كتبت بوست قبل كده عن الاوتيبيس. بس المرة ديه حاجة مختلفة.انا دخلت جامعة مابيروحلهاش غير اوتيبيسات وماشتركتش في البص بتاعها لاني باتعقد من الوتيبايسات بتاعة الجامعات والمدارس. فكل يوم باركب اوتيبيس.طريق الذهاب بيبقي اشطه بس وانا راجع العصر دايما بتحصل مشكلة. مرة اركب مع راجل مجنون وشكله هربان من مستشفي الامراض العقلية، ومرة الكاوتش يفرقع.بس المشكلة الاساسية هي الخطوط. دايما الخط مالوش لازمة وكلو بيروح لجامعة كده كلها بتركب اوتيبيس، كنت راجع من كام يوم فجامعتي جنب الموقف لقيت اوتيبيس جه ولف من غير ما يقف في الموقف وجي بقي ماشي في الاتاجاه اللي ناحية الجامعة وقفته بالعافية فقالي بص انا مش هاروح العاشر علي طول انا هاروح الاول المعهد(المعهد ده كلية خاصة تقريبا مودرن اكاديمي)قلتلو ماشي وانا متدايق بس صيام بقي خلينا ساكتين المهم راح سد الطريق بالعرض قدام الكلية ديه وانا قاعد هاقوم اضربه من الغيظ المهم ان الراجل ده اي حد يساله يقوم متريق عليه او شاتمه. مامشيش بعد ما محدش ركب معاه لا بطل العرابية بالعرض وهي سادة الطريق وقعد يتكلم مع ناس ويفكلهم فلوس بالمتين جنيه.فواحد قاله اطلع ياسطة راح مزعقلة قلتلو يا عم ده مش خطك اصلا قالي نعم يا بيه قلتله ده مش خطك انت ايه اللي جايبك قالي مش عاجبك انزل انا قايلك قبل ما تركب وبعدين الخط ده تعبني والله. قلتلو هي عربيتك انت ليك خط تمشي عليه قالي وانت مالك مش هاتوصل انت راكب-قالي راكب ديه زي ماتكون شتيمة- قلتلو انت سواق وعاوز تمشي بمزاجك اشتريلك ميكروباص وانا هاوريك قالس تعالي وريني.، قلتلو هاوريك واحنتا ماشيين بقي بيخانق دبان وشه وكل شوية حديكلمه يقولو سمعني اللي بتقولو تاني انا هنا معايا قزايز.
المهم نزلت في الموقف بتاعه قبل ماركب ميكروباص يروحني بقي رحت واخد نمرته وحكيت لرئيسه وصاحب الشركة.غبت تاني يوم من الجامعة ورحت اول امبارح فوقفته هدي كده لحد مافتكرني وقالي مانتاش راكب مارحتش بقي المرة ديه قلت كفاية انو اتجازي وخلاص الدرسة بعد العيد ومعلش اتلطع شوية في الكورسات علي ما يجي الاوتيبيس اللي بعدو.كنت فاكره الوحيد في البلد اللي مابيمشيش في خطه

ركبت بقي امبارح اوتيبيس من رمسيس لاول عباس العقاد ونمت.صحيت لقيتني عند قصر القبة قلت يمكن هايلف مشي شوية وبعدين لقتني بقيت في منطقة غريبة قلتلو ايه يسطة مش مدينة نصر قالي لا كل الناس عارفة ان الاوتيبيسات اللي بتقف في الحتة ديه بالليل بتروح المرج قلتلو مش الخط مكتوب علي القزاز قالي لا انا كنت بانده وهو ولا كان بينده ولا حاجة كان بيقطع تذاكر لما جيت اركب فرحت الحلمية واطلتعت لحد ما جت مواصلة توديني

المهم انا عاوز اسئل هو مافيش حد بيراقب ولاد الكلب دول.يعني ليه الرقابة الصبح بس وبالليل بتقلب بمكروباصات.وبعدين ليه لما اشتكيت لصاحب الشركة مامشاش الراجل اللي بيغير خطه ده علشان التذاكر الاكتر(مرة واحد لما راح للجامعة اللي كلها بتركب اوتيبيس ديه فضل يحمد ربنا وشوية كان هايصلي ويطلع عمرة كمان كانه كده ماخانش امانته).وبعدين ليه اصلا السواقين بيعملو كده

1 comments:

  1. Marvel said...

    دي تعليمات من الحكومة انها تدرب الشعب على الصبر وقوة الاحتمال والتحكم في الاعصاب في المواقف اللي زي دي

    انا الحمد لله بروح الكلية بالميكروباظ..بكون نازل نايم واول ما الميكروباظ يتحرك الادرينالين يرزع في نافوخي ويصحصحني تمام

    :D