انا عمري ماكان ليا في الكورة، بس اللي شفتوا خلاني عاوز اوضح كام نقطة كده:
1-اه احنا كل مرة بنلعب في الجزائر بنتضرب لأن الجزائريين شعب متعصب للكورة زي الانكليز، بس مش نفضل ساكتين ساكتين وفاجئة نسحب سفير
2-احنا شعب متهان بقالوا عالاقل 28 سنة بدون كرامة، فاجئة افتكرنا ان عندنا كرامة؟ لأ واحنا مش بنحترم نفسنا كبني ادمين في اليوم العادي، من اول ماتصحي من النوم لحد مابتنام وانت متداس بالجزمة، عاوز الناس تحترمك وانت مش بتحاول تحترم نفسك وتعرف حقوقك ليه؟ لما شعب فوق الخمسين في المية منه تحت خط الفقر، فوق السبعين في المية منه فقراء، تعذيب في اقسام الشرطة، اهمال للمصري 24 ساعة، المصري مالوش تمن جوا مصر يبقي اكيد لازم مايبقاش ليه تمن براها
3-اللي حصل بسبب تسخين وسائل الاعلام ومجموعة من الناس في كل مجتمع ومنطقة ماعندوش اي حاجة غير نشر الاشاعات، نفس الناس اللي بتبعت رسايل:لو مابعتش ده امك هاتطلق وابوك هايموت بالاسهال واختك هاتُغتَصب، هي نفس الناس اللي بتعمل بنرات عالفيسبوك والمنتديات للتسخين وكأننا في حرب، وايه الهبل اللي صحل في الاستاد الناس كلها تقول يا رب، مش بنحارب في أحد احنا يعني، الناس اللي اتعورت ديه ليها حق لازم مصر تجيبوا، بس فيه في مصر مثلاً فرق الكارتيه بتاعة وزارة الداخلية، بتقلع الناس هدومها وبتعورهم وبتتحرش بالبنات، ده غير ان دول اتصابوا وحصل ده كله، الامن المركزي قتل ناس وهم بيجيبوا التذاكر
4-الشعب اللي يحتفل بالنصر وفيه 1100 بيغرقوا مش ممكن يبقي شعب عنده دم
5-سؤال:لو بكرة جرنان كبير قال ان فيه 12 ماتوا في الجزائر، هايحصل ايه للجزائريين؟، العيب مش عالشعب الجزائري كشعب، العيب علي جريدة الشروق الجزائرية اللي لازم تتحاكم
6-واضح اوي ان التسخين من الحكومات نفسها ومن اسرائيل، الحكومات من وقت للتاني بتحاول تخلي الناس المشحونة تفضي شحنها ده، زي بالظبط وقت الرسوم المسيئة للرسول، الموضوع اتعرف هنا بعد النشر بشهور، التسخين كمان جه من اسرائيل، اسرائيل اعلنت عن بناء 900 بيت جديد في القدس وماحدش اتكلم، بو تفليقة بقي بطل قومي في الجزائر، مصر البطالة زادت فيها بواحد وربع في المية وماحدش حس، الناس كانت بدأت تهتم بالتوريث، دلوقتي ال80 مليون مصري شافوا وش جمال مبارك بعد الجونين بتوعنا، وكلام علاء مبارك عند الغندور، والمعلقين اللي قالوا "افرح يا جمال افرح يا علاء افرحي يا مصر"، دلوقتي فيه ناس عاوزة عيلاء هو اللي يورث، التعبئة ديه مش طبيعية، بس هي خرجت عن السيطرة في الجزائر، ده اللي حصل
7-الشعبين المصري والجزائري شعوب سطحية، شعوب عايشة تحت ديكتاتورية بقالها عقود وجاية تتكلم علي ماتش كورة، شعوب عايشة من أجل المتعة، ماحدش بيقرا، ماحدش عنده كرامة، وكل اللي حاصل انهم شعوب جاهلة بتتساق باي كلمة
8-فاجئة الناس بقت بتحب مصر عشان ماتش، وفاجئة بيشتموا مصر عشان ماتش برضو، بجد خسارة
9-مصر بيموتلها عساكر علي الحدود مع اسرائيل ونفس الناس اللي بتزعق ودمها محروق وبتغلط في اللي يقول كلمة عاقلة، نفس الناس ديه بتبقي نسوان لما بيموتلنا عساكر وبيقولوا ان ديه "حكمة" الرئيس مبارك رضي الله عنه
10-النظام المصري طول عمره لما بتحصل حاجة وحد بيزايد عليه بيتشدد، يعني ساعة بداية انفلونزا الخنازير زايد عالإسلاميين فقتل مئات الالوف من الخنازير بكل وحشية، ودلوقتي بيسحب سفيرنا من الجزائر، ماسحبوش من اسرائيل ليه؟
11-فرقة الكوماندوز اللي راحت تحمي الناس، ماحدش اتكلم ليه لما اتعرف انها كانت بتحمي العائلة المالكة؟
12-مصر والجزائر فيهم نفس نسبة الفساد، وفاجئة مصر والجزائر بقوا بيكرهوا بعض!!!!!!!!!!
