اول حاجة انا مش هاقعد اتكلم علي تيت راديولان المرحلة ديه عددت من زمان وعملوا ترتيب كبير علي المواقع في مصر في اقل من شهرين، مع انهم ردوا واحد واحد علي كل اللي اتقال ضدهم بس انا متنرفز اوي من حاجات قريتها في منتديات ومدونات انا هاتكلم عالكلام اللي اتقال ضدهم حتي من جرايد معارضة زي نهضة مصر
واضح جدا من كلام اللي كاتب المقال انو سمع من واحد من صحابو الصيع اللي تيت راديو نفخوهم في كذا ايتم انهم بيتكلموا علي حاجات محرمة في اذاعات تانية
واتحدي انو سمع ايتم واحد وفهم اللي بيتقال
بدليل انه قال " كما عرضوا رقم تليفون حانوتي يبيع الجثث في السوق السوداء لطلاب كلية الطب"
مع ان النمرة هي نمرة صاحب الايتم وانا كلمته بنفسي اول ماخلصت الايتم
نيجي بقي لنقطة تانية وهي العيال اللي بتقعد تسمع في خطبة الجمعة عن نصرة الاسلام ويقعدوا يعيطوا وبعدين يفتحوا النت ويبطلوا الماوقع البورن ويدخلوا منتديات هبلة
اصلا المنتديات ديه احقر حاجة حصلت للنت في العالم العربي
بتحس مافيش تنوع، كلهم عندهم نفس الرؤية ويقعدوا بقي يرجعوا في بؤ بعض
عكس التدوين اللي مفتوح
يعني الايتم بتاعة انا مش كافر احمد فؤاد اتكلم فيها عن تكفير المجتمع وديه حاجة ملفتة فعلا دور كده علي كلمة كافر في جوجل وشوف العالم فيه كام كافر وانقصهم من عدد البشر وشوف هايتبقي كام
اقري كده التعليقات المتخلفة عالايتم
وشوف ده الايتم بتاع عيلاء اللي في رايي سبب مهاجمة جرايد معارضة للراديو
فيه ناس بقي بتبقي هبلة بتدخل تعلق وتبقي عاوز تسحلهم زي الاخت اللي شتمتني
تيت راديو باختصار هي صوت الجالية المصرية لمصر، مش المعارضة الفاسدة، ولا الحكومة البايظة، ولا اللي بينافقوا المتدينين عشان خايفن
تيت راديو هي صوت الجالية المصرية في مصر، الاقلية الباقية من الناس العادية، الشباب اللي ماشي في الشارع، باختصار......احنا
Between Sanity and Insanity there is a thin line, my problem is i am standing on this fucken line with only one leg.
بصوا مبدئيا كده انا باكره نقابة الاطباء كره العمي، طول عمرهم سايبين حقوقهم وقاعدين بقي للتضامن مع البوسنة والتضامن مع مش عارف مين، وهم اصلا عاوزين اللي يتضامن معاهم، الطبيب بيتعين علي 200 جنيه وده مابلغ مابيتعينش بيه مدرس اصلا، وبعدين يقعدو عشرين سنة عشان ياخدوا 500 جنيه.
بس اليومين اللي فاتوا جاتلي رسايل عالفيس بوك انو يا جماعة احنا بنجمع في نقابة الاطباء عشان غزة واخر معاد الساعة 12 بالليل عشان بعديها هانبدأ نقفل الشاحنات والصناديق.
رجعت من الجامعة عالساعة واحدة كده وقعدت اتصل بالناس خسرت ب8 جنيه رصيد في وقت ربنا اعلم انا محتاجه قد ايه عشان الامتحانات
ونزلت علي الساعة 6 بالليل واقف اتكتك واتكلمت تاني ب3 جنيه ونص من الكشك عشان الناس الللي قالت هاشوف هادغفع ولا لا
وبعدين رحت رمسيس ومن رمسيس ركب خط غلط بسبب اني مش شايف قدامي من التعب ورجعت للخط الصح وبعدين نزلت محطة غلط وبعدين رحتلهم بقي
مشيت مسافة كبيرة من المحطة لحد النقابة، باقلهم انا عاوز اتبرع قالولي لا احنا بنخلص الساعة 4 العصر، طيب انتوا بتعملوا ايه دلوقتي يعني
لقيت ناس كده ماتحين طالعين من جوه خليتهم يكلمولي المسؤل عن الحملة جوه، وفيه راجل بتاع السويتش واقف بيبتسم اني عاوز اتبرع وهو اصلا التلاتة منه بربع جنيه. واستعباط اصلا الراجل المسؤول عن الحملة اصلا في كوريدور اودته بعد مكاننا باودتين
وشوية يكلموه عشان افتكر انو فوق مثا وبعدين الملتحين دول مشيو وفضل ابو ربع جنيه بعدين دخله وقالي انا اسف هو صعب نفتح الخزنة
طيب هو المبلغ كام؟لا ده صعب المبلغ صغير
ومعاملة بقي بنت وسخة كاني باشحت من اهاليهم، سالت الراجل المهم اللي جوا ده عن اذا كان ينفع اجيب اكل او كده قالي ديه ماشي بعدين ابو ربع جنيه قالي وانا رايح اجيب الاكل (كنت هاجيب مواد تموينية واشيلها لحد النقابة)لا اصلا ديه مش هاتروح اليومين دول ده لسه في قافلة فيها عشر شاحنات جاية من يومين والحاجات ديه هاتتحط في المخازن
طبعا مارضيتش اجيب، انا اصلا طلع تلاتين اهلي عشان عرفت ان حرس الحدود قفل كل الثغرات ومش فاضل غير بوابة صلاح الدين فلميت اللي قدرت المه في كام ساعة ورحت جري في الشوارع عشان الحق ادفع في اول حاجة طالعة قبل ما صلاح الدين تتقفل
كنت باكلم طنط ندا احكيلها قالتلي كلمة واحدة:مصريين
بس اليومين اللي فاتوا جاتلي رسايل عالفيس بوك انو يا جماعة احنا بنجمع في نقابة الاطباء عشان غزة واخر معاد الساعة 12 بالليل عشان بعديها هانبدأ نقفل الشاحنات والصناديق.
