طيب ده بالنسبة لحاجات الحكومات مسؤلة عنها بس مش عارف ليه كل يوم الشعب بيوطي.
يعني زمان كانو بيسمعوا قلبي دليلي دلوقتي بنسمع
hips don't lie
زمان كان فيه "ساكن في حي السيدة وحبيبي ساكن في الحسين"اما دلوقتي ففي"شبرا وبنات شبرا"او "عادي في المعادي" كم من الاغاني مش هاينتهي طيب زمان اوي كان فيه واحد اسمه"سامي الشوا" الراجل ده عزف الاذان بالكمنجة وديه مش حاجة سهلة وفي مرة عزف قدام ملكة ايطاليا(تقريبا ايطاليا) لحن علي وتر واحد فادتو لقب فارس دلوقتي عندنا حد زيو؟اللي زيو ماحدش مهتم بيهم اصلا بنهتم بس بتمور وعمور وشعبولا اللي كل اغانيه علي لحن واحد.زمان كنت تسمع اوركسترا قبل اغنية ام كلثوم. عندنا الفوضوية وصلت لدرجة ان مظاهرات تنزل علشان يخرجو واحد من مدان بمستندات نو زور في شهادات اجمعة واتهرب من التجنيد لا ومش اي مظاهرات دول اكتر من المظاهرات اللي معمولة عشان حاجات شرعية.
ده بالنسبة للاغاني والمغنيين والموسيقي وكده.بص للعمارة.هاتلاقي ان عمارات زمان اللي في وسط البلد حتة من اوروبا تيجي بقي تنزل منطقة راقية بس جديدة(مش اقول اي مناطق شعبية)تحس اننا لسه ايام الاشتراكية وان المباني عملية ومالهاش اي منظر مجرد قذارة الواحد يقعد فيها.
بالنسبة للكلامات زمان تسمع كلام ليه معني دلوقتي ممكن اجيبلك اي كلمة من الكلامات اللي بتتقال(انا عن نفسي باقول لاني جزء من المجتمعات)تلاقي ممكن كلمة يبقي ليها مية معني مالهمش علاقة ببعض وحسب كده موقعها في الجملة.
ايه العجز اللي احنا فيه ده مش عارف.يمكن اتعدينا من العجايز اللي بيحكمونا وخيالنا بقي اديق من فتحات قضبان السجون وثقافتنا بقت اضحل من مية المجاري اللي طافحة في القاهرة.
طيب ده ممكن يتحسن بعد التغيير؟ماعتقدش المفروض نستني كده عشرين تلاتين سنة بعد مايحصل تغيير سياسي علي مالناس تبدأ تفهم وتقرا قبل كده ماتستناش.
مش عارف ليه الناس بقت بتتجرأ علي مصر كده،
هنا مش باقصد الدول لان ده شئ عادي انا باتكلم عن ا لاشخاص.
يعني مثلا جاد شويري باغنيته العظيمة(مصرية مصرية مصرية.....شر.... ديا)
لا وجيابلك ان الفراعنة دول كانوا قاعدين عريانين ومفصلين
الكتان بكيني ومن الكلب الجاي انشاء الله هايصور تطور البكيني الكتان
وجرأة البنات بسبب العولمة اللي كانت موجودة ايامهم وهايلبسوا البكيني
ون بيس يعني توب لس من الاخر.ولا روبي اللي مدية ضهرها للهرم وقاعدة
تهز والمخرج بتاعها كاتب فوق بالانكليزي والعربي(د-شريف صبري:مصر هي
منبع التاريخ ومقصد المستقبل)منبع التاريخ واثبتته روبي وجاد شويري
بس مقصد المستقبل
المستقبل علي اساس ايه.ان اللي عايزة ترقص تقصدنا واحنا هانظبطها بالصلاتو عالنبي.
وبعدين مين اللي ادي لامه دكتوراه.وانهي دكتوراة ديه اللي تدي لصبي عالمة
الحق في انو يتكلم عن مصر؟ومين اللي ساب روبي تهز عند الهرم؟
ومين اللي سكت علي جاد شويري في اغنيتها(مصرية مصرية مصرية ..موطة ديا).
سيبك من ده كلو.قال ايه يا جدعان سيتي ستارز اللي مبني اول امبارح بقي عاصمة القاهرة
والقاهرة القديمة من ايام الفاطميين لحد المماليك في الزبالة والاثار الفرعونية اللي فيها برضو
في الزبالة ليه لان اخيرا الخليجين مرحلة صنع الخيم ورعي الغنم وابتدوا يرعوا اموال
ويصنعوا اكياس زبالة تلمنا كلنا.هو مافيش راجل حتي لو كان فاسد في الحي شاف اليافطة
اللي مالية البلد وشالها ليه؟.ياللا اشمعنا الخليجين مش هايدونا علي قفانا
ما كلو بيدينا علي قفانا
ما بين من يلبسون احدث الازياء القادمة لنا مباشرة من الخارج
من يختلط فيهم الاولاد والبنات الكاشفات لشعورهن
و بعض اجزاء من اجسادهن
من يلبسون ثياب ملونة بكل الالوان
جالسين يستمعون لموسيقي مستوحاة من موسيقي الروك الغربية
يتهامسون فيما بينهم
تبدو عليهم السعادة
و بين
رجل في الثلاثين من عمره تقريبا
تغطي لحيته الثلث الاول من قميصه
يلبس البدلة رداء ابتدعه الغرب
يتكون من الجاكيت والقميص والبنطال
او البنطلون تبدو عليه ملامح السعادة
معه عروسه تلبس الفستان الابيض الذي تغطيه
قطعة قماش بيضاء لاتظهره
و يحيط بها مجموعة من السيدات بنقاب اسود
ماسكات للطبول
و يبدو من ملامح الطبول انها قد
صنعت علي يد الكفار
يغنين في سعادة او لا يغنين
ينشدن فالغناء حرام
ولا يفصل بينهم سوي امتار قليلة