13-تاني....فيه جزائريين اتضربوا هنا، مش بالشكل اللي حصل للمصريين في الجزائر والسودان طبعاً ، بس هم عندهم الإعلام سخنهم بشكل سلبي وزيف حقايق، احنا كمان الإعلام استغل الموضوع، يعني جريدة الشروق الجزائرية احتفلت بمليون ونص نسخة لأول مرة في الجزائر، وهنا ارقام الإعلانات في قنوات الرياضة بقت خيالية
14-العروبة جزء من شخصية مصر، زي الحضارة القبطية والإسلامية والإغريقية والرومانية والفرعونية، والكلام ده مش هاينهيه ماتش ولا سحب سفرا، احنا شعوب نساية وقريب الناس هاتنسي
15-الكلام اللي بيوصف الجزائريين بالبربر والهمج قلة ادب، زي بالظبط اللي بيقول علينا يهود وفراعنة كفرة، بس لو انت مصري لازم تبقي محترم وماتنزلش نفسك لمستوي زي ده
16-المطلوب دلوقتي اعتذار رسمي جزائري، محاكمة الناس اللي سخنّت هنا وهناك، مسائلة الحكومة المصرية عن اسباب اللي حصل، ومحاكمتهم علي ضياع هيبة مصر، تربية الشعب المصري وتفهيمه ان العلم هو علم مصر مش علم منتخب، اي كلب يشتم في بلده يتقبض عليه ويتحاكم
1-اه احنا كل مرة بنلعب في الجزائر بنتضرب لأن الجزائريين شعب متعصب للكورة زي الانكليز، بس مش نفضل ساكتين ساكتين وفاجئة نسحب سفير
2-احنا شعب متهان بقالوا عالاقل 28 سنة بدون كرامة، فاجئة افتكرنا ان عندنا كرامة؟ لأ واحنا مش بنحترم نفسنا كبني ادمين في اليوم العادي، من اول ماتصحي من النوم لحد مابتنام وانت متداس بالجزمة، عاوز الناس تحترمك وانت مش بتحاول تحترم نفسك وتعرف حقوقك ليه؟ لما شعب فوق الخمسين في المية منه تحت خط الفقر، فوق السبعين في المية منه فقراء، تعذيب في اقسام الشرطة، اهمال للمصري 24 ساعة، المصري مالوش تمن جوا مصر يبقي اكيد لازم مايبقاش ليه تمن براها
3-اللي حصل بسبب تسخين وسائل الاعلام ومجموعة من الناس في كل مجتمع ومنطقة ماعندوش اي حاجة غير نشر الاشاعات، نفس الناس اللي بتبعت رسايل:لو مابعتش ده امك هاتطلق وابوك هايموت بالاسهال واختك هاتُغتَصب، هي نفس الناس اللي بتعمل بنرات عالفيسبوك والمنتديات للتسخين وكأننا في حرب، وايه الهبل اللي صحل في الاستاد الناس كلها تقول يا رب، مش بنحارب في أحد احنا يعني، الناس اللي اتعورت ديه ليها حق لازم مصر تجيبوا، بس فيه في مصر مثلاً فرق الكارتيه بتاعة وزارة الداخلية، بتقلع الناس هدومها وبتعورهم وبتتحرش بالبنات، ده غير ان دول اتصابوا وحصل ده كله، الامن المركزي قتل ناس وهم بيجيبوا التذاكر
