
مايقليش ده الاسلام لاننا كده بنلغي الدولة المدنية وبدل ما مجلس الشعب هو اللي يشرع هانلاقي الشيوخ هم اللي بيشرعوا ونرمي بقي مجلس الشعب ومجلس الشوري في الزبالة ونجيب شيوخ هم اللي يشرعوا وتبقي كلمة الله ومافيش كلمة بعد كلمة ربنا يا ولاد الكلب. وتقلب بقي بايران وولاية الفقيه ومدد يا سيدي العباس مدااد.
يعني لو حزبهم من الاخر بقي حزب اسلامي القواعد في نفس الوقت علماني الطريقة زي حزب العدالة والتنمية يبقوا بجد عملوها صح لان بقية الاشكال للحركات الاسلامية اثبتت فشلها في العالم كله
مبدئيا ناس محترمة وزي الفل بس ده مش موضوعنا انا هاتكلم عن ايدلوجيتهم.
مبدئيا انا لو عندي ذرة شك في ان الاسلام مش حل ماكنتش بقيت مسلم كنت بقيت اي حاجة تانية ودافعت عن حق اعتقادي بالجزمة، بس يعني ايه الاسلام هو الحل، الدين اولا شيئ شخصي شخصي شخصي (لكم دينكم ولي دين) بين العبد وربه، يعني هو حل للامور علي المستوي الشخصي، ومين قال ان اللي موجودين مش مسلمين، في كمية الحروب الاهلية علي مدار ال1400 سنة اسلام مين قال انا المسلم، انا مشكلتي كلها منحصرة في الالف واللام بتحسسني انهم معرفين كده وكانهم لوحدهم المسلمين، وبعدين زي ما قال سيدنا علي (القرأن حمال أوجه) هاتطبق انهو اسلام، يعني الاسلام دين خاطب المسلم والمؤمن والكافر والمسيحي واليهودي، كمان كل يهودي وكل مسيحي وكل كافر وكل مسلم ليه فهمه ورؤيته الخاصة للاسلام يعني لو المصريين 70 مليون يبقي فيه 70 مليون فهم للاسلام. هانحكم بانهي اسلام من السبعين مليون؟؟!بلاش سبعين مليون قول حاجة وخمسين مليون مسلم برضو فيه اختلافات كبيرة جدا
ولاني مسلم فمقتنع ان الاسلام منصف وزي الفل بس الخوف من اللي هايحكم بيه ورؤيته للاسلام، يعني مش عاوز الاخوان يبقوا زي حماس (ولا فتح يلعن ابو الجوز عالمسا)
فكرة ان ماينفعش رئيس او رئيس وزرا يبقي من دين غير الاسلام عشان حرام فيها عنصرية واجبار الاخر علي تنفيذ نفس الفكرة، يعني كده كده مصر اغلبيتها مسلمين ومش هايجي رئيس مسيحي بس ماحدش يقول انا مش هاختاره عشان مسيحي ماتختروش وانت ساكت وخلاص بدل المشاكل، بس افرض قدامك الظواهري وقدامك حد مسيحي محترم وكفء ونزيه هاتختار الظواهري عشان لا والله المسيحي ده كافر؟
حكاية بقي الغموض فخلاص انتهي لانهم نزلوا برنامج حزبهم.
