انا ممكن افتكر كل البنات اللي حبتهم في حياتي، كلهم كانوا مميزين، بالذات الشعر، لسه فاكر المكان اللي تحت السلم في المدرسة، كنا دايما بنقعد فيه واحنا في الكي جي واوائل الابتدائي، واول مرة شوفت هبة اتهزيت فراسي اتخبطت في السقف الواطي جدا واتفتحت، هبة كانت الوحيدة اللي شعرها ليس اصفر، بعدها حبيت الهام، المرة الوحيدة في حياتي اللي لمحت لواحدة اني بحبها، قلتلها بحب شعرك(اولي ابتدائي، وجابتلي امها ونقلت من المدرسة وانا اترفدت)، كانت بتعمل ضفيرة واحدة في النص فوق شعرها اللي نازل ليس، عشرات البنات المميزين، دلوقتي انا مش لاقي بنت مميزة، يعني كلهم بيجيبوا لبسهم من نفس المحلات اللي في سيتي ستارز، تطلع موضة لبس زي سعاد حسني كله يلبس زي سعاد حسني، تطلع بنطلونات سليم كله يلبسها ، وكلهم شعرهم زي بعضه ومعمول سشوار-معلش مش بفهم اوي في التسريحات-اتس اول سشوار تو مي-، وكلهم بيسمعوا نفس المغنيين، وكلهم عاوزين يبقوا بيفهموا وبيعرفوا يتكلموا ويبقوا لاديز، فرست لاديز، مع ان كل ماقعد مع بنت احس ان اكيد في ولد بيفهم احسن منها في مجالها، حتي لو هي فظيعة يعني، برضو مش مركزين، وبيقعدوا في نفس الاماكن، فياريت اي بنت بتقرا البوست ده دلوقتي تحاول تبقي مختلفة لان فيه ناس كتير زيي كده نفسها تحب ومش لاقية أنثي تحبها

10 comments:

  1. Mohamed ElGohary said...

    والله يابني إنت بتفهم  

  2. Lasto-adri *Blue* said...

    :)
    والله فى بنات كتير كويسة.. بس انت غير المكان اللى بتدور فيه بس  

  3. jessyz said...

    ورايا يا خرفان!!!!  

  4. 3rby said...

    لست ادري:
    ماذا تمثل لكي هذه الكلمات؟
    club aldo, ala cut, vero moda  

  5. Nouran said...

    كتبت الكومينت و اتمسح اكتب من الاول :)
    معرفتش اكلمك ع الفيس بوك مش عارفه بقى عجيب اوي من ساعت ما غيروه و الماسنجر مش بدخل كتير اصلا انا ف عزله عن العالم :)
    وكمان ايه ده لا ف بنات كتيرة مختلفه هو اه كل 10 بنات هتلاقي واحدة مختلفة بس برضه فيه و كمان متبوصش للشكل بص للمضمون والجوهر الداخلي
    :)
    و كمان يعني ايه واحد عايز يحب انت سيب نفسك كدا و هتلاقي نفسك بتحب فجأة واحدة من غير ما تدور و تتعب نفسك لحسن اللي بيدور ع حاجة ممكن يقعد كتير يدور عليها و هي اصلا قدامه
    و كمان club aldo ده
    اخر مكان ممكن اروح اشوف فيه شوزه(يمكن علشان بلبس كوتشيهات علطول:D)
    ما مفيش محلات تانيه نعمل ايه يعني ايه ده:)  

  6. 3rby said...

    نوران:
    ماله خالد ملوك يعني  

  7. 3rby said...

    بس يعني ايه
    شوزه
    ويعني ايه
    كوتشيهات  

  8. Nouran said...

    مين خالد ملوك د ؟؟؟
    الشوزة اللي هيا الشوزه مش الكوتشي الكوتشي غير الشوزة
    الشوزة مش كوتشي يعني زي الجزمة الجلد بتاعت الصبيان و الكوتشي ايه الفرق ده بتعرف تجري بيه و التاني لا
    فهمت حاجة:)  

  9. 3rby said...

    اسمها شوز يا ماما
    واسمها كوتشيات
    اتعلموها بقي  

  10. Nouran said...

    لا شوزة بتاعت البنات انا مالي هي انا عارفاها كدا بدلعها و كوتشي مفرد كوتشيهات ايه ده انت مالك مضطهد البنات كدا ليه يا ابني براحه علينا شوية:)