خلاص يا جدي شالوك من الميدان وعملولك خبيئة زي اللي عملهالك الفرعون اللي جه بعدك....بس اللي بعدك كان ليه مصلحه في انه يفرض سيادته وهيبته بتماثيله......لكن السؤال الملح الفرعون اللي جه بعدك باكتر من 3 الاف سنة ايه مصلحته في انه يعملك خبيئة؟

حاجة تانية دلوقتي بعد الاوشاعة اللي انا مش مستبعدها.....الميدان هايتسما مبارك...الفرعون اتكسف يسمي الميدان زي محطة المترو لحد يقولوا انت فاكر نفسك اهم من رمسيس فقام نقله للخبيئة
وحسب معلوماتي ان رمسيس قعد في الحكم حوالي 65 سنة....ولو حكاية تسمية الميدان ديه طلعت صح يبقي مبارك ساوي نفسه برمسيس...وقياسا عليه مش باينلها تغيير قبل 40 سنة

ملحوظة:الخبيئة ديه كانت عبارة عن مخزن تحت الارض بيعمله الفرعون الجديد وبيحط فيها كل تماثيله وحاجاته اللي سابها بدل ما يكسرها وبالذات لو كان اللي قبله يقربله

الكفرة

الغرب الكافر كلمة باسمعها كتير و مافكرتش هما كدة و لا مش كدة و ده مش موضوعي . لية فية ناس كل الي بيختلف عنا يبقي كافر سواء كانوا اصحاب ديانات سماوية او غيرها بس مجرد اختلافهم عنا يبقوا كفرة .. يعني يجي الخطيب يوم الجمعة يدعي ان ربنا ينسف الكفرة الغربيين و يخسف بهم الارض و يجي شخص تاني يقولك لا تنخدع بمظاهر الحضارة الغربية يا اخي فانهم كفرة ... يا سلام لا انخدع بمظاهر الحضارة الغربية امال اعمل ايه احمد ربنا اننا دول عالم تالت ..المشكلة ان ده خلي ناس كتير عندها تؤاكل يعني قاعدين ندعي عليهم بس مفكرناش نبقي زيهم او نحاول حتي... و في مشهد مهم اوي واحد قاعد علي قهوة وبيشرب شاي و شيشة وشاف علي التلفزيون الناس بتتقتل في لبنان وفلسطين و الشيشان والعراق وافغانستان لكن كل الي عمله انه قال ربنا ينتقم من الكفرة ولاد الكلب دول بس ما فكرش ليه احنا بنقتل وهما بيقتلونا ... ليه احنا كدة وهما كدة بس هما كفرة....هما بيقدروا قيمة الانسان عندهم و احنا الانسان عندنا ملوش قيمة بس هما كفرة ... هما بيخططوا وينفذوا واحنا ماشية معانا كده بس هما كفرة .. مفكرش لية احنا بنصنععسلية في مصانعنا و هما بيصنعوا صواريخ و دبابات ... مفكرناش في حاجات كتير احنا فين من الكفرة دول احنا فين من الغرب الكافر و فين الهندوس الكفرة في الهند و اليهود في اسرائيل و البوذيين والشنتو في اليابان والصين يا ريت نبقي زي الكفرة دول في الاقتصاد و الصناعة مش هاقول في الدين عشان متكنش دي دعوة مني لاعتناق البوذية .......

خدت الفيديو ده من الوعي المصري وهو فيديو يمثل الديموقراطية في بلدنا
وبكل اختصار هذا الفيديو يلخص شعار:" الشرطة في خدمة الشعب".........وانا عارف طبعا انكوا بتدخلوا الوعي المصري اكتر من هنا
بس قلت ان من الواجب نشره لاني متغاظ جدا
ملحوظة:ايه رايكم في التسامح مع واحد زي ده
تخيلوا لو المواطن قاله ربنا يسامحك
مش يبقي يستاهل؟




عاوز اتكلم عن العقيدة التسامحية في الشعب ده........علي فكرة لو علي الدين في حاجات برضه في ديننا بتدعوا انننا مانبقاش هفئات وتربات......المشكلة ان في ناس مابتشوفش(او بتدعي انها مش شايفة)غير التسامح.....من وانا صغير لو اخويا ضربني ابويا وامي يقوللولي معلش يا حبيبي قوللوا ربنا يسامحك....في الاول كنت باعمل كده...بس دلوقتي لا...علي الاقل بقيت باحس براحة لما اخد حقي.....برضه في المدرسة لما حد كان بيضربني او يشتمني الاخصائية الاجتماعية كانت بتهديني وتقولي معلش قولوا ربنا يسامحك....وده كان بيطمعهم فيه اكتر ويخليهم يضربوني كمان وكمان...لحد ما اتعقدت ولما حد بقي يقولي سامح بقيت اشتمه.....ده بقه اللي نفسي الشعب يتصرف بيه علي اساسه مع مبارك وابنه جمال حبيب الملايين....مش عايز حد يقعد يتكلم من غير ما يعمل حاجة.....لازم مظاهرات وفاعليات نعبر بيها عن نفسنا....لان مثلا البلوج ده ماحدش بيقراه غير البلوجرز او الناس المقتنعة بافكرنا....يعني بنكلم نفسنا....راينا مابوصلش لحد غيرنا....حد يقولي انه فهم يعني ان كلامي ده مالوش اي لازمة.....يبقي مافهمنيش صح...ليه لازمة طبعا بس في التنفيس عن النفس.....لان الواحد لو مانفسش عن نفسه ممكن يسخن او حتي ينفجر زي الموبايل........المظاهرات بقه بتخلص شوية من الشحن ده(طبعا مش لحد ما يفصل لان ده لو حصل هابقي تافه وماليش في البتنجان)لان لو ماعملناش كده ممكن ننفجر ونبقي ارهابيين زي ناس كتير.....ومن الناس اللي انفجرت مثلا الجمعات اللي بيستعملوا العنف علشان يوصلوا ارائهم...وبرضه من الناس ديه اللي فقدوا دينهم زي البهائيين وغيرهم........طبعا ديه حرية بس معظمهم ماسبوش دينهم عن اقتناع(زي ما كانوا عليه بدون اقتناع) وفي الاخر بنقول عليهم ارهابيين او كفرة....مع ان ده غير صحيح....المجتمع هو اللي ارهابي وكافر لانه بيعمل افعال غير متوقعة ياما بيفجر اعصاب الناس او بيقتل حماسهم....المهم بلاش نطلع بره الموضوع....العقيدة التسامحية ديه تجلت في ازمة العبارة والقطار الاخير لاننا ماقدرناش نعمل اي حاجة فيها(ولا عن طريق المظاهرات ولا عن طريق مجلس الشعب)مجلس الشعب اللي موجود بسبب الاخوان...لانهم حصلوا علي اكبر نسبة معارضة في تاريخ الشعب المصري....سكتوا علي التزوير وفرحوا بانتصار ماتحققش....ياريت اللي بيقرا التدوينة ديه مايتسمحش تاني خالص..................................تحياتي