رجعت من الجامعة عالساعة واحدة كده وقعدت اتصل بالناس خسرت ب8 جنيه رصيد في وقت ربنا اعلم انا محتاجه قد ايه عشان الامتحانات
ونزلت علي الساعة 6 بالليل واقف اتكتك واتكلمت تاني ب3 جنيه ونص من الكشك عشان الناس الللي قالت هاشوف هادغفع ولا لا
وبعدين رحت رمسيس ومن رمسيس ركب خط غلط بسبب اني مش شايف قدامي من التعب ورجعت للخط الصح وبعدين نزلت محطة غلط وبعدين رحتلهم بقي
مشيت مسافة كبيرة من المحطة لحد النقابة، باقلهم انا عاوز اتبرع قالولي لا احنا بنخلص الساعة 4 العصر، طيب انتوا بتعملوا ايه دلوقتي يعني
لقيت ناس كده ماتحين طالعين من جوه خليتهم يكلمولي المسؤل عن الحملة جوه، وفيه راجل بتاع السويتش واقف بيبتسم اني عاوز اتبرع وهو اصلا التلاتة منه بربع جنيه. واستعباط اصلا الراجل المسؤول عن الحملة اصلا في كوريدور اودته بعد مكاننا باودتين
وشوية يكلموه عشان افتكر انو فوق مثا وبعدين الملتحين دول مشيو وفضل ابو ربع جنيه بعدين دخله وقالي انا اسف هو صعب نفتح الخزنة
طيب هو المبلغ كام؟لا ده صعب المبلغ صغير
ومعاملة بقي بنت وسخة كاني باشحت من اهاليهم، سالت الراجل المهم اللي جوا ده عن اذا كان ينفع اجيب اكل او كده قالي ديه ماشي بعدين ابو ربع جنيه قالي وانا رايح اجيب الاكل (كنت هاجيب مواد تموينية واشيلها لحد النقابة)لا اصلا ديه مش هاتروح اليومين دول ده لسه في قافلة فيها عشر شاحنات جاية من يومين والحاجات ديه هاتتحط في المخازن
طبعا مارضيتش اجيب، انا اصلا طلع تلاتين اهلي عشان عرفت ان حرس الحدود قفل كل الثغرات ومش فاضل غير بوابة صلاح الدين فلميت اللي قدرت المه في كام ساعة ورحت جري في الشوارع عشان الحق ادفع في اول حاجة طالعة قبل ما صلاح الدين تتقفل
كنت باكلم طنط ندا احكيلها قالتلي كلمة واحدة:مصريين
ده كليب لقيته جايلي عالفيس بوك وهو موجود عليوتيوب من يوزر اسمه كريم
الفيديو وحشي جدا ويقشعر فاللي قلبه خفيف مايتفرجش
لسه هاحاول اعرف ده تم فين بس مبدئيا ممكن يبقي في السعودية او ايران او باكستان
او يمكن هي حادثة قتل ليزيدية عراقية حبت واحد مسلم واسلمت، اصلنا بنخاف من الاحتلال ومن الحكومات المستبدة ونبهدل في بعض، جبن مش بس تشدد غبي بس هو تفريغ طاقات مدفونة بسبب القهر وعدم الرجولة وانعدام الوعي
بجد حاجة تقرف
الفيديو وحشي جدا ويقشعر فاللي قلبه خفيف مايتفرجش
لسه هاحاول اعرف ده تم فين بس مبدئيا ممكن يبقي في السعودية او ايران او باكستان
او يمكن هي حادثة قتل ليزيدية عراقية حبت واحد مسلم واسلمت، اصلنا بنخاف من الاحتلال ومن الحكومات المستبدة ونبهدل في بعض، جبن مش بس تشدد غبي بس هو تفريغ طاقات مدفونة بسبب القهر وعدم الرجولة وانعدام الوعي
بجد حاجة تقرف