4-الشعب اللي يحتفل بالنصر وفيه 1100 بيغرقوا مش ممكن يبقي شعب عنده دم
5-سؤال:لو بكرة جرنان كبير قال ان فيه 12 ماتوا في الجزائر، هايحصل ايه للجزائريين؟، العيب مش عالشعب الجزائري كشعب، العيب علي جريدة الشروق الجزائرية اللي لازم تتحاكم
6-واضح اوي ان التسخين من الحكومات نفسها ومن اسرائيل، الحكومات من وقت للتاني بتحاول تخلي الناس المشحونة تفضي شحنها ده، زي بالظبط وقت الرسوم المسيئة للرسول، الموضوع اتعرف هنا بعد النشر بشهور، التسخين كمان جه من اسرائيل، اسرائيل اعلنت عن بناء 900 بيت جديد في القدس وماحدش اتكلم، بو تفليقة بقي بطل قومي في الجزائر، مصر البطالة زادت فيها بواحد وربع في المية وماحدش حس، الناس كانت بدأت تهتم بالتوريث، دلوقتي ال80 مليون مصري شافوا وش جمال مبارك بعد الجونين بتوعنا، وكلام علاء مبارك عند الغندور، والمعلقين اللي قالوا "افرح يا جمال افرح يا علاء افرحي يا مصر"، دلوقتي فيه ناس عاوزة عيلاء هو اللي يورث، التعبئة ديه مش طبيعية، بس هي خرجت عن السيطرة في الجزائر، ده اللي حصل
7-الشعبين المصري والجزائري شعوب سطحية، شعوب عايشة تحت ديكتاتورية بقالها عقود وجاية تتكلم علي ماتش كورة، شعوب عايشة من أجل المتعة، ماحدش بيقرا، ماحدش عنده كرامة، وكل اللي حاصل انهم شعوب جاهلة بتتساق باي كلمة
8-فاجئة الناس بقت بتحب مصر عشان ماتش، وفاجئة بيشتموا مصر عشان ماتش برضو، بجد خسارة
9-مصر بيموتلها عساكر علي الحدود مع اسرائيل ونفس الناس اللي بتزعق ودمها محروق وبتغلط في اللي يقول كلمة عاقلة، نفس الناس ديه بتبقي نسوان لما بيموتلنا عساكر وبيقولوا ان ديه "حكمة" الرئيس مبارك رضي الله عنه
10-النظام المصري طول عمره لما بتحصل حاجة وحد بيزايد عليه بيتشدد، يعني ساعة بداية انفلونزا الخنازير زايد عالإسلاميين فقتل مئات الالوف من الخنازير بكل وحشية، ودلوقتي بيسحب سفيرنا من الجزائر، ماسحبوش من اسرائيل ليه؟
11-فرقة الكوماندوز اللي راحت تحمي الناس، ماحدش اتكلم ليه لما اتعرف انها كانت بتحمي العائلة المالكة؟
12-مصر والجزائر فيهم نفس نسبة الفساد، وفاجئة مصر والجزائر بقوا بيكرهوا بعض!!!!!!!!!!