كل يوم بيفوت علينا في بلدنا الان كل شي ممكن يغلي الخضار الفاكهة الحديد الاسمنت الرمل الشقق و ايجارها لكن الانسان المصري مش موجود ضمن الحاجات الي بتغلي لانة بيرخص اوي جوا بلدة وكمان برة بلده وبيتهان و عمرة ماعرف حاجة اسمها مساواة عايش في بلد تؤمن بالطبقية و تقدسهاعايش في بلد ملهاش فكر ولا نظام بلد الجهل واكلها...مش هاطول واقول اني حزين علي الي حصل لناوعلشان الابرياء الي ماتوا مننا حزين علي المصري الغلبان الي طموحه لا جاه ولا مال لكن طموحة بسيط يعيش انسان يعيش عيشة يرضي بيها.... خلاص مبقاش لينا مكان فيها بلدنا بقت لناس غيرنا و بقينا نسال نفسنا تمن المصري كام؟ انا سمعت ان تمنة في الحادثة الاخيرة وصل 5000 يا بلاش ..........

انا عايز احكيلكوا حكاية بس مش عاوز حد يفهمني غلط.....بصفتي طالب ثانوية عامة وكنت باخد دروس...شفت ناس كتيير وقعدت معاهم من غير ما عرفهم....وكنت باشوفهم في اكتر الاوقات في المراجعات...ففي مرة كان فيه واحدة قاعدة قدامي منقبة...ومع ان النقاب ده المفروض للبنت اللي من الاخر يعني وهي ماكنتش علي اد كده....ده مش من شغلي....المهم وانا باحل في الحصة(قاعدين في مدرج في سنتر وباكتب بسرعة)...ايوه خليكوا متخيليين المشهد...القلم لمس راسها فراحت منقولة لقدام شوية زي مكعب الطوب...وحسستني اني لمستها بنية مش تمام...وبعد خمس دقايق المدرس ادانا رست...فوانا باتكلم وبحرك ايدي وقعت القلم من غير قصدي وراها..فابوقلها:لو سمحتي ممكن القلم...لقيتها التفتت بنرفوة وقامت قايلة لصحبتها انها تبدل معاها...والموقف عادة والحمد لله بدون اقامة حد ولا فضيحة...ولا حتي قاليتلي صحح غلتطك....اللي عايز اقوله اني صحيح ماليش دعوة وانها حرة انشالله تيجي الدرس ببكيني...مش مشكلتي...بس مشكلتي ومشكلة الشعب كله ان فيه عقليات متخلفة تعتبر البنت عورة وانها وسيلة للمتعة...بمعني ان ربنا ماخلقهاش غير علشان الجواز....الموقف ده حصل من زمان...من حوالي 3 شهور بس لما افتكرته قلت لازم اكتب عنه..يمكن يقع في ايد بنت من البنات ديه وربنا يهديها كده وتفهم من غير اتهامات ولا بتاع
اللي عايز اقوله للبنات ديه ان زي ما هي حاسه ان الناس كلها بتلمسها وطمعانة فيها...في الحقيقة هي اللي مقيدة حركتهم...اللي غاظني اكتر من الموقف ده ان في الحصة اللي بعديها وقفت المجموعة كلها برة القاعة علشان تصلي(حوالي 200 شخص باعتبارها في المرجعات) ويبقي سؤالين:1-لما هيه شايفة نفسها عورة كده ليه بتتعلم ماتقعد في بيتها وتبص علي الناس من المشربية
2-حد قالها ان السنتر ده بيفتح جامع في الاستراحات(علما بان العمارة المجاورة تحتوي علي زاوية صغيرة)....والنبي يا جماعة لو حد يعرف البت ديه يبقي يقولها ويحاول يقنعها بالقعود في البيت علشان نخلص بقه