حاجة كمان الاسلام دين كله حقوق انسان وحريات وزي الفل-ايه حكاية الفل معايا؟-(حسب رؤيتي انا لان زي ماقلنا القرأن حمال اوجه)
يعني لو اقصيت الاسلام تبقي بتقصي الحريات ديه، وطبعا ماحدش عاوز كده، ممكن يترجموا القرأن علي شكل قوانين مع القياس طبعا لان فيه حاجات صعب تتنفذ علي نفس الشكل اللي من1400 سنة، بس مايقوليش ده الاسلام لانه لو قال كده ماحدش هايتكلم ويقول لا انا مش موافق علي القانون ده هايقولوله يا مرتد لومش مسلم هايقولولهوانت مال امك هو ديننا ولا دينك. انا باعمل كده في حياتي بترجم اسلامي لقيم متفق عليها بين كل الناس ومايبقاش فيها نقاش بدل مالخبط نفسي بكمية التفسيرات المهولة للاسلام. شفت في حياتي كمية ناس بتعمل حاجات حرام كتير وبيحللوها لنفسهم بفهم خاطئ للاسلام بس لو كانت قيم او قوانيين كانوا هايبقوا زي الفل، ممكن لو اسلام منغير مايبقي علي شكل قوانيين كل يوم القانون هايتترجم بشكل مختلف سواء من الاخوان او من براهم وده غلط طبعا. مايبقاش قانون يبقي بظرميط
مايقليش ده الاسلام لاننا كده بنلغي الدولة المدنية وبدل ما مجلس الشعب هو اللي يشرع هانلاقي الشيوخ هم اللي بيشرعوا ونرمي بقي مجلس الشعب ومجلس الشوري في الزبالة ونجيب شيوخ هم اللي يشرعوا وتبقي كلمة الله ومافيش كلمة بعد كلمة ربنا يا ولاد الكلب. وتقلب بقي بايران وولاية الفقيه ومدد يا سيدي العباس مدااد.
يعني لو حزبهم من الاخر بقي حزب اسلامي القواعد في نفس الوقت علماني الطريقة زي حزب العدالة والتنمية يبقوا بجد عملوها صح لان بقية الاشكال للحركات الاسلامية اثبتت فشلها في العالم كله
دلوقتي السيدة سوزان مبارك هاتزور جامعتي (الجامعة الألمانية) بكرة(20 نوفمبر) اللي انا من اسباب دخولي ليها اني ماتلطعش كل يوم والتاني عشان حد معدي. اللي مدايقني ان الطريق هايتقفل والناس مش هاتروح مصالحها وان سيكيورتي الجامعة هايمشوا وهايجيبوا بدالهم الحرس الجمهوري ويفتشونا وان مبني من المباني الطلبة هايتطردوا منه زي الحرامية.مش بس كده انا اللي مش فاهمه ليه يوم في الجامعة الالمانية ويوم في الامريكية يعني ليه مش بتدعم (كشخص وليس كممثل للدولة لانها مش ممثلة للدولة) الجامعات الحكومية يعني ليه مارحتش هندسة عين شمس لما عملوا اول ريبوت مصري 100% ليه جاتلنا لما عملوا اول منظومة اعلام رقمي في العالم وليه الجامعات المصرية مش هي اللي تعمل اول منظومة اعلام رقمي في العالم وليه سايبين الجامعات المصرية كده. يعني اخويا في هندسة عين شمس بيقولي ان السيكشن فوق المتين فرد وده عدد الليكتشر عندنا.يعني السيكشن عندي حجمه واحد علي عشرة من سيكشن هندسة عين شمس(سكشني مابيزدش عن 25 فرد) بالذمة مش حرام.
وبعدين حاجة تانية، ليه عندها موكب وليه الحرس الجمهوري يتحرك عشانها.
كان نفسي مابقاش اجازة فاليوم ده او ابقي فاضي بعدها عشان اقلها الكلام ده بس المشكلة ان عندي ميد تيرم ومحتاج كل سانية
انا عرفت المعلومات ديه من الداكترة بس الجامعة عملاها زيارة سرية بصوا ديه رسالة جاتلي علي ايميل الجامعة
وبعدين حاجة تانية، ليه عندها موكب وليه الحرس الجمهوري يتحرك عشانها.
كان نفسي مابقاش اجازة فاليوم ده او ابقي فاضي بعدها عشان اقلها الكلام ده بس المشكلة ان عندي ميد تيرم ومحتاج كل سانية
انا عرفت المعلومات ديه من الداكترة بس الجامعة عملاها زيارة سرية بصوا ديه رسالة جاتلي علي ايميل الجامعة
"Dear Students,
On the occasion of the inauguration of the Digital Media campus, the GUC tomorrow the 20th of November 2007 will be hosting some eminent guests at the C5 building. Accordingly we were obliged to reschedule the tutorials held during the 5th slot in another location so please review the attached rescheduled location for the tutorial .( this is only applied for the 20th of November ) .