13-تاني....فيه جزائريين اتضربوا هنا، مش بالشكل اللي حصل للمصريين في الجزائر والسودان طبعاً ، بس هم عندهم الإعلام سخنهم بشكل سلبي وزيف حقايق، احنا كمان الإعلام استغل الموضوع، يعني جريدة الشروق الجزائرية احتفلت بمليون ونص نسخة لأول مرة في الجزائر، وهنا ارقام الإعلانات في قنوات الرياضة بقت خيالية
14-العروبة جزء من شخصية مصر، زي الحضارة القبطية والإسلامية والإغريقية والرومانية والفرعونية، والكلام ده مش هاينهيه ماتش ولا سحب سفرا، احنا شعوب نساية وقريب الناس هاتنسي
15-الكلام اللي بيوصف الجزائريين بالبربر والهمج قلة ادب، زي بالظبط اللي بيقول علينا يهود وفراعنة كفرة، بس لو انت مصري لازم تبقي محترم وماتنزلش نفسك لمستوي زي ده
16-المطلوب دلوقتي اعتذار رسمي جزائري، محاكمة الناس اللي سخنّت هنا وهناك، مسائلة الحكومة المصرية عن اسباب اللي حصل، ومحاكمتهم علي ضياع هيبة مصر، تربية الشعب المصري وتفهيمه ان العلم هو علم مصر مش علم منتخب، اي كلب يشتم في بلده يتقبض عليه ويتحاكم
لا هاختلف معاك
1- اولا الانكليز فيهم الهولجاينز الي هما لوحدهم متعصبيين بس مش كل الانجليز و الهولجاينز بيكسروا في المحلات بيعملوا شغب الكلام ده بس لكن الجزائريين بيستفزوا المصريين بكل الطرق
2- ده احساسك الشخصي انك مداس باجزمة مشكلتك انت شوفلك حل فيها
3-ايه النقطة الهبلة ديه ؟
4-دي مش مشكلة الشعب الحكومة هي الي المفروض تحسسك بالحزن او الزعل في الاوقات الي زي ديه يعني مثلا حادثة فورتهوود الاخيرة اوباما نفسه راح القاعدة دي بنفسه و ابتدا
ده غير ان المناخ الاعلامي بس في الوقت ده الناس سابت الحزن عشان تفرح هي دي سنة الحياة
5-و الله ما هيحصل حاجة المصريين مش بالعنف ده اه طبعا احنا في عندنا عشوائية و الكلام ده بس مبتوصلش للقتل ممكن يعوره بس
عامة بيقولوا ان الجرنال ده تابع للجنرالات الجيش في الجزائر الي هما بيتحكموا في البلد تقريبا
6- نقطة هبلة تانية,ما تسيبوا اسرائيل في حالها انا شايف انه ده رغبة في التهدئة كل ما يحصل حاجة تلائي ناس تقولك اسرائيل دخلت ما بينا اسرائل مش عارف ايه
هوا فيه حاجة اسمها البطالة لما تزيد الناس تحس ده ازاي ؟
ده علي اساس ان المصريين كلهم بيقروا الاهرام الاقتصادي
سوال هو فيه كام مصري فاهم يعني نسبة البطالة اساسا ؟
7- شعوب عايشة من اجل المتعة ؟!؟
8- مين قالك ان الناس مش بتحبها اصلا انت انسان سخيف فعلا هوا الفكرة انه الحب ممكن كمان يتوجه في حاجة احلي هوا الفكرة انه في بحث عن صورة لنصر و فرحة و ده مش عيب العيب بس انه يبقي الكورة هي ال معيار للوطنية و الحب الوطن
9- بص لازم تبص للحصل ده وتشوف مكاسبه ان الشعب المصري لاول مرة من كتير اوي يعمل مظاهرة عشان مصري مش عشان فلسطيني مثلا دي جديدة اه صحيح تحت رعاية الحكومة بس دي خطوة للامام
10- ايه علاقة الخنازير بالاسلاميين ؟
و هنسحب سفيرنا من اسرائيل ليه ؟