"احنا جيل الخلاص اناحاسس بكده احنا الي هنخلص الناس من الظلم" كلمة قولتها كتير لنفسي وكنت مؤمن بيها اوي وحاسس بيها وكلي حماس ..بس فجاءة في حقاءق كتير ظهرت قدامي ماكنتش ظاهرة . انا مؤمن باننا لازم نتخلص من الظلم... بس انا اتصدمت باكتر من حاجه موجودة في مجتمعنا لما جيت ابص لشي زي المدونة دي لقيت اني ممكن اكتب و اكتب واكتب وكل الناس عامة هتكتب بس مين الي بيسمع انا المشكلة ان احنا بنكتب و الي بيقراء ناس زينا مؤمنيين علي الاقل بافكار من افكارنا و بقينا كلنا قاعدين نكتب ونعلق و نشتم بعد بس بعد كدة هنعمل ايه سؤال من اسئلة سالتها ....حاجة تانية فكرت فيها وحسيت بحيرة و نوع من الصراع مع نفسي هل لو انا قررت اناضل الظلم هاكون باعمل كدة عشان ايه عشان الناس والبلد ولا جزء مني بيفكر في الشهرة و عايز يبقي بطل سؤال اعتقد كلنا لازم نساله لنفسنا ...حاجة تالتة بتحسسني بحزن ان اغلبية الشباب منفض للحوار ومش هماه البلد حتي الشباب الي بنعتبرهم ملتزميين اخلاقيا يبقي الموضوع مش موضوع اخلاق وقيم و من راي السبب في خوفنا من السياسة هو تاريخ طويل من الظلم حوالي خمسين سنه ياااه خمسين سنة واكتر كمان في تاريخنا الحديث الكل بيكره النظام تقريبا مهندسيين , محاميين , فنانيين , اطباء , تجار يعني تقريبا كل فئات المجتمع ده بالاضافة ل سواقين تاكسي , الشحاتين, العيال الي بتبيع عيش بلدي علي الارصفة, بتوع دقيقة المحمول بخمسة وسبعين قرش, الصنايعية الغلابة... المشكلةبنسبالي في التناقض الغريب الاب بيصدر الكره للابن يشتم الحكم والبلد قدام ابنه لكن يمنعه من انه يوقف ضدهم يعني الاب يشتم والابن عليه انه يحترم الي بيتشتموا بس يشتمهم في الحمام المكان الوحيد الي هوه حر فيه في مصر..والعالم العربي ....اخر حاجة اليعايز اقولة ان انا قدام خيارين اتصدي للظلم ولا اكبر دماغي واسكتووالخيارين اصعب من بعض لاني بحب البلد دي جداا جداا والمشكلة ان في حاجات الانسان مبيملكش فيها قراره مش عارف انا ... عشان اقفل الموضوع احب اقول اني مؤمن بنضالنا ضد الظلم بس الواقع يمكن صدمني شوية علي العموم ربنا معانا و احنا بنعسي ........

انا مش عارف اقول ايه عن لبنان....بس هي بلد جميلة وبحبها جدا....علشان كده صعبانة عليا ....لسه مافتش يومين علي وقف العمليات العسكرية واسرائيل مش عايزة تطلع وهما بيولعوا في بعض.....بيحاربوا بعض في الكلام زي الثمانينات لحد ماهتضيع حته كبيرة زي مزارع شبعا تاني...واسرائيل اللي شعبها مخنوق من حكومته مشفناش فيها اي حرب...اشتروا دماغهم وعملوا تحقيق...علشان كده عايز ابعث كذا رسالة لشخصيات معينة

بشار الاسد:لبنان ديه مش بلدك علشان تولع حرب بين احزابها مكنش ينفع تولع في الوقت ده وبعدين انت عملت ايه علشان تحرر الجولان....ولا حاجة....طبعا مساعدتك لحزب الله في الحرب مشكور عليها بس عيب اللي بتعمله ده...انت بتتاجر في دم شهداء لبنان

حسن نصر الله:مشكور في دفاعك عن لبنان بس زي ما خطف الجنديين فيه جانب من التخفيف عن الفلسطينيين وتحرير الاسري بس برضه فيه جانب من تهدأة الصراع الداخلي وسلاحك ماتتنزلش عنه علشان الجيش ضعيف....رئيس قوات بتاع قرية في الجنوب اتفصل علشان اتعرضلوا شريط وهو بيستقبل عساكر اسرائيليين...انا رايي انك تنسحب او ماتستخدمش اسلحتك لحد ما الاحزاب ديه والشعب هو اللي يطلب منك ده

سعد الحريري:انت جيت مش عشان الناس بتحبك انت جيت وبقيت مشهور ورئيس اكبر كتلة نيابية بسبب حماسة الشعب وحزنهم علي ابيك....واصدقائك الامريكان هما اللي ضربوا لبنان وكانوا بيبعتوا لاسرائيل قنابل وانت في بلدهم....محدش شافك يعني ولبنان بتضرب الا في اخر اسبوع...ودخلتها باذن من اسرائيل

وليد جنبلاط:ماتتكلمش عن ان نصر الله وبشار متقلبيين المزاج وبيغيروا مواقفهم لانك اكتر واحد مالوش اي اتجاه او اي تحالف ثابت.....وكمان مش وقت الرد