We would kindly request you to follow the security instruction by the time you are abandoning the building."
اكتئبت، حسيت اني بارد، ماعنديش مشاعر، ياه من اربع سنيين واكتر ماحبتش، طب وماله مانا طول عمري باحب من طرف واحد ولما باحاول اقول للطرف التاني بيحصل حاجة تكرهني فيه، نسيت اني فعلا عايش قصة حب، من ساعة ماشفتها، مربعة وفي بقها السيجارة لابسة سويت شيرت اورنج، حسيت اني عاوز ازعق فيها واقولها ايه اللي بتعمليه ده، فضلت متابعها طول الحفلة وفي مرة جيت ابص عليها مالقتهاش، قمت ادور عليها زي المجنون مالقتهاش، فضلت في دماغي اسبوع او اتنين ونسيت شكلها وبعديها بكمان اسبوعين نسيت وجودها نفسه.
اول حفلة ارضي اروحها في الاذهر بارك وبدون اي ضغط عكس كل الحفلات اللي ضيعتها مع الضغط الضخم، اول مادخلت المسرح عيني اتحركت ليها بشكل لا ارادي،برضو قاعدة مربعة مع صحابها والسيجارة في بقها، عالية، قلت يمكن تكون فهمتني لما اتدايقت من السيجارة المرة اللي قبلها فهربت، المرة ديه هي حرة، المهم انها تفضل، ضحكتلها وضحكتلي،وفضلت باصصلها طول الحفلة لحد ما فاجئة اللي قدامي وقف وعلي ماتحرك كانت اختفت، حسيت انها تهيؤات، السنة ديه شفتها اكتر من مرة في الساقية بتضحك مع كل الناس، الناس كلها بتحبها، صحابها لما بيشفوها بيحضنوها،حضنتها بعيني، بس لما عيني فتحت من الحضن برضو اختفت.
يمكن تكون تهيؤات، يمكن اكون مجنون، بس حتي في خيالي هي حقيقية اكتر من اي بنت عرفتها في الاربع سنين اللي فاتوا وعشان كده اخترتها هي. يمكن عشان باحب المثالية ولما باكتشف ان حد مش مثالي -زي ماكنت فاكره- بيتهز في نظري، يمكن عشان كده لما باحاول اكلمها بتختفي.
اول حفلة ارضي اروحها في الاذهر بارك وبدون اي ضغط عكس كل الحفلات اللي ضيعتها مع الضغط الضخم، اول مادخلت المسرح عيني اتحركت ليها بشكل لا ارادي،برضو قاعدة مربعة مع صحابها والسيجارة في بقها، عالية، قلت يمكن تكون فهمتني لما اتدايقت من السيجارة المرة اللي قبلها فهربت، المرة ديه هي حرة، المهم انها تفضل، ضحكتلها وضحكتلي،وفضلت باصصلها طول الحفلة لحد ما فاجئة اللي قدامي وقف وعلي ماتحرك كانت اختفت، حسيت انها تهيؤات، السنة ديه شفتها اكتر من مرة في الساقية بتضحك مع كل الناس، الناس كلها بتحبها، صحابها لما بيشفوها بيحضنوها،حضنتها بعيني، بس لما عيني فتحت من الحضن برضو اختفت.
يمكن تكون تهيؤات، يمكن اكون مجنون، بس حتي في خيالي هي حقيقية اكتر من اي بنت عرفتها في الاربع سنين اللي فاتوا وعشان كده اخترتها هي. يمكن عشان باحب المثالية ولما باكتشف ان حد مش مثالي -زي ماكنت فاكره- بيتهز في نظري، يمكن عشان كده لما باحاول اكلمها بتختفي.