11-نقطة هبلة رقم 3
12- ايه علاقة نسبة الفساد بالي انت بتقولوا يعني و بعدين مين قال انه فجاءة
13-صح
14-لا بيتهيلك عايز اقولك ان الحادثة دي رغم صغرها وتافتها مثلا من الظاهر لكن في الباطن ماحدث في خلال الايام الماضية يحمل دلالات عدة
الحقيقي ان العرب جزء من تراث مصر لكنه مش كل تراث مصر و مش المفروض انه يبقي مفضل عن بقيت العصور التانية
و اصلا هي القضية مش فكرة العروبة و الهلس ده كلوا بس القومية العربية انتهت خلاص
الفكرة اننا كدة كدة مصر هتفضل في مكانها و احنا هنفضل نتعامل مع نفس الشعوب دي لمدة
15- نقطة ملهاش لازمة
16- مش هيعتذروا المهم احنا نشوف هنبضن عليهم ازاي بعد كدة
بخصوص الاعلام لابد من اننا نقول انه لكل مقام مقال احنا مش امريكا بمعني اننا بناقش القضايا كلها علي التليفزيون بشكل سخيف خصوصا ان المتلقي العربي للمعلومة حمار حصاوي
نقطة كمان لازم نقولها علي الهامش بس علشان مش عايزين نبقي ظلمنا
الحكومات في المواضيع ده مبتتحملش ذنب كبير بس في النهاية دي قضية ليها علاقة بالجماهير و الشعوب في المقام الاول يعني عايز اقولك ان الجزائريين لاعبين وشعب تاريخهم سئ جدا معنا
انا عايزك تفتح اي جرنان جزائري وتتفرج علي الاسلوب و الشماتة و الشتيمة
قلة ادب يعني عمرك ما هتشوفها مثلا في جرائد زي الاهرام و الاخبار
يا عم خلينا ناخد موقف مره بلاش نميع الامور باسلوب لا اصل النظم الوحشة بس الشعب حلو لا
و بعدين عايز اقولك ان الصحفيين دول برضه جزء من الشعب انت ليه استثنيت و كلهم مش مجرد هجوم عادي في فرق بين الهجوم العادي و بين الهجوم الي مليان كره و استفزاز هو ده الي بيعمله الجزائريين
و ان كان فيه الخير صدقني ما كان رماه الطير ما احنا عمرنا ما حصل مشاكل مع تونس و لا المغرب و الاتنين بيلعبوا كورة برده ولحد وقت قريب اوي كانوا احسن من الجزائر نفسها
بلاش نميع المواضيع و نقول لا اصل الفقر
لا اصل احنا عمرنا ما خدنا كرامتنا مش عارف فين
عارف العرب بيتعاملوا معاك ازاي يا عزت الكيل بمكيالين و الله العظيم احنابنقعد نحترم الاخوة و و الكلام الهجص ده
بس هما اقل حد من المصريين يتعرض لهم بيعملوا ازمة و يلموا علينا العالم
بلاش نميع الامور و نقول اصل الفتنة اصل اسرائيل
كلام فارغ اسرائيل ده عمللنا عقدة اي مشكلة بتترمي عليها عشان نخلص اسرائيل مسئولة عن 90% عن الحاجات الي بتحصلنا
بلاش نميع الامور ونقول اصل احنا عندنا عملنا و دول متعصبين و دول متعصبين و خلاص لا يا ابني صدقني
اهم شئ بعد كده اننا هندي العرب كلهم بالجزمة علي دماغهم
علي فكرة ثبت ان الدول دي حكومات و شعوب لازم تديهم علي دماغهم عشان يتظبطوا
2-اي مصري متداس بستين جزمة مش بجزمة واحدة بس، احنا شربنا واكلنا مجاري وسكتنا، محكومين بالطوارئ بقالنا عقود، تعذيب وعجرفة من الشرطة عاوزين نضحك علي نفسنا بقي ديه حاجة تانية
3-انت عامل عبيط ومش عاوز تعرف ان فيه ناس ماتت وهي بتجيب تذاكر؟