ولكل الاحزاب:المفروض كنتوا تنفضوا لبشار الاسد وماتتجروش للفتنة اللي خلقها

انا مش متحيز لاي حزب ومعلش كتبت وانا متنرفز علشان كده كلامي مشتت

بما ان الحرب خلصت...نقدر نتكلم علي مشاكل مصرية بقه
الموضوع ده لو اتكلمت فيه عايز يومين كتابة...علشهان كده هاجزؤه...المهلبية والكوسة بقت نظام في حايتنا...يعني كلنا شوفنا لما تامر حسني اللي كان عامل فيها وطني وكل البوم يغني لمصر او جيش مصر اتسجن البنات عملوا مظاهرة علشهان يطلعوه...شفتش تفاهة اكتر من كده يعني بندبح كل يوم ومشفناش واحدة بس بتظاهر علشهان كرامتنا من البنات التفهه دول...المهم انا عايز اتكلم عن الاوتيبيسات... لو افتكرنا من بتاع ست سبع سنيين لما كان الاوتيبيس ده بشلن واكيد قبل كده كان ارخص بس انا ماوعاش علي الرخص ده وبعدين خلوه بنص جنيه وبعدين طلعت الخدمة المميزة ام جنيه ومعرفش شركات خاصة تبع الحكومة...باقولكوا مهلبية...المهم ان الناس كلها بقت تركب ابو جنيه ده منظرة وابو نص جنيه ده بقي فاضيييييييي....والخدمة المميزة اللي اتعمل بجنيه علشهان تقعد باقيت تقف فيه برضه...يعني المشكلة مش حكاية عدد الاوتيبيسات...هاقلوكوا انا بقه ايه هي اسباب المشكلة اول سبب هو ان السواق والكمسري مالهمش مرتب ثابت لا ....بياخدوا نسبة من ثمن التذاكر.... فكل واحد بقه يروح عامل الاوتوبيس ساندويتش هوت دوغ او طعمية بما اننا في اوتوبيس...تاني سبب ان السواقين عارفين وقت التفتيش وفي الوقت ده بقه بيقبي فاضيي ويدوب نص كراسي الاوتبيس بتبقي مشغولة وده بقي شفتوا بعيني محدش قالي...تالت حاجة اننا شعب بيحب اللمة...يعني مرة السنة اللي فاتت كنت راجع من المدرسة وكنت يوم باشيل صاحبي في المواصلات ويوم يشلني فمرة غلطنا وركبنا الاوتوبيس ومكنش معانا فلوس قام الراجل قالنا" ادخلوا يا رجالة الاوتبيس بتاعكوا"صحيح وفر عليا مشوار ضخم لان مدرستي كانت بعيدة بس كنت عايز انط في كرشه غير كده الناس بتروح محشورة في الاوتوبيس يمكن يكونوا بيوزعوا لحمة ولا حاجة او علي الاقل الناس مابترداش تستني......وبعد عرض المشكلة هاقلوكوا شوية حلول من تصوري:1-يعملوا مرتب ثابت للسواق والكمسري
2-اوقات التفتيش تبقي مش معروفة وعشوائية زي بقية حياتنا
3-وده حل طويل شوية: نغير ثقافة شعب الظيطة او نوزع لحمة بجد في كل الاوتيبيسات


من فضلك لو شايف اي سبب انا ماقولتوش او حل جديد اكتبه في التعليق
.

صحيح الحرب خلصت...وكان نفسي اكتب الموضوع ده قبل ما تخلص بس كنت متردد...خايف لحد يفهمني غلط...لو افتكرنا من كام شهر غزوة الدنمارك....لما عملوا كاريكتير بيتريق علي سيدنا محمد...قامت القومة في بلاد العرب ولم تقعد.....انا علي فكرة مع الموقف اللي حصل بس مش مع الدافع...صحيح في جزء كبير من التعصب من اجل ديننا ومن الغضب...بس اللي محدش كتير يعرفه ان ديه كانت حرب ساعدنا فيها حكامنا...انا عمي مهاجر في الدنمارك وقالي علي موضوع الكاريكتيير ده قبل مايتنشر هنا بحوالي شهريين...اللي عايز اقوله ان الحكام كانوا عايزيين يقولوا للغرب ان ومع كل الكره المتبادل بين المعارضة والانظمة...فيه قنوات يقدروا يتحدوا معاهم من خلالها..ومع انهم اصلا مش مسلمين "قصدي علي الحكام"...قدروا يسخننونا جامد...ساعة لما الكاريكتير اتنشر قامت مظاهرات للجالية العربية والمسلمة هناك...لكن هنا التحرك كان بعديها بشهور وفيه ناس قعدوا يقولوا حرب صليبية احب اقول للناس ديه ان 67%من الاوريبيين لو سألته بماذا تؤمن هايقلك:"لا اعتقد" وعلشهان كده كان فيه مسيحيين كتير تظاهروا لان الحكاية ديه حصلت قبل كده في معرض للرسم ضد سيدنا عيسي الناس بقه اللي عملت معارضة ديه علشان كاريكتير عملوا ايه في المذابح اللي في لبنان...المظاهرات الوحيدة اللي حصلت في السعودية وسمعنا عنها كانت في مناطق شيعية...وفي البحرين تظاهروا بعد الانتصار بس...علشهان تعرفوا اننا شعوب ظياتة..اكيد اللي هايعلق هايقول الرسول اهم.....الرسول لو كان عايش مكنش هايرضي بالمذابح ديه...تاني حاجة التجرؤ علي رسولنا الكريم حصل لما الغرب شاف اننا هبل وبندبح واحد ورا التاني وساكتين...والتجرؤ ده برضه لما شافوا ان الاقصي فيه تشققات تهدد بوقوعه في حال عدم التدخل ومادخلناش....يعني"هفئات"بكل ما تحمله الكلمة من معني.....ماشفتش الاخوة في الخليج او المغرب العربي بيعملوا اي حاجة...وبيقولوا للناس اللي بتنهابهم جلالة الملك...اللي بيحصل في لبنان ده والزل اللي احنا فيه نستاهله....مابشفش ولا عربي يتكلم عن لبنان في الايام العادية غير علشهان المزز...لبنان بتضييع بقالها سنين...الاول اغتالوا الحريري علشان يلزقوها في سوريا ويطلعوها...علشهان مايبقاش في اكتر من جبهة مفتوحة....ودلوقتي عايزيين ينزعوا سلاح حزب الله وينشروا جيش مالوش اي لازمة...نتكلم بواقعية اسرائيل كفائة باي جيش عربي منظم...المقاومة مالهاش مواقع منظمة ولا معروفة...علشهان كده انتصروا وهاينتصروا...انا باطلب من العرب دعم سلاح المقاومة...اول مالانسحاب حصل اولمرت قال مش هاتبقي اخر مرة...وصل الاستهزاء بينا وبقدرتنا لدرجة انهم يكشفولنا ورقهم...معلهش وجعت دماغكم

