زمان لما ناس كتير كانت بتقولي زي مابتقول لناس كتير انت مجنون كنت بتدايق جدا وبعدين سالتهم قالولي عادي بنقولها وبتتقلنا بس قريب بدات افكر هو انا مجنون ولا الناس هي المجانين ولو انا مجنون يبقي مجنون ليه؟
ماوصلتش لحاجة معينة بس كلمة مجنون قلت واللي كتر الدنيا مش لازم تبقي كاملة ماتمشيش زي القطر وحاجات كده
قعدت افكر في كل الصحاب اللي بقوا اعداء في حياتي لاسباب تافهة جدا القاسم المشترك(كلمة منايام الثورة)انهم مش كاملين،دايما لما باكتشف ان حد عمل غلطة ولو كانت صغيرة او متخصنيش اصلا وازاي خسرت كتير منهم لانهم مش خطوط مستقيمة،لانهم زي الخط اللي بيشكله الموج عالشط متموج كده ومالوش شكل ثابت
يمكن اكون فعلا مجنون.يمكن!
قعدت افكر ليه بقالي سنين ماحبتش.كنت باتفرج علي فريندز في حلقة "شاندلر"بيكتشف ان حياته هاتنتهي زي جارهم اللي مات وحيد لانه كل مابيشوف بنت بيفرمل نفسه قبل مايحبها لاسباب غريبة
انا نفس الحوار.كل ماشوف بنت باقول مناخيرها غريبة ودنها كبيرة شفايفها مش مثالية ستايلها وحش وعمري ما شفت بنت وقلت حلوة مع ان من جوايا عارف ان الحلوين كتير
مش عارف اقضي عالمشكلة ديه ازاي.بس انا خايف لاخسر ناس كتير قوي.كل مابتكلم مع حد باسرح وابقي نفسي اقوله لو انت مش خط مستقيم قلي عشان لو انا اللي اكتشفت كده هازعل قوي منك
بس حاجة غريبة ماهو اكيد مافيش حد كامل يعني جمال فينوس مش موجود ولا قوة جوبيتر والالهة مش موجودين عالارض مجرد مثل ماحدش وصلها ولا حد هايوصلها والكمال لله وحده. انا مش منتظر اصاحب واحب ملايكة بس مش عارف ليه باحس بكده ليه باستني دايما ان الناس تبقي كاملة ولو مش كاملين صورهم بتتغير
ماوصلتش لحاجة معينة بس كلمة مجنون قلت واللي كتر الدنيا مش لازم تبقي كاملة ماتمشيش زي القطر وحاجات كده
قعدت افكر في كل الصحاب اللي بقوا اعداء في حياتي لاسباب تافهة جدا القاسم المشترك(كلمة منايام الثورة)انهم مش كاملين،دايما لما باكتشف ان حد عمل غلطة ولو كانت صغيرة او متخصنيش اصلا وازاي خسرت كتير منهم لانهم مش خطوط مستقيمة،لانهم زي الخط اللي بيشكله الموج عالشط متموج كده ومالوش شكل ثابت
يمكن اكون فعلا مجنون.يمكن!
قعدت افكر ليه بقالي سنين ماحبتش.كنت باتفرج علي فريندز في حلقة "شاندلر"بيكتشف ان حياته هاتنتهي زي جارهم اللي مات وحيد لانه كل مابيشوف بنت بيفرمل نفسه قبل مايحبها لاسباب غريبة
انا نفس الحوار.كل ماشوف بنت باقول مناخيرها غريبة ودنها كبيرة شفايفها مش مثالية ستايلها وحش وعمري ما شفت بنت وقلت حلوة مع ان من جوايا عارف ان الحلوين كتير
مش عارف اقضي عالمشكلة ديه ازاي.بس انا خايف لاخسر ناس كتير قوي.كل مابتكلم مع حد باسرح وابقي نفسي اقوله لو انت مش خط مستقيم قلي عشان لو انا اللي اكتشفت كده هازعل قوي منك
بس حاجة غريبة ماهو اكيد مافيش حد كامل يعني جمال فينوس مش موجود ولا قوة جوبيتر والالهة مش موجودين عالارض مجرد مثل ماحدش وصلها ولا حد هايوصلها والكمال لله وحده. انا مش منتظر اصاحب واحب ملايكة بس مش عارف ليه باحس بكده ليه باستني دايما ان الناس تبقي كاملة ولو مش كاملين صورهم بتتغير