4-http://dostor.org/ar/index.php?option=com_content&task=view&id=38328&Itemid=1
لأ مش سنة الحياة، لو الحكومة كانت عملت حداد عاللي ماتوا مش يعملوا حداد علي طفل مات في بيته ويشغلولوا قرأن حتي في القنوات اللي بيملكها مسيحيين واللي خطها علماني
5-شفت بقي، يبقي المستفيد هو بوتفليقة وعلاء وجمال اللي بقوا ابطال قوميين، والناس بتموت في مصر عشان رغيف عيش، ماتقوليش انك لو جبت صعايدة ولا شباب من مناطق عشوائية للأسف جهلة ومش واخدين حقوقهم المدنية زي بقية البني ادمين وسخنتهم علي اي حاجة مش هايعملوا حاجة، وده بنشوفه يومياً في الأحداث الطائفية من كل الطوائف اللي في صمر، سهل جداً تخلي مجموعة شباب يقتلوا شخص من ديانة تانية
6- انا اديت مثال عن الصحفي الإسرائيلي، افتح الجرايد الإسرائيلي ولا التلفزيون الإسرائيلي ولا دور علي اي ترجمة للي بيتقال هاتلاقي الكلام عن الموضوع ده يحزن بجد
البطالة لما يتعلن انها زادت واحد وربع في المية المفروض الناس تسأل الحكومة فين الالف مصنع اللي قلتوا عليهم وقت الانتخابات المزورة
والسؤال ده يتسأل للحكومة مش ليا، زي ما كان المفروض لو احنا في بلد بتحترم نفسها يبقي فيه طلب احاطة بنسبة البطالة والارتفاع المخيف في سنة واحدة
7-اه، الشعوب المهتمة بالرياضة في اوربا وامريكا اللاتينية كلها بقت احسن مننا، البرازيل عملت برنامج نووي قبل ماتتخلي عنه، الانكليز مش ناقصهم حاجة، فبيبصوا للكماليات، لكن احنا تلاقي شخص مالوش تمن بمعني مالوش تمن، قاعد في الشارع ولا شغال اي شغلة الناس بتحتقرها-وده غلط- ومهتم باللي بيحصل، بدل مايهتم بحقوقه في الثروة، كمية الخلفة الغريبة، بنخلف زي الارانب، بدل مانطالب بحقوقنا وبدل مانجيب كوندم عشان معيشتنا مش ناقصة، لأ تلاقي افقر الناس هي اللي بتخلف اكتر
8-احه يا منجي يعني، يعني انت كمية الطاقة اللي كانت بين الناس ديه، لما تيجي تتكلم عن مصر مع اي حد هتلاقيه بيتريق عليك في اي وقت تاني من السنة، والكلمة املنتشرة"كسم مصر"
اي حد بيقولها، وفاجئة كله بقي بيحبها، وبعد الماتش انا كنت في الشارع والناس كانت بتشتم تاني
9-المصريين بيعملوا مظاهرات عشان نفسهم من بعد تأسيس كفاية-اللي للأسف انهارت، بس عملت دورها-، في 2008 بس كان فيه اكتر من الف اعتصام ومظاهرة
10-الاسلاميين والجهلة، الاتنين قالوا الخنازير "حرام" واحنا بلد اسلامي، فالحكومة زايدت عليهم بحرق الخنازير، نفس الحكومة ولعت في بيوت البهائيين في الصعيد، ونواب الحكومة ليهم تصريحات اقل حاجة تتقال عليها انها متعصبة بس عشان تزايد عالإسلاميين
نسحب سفيرنا من اسرائيل عشان كل مايجي حد من اسرائيل مصر يقتلولنا عساكر، ولما الصحفيين بيسألو الشخص مبارك يرد بداله، دور عاليوتيوب علي اي مؤتمر صحفي مع زيارة اولمرت او شارون او وزرا من حكومتهم، هاتلاقي في سؤال عن عساكر اتقتلوا يومها