اولا انا سني الان16 سنة وسني ده هو محور الموضوع .وعشان احب اسال سؤال هل الكلام في السياسة عيب في السن دي؟ سؤال غريب بس ده الي انا لاحظته اكتر من مرة من نظرة الناس و انطباعتهم .فاكتر من مرة ابقي في الشارع و بنتكلم و بعدين لو قلنا معارضة حكومة او اي كلمة من الكلام دة تلاقي استجابات مختلفة لو في حد واقف قدامك و لما تكرر الموضوع ده كررت اني اصنف فمثلا من رايي في حوالي 3او4 انواع ال هما دول :

1-شخص يبتسم ابتسامة مستفزة فيها استهزاء اكتر نوع ينرفز لانه مش عجباه البلد بس هو مش عايز يحاول

يعمل حاجة عشان خايف ويفضل طول عمره كده

2-شخص رامي ودنه مش عارف هو راميها ليه مع ان الكلام الي بيتقال ده معروف بيسمعه كتير اكتر مانا بسمعه

3-شخص ينظر بذهول او نوع من مش عارف بصه كدة غريبة بس الناس دي بتبقي لزيزه و كمان مش مستفزين

و الغريب و ال لاحظته علي جانب تاني اني لو قلت بانجو او حشيش او فلم *** الكلام ده هيمر مرور الكرام و محدش هيعبرني ولا هيبتسموا ولا حاجة وممكن الاقي واحد بيحيني علي ثقافتي العالية و يجي ويشاركنا الحوار . الي انا حكيت فيه ده حقيقي مش هزار و ال مش قادر افهمه هل علشان انا شاب يبقي عادي او طبيعي اني اتكلم في البانجو و الحشيش ولكن لو اتكلمت في السياسة هيتبصلي علي اني عيل اهبل و انبي بقول كلام مش فاهمة احتمال اكون مش فاهمة بس حاسه علي الاقل

سوري.........................................الصور ديه بشعة جدا..........................................

هل يبدون قادة في حزب الله؟؟؟!!
























هي ديه الدموقراطيه اللي بتوعدنا بيها امريكا...!!او حاجة يقولها الحمار بتاعنا واحس انها صح..!!"الدموقراطية تاتي من الداخل لا من الخارج هو طبعا ماقلهاش علشهان هو مقتنع بيها..لا علشان هو بدأ يعمل حريات حتي لو كانت ضئيلة بالجزمة الامريكية....مش عارف ليه مصير مصر دايما بيتحدد بالجزمة.... الاول امريكا وبعدين المرشد بتاع الاخوان


















هل يبدوا كل هؤلاء ارهابيين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!
















هذا الطفل اسمه احمد مات هو واسرته يوم الاحد 16 تموز


هل يشبه نصر الله؟؟؟!!!





















هل تبدو هذه الشاحنة المكشوفة(شايفيين اللي جواه)منصة صواريخ؟















وهل يبدوا مواطنوا قانة مسلحون؟





هل تبدوا هذه الطفلة مقاتلة من حزب الله؟

مردتش اتكلم كتير
بس ليه سؤال واحد....دول مش عرب ؟؟؟؟!!!...عملت ايه علشان تساعدهم؟؟؟
وسؤال للناس اللي عايشة في سنة35 هجرية:هل اليهود اقرب لينا من الشيعة....دول لو عرب كفار هاسعدهم مش لو ليه معاهم اختلاف مات وادفن في صحراء الزمن....وعلي العموم اسف لو كنت جرحتكوا باصور ديه...بس الناس ديه ادبحت واحنا قاعدين نتفرج عليهم...وعلي فكرة الدور علينا...وهانشوف

حكاية جديدة من حكايات مصر المحروسة حكايا من حكايات بلدنا. حكاية شباب مصر حكاية جيل كامل الحكاية تظهر وكانها عابرة في ظل ما يحدث في لبنان .ولكن لا اعرف وجدت نفسي اكتب فيها . الحكاية هي رحلة لمجموعة من طلبة جامعة المنصورة كان عددهم 17 شخص في شئ مثل تبادل طلاب الي الولايات المتحدة الامريكية في جامعه اسمها "مونتانا ". ولكن ماحدث هو هروب 8 من البرنامج الطلابي في هذه الجامعه ومن الواضح انهم هربوا جريا وراء حلم الهجرة و السفر والهروب من جحيم الفقر و غلا الاسعار و ضعف المرتبات و قلة الوظائف و الرشوة و الظلم و الفساد في كل قطاعات و علي كل الاصعدة . و خرجت علينا الصحف بعناوين مثل لغز اختفاء الطلبة و انا لا اري ان الموضوع لغز فالحقيقة و اضحة امام الجميع . وحسب ما اعرف عن محافظة الدقاهلية هو كثرة عدد المسافرين فيها و كثرة عدد المكاتب الشرعية والغير شرعية كما علمت ان هناك بعض القري يو جد بها مكاتب تشرف علي السفر الي دولة صديقة اسمها اسرائيل . فعلا الفقر اكل الناس و نسيوا كل المبادي و الاسس و القيم و الشهداء.و الي عمله ال8 دول مفسر وبيحصل كتير في مصر و هيفضل يحصل و دلوقتي فيه نسبة كبيرة جدا من الشباب نفسه يسافر و الموضوع مبقاش مرتبط بالطبقة الجتماعية فالكل دلوقتي ليه دوافع مختلفة اولها الحالة الاقتصادية و ده غير النظام القمعي الظالم الي بيهتم و بيحرص علي قمع المصريين وتجويعهم و الانسان في مصر ارخص حاجة... كل شي قابل للارتفاع لكن الانسان البسيط الطيب بيتعامل معاملة الحيوانات. كمان في ناس كتير بتخرب الشباب و عقوله و بيخلي حياته تافه و مصيره مش معروف. انا مش ضد السفر لا انا معاه لكن بطريقه سليمة بس المشكلة ان احنا بلدنا بيدمر الشباب و كمان من كترالنهب و السر قة البلد مبقاش فيها مكان لينا بس هي هتفضل بلدنا برضه... علشهان كدة لازم ننقذها و نقف كلنا ضد الظلم. لكن فيه سؤال اخير الشباب دول مذنبيين ولا ضحايا ؟؟! …

