الفيديو ده جامد

لما باتفرج علي friends بالاقي ان معظم المواقف بتبقي حاجات جنسية.وفيه حلقات بتبقي راتشل او مونيكا لابسة قميص نوم بس مابحسش باي نوع من الاثارة او ماقدرش اقول ايه قلة الادب ديه.هنا اتفرج علي فيلم عربي واحدة لابسة بنطلون او جلابية بس اقول ايه المرقعة ديه زي علا غانم كده مافيش فيلم باشوفهولها غير لما اقول ايه الوساخة ديه مع انها بتبقي محتفظة بهدومها يعني.لو اتفرجت علي فيلم رومانسي زي تايتنك مثلا كان فيه مشهد اللي هو بتاع لما رينالدو دي كابروي كان بيرسم كات وينسلت هي قلعت خالص بس الواحد بيتفرج عادي خالص او حتي لو فيه مشهد فيه جنس برضو مش بيبقي اباحي باحس ان اللي بيحصل ده ماليش دخل فيه ده بين البطل والبطلة اما الافلام العربي تلاقي عادل امام بيقول ماتيجي نشرب شاي او ماتيجي نبوس باحس ان فيه خدش للحياء.فيه فيلم كده بتاع الهام شاهين جه مرة علي ميلودي افلام فيه مشاهد ولا في الافلام البورن.

ده بالنسبة للسينما طيب في الشارع.في الشارع باشوف مناظر.يعني مثلا في ساقية الصاوي كنت في حفلة لوسط البلد زاحمة اخر حاجة ولقيت واحد قاعد علي رجل واحدة وهي بتحسس علي جسمه كده تحس انها بتقول للناس I have sex with him ومثلا ماقعدتش مع اتنين متصاحبين كبوي وجيرل فرند غير لما حسيت اني قرفان منهم تلاقي اي فرصة وي touch each other تحس انهم حاسين انهم في املة وبيقولو لكل الناس، برة بتحس ان فيه حب في اللمسة هنا تحس ان فيه شهوة.هو ده الفرق بينا وبينهم عندهم making love اما هنا فيه .having sex

المهم ان كل اللي عرفتهم عاملين علاقة مش بيحبوا بعض لا بيبقوا متصاحبين من اجل الجنس فقط ،وممكن تلاقي واحد مصاحب اتنين واحدة وصاحبتها او العكس واحدة مصاحبة اتنين صحاب وهما الاتنين عارفين ومكملين عادي يعني، وتقول لكل واحد يا بابي امتي هانتقابل والاتنين يبقوا مع بعض وكل واحد عامل فيها عبدو العبيط.النظرة للبنت عندنا هي اداة للتفريغ لا اكثر. اصلا قرف يعني زي المقرفين اللي بيجيبوا هور ويتناوبوا عليها باقرف اوي من صحابي اللي بيعملوا كده باحس انهم ناموا مع بعض مش مع البنت.ورا بعض وفيوم واحد.تحس ان البنت اللي بينام مع كذا ولد في فترة واحدة او العكس عبارة عن حيوان بري مالوش تمن زيو زي الحاجات الصناعية.

وطريقة اللبس مقززة والمشية مقرفة اكتر.كنت باشوف في الغردقة وشرم بنات توبلس بس مش بيعرضوا اما هنا تلاقي الحجاب علي البنطلون اللي هايفرقع ونظرات وحركات وطريقة في المشي ماحدش بيعملها من الخواجات غير الهورز.

المشكلة ان كلو بيكدب علي كلو وماحدش راضي يفوق كلو عامل عبيط الواد يقول باحبك باحبك والبنت تقول انا محافظة علي نفسي طول عمري حتي لما كنت عايشة لوحدي بس انا باحبك وهم الاتنين فاقسين بعض. طيب ايه لازمة الكدب،ماكلو مكشوف عالترابيزة.

علشان كده انا باحتقر اوي اللي دماغهم كده.صحيح الاباحية ديه طبع في دم معظم المجتمع علشان كان في جرة وطلع لبرة. بس ليه. مالي مقضياها مع كذا واحد تقول انتوا بس وسيلة زيك زي العضو الذكري الصناعي بدل ماتقول لكل واحد باحبك باحبك ومادامت هي من جواها عارفة انها بتكدب فده مش هايشرع اللي بتعملوا. والولد اللي مولعها حريم 24 ساعة مش لازم يقولوهم كلهم باحبك.

مش باقول ان الناس المفروض تبقي زي سيدنا يوسف بس عالاقل اللي هايخسر دينه مش لازم يخسر نفسو كمان واللي هاينام مع واحدة عالاقل يبقي فيه حب بدل مايبقي بري كده.