11-نقطة هبلة ليه؟ مش كان فيه قوات خاصة مصرية؟ ليه كل الناس اتضربت ما عدا العائلة المالكة؟
12-ان الحكومات هي اللي سخنت الموضوع عشان تزود شعبيتها
دلوقتي انلاس بتقدس بوتفليقة، شوف استقبال منتخبهم في الجزائر ولا تصريحاته المعصبة وردود افعال الناس
واه فاجئة طبعاً، اللي اعرفه ان الجزائر من اقرب الدول لمصر والشعبين بيحبوا بعض، بعيداً عن تعصب الكورة
14-اقرا شخصية مصر لو سمحت
التونسيين بيشتموا مصر دلوقتي، عشان تعرف ان الموضوع اننا جماهيير غوغائية مش فاهمة حاجة، اي كلمة توديه
انا شفت تعليقات من تونسيين تقرف بجد وتحزن، بس بسبب الاعلام
بي اس الاول كنت فاكرك مش منجي :D
انا مش منجي
2- دي قضية تانية محتاجة كلام تاني
3- وفي ناس ماتت وهي بتحج
4- لو الحكومة طب ما ده الي انا قولته
5- اه سهل بس خليني اقول ان لما الحكومة الجزائرية تسيب مصر للطيران تتكسر وتتحرق اليوم الي بعديه وتسيب اوراسكوم تتسرق و تسيب المقاولون العرب و السويدي للكابلات
كل ده مش عارفين يحموه ويقولك حامينه اي الوساخة ديه
6- يا عم سيبك من الكلام الهلاس الده انا قريت جرائد اسرائيلية و مفيش ذكر اصلا لموضوع الماتش من الاساس
بلاش نتعامل مع الموضوع بطريقة العروبيين العقيمة
7- انت بتستعبط هو فيه شعوب في اي حتة مش مهتمة بالرياضة ؟؟
ده اسماء غباء اشخاص
8- يا عم هو انت بتعمم بشكل قاصر علي مواقفك طب انا ايه كس ام مصر ديه ؟
دا شعار الشعبي يعني ولا ايه مش فاهمك
هوا مين قال انه كس ام مصر دليل علي عدم الحب
ما هو الامريكان ممكن يشتموا في امريكا و يحبوها عادي يعني
مسمعتش الفيلم الي بيقولك
مصر قاسية اوي يا حسين
9- كفاية دي حركة نخبوية في الاساس بتتكون من ناس كلهم حاطين ايدهم في طيزهم بس الي عمل المظاهرات المرة دي شباب في سن صغير شباب مش نخب حاطها ايدها في طيزها
ماتجدلش في موضوع كفاية ده عشان هي ستبقي نخب برضه
10- زايدت علي مين بلاش عبط هما لو كانوا عايزين يخلوا الخنازير كانوا خلوها يا عم انت و خلي الاسلاميين يخبطوا راسهم في الحيط يا عمنا
11- سوالك بيخلها نقطة اهبل
12- الحكومات لم تتدخل اصلا في الموضوع باي شكل لو انت بتفهم انت مشكلتك انك لا تعرف شئ عن الموضوع
14- ليه؟
يا عم عايز اقولك انهم بيشتموا من زمان و بعدين ما هم مغاربة هيخدوا صف الجزائر في الحق وفي الباطل
طبيعي ان التونسيين يشتموا ويعملوا كل الكلام ده زيهم زي العرب التانيين
في نقطة اغفلتها يا عم الحاج لما البطالة تزيد 1.5 و نص ده معناه ان في ناس ده معانه ان في ناس فقدت وظائف مش معناه اننا لازم نسأل عن 1000 وظيفة
و بعدين ممكن تكون البطالة زادت لمجرد ان فيه دفعة خريجين جديدة اضيفت للقوة العاملة و دول مش لاقيين شغل
و بالتالي زادت نسبة البطالة لان القوة العاملة اصلا زادت
و بعدين البطالة زادت اصلا في العالم كله لان الاقتصاد العالمي في حالة كساد و لازم يبقي
امريكا فيها زيادة في البطالة في 26 ولاية