بمناسبة مرور شهر علي الحرب "الجزيرة"كانت مستضيفة دكتور سعودي في "الاستوديو" و"عزمي بشارة" من القدس المحتلة وواحد من "نيو يورك" في حلقة خاصة النهاردة المهم ان الدكتور السعودي ده كان مدايق من من امتداد الهلال الشيعي في البلاد العربية ويقول وان ايران ضد امريكا في الظاهر ومعاها من تحت الترابيزة وان السعودية مع امريكا في الظاهر وضدها في الباطن ومن وسط كلامه فهمت كده ان ماينفعش اننا ندعم الشيعة علشان احنا سنة انا عندي شوية اسئلة للدكتور ده اولا: احنا استفادنا ايه من كره السعودية لامريكا مع انها حليفتها ثانيا :ايران ضرتنا في ايه لما اتحالفت مع امريكا من تحت الترابيزة في العراق وضدها في الظاهر ثالثا: انتوا عملتوا ايه ضد التحالف ده غير اشعال الفتنة الطائفية رابعا : لو اعتبرنا المقاومة موالية لايران عميلة اميريكا كما يقول الدكتور هو الشيعة اقربلنا ولا اليهود اللي بنحاربهم من ايام سيدنا محمد نبي الشيعة والسنة خامسا ساعدتوا حماس في ايه مع انها سنة, سادسا:هو القصف بيفرق بين السنة والشيعة ولا بين المسيحيين والمسلمين والدروذ ..ولا حاجة.....انا دمي اتحرق...وياريت الناس ديه قبل ما تتكلم ...لو كانت مقتنعة بكلامها ده تفكر هو صحيح ولا يحرق الدم.....اللي حرق دمي اكتر ان واحد قصيص مش فاكر اسمه طلع يتكلم في منتصف اليوم في نفس القناة كأنه اسرائيلي مش مصري.......وقعد يقول ناس ابرياء من اسرائيل بيموتوا زي لبنان... انا مش فاهم عايزين ايه اكتر من ان شمعون بيريتس وزير الدفاع الاسرائيلي يطلع بعد كل المذابح ويقول ان مواقف دول عربية كبيرة مثل السعودية ومصر والاردن تدعم الحرب وتؤيدها....انا مش قصدي اغلط في الجماعة الخليجيين بس الاعلام عندهم مفهماهم حاجات غير صحيحة وحكامهم زي حكامنا بيبقوا اسود هنا في بلادهم ولما يروحوا الامم المتحدة بيقلبوا قطط



حاجة واحدة عايزاؤئلها للناس الي علقوا علي موضوع ابن جبرين والي انا مكتبتوش وانامعرفش ابن جبرين معرفة تتحيلي الدفاع عنه او الهجوم عليه بس عندي اكتر من سؤال هل ابن حبرين لا يخطاء ابدا؟ ام هو انسان طبيعي مثلنا جميعا.والا فهو اله .ثانيا ارجوكم يكفينا الكلام من نوعية اتقي الله وكذا فلا تكلمنا كاننا من الكفار اوما شابه فمن كتب هذا الموضوع لم يعرف ان ابن جبرين انسان مختلف عن بقية البشر لا يخطاء. وارجوكم رجاء لا تقصروا الدين علي انفسكم فقط فانا مسلم ايضا و الراجل ده برضة مسلم مش كافر علي فكرة بس انتواو سعادتكم الي يتكلم علي ابن جبرين يبقي كافر او في طريقه اليه في النهاية بدل ما نعمل صراعات طائفية و فتن و نقعد نكلم عن حاجات حصلت من سنين طويلة والله اعلم مش ممكن تكون غلط. و انتوا كواهبيين مسلميين برضوا تكرهوا القبوريين و الصوفيين و لكن انتوا كدة بتمارسوا نفس الي همابيعملوه هما قدسوا شخص مات و كانهم يعبدونه وانتم الان تعتبروا الشيخ الجليل ابنجبرين كالاله ولا تقبلوا النقاش.