اولا الجنون مش حاجه وحشه اوي كده الجنون احيانا بيكون حياة ،عشان مطلعش عن الموضوع كتير بس الي بتقول عليه ده مش جنون" البرفيكشن "الي انت عايزه صعب يكون موجود حتتعب اوي كده انا عندي الحته دي بس بعملها مع نفسي اكتر ما بدورش عليها في الناس عشان الناس الي حوليا ميزاتهم انهم مش خط مستقيم لو كلهم خطوط مستقيمه كانت الحياة بقيت جامده اوي وممله الموج الي بتخاف تواجهه هو الحياة والناس مش جمادات كل واحد فينا بيمر في مراحل بتغيرو وبتبدلو تلاقيه مره فوق ومره تحت
دور على الحاجه الحلوه في الناس مش العكس حاول اكيد متعب في البدايه عشان انت متعود كده بس تقدر تطلع صدقني متعة انك تقدر تحب حد متكونش متخيل نفسك ممكن تكون معاه متعه انك تلاقي الحلوه من بين حاجات حلوه انت لاقيها في الناس اكتشف الحاجات الحلوه عشان دايما لما تلاقي حاجه حلوه بتلاقي الوحش بسهوله بس الحاجه الوحشة زي ما بتقول عشان انا مش مع ان في حاجه وحشه
صعب انك تلاقي الحلاوه بس حلاوتها احلى واجمل لانها مش حاجه سطحية تتشاف
بلاش حكاية الخطوط المستقيمه والملل الي انت فيه :)))
خلينا نتراقص زي موج البحر
متعه وحياة اكتر
حاول تشوف العكس
مش هقولك غير ان لما ربنا يأذن لقلبك انه يتقلب ويتحرك
هتشوف اللي هترتبط بيها ملكة جمال
وهي كمان العكس
اقولك علي سر
انا كل اللي كانوا بيتقدكولي كلهم قمر واحلي مني كمان وبيبقي شكلهم ابيض كمان
لكن بجد خطيبي احلي راجل في الكون دة كله
عشان ربنا محليه في عنيا
فمش تقلق لوقت ما نصيبك يجي
هتحب وهتبقي معاك ملة جمال الكون كله
فاهمني
انت نفسك مش كامل
فمتتوقعش من الناس الكمال والمثالية
انت اكيد عارف ان عندك مميزات وعندك عيوب
بص للناس نفس النظرة اللي بتبصها لنفسك انهم برضه عندهم مميزات وعندهم عيوب
بص يا عربي
الحياة مش كلها خطوط مستقيمة.. في أقواس وفي منحنيات وفي نقط بس
أما بقى حوار الحب دة ف م الآخر باقولك إنه هييجي ف وقته
هاحكيلك حكايتي يمكن تتعظ!
أنا السنة اللي فاتت كنت عايش قصة حب مع واحدة (كانت معانا ف الانجليش على فكرة) بس أنا مكنتش مصرح لها، وبعبطي كان باين على كل تصرفاتي..
المهم من غير تفاصيل عشان أنا مش عايز أفتكر، هيا كان ليها تجاوزات كتير وتصرفات أنا كنت شايفها متحررة عني وشاذة عن استايلي ف قررت إني أسيبها
والغريبة إننا سيبنا بعض مش عشان كدة لأ عشان حاجة أتفه: إننا قولتلها سوري مش هاقدر أقف معاكي عشان أنا مستعجل
بس بيني وبينك الحياة كدة لوحدك مريحة بالرغم من احساسك الدائم بإن في حاجة ناقصاك وعندك مشاعر وكلام كتير مش عارف تحكيه لمين، وتلاقي قلبك يقعد يدق كدة جامد وانت بتشوف فيلم فيه حبة حب وتقول امتى يا رب هاحب وأتحب؟
أما حوار المثالية دي ف الحمد لله إني مطلعتش لوحدي اللي بافكر فيه لأني لوهلة حسيت إني مجنون.. مواصفاتي لفتاة أحلامي كل ما أفكر فيها بألاقيها صعب إنها تجتمع ف إنسانة واحدة بس أنا قررت أكون مرن لحد م ألاقيها.. يعني لو لقيت فرصة أحب هاحب بس بشرط يكون حب نضيف وطاهر وبجد هقول أوكيه بغض النظر عن توافق كل المواصفات معاها ولا لأ بس بحد أدنى 75%.. ودة عن قناعة مش هبل
ومتقولش على نفسك مجنون لأن معتقدش إن الجنون دة أمر سهل.. ممكن تسميه نوع من الاختلاف وعمره مكان شيء وحش إنك تحس إنك مختلف عن الناس ف كل حاجة بس مش لدرجة الشدود.. فاهم قصدي؟؟
بي إس: طمني عملت إيه ف الثانوية ودخلت إيه؟ معلش هوا السؤال متأخر كتيييير بس سعادتك مختفي عن البلوج بقالك فترة
هستنى منك زيارة للبلوج بتاعي وياريت تكون من الزوار الدائمين عشان دة شيء يسعدني جدًا..
i-am-still-myself.blogspot.com
يللا.. سلام دلوقتي وإلى لقاء بإذن الله