عمرك سمعت ان المصريين بيهتموا بالاحصائيات
لا الله الا الله يا بني ادم يا انسان
في حكاية عايز اوريك الفرق بقي بين الشعوب و الشعوب عشان متقوليش
و عايز اوريك ان الكورة مهمة
و بتفرق
فرنسا و ايرلندا بيلعبوا ماتشين علي تصفيات كاس العالم
المهم الماتش الاول في فرنسا
1-0
لفرنسا
الماتش التاني في ايرلندا
ايرلندا 1-0
لحد الدقيقة الاخيرة هنري باسا الكوره بعد ما عدلها بايده و الحكم ما شفهاش و الكورة جت جون
الفرنسيين كشعب و جماهير مش بقوا يعتذروا للايرلنديين عن الي حصل
و هنري طلع قال انه يتمني اعادة المبارة لان ده الحل العادل
الايرلنديين منزلوش كسروا بقي ولا الكلام مع ان الايرلنديين كانوا بيعانوا من عمليات ارهابية في التسعينات يعني عندهم عنف برضه
لكن ده الفرق و الفرنسيين مفيش ما بينهم و بين الايرلنديين بقي اخوة و الكلام الفاضي ده و مع ذلك ناس محترمة
لكن هنا امال يا جدع لو مكانش في اخوة
كانوا عملوا فينا ايه ؟
انا هنا باتكلم علي المصريين الي في جزائر و المصانع و المكاتب
ده في فرنسا كل سنة بيموت جزائريين في اشتباكات مع الامن حد من الكلاب دول يقدر يتكلم
ده شعب وسخ يا عزت بلاش بقي نرمي كل حاجة علي الحكومات
كان من الأفضل التطرق إلى أسباب الهزيمة أفضل من تهويل الأمور في الإعلام
منجي اللي خايف :D
:
3-اللي مات وهو بيحج بسبب تدافع او مرض او او مامتش بسبب الأمن المركزي بتاع بلده
5-الحكومة الجزائرية زي الحكومة المصرية مستفيدة فشخ من اللي بيحصل
6-http://www.almasry-alyoum.com/article2.aspx?ArticleID=233686&IssueID=1593
7-
الشعوب اللي ابطالها القوميين لعيبة كورة اميين يبقي شعب زي ماقال نجيب سرور بالظبط
8-ديه بقت حاجة في الخلفية كده، لما تبقي بتشتم فيها طول حياتك خلاص هاتكرهها من جواك بجد
9-
الالف مظاهرة واعتصام كانوا كفاية؟
10-
لأ النظام بيخاف، زي بالظبط حرق بيوت البهائيين في الصعيد علي ايد ممثل الحزب الوطني، النظام بيخاف وبيحاول يشتري دماغه في الحاجات اللي مش هاتفرق معاه
11-
لأ رد عليا معلش، يعني هم ياخدوا الحرس لحسابهم، او ماينسقوش مع السودان، وبعدين يجوا هنا يسبوا في الجزائر؟ هل عمرك شفت ابن رئيس دولة بيشتم دولة تانية؟
12-حسمنا الحوار ده في التلافون :D
وبقي واضح جداً ان الموضوع من الاول موضوع سياسي والناس اتساقت، زي مانا قلت من اول يوم، عشان بعد نظرتي-بصفتي هابقي رئيس يعني فعدني دايماً طول نظر
14-عشان تعرف اكتر عن المكون العربي في الشخصية المصرية
الكتاب ب5 جنيه يعني ماتبقاش منوفي :D
لأ الاعلام ضحك عالتوانسة برضو، لان البلدين قريبين جداً من بعض فالاعلام الجزائري بيأثر في تونس
ان البطالة تزيد بيبقي خبر في اي بلد شعبها بيحترم نفسه وعارف حقوقه
الحكومات اللي مش عارفة تقدم حقوق بتمشي يجي غيرها
"شعب وسخ"؟ يعني ايه "شعب وسخ"؟ ليه التعميم
انت عارف كويس اوي ان الموضوع اتهول جداً، حسسونا ان فيه تطهير وجرائم ضد الانسانية