فيه شيخ سعودي اسمه عبد الله ابن جبرين نسبت اليه فتوي عن عدم مناصرة حزب الله ولا حتي الدعاء له باعتباره شيعي...فقامت الدنيا ومقعدتش قام مطلع فتوي بتاريخ2002-2-7 قال فيها الفتوي الاولي ديه لم يكفر فيها كل الشيعة بل الرافضة فقط"الرافضة"فقط وانه يحب المقاومة باعتباره من غير الرافضة...وفي اخر الفتوي دعا للمسلمين وقال:"اللهم انصر المسلمين ورد كيد اليهود والرافضة والنصاري"يعني لما الناس هاجمته باعتباره اخل بالصف الاسلامي وصحي فتنة ماتت من ايام سيدنا خشبة قام مخترع موضوع الرافضة ده ومغير في اصل فتواه وبعدين فرق بين المسلمين والنصاري...هو لازم يبقي فيه تفرقة وخلاص ماينقطنا بسكاته....انا اعتقد ان لو نار الفتنة اشتعلت داخل الوطن العربي بين المسيحين والمسلمين مش هايكتفي هايفرق بين مسلمين الدول بعدين بين المحافظات في كل دولة بعدين بين المدن في كل محافظة وبعدين بين الشوارع في كل مدينة...والاقي نفسي صاحي في يوم باضرب في اخواتي في البيت باعتبارهم كفار......ياريت الناس ديه تختفي بقه لاننا واحنا متحدين ضعاف اصلا...مش طالبة تفرقة بقه كمان


الرا ... بلاش الراجل،البهيم ده عبيط ولا بيستعبط؟طالع في مجلس الامن يقول احنا مؤمنين بالسلام مع اسرائيل بس الحركات الارهابية اللي في لبنان وفلسطين واللي انتوا مدايقين منها نشأت علشان احنا حكومات ضعيفة ومش عارفيين نطبق السلام وان القرارات الدولية لازم تطبق ....بيقول كلام عام وغامض إلا في جزئية الحركات الارهابية: دول مش ارهابيين دول اللي حامينا ومأخرين ضربنا انتوا صحيح حكومات ضعيفة بس احنا شعوب قوية وهنشيلكوا انشاء الله ....كمان احب اقول حاجة تانية قناة الجزيرة بتبقي قناة ديموقراطية وبتحب الحركات الشعبية وبتلعن سالسفين ابو الحكام الا لما الامر بيتعلق بقطر لدرجة انهم بيغيروا في الترجمة في اجتماع الامم المتحدة امبارح رئيس المجلس بيقول حمد بن جاسم بن جبر الثاني وزير خارجية قطر المترجم يبدأ يقول كده بعدين يتلخبط شوية ويقول مقدمة طويلة جدا: صاحب السعادة والجلالة والسمو ويضيع ربع ساعة من الكلام اللي برضه ملوش لازمة لان واحد مش فاهم اي حاجة بيقولوا بس علي الاقل كده نعرف انه لوحده غبي مش المترجم كمان غبي زيه فعلا العالم مافيهوش حاجة كاملة.... الحكام الخليجين والهاشميين والمصريين مش هايتحركوا حتي ولو قصفت مكة والمدينة وهيقولوا محتاجين شوية وقت للتفكير علشان الافلام بتطلع السياسي واحد حكيم ومابيتكلمش ولا بيتحرك أد ما بيفكر





نصر الله ,عبد الناصر وجيفارا ... هل هناك ما يجمع بينهم بالرغم من انهم موجودون في اماكن وقارات مختلفة وهم من شعوب مختلفة....نعم فهم نقاد الروايات الرديئة....فالعدو لهم كان نسبيا امريكا وجميعهم كانوا يحاربون باسلحة معظمها روسي وقضية عبد الناصر ونصر الله من بعده هي الكرامة العربية..وتوجه جيفارا وناصر كان اشتراكي اما شعوب هؤلاء القواد الثلاثة ذات اهتمامات وتوجهات ومشاكل تقريبا مشتركة....وجميعهم كانوا ذي قاعدة شعبية ضخمة وشرعية منتشرة ...كان شي جيفارا يتنقل بين دول امريكا الجنوبية بحثا عن الثورة محاولا اشعالها ضد الرأس مالية...ولكن صيته لم يزع الا بعد موت بسنين...كثير من الشباب اليوم يلبسون تي- شرتات مطبوع عليها صورته وشعاراته دون ان يعرفوا من هو...اما عبد الناصر فنال شهرته من العام الاول لحكمه ونال كراهية الغرب في العام الرابع بعد ان امم القناة...اما نصر الله فلقد نال صيتا واسعا بعد الحرب الاخيرة بينه وبين اسرائيل حيث انه هدد استقرار دولة من اكثر دول العالم تطورا فهو اول عربي يضرب العمق الاسرائيلي...وهو بذلك يهدد وجود اسرائيل التي قامت بدعوي انها موطن اليهود الامن في العالم .....فبعد هذه الضربات التي وجهها الي حيفا والخضيرا وكريات شمونا اتوقع ان يحاول اليهود الرجوع الي اوطانهم الاصلية بعد ان اصبح اي مكان في العالم اأمن من اسرائيل وهذا يعد مكسب عظيم للعرب اعتقد اننا لم نكن حتي نحلم به

فيه أمل


في الايام الاخيرة حققت المقوامة اللبنانية رقما قياسيا لم يحققه اي جيش عربي في الصمود امام جيش متطور مثل الجيش الإسرائيلي بأسلحة خفيفة منذ ايام عبد الناصر عندما صمد الشاويش محمد وجنوده وحده داخل سيناء وكانت هي النقطة المصرية الوحيدة داخل سيناء بعد ان رفضوا الانسحاب ومن حولها جيش كامل يحاول السيطرة علي هذه النقطة ومع ذلك لم يستطيعوا فلقد صمدت هذه المقاومة حتي اليوم 27 يوم وبعد كل القصف وسياسة الارض المحروقة وقتلت عددا كبيرا من الجنود الاسرائيلين المدججين بالسلاح....فعلا ومع كل الفساد في البلاد العربية لسه في شعوبنا ابطال.... اود ان اشرح لكم انتصارا لم تحققه اي دولة عربية احرزه رجال حزب الله: هناك دبابة اسرائيلية اسمها "ميريكافا"كانت امريكا قد صنعتها وصرفت اسرائيل مليارات الدولارات في تطويرها وفي مناورات اختبرت فيها جميع القذائف الخفيفة والدبابات الحديثة ضد هذه الدبابة ولكنها لم تسطع تدميرها فهي محاطة بالغام مغطاة بصفائح من الفولاذ بحيث ينفجر اللغم القريب من القظيفة المصوبة نحو الدبابة فيردها ولكن رجال حزب الله استخدموا سلاح امريكي اسمه "ساجر" مطور في ايران ثم طوروه اكثر يطلق قزيفة محتوية علي حشويتين من المتفجرات فترد الاولي وتدمر الثانية الدبابة وقد سبب هذا الكم الكبير من الخسارة في هذه الدبابات بسلاح امريكي فتورا كبيرا في العلاقة بين امريكا واسرائيل .

