بصوا مبدئيا كده انا باكره نقابة الاطباء كره العمي، طول عمرهم سايبين حقوقهم وقاعدين بقي للتضامن مع البوسنة والتضامن مع مش عارف مين، وهم اصلا عاوزين اللي يتضامن معاهم، الطبيب بيتعين علي 200 جنيه وده مابلغ مابيتعينش بيه مدرس اصلا، وبعدين يقعدو عشرين سنة عشان ياخدوا 500 جنيه.
بس اليومين اللي فاتوا جاتلي رسايل عالفيس بوك انو يا جماعة احنا بنجمع في نقابة الاطباء عشان غزة واخر معاد الساعة 12 بالليل عشان بعديها هانبدأ نقفل الشاحنات والصناديق.
رجعت من الجامعة عالساعة واحدة كده وقعدت اتصل بالناس خسرت ب8 جنيه رصيد في وقت ربنا اعلم انا محتاجه قد ايه عشان الامتحانات
ونزلت علي الساعة 6 بالليل واقف اتكتك واتكلمت تاني ب3 جنيه ونص من الكشك عشان الناس الللي قالت هاشوف هادغفع ولا لا
وبعدين رحت رمسيس ومن رمسيس ركب خط غلط بسبب اني مش شايف قدامي من التعب ورجعت للخط الصح وبعدين نزلت محطة غلط وبعدين رحتلهم بقي
مشيت مسافة كبيرة من المحطة لحد النقابة، باقلهم انا عاوز اتبرع قالولي لا احنا بنخلص الساعة 4 العصر، طيب انتوا بتعملوا ايه دلوقتي يعني
لقيت ناس كده ماتحين طالعين من جوه خليتهم يكلمولي المسؤل عن الحملة جوه، وفيه راجل بتاع السويتش واقف بيبتسم اني عاوز اتبرع وهو اصلا التلاتة منه بربع جنيه. واستعباط اصلا الراجل المسؤول عن الحملة اصلا في كوريدور اودته بعد مكاننا باودتين
وشوية يكلموه عشان افتكر انو فوق مثا وبعدين الملتحين دول مشيو وفضل ابو ربع جنيه بعدين دخله وقالي انا اسف هو صعب نفتح الخزنة
طيب هو المبلغ كام؟لا ده صعب المبلغ صغير
ومعاملة بقي بنت وسخة كاني باشحت من اهاليهم، سالت الراجل المهم اللي جوا ده عن اذا كان ينفع اجيب اكل او كده قالي ديه ماشي بعدين ابو ربع جنيه قالي وانا رايح اجيب الاكل (كنت هاجيب مواد تموينية واشيلها لحد النقابة)لا اصلا ديه مش هاتروح اليومين دول ده لسه في قافلة فيها عشر شاحنات جاية من يومين والحاجات ديه هاتتحط في المخازن
طبعا مارضيتش اجيب، انا اصلا طلع تلاتين اهلي عشان عرفت ان حرس الحدود قفل كل الثغرات ومش فاضل غير بوابة صلاح الدين فلميت اللي قدرت المه في كام ساعة ورحت جري في الشوارع عشان الحق ادفع في اول حاجة طالعة قبل ما صلاح الدين تتقفل
كنت باكلم طنط ندا احكيلها قالتلي كلمة واحدة:مصريين

3 comments:

  1. ذو النون المصري said...

    فيك الخير انك نويت تتبرع
    بس كلامك صح عن النقابه و اصحابها
    انا قريت عند وائل عباس عن حكاية التبرعات دي و اننا محتاجينها اكتر
    لان فلسطين و اهلها مش محتاجين فلوس
    هما كانوا محتاجين بضائع فقط  

  2. ذو النون المصري said...

    فيك الخير انك نويت تتبرع
    بس كلامك صح عن النقابه و اصحابها
    انا قريت عند وائل عباس عن حكاية التبرعات دي و اننا محتاجينها اكتر
    لان فلسطين و اهلها مش محتاجين فلوس
    هما كانوا محتاجين بضائع فقط  

  3. smraa alnil said...

    ههههههههههههههه

    عجيب امركم ايها المصريون