وهذا النتصار يثبت ان اسطورة الجيش الاسرائيلي لا يقهر هي اكذوبة ليس لها اي جانب من الصحة وان الجيش الحقيقي الذ لا يقهر هو الشعب العربي بقوة ايمانه وثقته بقدراته وعزيمته وان هذه الانظمة العميلة لن تسطيع ان تخدرنا مع كل هذه الجهود التي يبذلها من اول هيفاء وحتي اللمبي من اول المعتقلات وحتي الرشاوي وزغللةالعين
احب اقول للشعب العربي لسه فيه امل
والدليل علي كده الصوره المرفقة...هو ده مصير اي جندي او دبابة تحاول التقدم في ارض لبنان بلد الابطال


حاجة بتحصل كل شوية و كل لما بيحصل اي هجوم او اي تعدي خاص باحدي الدول العربية و نجد الجميع يشجب و يدين و يتكلم و يغضب و يثور و يخرجون علينا بالحل المعتاد المقاطعة مقاطعة البضائع والمنتجات وفي ظل الحرب اللبنانية الان ظهرت حملات لمقاطعة المنتج الامريكي.و انا اعرف و نحن جميعا نعرف ان امريكا هي الدولة الاكثر مساعدةلاسرائيل ولكن الكل يساعد اسرائيل ويساندها و لذللك اقول اشمعنيالامريكي و المنتج الامريكي لما لا نقاطع جميع المتجات الاجنبية التي تساند اسرائيل دوليا لماذا امريكا فقط ومنالممكن ان تكون هذة حملة قومية لاستخدام منتجات محلية بديلا للمنتج الاجنبي.و خاصة ونحن نمر بحالة اقتصادية صعبة .نحن جميعانعرف اسبابها



النهارده كنت باتفرج علي قناة الجزيرة وم قمتش غير بعد ما اتحرق دمي.. كانوا جايبين واحدة متحدثة باسم الحكومة الاسرائيلي بتقول إسرائيل مش هاتوقف القصف علشان العربيات والبيوت اللي اتحرقت وبتهاجم نصر الله وبتحاول توقع بينه وبين المسيحيين فتقول:"عندما قتلت صواريخ حزب الله مواطنين مسلمين اسرائيلين اعتزر السيد حسن نصر الله..فهل كان سيعتزر اذا قتل مسيحيون...نحن لن نسمح بوجود هذه الحركة الإرهابية"فردت عليها المذيعة :"وهل اعتزرت اسرائيل عن الف قتيل والاف الجرحي؟"قالتلها الوضع مختلف..معلش وجعت دماغكوا...بس العرب مش زي ما يقال شعب الكلمة ولا الادب ولا البلاغة...الصهاينة دول يقدروا يقنعوا اي حد علشان بيتكلموا بمنطق و بهدؤء انما احنا بتاخدنا الحماسة وبنعقد نزعق وكمان هما مسيطرين علي معظم وسائل الاعلام الغربية...ويقولوا احنا صعبان علينا الشعب اللبناني بس الارهابيين بيعملوا منهم دروع بشرية واحنا بنتفاوض معاهم علي هذا الاساس زي الهبل..اللي انا عايز اقوله ان دول مش هايسبونا بالمفاوضات ولا بحمامة السلام والسنبلة...الحل الوحيد هو المدفع والقنبلة...يعني خلينا نبقي واقعيين لان الكلام مش هايجيب فايدة لازم نتحرك...ولو حتي بمظاهرة...شوفوا حجم المظاهرات في الدول الغربية وحجم المظاهرات عندنا,مش كده وبس ده فنزويلا اللي مالهاش اي دعوة ولا اي علاقات بلبنان ولا اي مصالح ولا اي روابط تاريخية او اجتماعية سحبت سفيرها واحنا نايميين في العسل



اشمخرت


احب اقول احنا ليه عملنا المدونة ديه...احنا اتنين عرب مصريين شايفين اخواتنا يذبحوا في العراق وفلسطين ولبنان ورايسنا بيصيف في شرم....وابنه جمال حبيب الملايين بيسرق فينا...والناس بتقول ربنا ينتقم من الحكام المسلمين المتخاذلين...نحب نقول للناس ديه كفاية بقه.الراجل ده مش متخاذل ده بيحب شعبه وخايف عليه..طبعا احناا مانقصدش الشعب العربي :نقصد الشعب الصهيوني و كافاية بقه اعتكاف في المساجد ورهبنة في الكنايس ودعاء لربنا ان ينقذنا من مخالب اليهود بسم الله الرحمن الرحيم"وما يغير الله ما بقوم حتي يغيروا ما بأنفسهم"كفاية بقه هبل....علي العموم شكرا انكوا ساعدتونا علي التنفيس عن انفسنا شوية